པདྨ་ཚེ་བརྟན་ལཊ་ལ་གཅར་རྡུང་བཏང་སྟེ་སྨན་ཁང་དུ་གཡུཊ།

ཞིན་ལང(新浪)གསར་འགྱུར་གྱི་མྱུར་འཕྲིན་བོད་འགྱུར་མ།
2016-06-30 དར་སྲོལ་གསར་མ།
ཞིན་ལང༼新浪༽མགྱོགས་འཕྲིན།
2016/06/29
འཁྲབ་ཁྲིད་པ་པད་མ་ཚེ་བརྟན་ལགས་ཟི་ལིང་གནམ་ཐང་གི་ཉེན་རྟོགས་པས་བཙན་ཁྲིད་བྱས་པའི་དོན་རྐྱེན་པོད་འཕྲིན་ག་གེ་མོའི་སྟེང་གསལ་བསྒྲགས་བྱས་མུར།མགྱོགས་མྱུར་སྒོས་ས་ཁྱབ་རྡོ་ཁྱབ་ཏུ་གྱུར།དོན་རྐྱེན་བྱུང་རྗེས་ཞིན་ལང་མགྱོགས་འཕྲིན་སྒོས་ཆེད་དམིགས་ཀྱིས་གང་དེ་བཀག་ཉར་བྱེད་སར་ཐུག་འཕྲད་དུ་འགྲོ་མྱོང་བའི་ཁུ་ཁུ༼བརྫིས་མིང༽ལ་བཅར་འདྲི་བྱས།ཁུ་ཁུས་བཤད་རྒྱུར”དོན་འདི་མི་འགའ་ཤས་ཀྱིས་ཤེས་པ་མ་གཏོགས་ཕྱི་ལ་བསྒྲགས་མེད།རྒྱུ་མཚན་ནི་མ་གཞི་གནམ་ཐང་གི་བདེ་སྲུང་བ་དང་ཁོ(པད་མ་ཚེ་བརྟན)་གཉིས་དབར་གྱི་དོན་དག་ཞིག་ཡིན་མོད།གནས་ཚུལ་ཛ་དྲག་ཏུ་གྱུར་ཚེ་ངོ་བོ་འགྱུར་འགྲོ་བར་དོགས་པ་ཡིན།”མིག་སྔར་ཟི་ལིང་ཉེན་རྟོགས་ཕྱོགས་ཀྱིས་དོན་འདིའི་ཐད་གསལ་ཁ་གང་ཡང་བཏོན་མེད།
དོན་རྐྱེན་གྱི་བརྒྱུད་རིམ།
ཟླ་དྲུག་པའི་ཚེས་ཉེར་དྲུག་གི་ཆུ་ཚོད་བརྒྱད་ཡས་མས་སུ་པད་མ་ཚེ་བརྟན་ལགས་པེ་ཅིང་ནས་ཟི་ལིང་ཚའོ་ཅ་པོ་གནམ་ཐང་དུ་འབྱོར།འབབ་ཚིགས་ནས་སྒོར་འབུད་སྐབས་རྒྱབ་ཁུག་ཅ་ལག་ལེན་སར་བརྗེད་སོང་བ་དྲན་པ་དང་།ཁོས་ལས་བྱེད་མི་སྣ་བཙལ་ནས་རྒྱབ་ཁུག་ལེན་དགོས་པའི་བསམ་ཚུལ་བཏོན་པ་ན།ཕ་རོལ་བས”ཁྱོད་སྒོར་སོང”ཞེས་དང་ལེན་མ་བྱས།དེ་ནས་ཁོས་གནམ་གྲུའི་པཱ་སེ་ལས་བྱེད་མི་སྣ་ལ་བསྟན་ནས་དངོས་པོ་ཁོའི་ཡིན་པ་གསལ་བཤད་བྱས།ལས་བྱེད་པས”ཁྱོད་ལ་པཱ་སེ་ཡོད་ཀྱང་རྫིག་པོ་བྱེད་རྐྱང་མེད”ཅེས་བཀག ཁོས་མུ་མཐུད་དུ་གསལ་བཤད་བྱ་རྩིས་བྱས་པ་ན་དེ་ཚོས་གནམ་ཐང་གི་མངགས་གཏོང་ཁང་ལ་བརྡ་བཏང་།
སྐབས་དེར། པད་མ་ཚེ་བརྟན་ལེན་པར་འོངས་བའི་མི་གཉིས་ཀྱིས་ཀྱང་ལས་བྱེད་པར་ཁ་ཏ་བྱས། བརྒྱུད་རིམ་ཁྲོད་དུ་ལས་བྱེད་མི་སྣས་ཀྱང་ཁུག་མ་ཕྱིར་སྤྲད་པ་དང་། བསུ་མ་བྱེད་མཁན་གྱིས་ཀྱང་ཉེན་རྟོགས་པར” སྐྱོན་ཆེ་ཅན་མི་འདུག ང་ཚོ་བུད་འགྲོ”ཞེས་བཤད། འོན་ཀྱང་ཉེན་རྟོགས་ཕྱོགས་ཀྱིས་པད་མ་ཚེ་བརྟན་ངེས་པར་འཛིན་གཟུང་བྱ་དགོས་པའི་རྣམ་འགྱུར་བསྟན།
བསུ་མ་བྱེད་མིས་ཉེན་རྟོགས་པར་ཁ་ཏ་ཅི་ལྟར་བྱས་ཀྱང་མ་ཉན་པར་དུས་ཐོག་དེར་ཁོ་ལ་ལག་སྒྲོག་བརྒྱབ་སྟེ་ཉེ་འཁོར་གྱི་མངགས་གཏོང་ཁང་དུ་ཁྲིད་པ་དང་ཞོགས་པའི་ཆུ་ཚོད་བཞི་ལྔའི་བར་དུ་འདྲི་གཅོད་བཏང་། ཁོ་ཚོས་པད་མ་ཚེ་བརྟན་ཀྱིས་སྤྱི་བའི་སྒྲིག་སྲོལ་ལ་གཏོར་བརླག་བྱས་པར་བཤད་ལ། པད་མ་ཚེ་བརྟན་ལ་སྐད་ཆ་བཤད་སྐབས” ཁྱོད་ཚོ་གནས་ལུགས་ཤེས་ཀྱང་ཁ་ལ་མི་ཉན་པའི་མི་འདི་དག་ནི་ང་ཚོའི་དམིགས་འཛུགས་ས་ཡིན”ཞེས་བཤད། ༼པད་མ་ཚེ་བརྟན་གྱི་མིང་ནས་མ་བཟུང་།༽
ཁུ་ཁུས་བཤད་རྒྱུར”པད་མ་ཚེ་བརྟན་གྱིས་ཕ་རོལ་བོ་ལ་ལག་མ་འགུལ་བར་མ་ཟད། འགོག་རྒོལ་ཀྱང་བྱས་མེད”ཟེར། ཁོས་ཡང་བསྐྱར་བཤད་རྒྱུར། “ཉེན་རྟོགས་པ་དག་སླེབས་སྐབས་སྤྱིར་ན་སྐད་ཆ་ལབ་འོས་མོད། ཁོ་ཚོས་ཅི་ཡང་མ་དྲིས་ལ། ཅི་ཡང་མ་ལབ་པར་ཐད་ཀར་ལག་སྒྲོག་བརྒྱབ་པ་དང་། ཁྱིམ་མི་ལའང་བརྡ་མ་བརྒྱབ་པས། ཁྱིམ་མིས་ད་ལ་ཐུག་གི་བར་དུ་གནས་ཚུལ་ལ་ཤེས་རྟོགས་བྱུང་མེད།”ཟེར།
ཉིན་དེའི་དགོང་མོར། བསུ་མ་བྱེད་དུ་སོང་བའི་མི་ཞིག་གིས་ཁུ་ཁུ་ལ་ཁ་པར་བཏང་བ་དང་། ཚེས་ཉེར་བདུན་ཉིན་མལ་ཐུལ་དང་མལ་གདན་ཁྱེར་ནས་མངགས་གཏོང་ཁང་ལ་བལྟ་རུ་སོང་། མངགས་གཏོང་ཁང་གི་ལས་རེས་ཁང་གི་སྒོར་པད་མ་ཚེ་བརྟན་དང་སྐར་མ་གསུམ་ཙམ་ལ་ཐུག་འཕྲད་བྱས། ཁོས་བཤད་རྒྱུར”པད་མ་ཚེ་བརྟན་ལ་ལག་སྒྲོག་བརྒྱབ་པ་ཤིན་ཏུ་ནས་དམ་ཞིང་། རྨ་ཁ་མང་པོ་འདུག”ཟེར།
ཉེན་རྟོགས་པས་ཁུ་ཁུ་སོགས་ལ་བཤད་རྒྱུར” པད་མ་ཚེ་བརྟན་ལ་རོ་སྟོད་འཚང་བ་དང་། མགོ་བོ་ན་བ་སོགས་ཀྱི་གནས་ཚུལ་མངོན་པས་སྨན་ཁང་དུ་འགྲོ་དགོས་ཟེར། ” ཁུ་ཁུས་ཕྱིར་དྲན་བྱས་དོན”ཁོ་ཚོས་བཤད་རྒྱུར་ཁྱོད་ཚོ་རང་ཉིད་སྨན་ཁང་དུ་སོང་ཟེར། ནང་དོན་ནི་ཁྱིམ་མིས་སྨན་པར་སྟོན་དགོས་པ་དང་། སྨན་ཁང་དུ་སོང་རྗེས་ཁྱོད་ཚོ་རང་གི་དོན་དག་ཡིན། བརྟག་དཔྱད་བྱས་ཚར་རྗེས་ངེས་པར་མུ་མཐུད་དུ་བཀག་ཉར་བྱ་དགོས། ཁོ་ཚོའི་སྐད་ཆའི་ནང་དོན་དེ་འདྲ་རེད། འགན་གང་ཡང་འཁུར་གྱི་མི་འདུག”ཟེར།
འཁྲབ་ཁྲིད་པའི་ད་ཡོད་གནས་ཚུལ།
ཁུ་ཁུས་བཤད་པ་ལྟར་ན”པད་མ་ཚེ་བརྟན་གྱི་སྙིང་ཁམས་ཧ་ཅང་མི་བདེ་བར་མ་ཟད། རོ་སྟོད་ཀྱང་འཚང་གི་འདུག མདང་དགོང་ཁྲག་ཚད་ལ་བརྟག་དཔྱད་བྱས་དུས་ཁྲག་ཚད་མཐོ་ཤོས200དང་དམའ་ཤོས60མན་དུ་འདུག་ལ་ཁྲག་གནོན་ཀྱང་ཇེ་མཐོར་སོང་འདུག ལག་པའི་རུས་པ་སྦྲིད་འདུག སྨན་པའི་བཤད་པ་ལྟར་ན་ཁོའི་རྒྱབ་དང་ཕྲག་པའི་རུས་ཚིགས་སྙི་མོ་ལ་རྨས་སྐྱོན་བཟོས་འདུག་ཟེར། མཚན་མོར་གཉིད་མི་ཁུགས་ལ་རྒྱབ་ཁེན་དུས་ཧ་ཅང་ན་ཟུག་སྐྱེ་ཡི་འདུག “ཟེར།
རྒྱུས་ལོན་པ་ལྟར་ན། ཟི་ལིང་གནམ་ཐང་གི་ཉེན་རྟོགས་པས་པད་མ་ཚེ་བརྟན་སྲིད་འཛིན་བཀག་ཉར་ཉིན་ལྔ་བྱ་འཆར་ཡོད་ལ། བཀག་ཉར་ཡི་གེ་སོགས་ཡོད་མེད་ཤེས་མ་སོང་། མིག་སྔར་པད་མ་ཚེ་བརྟན་ཉིན་གཉིས་ལ་བཀག་ཉར་བྱས་ཟིན་པ་དང་། སྨན་ཁང་ནས་བུད་རྗེས་ད་དུང་ཉིན་གསུམ་ལ་མུ་མཐུད་དུ་བཀག་ཉར་བྱ་དགོས། ཁུ་ཁུས་བཤད་རྒྱུར”པད་མ་ཚེ་བརྟན་པེ་ཅིང་དུ་གཏན་སྡོད་བྱས་ཡོད་པ་དང་། ཐེངས་འདིར་ཟི་ལིང་དུ་ཡོང་དོན་ནི་ད་བརྙན་འཁོར་གསར་བ་ཞིག་འགྲེམས་སྤེལ་བྱེད་ཆེད་ཡིན། དེའི་ཆེད་དུ་ཁོས་ཕྱི་རྒྱལ་གྱི་སྐུ་མགྲོན་མང་པོ་ཞིག་བོས་ནས་འགྲེམས་སྤེལ་བྱ་འགུལ་སྤེལ་རྩིས་ཡོད་ལ། ཞོར་ལ་ཁོ་ཚོ་ཁྲིད་ནས་མཚོ་སྔོན་གྱི་ལྗོངས་གནས་ཁག་ལ་ལྟ་སྐོར་བྱ་རྩིས་ཡོད། དོན་འདིར་རྐྱེན་བྱས་བྱ་བ་གང་ཡང་མ་འགྲུབ་ཅིང་། སྐུ་མགྲོན་ཁག་ད་དུང་ཟི་ལིང་དུ་བསྡད་ཡོད།”ཟེར།
དོན་རྐྱེན་རྗེས་ཀྱི་ཉིན་གསུམ་པར་ད་གཟོད་པོད་བདག་གིས་པོད་འཕྲིན་སྟེང་བཀྲམ་པ་རེད། གནས་ཚུལ་འདིའི་ཐད་ལ་ཁུ་ཁུས་བཤད་རྒྱུར”དོན་འདི་མི་འགའ་ཤས་ཀྱིས་ཤེས་པ་མ་གཏོགས་ཕྱི་ལ་བསྒྲགས་མེད། རྒྱུ་མཚན་ནི་མ་གཞི་གནམ་ཐང་གི་བདེ་སྲུང་བ་དང་ཁོ(པད་མ་ཚེ་བརྟན)གཉིས་དབར་གྱི་དོན་དག་ཞིག་ཡིན་མོད། གནས་ཚུལ་ཛ་དྲག་ཏུ་གྱུར་ཚེ་ངོ་བོ་འགྱུར་འགྲོ་བར་དོགས་པ་ཡིན། “ཟེར། འཁྲབ་ཁྲིད་པའི་ཕྱོགས་ནས་དོན་འདི་ཁྲོམ་བསྒྲགས་གཏང་རྩིས་མེད་མོད། འོན་ཀྱང་། གནས་ཚུལ་དྲ་ལམ་ཁག་དུ་ཁྱབ་ཚར། པད་མ་ཚེ་བརྟན་གྱིས་དོག་དག་སྤྱི་འབྲེལ་དྲ་ལམ་ཁག་དུ་ཁྱབ་པའི་གནས་ཚུལ་ཤེས་མེད་ལ། སྨྱན་གཟིགས་ཁག་ནས་དོ་སྣང་བྱེད་ཀྱིན་པའང་ཚོར་མེད། ཀྲུང་གོའི་གློག་བརྙན་འཁྲབ་ཁྲིད་པའི་མཐུན་ཚོགས་ཀྱིས་ཀྱང་དོན་འདིའི་ཐད་གསལ་བསྒྲགས་སྤེལ་ཏེ། དོན་དག་དྲང་གཞག་དང་བདེ་བླག་སྒོས་ཐག་གཅོད་བྱ་དགོས་པའི་རེ་བ་བཏོན། （གསར་འགོད་པ། ལུའུ་ཞའེ་ཐིན）

སྦྱིར་པདྨ་ཚེ་བརྟན་ལ་རྒྱ་ནག་གིས་བཅར་རྡུང་བཏང་བ་འདི་ནི་བོད་མི་ཚོ་ལ་འགྲོ་བ་མིའི་ཐོབ་ཐང་མེད་པར་སྒྲུབ་པའི་སྒྲུབ་བྱེད་ཡག་ཤོས་ཞིག་ཆགས་ཡོད། གང་ཡིན་ཟེར་ན་རྒྱལ་ཁབ་གང་ཞིག་ནས་གནམ་ཐང་ཕྱི་ལོག་ལ་ཐོན་ཙམ་ནས་ཅ་དངོས་བརྗེད་དེ་ཕྱིར་ལེན་དུ་འགྲོ་མི་ཆོག་པས་ཁྲིམས་གང་དུ་ཡོད་འདི་ལྟར་བུའི་གནས་སྟངས་ལ་བལྟས་ན་བོད་མི་ཚོ་ལ་མི་རིགས་དབྱེ་འབྱེད་ཀྱིས་བྱ་བ་སྒྲུབ་ཀྱིན་ཡོད་པ་གསལ་བོ་རེད། གང་ཡིན་ཟེར་ན་རྒྱའི་མི་རིགས་ཤིག་གི་ཅ་དངོས་གནང་ཐང་ནས་ལྷག་ཏུ་སོང་ན་ཕྱིར་ལེན་དུ་འགྲོ་ན་བཅར་རྡུང་གཏོང་སྲིད་དམ་དེ་ནི་དཔེ་མེད་པ་ཞིག་རེད་དེ་འདྲ་སོང་ཙང་ངེས་པར་བོད་མི་ཚོས་མཁྱེན་དགོས་པ་དང་གསལ་ལམ་ཁག་ཏུ་གནས་ཚུལ་འདི་སྤེལ་དགོས་པ་གལ་ཆེན་རེད། མ་ཟད་ད་དུང་དེ་ལས་ལྷག་པའི་འཇིགས་སྣང་ཞིག་ཡོད་པ་སྨད་ཁང་དུ་སྨན་བཅོས་བྱེད་སྐབས་ཟབ་ཟབ་གནང་དགོས་པ་རེད་མ་གཏོང་བྱ་ངན་འདྲ་མིན་སྤེལ་ནས་རྗེས་མ་གཟུགས་ཕུང་བདེ་མོ་མེད་པ་དང་བློ་རིག་དྭངས་མོ་མེད་པ་སོགས་ངན་གཡོ་འདྲ་མེན་བྱེད་ངེས་རེད་དེའི་ཐད་ངེས་པར་ཐུགས་བསམ་བཞེས་དགོས་པ་རེད་དྲན་ནས་ཡོད།