བཀྲ་ཤིས་སྟོབས་རྒྱལ་ལགས་ཀྱིས་རྒྱ་མཚོའི་ཆུ་ཐིགས་ཟེར་བའི་ལས་འགུལ་ཞིག་སྤེལ་ཏེ་རང་ལོ་ ༡༢ ཡན་གྱི་བཙན་བྱོལ་བོད་མི་ཚང་མས་ཟླ་རེའི་བོད་ཚེས་ ༡༥ ཉིན་གྱི་དགོང་བཅད་ཟས་དོད་ཞལ་འདེབས་སུ་བསྡུས་ཏེ་སློབ་ཡོན་སྤྲོད་རྒྱུ་ཡིན་སྐོར་བརྗོད་སོང་།
དེ་རིང་སྔ་དྲོའི་ཆུ་ཚོད་ ༡༡ སྟེང་ དྷ་ས་མེག་གྷན་དབུས་གཙང་གསོལ་མགྲོན་ཁང་གི་ཚོགས་ཁང་དུ། སྐུ་ཞབས་བཀྲ་ཤིས་སྟོབས་རྒྱལ་ལགས་ཀྱིས་གསར་འགོད་གསལ་བསྒྲགས་ཤིག་སྤེལ་ཏེ། ཁོང་ཚུད་པའི་ཚོགས་མི་བདུན་གྱིས་རྒྱ་བལ་འབྲུག་གསུམ་གཙོས་པའི་སྐྱབས་བཅོལ་བོད་མིའི་གཞིས་ཆགས་ཁག་ནང་“རྒྱ་མཚོའི་ཆུ་ཐིགས”ཅེས་པའི་ཞལ་འདེབས་བསྡུ་རུབ་ཀྱི་ལས་འགུལ་ཞིག་སྤེལ་རྩིས་ཡོད་སྐོར་བརྗོད་སོང་།
གསར་འགོད་ལྷན་ཚོགས་ཐོག་བཀྲ་ཤིས་སྟོབས་རྒྱལ་ལགས་ཀྱིས། རྒྱ་མཚོའི་ཆུ་ཐིགས་ཞེས་པའི་ལས་འགུལ་དེ་ལོ་ ༤ ཡི་སྔོན་ནས་བཟུང་སྤེལ་མགོ་བརྩམས་ཤིང་། ལས་འགུལ་དེ་བོད་མི་རིགས་ཤེས་ཡོན་གྱིས་ཕྱུག་པའི་ལམ་དུ་འཁྲིད་ཐུབ་པའི་ལས་གཞི་ཞིག་ཡིན་ལ། བོད་པར་ཤེས་ཡོན་ཡོད་པ་མ་རེད་ཟེར་ན་ཡོད་ཀྱང་སྤུས་ཚད་ལྡན་པའི་ཤེས་ཡོན་ཞིག་མེད་པ་དང་། རྒྱ་མཚོའི་ཆུ་ཐིགས་ཀྱི་ལས་འགུལ་ཁྲོད་ཟླ་རེའི་བོད་ཚེས་བཅོ་ལྔའི་ཉིན་དགོང་བཅད་བྱེད་དགོས་པ་དང་། དགོང་བཅད་བྱས་ན་ཆོས་ཕྱོགས་ནས་ཡག་པོ་ཞེ་དྲགས་ཡིན་པ་དང་། དེ་བཞིན་འཕྲོད་བསྟེན་གྱི་ཐོག་ནས་དཔེ་ཡག་པོ་ཡིན་ལ། དེའི་གྲུབ་འབྲས་ཀྱིས་བོད་མི་རིགས་འདི་ཤེས་ཡོན་གྱིས་ཕྱུག་པའི་ལམ་དུ་འཁྲིད་ཡོང་དུས། ལས་ཀ་དེ་ལས་བཟང་བ་ཞིག་ཕལ་ཆེར་མེད་ལུགས་དང་། རྒྱ་མཚོའི་ཆུ་ཐིགས་ཀྱི་ལས་འགུལ་ཆེད་ངོ་ཚ་སྤངས་ཏེ་ཁོང་སྲིད་སྐྱོང་གི་འོས་མིར་ལངས་བ་ཡིན་ལ། ཕན་ཐོགས་ཀྱང་གང་འཚམ་བྱུང་སྐོར་བརྗོད་སོང་།
ཡང་ཁོང་གིས། བཙན་བྱོལ་བོད་མིའི་སྒྲིག་འཛུགས་དང་བོད་ཀྱི་ཆོས་དང་རིག་གཞུང་རྣམས་མ་འོངས་ལོ་ ༥༠ ནང་གནས་ཐུབ་པའི་ལས་འཆར་ཡག་པོ་ཞིག་ལོ་ལྔ་འདིའི་ནང་བསྒྲིག་དགོས་ཀྱི་ཡོད་པ་དང་། ཁོའི་ལས་འགུལ་དེ་མི་མང་གི་ངོས་ནས་སྤེལ་བའི་ལས་གཞི་ཆུང་ཆུང་ཞིག་ཡིན་ལ། ནམ་རྒྱུན་བོད་པའི་སྤྱི་ཚོགས་ནང་སྐད་འབོད་སོགས་ཀྱི་ལས་འགུལ་ནང་ཞུགས་མ་ཐུབ་པ་ལ་འཇིགས་སྐྲག་གཉིས་ཡོད་པ་དང་། འཇིགས་སྐྲག་དང་པོ་དེ་ང་ན་སོང་ན་དངུལ་གྱིས་འགྲོ་སོང་གཏོང་དགོས་པས། ཟ་ཁང་དང་ཚོང་ཁང་སྒོ་བརྒྱབ་ན་དཔེ་བསག་གི་རེད་ཟེར་བ་དང་། འཇིགས་སྐྲག་གཉིས་པ་དེ་ཕྲུ་གུ་སློབ་ཆེན་དུ་འགྲོ་སྐབས་སློབ་རིན་སོགས་སྤྲོད་དགོས་པ་རེད་ཟེར་བ་ཞིག་ཡོད་ཀྱང་། ད་ལྟ་ཡར་རྒྱས་ཞེ་དྲགས་ཕྱིན་ཚར་ཡོད་པས་སེམས་ཁྲལ་དེ་མ་བྱས་ན་མ་འགྲིག་པ་མེད་པ་དང་། ཕྲུ་གུ་སོ་སོ་ལ་ནུས་པ་ཡོད་ན་རྒྱ་མཚོའི་ཆུ་ཐིགས་ཀྱི་ལས་འགུལ་བརྒྱུད་མ་འོངས་པར་སློབ་ཡོན་རག་པའི་གོ་སྐབས་བཟང་པོ་ཞིག་ཡོད་སྐོར་དང་། མ་འོངས་པར་༧རྒྱལ་བ་སྐུ་ཕྲེང་བཅོ་ལྔ་པ་དེ་ད་ལྟ་ལས་ལྷག་པའི་འཛམ་གླིང་ནང་ཞི་བདེ་བསྐྲུན་མཁན་ཞིག་ཏུ་འགྱུར་ཐུབ་པའི་རེ་བ་དང་དམིགས་ཡུལ་བཟུང་སྟེ། རྒྱ་མཚོའི་ཆུ་ཐིགས་ཀྱི་ལས་འགུལ་སྤེལ་བཞིན་ཡོད་ལ་གྲུབ་འབྲས་འཐོན་རྒྱུ་གསལ་པོ་ཡིན་ལུགས་བརྗོད་སོང་ལ། དྲི་བ་དྲིས་ལན་གྱི་སྐབས་སུ་ཁོང་གིས་ཞལ་འདེབས་ཀྱི་དངུལ་རྣམས་མ་འོངས་པར་ཤེས་རིག་ལས་ཁུངས་ལ་ཕུལ་ཏེ་སློབ་ཕྲུག་ཚོར་སློབ་ཡོན་དུ་སྤྲོད་རྒྱུ་ཡིན་སྐོར་བརྗོད་སོང་།
ཁོའི་བསྒྲགས་གཏམ་གྱི་ནང་དུ། རྒྱ་མཚོའི་ཆུ་ཐིགས་ཅེས་པའི་ཞལ་འདེབས་བསྡུ་རུབ་ཀྱི་ལས་འགུལ་དེའི་དགོས་དམིགས་གཙོ་བོ་འཛམ་གླིང་ཡུལ་གྲུ་གང་སར་ཡོད་པའི་སྐྱབས་བཅོལ་བོད་མི་རྣམས་རྡོག་རྩ་ཆིག་སྒྲིལ་དང་ཕྱར་གྲུ་མཉམ་འདེགས། མ་འོངས་རེ་བ། ཤེས་ཡོན་སློབ་གསོ་དང་བོད་དོན་ལས་འགུལ་བཅས་ཀྱི་ནུས་སྟོབས་གོང་སྤེལ་དུ་གཏོང་ཐབས་ཤིག་ཡིན་སྐོར་དང་། རང་ལོ་ ༡༢ ཡན་གྱི་བོད་མི་ཚང་མས་ཟླ་རེའི་བོད་ཚེས་ ༡༥ ཉིན་དགོང་བཅད་བྱས་ཏེ། ཟླ་རེར་ཧིན་སྒོར་ ༣༠ རེ་དང་། ཕྱི་རྒྱལ་ཡུལ་གྲུ་ཁག་གི་བོད་མི་ཚོས་ཟླ་རེར་ཨ་སྒོར་ ༡༠ རེ་ཞལ་འདེབས་སྤྲོད་དགོས་སྐོར་བརྗོད་འདུག
གསར་འགོད་པ། པདྨ་རྒྱལ།
བོད་པ་ཚང་ཚེ་གཅིག་ལ་ཞལ་འདེབས་འདྲ་བསྡུ་ནས་སྡོད་ཨ། པགས་པ་འདྲ་བཤུས་ནས་སྡོད།
བཀྲ་ཤིས་སྟོབས་རྒྱལ་ལགས་བོད་མི་རིགས་ཤེས་ཡོན་དང་བོད་ཀྱི་ཆོས་དང་རིག་གཞུང་སྤུས་ཚད་ལྡན་པ་གཅིག་ལ་གཞུང་
གིས་ལས་བྱེད་མཚོའི་དེ་ལ་གོད་སྐབས་སྤྲེད་ཀྱི་རེད་བས? སློབ་སྦྱོང་དང་ལགས་ཤེས་མེད་ནས་བོད་པ་མཚོ་རྗེས་ལ་ལྷག་མི་འདུག ལུང་མཚན་ལ་མཐེན་འཆེར་དང་མི་རིགས་ལ་གདངས་ཟུགས་ཁོ་ནའི་བོད་མི་རིགས་རྗེས་ལ་ལྷག་འདུག དངས་ལངས་པ་བཀྲིས་སྟོབས་རྒྱལ་ལགས་བ་ཡུལ་ནང་༧གོང་ས་མཆོག་སྐུའི་ཁྲུངས་སྐར་ལ་བོད་ཀྱ་ིརིག་གཞུང་ལག་་ཤེས་གུར་གཅིག་ནང་མི་གྲངས་༢༠༠ནས་༣༠༠བར་ཤུང་བའི་གུར་ལྔ་གླ་མེད་ཕུབ་མ་བཅུག་ནས་བལ་པོའི་ཆུ་ཤོག་གུར་ལ་འབུམ་བཅུ་སྤྲེད་འདུག ཡང་གུ་རུ་འབུམ་ཚོགས་ལ་བོད་གུར་ཚེམས་བཟོ་ཁང་ལ་འབུམ་གཅིག་ལ་མ་སྤྲེད་ནས་ཡུལ་མི་ལ་༢༥༠༠༠ཡར་དཔར་ནས་༡༢༥༠༠༠སྤྲེད་སོང་། ད་ཁྱེད་རང་མཚོའི་རིགས་གཞུངས་ཁ་ལ་འཁྱེར་ནས་རང་གི་དངུལ་ཁུག་བརྒྱངས་ཅས་རེད་འདུག བོད་པས་བཟོས་པའི་གུར་དེ་མི་མང་ལྟད་མོ་ལྟ་མཆོག་པའི་གུར་རེད་འདུག ད་འདུང་རིག་གཞུང་ལག་ཤེས་ཁ་གཅིག་པོ་རེད་འདུག བོད་པས་གུར་དེ་རྒྱལ་སྤྱི་མཚོང་དོན་ཁང་ལ་ཡང་འགྲེན་འདུར་བྱེད་འདུག ད་ང་རང་མཚོའི་བྱེད་གཏང་དེ་འགྲིག་གི་རེད་མ་རེད་?
ཧ་ཧ་ མ་འོང་ ༧ སྐུ་ཕྲེང་བཅུ་བཞི་༼༡༤༽པ་ཆེན་པོ་ཆོོས་སྨྲ་བ་ངག་དབང་བློ་བཟང་བསྟན་འཛིན་རྒྱ་མཚོ་མཆོག་ ལས་ལྷག་པ་།།
ཨ་ཁུ་ལགས་ བསམ་བློ་བཏོང་།བསྟ
ད་ཁོ་རེ་བློ་ལྷོད་པོ་ངང་སཽས་ཚོ་རྟེན་ལས་ཀ་གང་ཡོད་པ་བྱས་ཏེ་བསྡད་ན་སྙམ། མ་དགོས་ལས་ཅིག་ལམ་ལྷོང་མ་སོང་བ་དེའི་རྗེས་འདེད་ལྟ་བུ་ཡོང་རྒྱུ་སྤུ་ཙམ་མེད་པ་གང་བྱས་ཀྱི་ཡོད། བོད་སྤྱི་པའི་དོན་དེ་ཁྱེད་འདྲ་བོ་ལས་རྙོགས་འདི་ནས་ཐུབ་ཀྱིས་རེད་བསམ་པའི་རེ་བ་མེད། མ་དགོས་མ་འོངས་དངུལ་གྱི་ཐོག་རྙོགས་དགྲ་གང་འདྲ་ཡོང་རྒྱུ་ཡིན་པ་ཕལ་ཆེར་མིག་མཐོང་ལག་གསལ་རེད། བོད་མི་ཚོ་ཡང་ལྐུག་པ་མ་རེད། ད་ཚོགས་པ་མང་པོ་འདུག་ དེ་ཚོའི་སྤྱི་པ་ཕན་པའི་ལས་ཀ་སྣ་གཅིག་བྱས་མ་སོང་། ཙུག་གི་ཞོག་ སྡོད་ཅིག