རྒྱ་ནག་གཞུང་གིས་བོད་དང་ཤིན་ཅང་ཁུལ་དུ་གནམ་ཐང་སུམ་ཅུ་གསར་རྒྱག་བྱེད་བཞིན་པའི་ཐད་རྒྱ་གར་གྱིས་སེམས་འཚབ་བྱེད་ཀྱི་ཡོད་པ་རེད།
རྒྱ་གར་གྱི་བརྒྱུད་ལམ་ཁག་གིས་སྤེལ་བའི་གནས་ཚུལ་ལྟར་ན། རྒྱ་ནག་གཞུང་གིས་བོད་དང་ཤིན་ཅང་ཁུལ་དུ་གནམ་ཐང་ཁྱོན་ ༣༠ ཙམ་འཛུགས་སྐྲུན་བྱས་ཏེ། འཕགས་བོད་ས་མཚམས་སུ་རྒྱ་ནག་བཅིང་གྲོལ་དམག་མི་དང་དམག་ཆས་འབོར་འདྲེན་གྱིས་རྒྱའི་མཐའ་མཚམས་སྲུང་སྐྱོབ་ཀྱི་སྟོབས་ཤུགས་དང་འཛུགས་སྐྲུན་སོགས་རྒྱ་སྐྱེད་གཏོང་རྒྱུ་ཡིན་སྐོར་བསྒྲགས་ཡོད་འདུག
རྒྱ་ནག་གིས་མཐའ་མཚམས་ཁུལ་གྱི་གནམ་ཐང་གསར་རྒྱག་གི་ལས་གཞི་དེ་ནི་རྒྱའི་དམག་མིའི་འགྲུལ་སྐྱོད་སྟབས་བདེ་བཟོ་ཆེད་ཡིན་སྐོར་བརྗོད་ཡོད་པ་དང་། ལས་གཞི་དེའི་ཁྲོད་དམིགས་བསལ་བོད་དབུས་ཁུལ་གྱི་དིང་རི་དང་སྤུ་ཧྲེང་རྫོང་། ལྷུན་རྩེ་རྫོང་བཅས་བོད་ཀྱི་མཐའ་མཚམས་ཁུལ་དུ་གནམ་ཐང་གསར་རྒྱག་བྱེད་ཀྱི་ཡོད་པ་དང་གནམ་ཐང་དེ་གསུམ་བརྒྱུད་ཤིན་ཅང་དང་བོད་གཉིས་རྒྱ་ནག་གི་གྲོང་ཁྱེར་ཁག་ལ་མཐུད་པའི་མཁའ་ལམ་ ༢༠ ཙམ་བསྐྲུན་རྒྱུ་ཡིན་པ་རེད་ལ། རྒྱ་གར་གཞུང་གིས་མཐའ་མཚམས་དང་འབྲེལ་བའི་ལས་གཞི་དེའི་ཐད་སེམས་འཚབ་བྱེད་ཀྱི་ཡོད་པ་རེད།
ད་ལྟ་འཛུགས་སྐྲུན་བྱེད་མུས་ཡིན་པའི་གནམ་ཐང་གསར་རྒྱག་གི་ལས་གཞིའི་ཁྲོད་ཀྱི་ཁག་ཅིག་ལེགས་འགྲུབ་བྱུང་ཡོད་པ་དང་། ལས་གཞི་དེ་དང་འབྲེལ་ནས་ཟླ་འདིའི་ཕྱི་ཚེས་ ༡ ཉིན་ཤིན་ཅང་མི་རིགས་རང་སྐྱོང་ས་ཁུལ་གྱི་རྒྱལ་ས་(Urumqi) དང་གྲོང་ཁྱེར་ཁཱ་ཤི་གྷར་ (Kashgar)། དེ་བཞིན། བོད་ཀྱི་རྒྱལ་ས་ལྷ་ས་དང་གཞིས་ཀ་རྩེ་སོགས་སུ་མཁའ་ལམ་ཁྱོན་ ༢༣ གསར་བསྐྲུན་བཀྱིས་ཏེ། འཕགས་བོད་ས་མཚམས་ནས་རྒྱ་ནག་བཅིང་གྲོལ་དམག་གི་ནུབ་རྒྱུད་ཤོག་ཁག་ཟེར་བའི་དམག་མི་ཁྱོན་ ༡༡༥ གཞིས་ཀ་རྩེ་ནས་འོར་འདྲེན་གྱིས་རྒྱ་ནག་གི་གྲོང་ཁྱེར་ཁྲི་ཏུའུ་རུ་ལོག་ཡོད་འདུག
རྒྱ་ནག་བཅིང་གྲོལ་དམག་གི་ནུབ་རྒྱུད་ཤོག་ཁག་(Western Theatre Comma) ཟེར་བའི་དམག་དཔུང་དེ་ནི། འཕགས་བོད་མཐའ་མཚམས་ཀྱི་གཙོས་བོད་རང་སྐྱོང་ལྗོངས་ཟེར་བ་དང་ཤིན་ཅང་ཁུལ་དུ་ལྟ་རྟོགས་ཀྱི་འགན་ཡོད་པའི་རྒྱ་ནག་བཅིང་གྲོལ་དམག་སྡེ་ལྔའི་ནང་གི་གཅིག་ཆགས་ཀྱི་ཡོད་པ་དང་། ཟླ་འདིའི་ཕྱི་ཚེས་ ༢༡ ཉིན་་བོད་དང་ཤིན་ཅང་གཉིས་ཀྱི་ཁོངས་སུ་གཏོགས་པའི་མཐོ་ཚད་ལ་ཧྥེ་ཊི་ ༡༦༠༠༠ ལྷག་ཡོད་སར་མཚན་དམག་སྦྱོང་བརྡར་བྱས་ཡོད་པ་དང་། དེ་བཞིན། ཕྱི་ཟླ་ ༨ ཚེས་ ༢༦ ཉིན་ནུབ་རྒྱུད་ཤོག་ཁག་གི་ཁོངས་གཏོགས་བོད་ཀྱི་དམག་ཁང་གི་དམག་སྡེ་མི་འདྲ་
གསར་འགོད་པ། སྐལ་བཟང་སྦྱིན་པ།
