སྲིད་སྐྱོང་སྤེན་པ་ཚེ་རིང་མཆོག་ནས་བོད་མི་འདུས་སྡོད་ཁུལ་དུ་གཞུང་འབྲེལ་ཕྱོགས་ཕེབས་ཐེངས་དང་པོ་ལ་དྭགས་སུ་གནང་སྟེ་དེ་རིང་སྔ་དྲོར་ས་གནས་སུ་འབྱོར་ཡོད་པ་དང་མ་འོངས་ཉིན་གྲངས་ ༡༠ རིང་ལ་དྭགས་ཁུལ་དུ་གཞུང་འབྲེལ་གཟིགས་སྐོར་གནང་རྒྱུ་ཡིན་འདུག
Sikyong Penpa Tsering of the Central Tibetan Administration being welcomed at Leh Bakula airport in Ladakh by local dignitaries and leaders
བོད་མིའི་སྒྲིག་འཛུགས་ཀྱི་གཞུང་འབྲེལ་དྲ་བའི་སྟེང་གནས་ཚུལ་སྤེལ་བ་ལྟར་ན། དེ་རིང་སྔ་དྲོ་ཆུ་ཚོད་ ༡༡ ཡོལ་ཙམ་ལ། སྲིད་སྐྱོང་སྤེན་པ་ཆེ་རིང་མཆོག་ལ་དྭགས་ཀྱི་བ་ཀུ་ལ་གནམ་ཐང་དུ་ཕེབས་འབྱོར་བྱུང་ཡོད་པ་དང་། གནམ་ཐང་དུ་རྒྱ་གར་གྱི་གྲོས་ཚོགས་འཐུས་མི་ཟུར་པའམ་ལ་དྭགས་ནང་པའི་ཆོས་ཚོགས་ཀྱི་ཚོགས་གཙོ་ཐུབ་བསྟན་ཚེ་དབང་ལགས་དང་། རྒྱ་གར་གྱི་གྲོས་ཚོགས་འཐུས་མི་ཟུར་པ་ཚེ་རིང་རྡོ་རྗེ་ལགས། དགོན་པ་ཚོགས་པའི་ཚོགས་གཙོ་དགེ་བཤེས་བྱམས་པ་བཤད་སྒྲུབ་ལགས། དེ་བཞིན། ལ་སྤྱི་ཚེ་བརྟན་དབང་ཕྱུག་ལགས་དང་། བོད་མི་མང་སྤྱི་འཐུས་དོན་གྲུབ་བཀྲིས་ལགས་སོགས་ས་གནས་བོད་མིའི་གནད་ཡོད་མི་སྣ་དང་། སེར་སྐྱ་མི་མང་ཁག་ཅིག་བཅས་བསླེབས་ཡོད་འདུག
Sikyong Penpa Tsering being welcomed to Shiwa Tsel Phodrang.
དེ་རིང་ཉིན་རྒྱབ་ཏུ་སྲིད་སྐྱོང་མཆོག་ནས་ལ་དྭགས་ཀྱི་སྨན་རྩིས་ཁང་དང་། བོད་ཁྱིམ་སློབ་གྲྭ། བོད་མིའི་ཡན་ལག་འཕྲོད་བསྟེན་སྨན་ཁང་སོགས་སུ་གཟིགས་སྐོར་གནང་ཡོད་འདུག་ལ། དེ་ནས་ལ་དྭགས་བསོད་ནམས་གླིང་བོད་མིའི་གཞིས་ཆགས་དང་། བྱང་ཐང་ས་ཁག་བརྒྱད་ལ་གཟིགས་སྐོར་གནང་རྒྱུ་ཡིན་འདུག
གསར་འགོད་པ། པ་སངས་ཚེ་རིང་།
