ཚོགས་དུས་དང་པོའི་ཐོག་གི་ལས་རིམ་གཙོ་བོ་ཁག་དང་འབྲེལ་བའི་སྤྱི་འཐུས་ཀྱི་དགོངས་ཚུལ།

ཞང་བློན་གྱིས་བསྟན་པ་མགོ་ནས་བཤིག་མཁན་གྱི་བཀའ་སྤྱི་ཞེས་གྲོས་ཚོགས་ལས་རིམ་ལ་མཐའ་བསྡོམས་བརྒྱབ་འདུག

དབུ་དཀར་ཚང་གཡུ་སྒྲོན་གྱིས་༼དམིགས་བསལ་ཁྲིམས་འགལ་འདྲ་བོ་ཞིག་རེད། ངས་གང་ཡང་བསམ་གྱིན་མེད།༽ ཟེར། སྤྱིར་ཁྲིམས་ཐོག་ཏུ་དམིགས་བསལ་ཡིན་མིན་གྱི་ཁྲིམས་འགལ་ཞིག་བཀར་རྒྱུ་ཡོད་པ་མ་རེད། ཁྲིམས་དང་འགལ་ན་འགལ་བ་རེད། ཁྲིམས་དང་མ་འགལ་པ་ཡིན་ན་མ་འགལ་བ་རེད། སྐད་ཆ་མ་གེ་མོག་གེ་ལབ་ནས་མང་ཚོགས་ལ་མགོ་སྐོར་ཐབས་ཀྱི་རྣམ་པ་སྟོན་པ་དེ་ཡག་པོ་ཁྱོན་ནས་མ་རེད། ༼དམིགས་བསལ༽དང་༼འདྲ་བོ༽ལྟ་བུའི་བརྟན་སོ་མེད་པའི་སྐད་དེ་རིགས་ཀྱིས་མཐའ་འཁྱོངས་ནི་མ་རེད། མོ་རང་གི་སྐད་དེ་མདོར་བསྡུས་ན་༼ཁྲིམས་འགལ་མ་རེད༽ཅེས་བཤད་འདུག ཁྲིམས་དང་འགལ་མེད་ན་ཆེས་མཐོའི་ཁྲིམས་ཞིབ་ཁང་གིས་དམ་བཅའ་རྩིས་མེད་བཏང་བ་ག་རེ་རེད། སོ་སོ་ཀླད་པ་སྤྱང་པོ་འདྲ་ཡིན་བསམ་ནས་ཧམ་པ་ཚ་བོ་མ་བཤད། གང་དྲན་དྲན་བཤད་ནས་མང་ཚོགས་ལ་མཐོང་ཆུང་མ་གཏོང་། ཁྱོད་ཚོ་སྤྱི་མི་ཞིག་ཡིན་པའི་ཆ་ནས། ཐེངས་འདིར་སྐྱོན་དང་ནོར་འཁྲུལ་གང་ཐོར་བ་དེ་དྲང་པོར་ངོས་ལེན་དང་བཟོད་གསོལ་ཞུས་ན་བཟང་། ༼བདག་དབུ་དཀར་ཚང་གཡུ་སྒྲོན་ཞེས་བགྱི་བ། བོད་མི་མང་སྤྱི་འཐུས་སུ་འོས་འདེམས་བྱུང་བ་ལགས་ན། བཙན་བྱོལ་བོད་མིའི་བཅའ་ཁྲིམས་ལ་ཡིད་ཆེས་དང་། བློ་གཏད་ཀྱི་ཐོག་ནས། སྤྱི་འཐུས་ཀྱི་ལས་ཁུར་ཞུ་སྒོ་མཐའ་དག་བཅའ་ཁྲིམས་ཀྱི་དགོངས་དོན་དང་འགལ་མེད་ཐོག རང་དོན་ཕྱོགས་ལྷུང་དང་འཇིགས་ཞུམ་ཆགས་སྡང་མེད་པར། དྲང་བདེན་ལྷག་བསམ་ཟོལ་མེད་ཀྱི་སྒོ་ནས། རང་ནུས་གང་ཐེག་ཞུ་རྒྱུ། མཆོག་གསུམ་དཔང་བཙུགས་ཀྱི་དམ་བཅའ་བརྟན་པོ་ཞུ་རྒྱུ་ཡིན།༽ ཞེས་རྒྱ་ཆེའི་བོད་མི་དམངས་ལ་ཁས་ལེན་བྱས་ཡོད་པ་རེད་དཱ།

སྤྱི་འཐུས་སྨོན་ལམ་ཐར་ཕྱིན་དེང་སྐབས་གཞི་ནས་སྤྱི་འཐུས་རྣམ་པ་ཐོན་པའི་བཟོ་འདྲ་བོ་འདུག་པས་བཀའ་དྲིན་བླ་མེད་ཆེ་་་་ལྷག་དོན་སྒྲོལ་མ་ཚེ་རིང་ལགས་དང་རྒྱ་རིགས་ཐར།་་་་ཟླ་བ་ཕུན་སྐྱིད་བཅས་ལ་ཐུགས་རྗེ་ཆེ་ཡང་ནས་ཡང་དུ་ཞུ་འདོད་བྱུང་དེ་ཡང་དུས་ད་ལྟ་བར་འགྱུར་བ་མེད་པའི་སྤྱི་འཐུས་སུ་བཀུར་བཞིན་ཡོད་ལགས།