བཙན་བྱོལ་བོད་མིའི་སྲིད་སྤྱི་གཉིས་ཀྱི་འོས་བསྡུའི་ཐད་དགོངས་འཆར་ག་རེ་ཡིན་ནའང་ཡིག་ཐོག་ཏུ་བཀོད་དེ་འདི་ལོའི་ཕྱི་ཟླ་ ༨ ཚེས་ ༣༡ ཉིན་ནང་ཚུན་དུ་ཚོགས་དྲུང་ལས་ཁུངས་ལ་འབུལ་རོགས།
སྐབས་བཅུ་དྲུག་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོའི་ཐོག་གི་གྲོས་ཆོད་གཞིར་བཟུང་། ཟླ་འདིའི་ཕྱི་ཚེས་ ༡༤ ཉིན་ཚོགས་གཙོ་སྤྲེལ་པོས་བཙན་བྱོལ་བོད་མིའི་འོས་བསྡུའི་སྒྲིག་གཞི་བསྐྱར་བཅོས་འཆར་ཟིན་ཚོགས་ཆུང་གི་ཚོགས་མི་ལྔ་སྟེ། ཚོགས་གཙོ་དཔལ་འབྱོར་བཀའ་བློན་ཀརྨ་ཡེ་ཤེས་མཆོག་དང་དྲུང་ཆེ་དགེ་བཤེས་སྨོན་ལམ་མཐར་ཕྱིན་ལགས། དབུས་འོས་བསྡུ་ལས་ཁང་གི་འགན་འཛིན་ཤོ་ཟུར་བསོད་ནམས་ཆོས་འཕེལ་ལགས། སྤྱི་འཐུས་པདྨ་འབྱུང་གནས་ལགས། སྤྱི་འཐུས་རྒྱ་རིགས་ཐར་ལགས་བཅས་བསྐོ་བཞག་གནང་ཡོད་པ་ལྟར། ཟླ་འདིའི་ཕྱི་ཚེས་ ༢༠ ཉིན་ནས་བཟུང་འཆར་ཟིན་ཚོགས་ཆུང་ནས་བསྐྱར་ཞིབ་ཀྱི་ཕྱག་ལས་དབུ་འཛུགས་གནང་ཡོད་འདུག
དེ་རིང་བོད་མི་མང་སྤྱི་འཐུས་ལྷན་ཚོགས་ཀྱི་དྲ་བའི་ཐོག་འཆར་ཟིན་ཚོགས་ཆུང་ནས་ཡོངས་ཁྱབ་གསལ་བསྒྲགས་ཤིག་བཀོད་ཡོད་པའི་ནང་། འོས་བསྡུ་དང་འབྲེལ་བའི་དོན་གནད་གཉིས་ཏེ་བར་ལམ་སྲིད་སྤྱི་གཉིས་ཀྱི་འོས་བསྡུའི་སྐབས་དཀའ་ངལ་འཕྲད་པ་ལ་གཞིགས་ནས་འོས་བསྡུའི་སྒྲིག་གཞི་ལ་དུས་བསྟུན་ལེགས་བཅོས་གནང་སྒོ་ཇི་ཡོད་དང་། མ་འོངས་པར་སྲིད་སྤྱི་གཉིས་ཀྱི་འོས་བསྡུའི་སྐབས་སྤྱི་སྒེར་སུ་ཐད་ནས་འོས་གཞི་འདོན་ཕྱོགས་ཇི་དགོས་ཐད་མང་ཚོགས་ནས་དགོངས་འཆར་བསྡུ་རུབ་ཞུ་རྒྱུ་ཡིན་སྟབས། འདི་ལོའི་ཕྱི་ཟླ་ ༨ ཚེས་ ༣༡ ཉིན་གྱི་ཕྱི་དྲོའི་ཆུ་ཚོད་ ༥ པའི་སྔོན་ལ་བསམ་འཆར་འབུལ་མཁན་གྱི་མིང་རྟགས་དང་ཁ་བྱང་བཅས་ཚང་བའི་དགོངས་འཆར་ཇི་ཡོད་ཡིག་ཐོག་ཏུ་བཀོད་དེ། དོ་བདག་སོ་སོས་ཚོགས་དྲུང་ལས་ཁུངས་སུ་ཐད་ཀར་འབུལ་འབྱོར་དགོས་སྐོར་གསུངས་འདུག
གསར་འགོད་པ། པདྨ་མཚོ།
དེ་སྔོན་འོས་བསྡུ་སྒྲིག་གཞི་དགོང་དོན་ནང་མ་ཚང་བ་དང་ཆད་ལྷག་གང་ཡང་མིན་འདུག་ཧ་ལས་པའི་ཡག་པོ་ཡོད་འོན་ཀྱང་ད་ཆར་བཀའ་བཀོད་རིགས་ལུགས་དང་དབང་འཛིན་རིགས་ལུགས་ཀྱི་མི་ངེན་འགའ་ཞིག་གི་དབང་ལས་རྩ་འཁྲིམས་དགོང་དོན་ཐོག་ཤར་བསྐྱོད་འགྲོ་བཞིན་མེད་ལགས།
དེ་མིན་ད་ལེན་འོས་བསྡུའི་སྒྲིག་གཞི་ལ་སྐྱར་བཅོས་དང་སྒྱུར་བཅོས་གང་ཡང་དགོས་དོན་མེད་ལགས།
གུས་ཡུལ་གྱར་རེ་བ་ནས་ཕུལ།། ༢༥/༠༦/༢༠༡༦ ཉིན།
འོས་བསྡུའི་སྒྲིག་གཞིར་གཅིག་ཚང་མི་འདུག གཉིས་འཐུས་མི་འདུག་ཅེས་པ་ནི་ཁ་གཡར་ས་ཙམ་རེད། དོན་དངོས་གྱུར་བ་གཏོང་དགོས་ན། སྒྲིག་གཞིའི་སྟེང་དུ་འགྲོ་མཁན་གྱི་གང་ཟག་དེ་ཚོའི་བསམ་སྤྱོད་ལ་གྱུར་བ་གཏོང་རན་རེད། དེ་མིན་སྒྲིག་གཞི་ལ་བཀས་བཅད་རིམ་པ་བརྒྱ་བྱས་ཀྱང་ཆུ་ནང་རི་མོ་བྲིས་པ་དང་ཆ་རེད།
གཡམ་རྒན་གྲོས་ཚོགས་ནང་གི་བློ་སེང་གི་སྐུ་ཚབ་དང་རྒྱུགས་ཁྱི འདི་ཡོད་སར་བསམ་འཆར་ཕུལ་ནས་ཅི་ཕན།