ཨ་རིའི་བདམས་ཐོན་སྲིད་འཛིན་ཊི་རུམ་ཕི་ཡིས་ཨ་རྒྱ་གཉིས་བར་ཚོང་འབྲེལ་ཚུད་པའི་ལས་དོན་ཐོག་འབྲེལ་ལམ་རྒྱུན་འཁྱོངས་བྱེད་རྒྱུ་མ་གཏོགས་རྒྱ་ནག་རྒྱལ་ཁབ་གཅིག་གི་སྲིད་ཇུས་རྒྱུན་སྐྱོང་བྱེད་དགོས་པ་ངས་ཤེས་མ་སོང་ཟེར།
དེ་རིང་རོའུ་ཊར་གསར་ཁང་གིས་གནས་ཚུལ་སྤེལ་བ་ལྟར་ན། ཁ་སང་རེས་གཟའ་ཉི་མའི་ཉིན་ཨ་རིའི་སྲིད་འཛིན་འོས་ཐོབ་པ་སྐུ་ཞབས་ཊི་རུམ་ཕི་མཆོག་གིས། ཨ་རིའི་གཞུང་ནས་རྒྱ་ནག་རྒྱལ་ཁབ་གཅིག་གི་སྲིད་ཇུས་རྒྱུན་སྐྱོང་བྱེད་དགོས་དོན་མེད་སྐོར་བརྗོད་ཡོད་པ་དང་། དེ་ནི་ཁོང་གིས་ཉེ་ལམ་ཐའེ་ཝན་སྲིད་འཛིན་ལྕམ་ཚའེ་ཡེན་ཝན་དང་ཁོང་གཉིས་བར་ཁ་པར་སྐུད་ལམ་ནས་འབྲེལ་མོལ་བྱུང་བར། རྒྱ་ནག་ཕྱོགས་ནས་དེ་ལ་སྐྱོན་བརྗོད་ཤུགས་ཆེན་བྱས་པ་དང་འབྲེལ་ཏེ་བརྗོད་པ་ཞིག་ཡིན་འདུག
ཨ་རིའི་ (Fox News Sunday) གསར་ཁང་གི་བཅར་འདྲི་བརྒྱུད། སྐུ་ཞབས་ཊི་རུམ་ཕི་ཡིས། ཨ་རིའི་གཞུང་གིས་འདས་པའི་ལོ་ངོ་ ༤༠ ལྷག་རིང་ཐའེ་ཝན་མཚོ་འགག་དེ་རྒྱ་ནག་གི་ཆ་ཤས་ཡིན་པའི་སྲིད་ཇུས་དེ་མུ་མཐུད་རྒྱུན་འཁྱོངས་བྱེད་དགོས་དོན་མེད་པའི་སྐོར་ལ། “ངས་རྒྱ་ནག་རྒྱལ་ཁབ་གཅིག་གི་སྲིད་ཇུས་ཟེར་བ་དེ་ཤེས་ཀྱི་ཡོད། ཡིན་ནའང་ང་ཚོས་རྒྱ་ནག་དང་མཉམ་དུ་ཉོ་ཚོང་ཚུད་པའི་ལས་དོན་ཐོག་འབྲེལ་ལམ་བྱེད་རྒྱུ་མ་གཏོགས་རྒྱ་ནག་རྒྱལ་ཁབ་གཅིག་གི་སྲིད་ཇུས་རྒྱུན་འཁྱོངས་བྱེད་དགོས་པའི་རྒྱུ་མཚན་ངས་ཧ་གོ་མ་སོང་།” ཞེས་བརྗོད་འདུག
རྒྱ་སྒོར་གྱི་འཛའ་ཐང་ཐད་ཀྱི་སྲིད་ཇུས་དང་རྒྱ་ནག་གི་ལྷོག་བརྒྱུད་མཚོ་ཁུལ་གྱི་བདག་དབང་ཐོག་འཛིན་འཛིན་པའི་སྲིད་ཇུས། དེ་བཞིན་བྱང་ཀོ་རི་ཡའི་མེ་ཤུགས་འཕུར་མདེལ་གསར་བཟོའི་གནད་དོན་ཐོག་འཛིན་པའི་སྲིད་ཇུས་དང་། ཕྱི་ཚེས་ ༢ ཉིན་ལྕམ་ཚའེ་ཡེན་ཝན་དང་ཁོང་གཉིས་བར་བྱུང་བའི་འབྲེལ་མོལ་ཐད་རྒྱ་ནག་གཞུང་གིས་སྐྱོན་བརྗོད་བྱས་པའི་དཀའ་རྙོག་བཅས་ཀྱི་སྐོར་ལ། སྐུ་ཞབས་ཊི་རུམ་ཕི་ཡིས། “རྒྱ་ནག་གཞུང་གིས་ང་ལ་ཐའེ་ཝན་མཚོ་འགག་ལ་འབྲེལ་མོལ་མི་ཆོག་པའི་བཀའ་བཀོད་བཏང་བ་དང་། ལྕམ་ཚའེ་ཡེན་ཝན་དང་ངེད་གཉིས་ཀྱི་འབྲེལ་མོལ་ལ་སྐྱོན་བརྗོད་བྱས་པ་དེར་ང་ལ་འདོད་མོས་མེད། ལྕམ་ཚའེ་ཡེན་ཝན་དང་ངེད་གཉིས་བར་དུས་ཡུན་ཐུང་ཐུང་ཞིག་གི་ནང་ཁ་པར་སྐུ་ལམ་ནས་འབྲེལ་མོལ་ཡག་པོ་བྱུང་ཡོད། ངས་རྒྱལ་ཁབ་གཞན་གྱི་ཁ་པར་བླངས་མི་ཆོག་ཅེས་སྐྱོན་བརྗོད་བྱེད་དོན་ཅི་ཡིན། དོན་དངོས་ཐོག་འབྲེལ་མོལ་དེ་ནི་དྲང་པོ་དྲང་བཞག་ཅིག་ཡིན་པ་ལས། ཁྱེད་ལ་མ་གུས་པའི་རྣམ་འགྱུར་གང་ཡང་མིན།” ཞེས་བརྗོད་འདུག
ལྕམ་ཚའེ་ཡེན་ཝན་དང་སྐུ་ཞབས་ཊི་རུམ་ཕི་གཉིས་བར་བྱུང་བའི་འབྲེལ་མོལ་དང་འབྲེལ་ཏེ། སྲིད་འཛིན་ཨོ་བྷ་མའི་གཞུང་ཕྱོགས་ནས་གསལ་བསྒྲགས་ཤིག་སྤེལ་ཡོད་པའི་ནང་། “ཝ་ཤིན་ཊོན་གྱིས་རྒྱ་ནག་རྒྱལ་ཁབ་གཅིག་གི་སྲིད་ཇུས་རྒྱུན་འཁྱོངས་བྱེད་ཀྱིན་ཡོད་མོད། འོན་ཀྱང་ཐའེ་ཝན་གྱི་རྩོད་རྙོག་ལ་བརྟེན་ནས་ཕྱོགས་གཉིས་བར་གྱི་འབྲེལ་ལམ་ལ་དོ་ཕོག་འགྲོ་སྲིད་པ་རེད།” ཅེས་བརྗོད་ཡོད་འདུག
གཞན། དེ་རིང་རྒྱ་ནག་གཞུང་འབྲེལ་གོ་ལའི་དུས་བབ་ཅེས་པའི་གསར་ཁང་གིས་གནས་ཚུལ་ཞིག་སྤེལ་བའི་ནང་། “རྒྱ་ནག་རྒྱལ་ཁབ་གཅིག་གི་སྲིད་ཇུས་དེ་ཨ་རྒྱ་གཉིས་བར་གྲོས་མོལ་བྱས་ཆོག་པ་ཞིག་མིན། ཊི་རུམ་ཕི་ཡིས་ཚོང་ལས་ཁོ་ན་མ་གཏོགས་ཅི་ཡང་ཤེས་ཀྱི་མི་འདུག ཊི་རུམ་ཕི་ཡི་བསམ་པར། ཁོས་འབྱོར་ཕྱུག་ལ་བརྟེན་ནས་བྱ་བཞག་ཡོད་ཚད་ཐག་གཅོད་ཐུབ་བསམ་གྱི་འདུག ཊི་རུམ་ཕི་ཡིས་རྒྱ་ནག་རྒྱལ་ཁབ་གཅིག་གི་སྲིད་ཇུས་རྒྱུན་སྐྱོང་མ་བྱས་ཚེ། རྒྱ་ནག་སྐམ་ས་ཆེན་མོས་ཐའེ་ཝན་མཚོ་འགག་ཐོག་སྲིད་ཇུས་གསར་བ་ཞིག་འཛིན་ངེས་ཡིན་ལ། སྲིད་ཇུས་དེ་ལ་བརྟེན་ནས་རྒྱ་ནག་གིས་ཨ་རིའི་གཞུང་ལ་ཐའེ་ཝན་མཚོ་འགག་གི་སྲིད་དབང་ལ་ཐེ་གཏོགས་མེད་པ་ར་སྤྲོད་བྱ་ངེས་ཡིན། ཊི་རུམ་ཕི་ཡིས་ཕྱི་འབྲེལ་ལས་དོན་ལ་གུས་བརྩི་དང་སློབ་སྦྱོང་བྱེད་དགོས་ཀྱི་འདུག རྒྱལ་སྤྱིའི་མི་མང་གིས་ཨ་རིའི་ཚོང་པ་ཆེན་པོ་ཞིག་ཨ་རིའི་སྲིད་འཛིན་དུ་ཇི་ལྟར་བདམས་ཐོན་བྱུང་བར་ཡ་མཚན་སྐྱེས་ཡོད། ཁོའི་ཕྱི་འབྲེལ་སྲིད་ཇུས་དེ་ནི་བྱིས་པ་སེམས་མེད་ཅིག་གི་བསམ་སྤྱོད་འདྲ་བོ་འདུག” ཅེས་སོགས་བཤད་འདུག
གསར་འགོད་པ། པདྨ་རྒྱལ།
ཨ་རི་ལྟ་བུ་སྟོབས་ཆེན་རྒྱལ་ཁབ་ཀྱི་སྲིད་འཛིན་གྱིས་རང་ཚུགས་མ་ཤོར་བར་བདེན་པའི་རྒྱབ་ལངས་གནང་ན་འཕར་སྤྱང་ལག་པ་སྦྲེལ་ནས་ཉམ་ཆུང་ནུས་མེད་རྒྱལ་ཁབ་ཚོར་ཐུབ་ཚོད་གཏོང་མཁན་རྣམས་སྐད་ངན་ཤོར་གྱི་འདུག་པ།
ཕྱིར་ལོག་འབྲི་སྟངས་འདི། གནའ་བོའི་ལོ་ཙཱ་བ་རྣམ་པའི་འབྲི་སྟངས་ཡིན་པ་འདྲ། གང་ལྟར་ཀློག་མཁན་ལགས་ཀྱིས་དོ་སྣང་དང་བསམ་ཚུལ་བཏོན་པར་ཐུགས་རྗེ་ཆེ།
ངོ་མ་སྲིད་འཛིན་ཡང་དག་པ་ཞིག་རེད།། ད་ལོར་ཨ་རི་ལ་སྲིད་འཛིན་སྙིང་སྟོབས་ཤིག་འཁྲུངས་འདུག
ང་ངོ་མ་དགའ་ནི་ཞིག་རེད།
ཨ་རི་ནི་ང་ཚོ་འཛམ་གླིང་མི་མང་གིས་ཆའི་ཡིད་ཆེ་བྱེད་ས་དང་དགའ་མོས་བྱེད་ས་དེ་ཡིན་མོད།།
འོན་ཀྱང་ཨ་རའི་སྲིད་འཛིན་མང་དག་ཞིག་གིས་ཨ་རའི་གཟི་བརྗིད་མེད་པར་བཟོས་ནས་རྒྱ་དམར་གཞུང་གི་མངའ་འོག་ལ་མགོ་སྒུར་བཞིན་པ་ནི་ཡིད་སྐྱོ་དགོས་པ་ཞིག་ཡིན། ད་ལོ་ནི་ཨ་རའི་གཟི་བརྗིད་འཛམ་གླིང་ཡོངས་ལ་ཁྱབ་རྒྱུ་རེད། སྟོབས་ཆེན་ཨ་རི་ཟེར་བ་དེ་ཇི་འདྲ་ཞིག་ཡིན་མིན་
ཤེས་སུ་འཇུག་དགོས་པ་ཡིན། ངོ་མ་དགའ་ནི་ཡིན།། དེ་བཞིན་ཏུ་ཉི་ཧོང་སྲིད་འཛིན་རྒྱ་གར་སྲིད་བློན་སོགས་ནི་འཛམ་གླིང་མི་མང་ཡོངས་
ཀྱིས་སྔག་བརྗོད་བྱེད་ཡུལ་ཞིག་ཆགས་ཡོད།། ཁོང་རྣམས་ཀྱིས་ལས་དོན་ལམ་སློང་ཡོང་བའི་སྨོན་འདུན་ཞུ།།
ཚོང་པ་ཕྱུག་བདག་སྲིད་འཛིན་ལ་བསྐོས་ན་སྐད་ཆ་འདི་འདྲ་ཞིག་མ་
རྟོག་ཆབ་སྲིད་གང་ནས་ཤེས་ད་ཨ་རིའི་སྲིད་འཛིན་གསར་པ་འདིའི་
འཛམ་གླིང་གི་མི་རིགས་མཐུན་འབྲེལ་ལ་བཟོ་ལྟ་ཞིག་བཟོ་ས་རེད
ལ་ཨ་རིའི་ནང་མི་རིགས་དབྱེ་འབྱེད་ཀྱི་སྲིད་ཇུས་དེ་སྐྱེ་སྲིངས་བྱེད་སྲིད་པ་མ་རེད་དམ་?
ཊི་རུམ་ཕི་རེད་དམ་ཡང་ན་ཋོམ་རེད།
ངོ་མ་བྱས་ན་ཁོང་གི་མཚན་བོད་ཡིག་ནང་བྲིས་ན་འདི་ལྟར་འབྲི་དགོས་སྙམ། ཊྲཾཔ། ཡང་ན། ཊྲམྤ། ཏ་ལོག་ཊ་སྲོག་མེད་ལ་ར་སྦྱར། དེའི་སྟེང་དུ་ཡང་ན་རྗེས་སུ་མ་སྲོག་མེད་ཀྱི་འོག་ལ་པ་སྦྱར་ཏེ་ཚེག་བར་གཅིག་ཏུ་བཀླགས་པར་གྱུར་ན་སྲིད་འཛིན་གྱི་མིང་གི་སྒྲ་ཉེ་ཤོས་སུ་འགྱུར་བར་རེ་ཆོག