བོད་ཀྱི་གཞོན་ནུ་ལྷན་ཚོ
གས་ཀྱི་ས་གནས་ཁག་ ༦ ནས་སྦག་སྦག་༨་དང་མི་ ༡༤ ལས་གྲུབ་པའི་སྦག་སྦག་སྐོར་སྐྱོད་ལས་འགུལ་སྦེལ་ཀོབ་གཞིས་ཆགས་ནང་འབྱོར།
ལྡི་ལི་ས་གནས་བོད་ཀྱི་གཞོན་ནུ་ལྷན་ཚོགས་ཀྱིས་གོ་སྒྲིག་གནང་བའི་སྦག་སྦག་སྐོར་སྐྱོད་ཀྱི་ལས་འགུལ་བ་རྣམས་ལྷོ་ཕྱོགས་སྦེལ་ཀོབ་གཞིས་ཆགས་སུ་འབྱོར་ཡོད་པ་ལྟར། དེ་རིང་ཕྱི་ཚེས་ ༡༣ ཉིན་སྦེལ་ཀོབ་ལུགས་བསམ་དཔའ་བོའི་རྡོ་རིང་མདུན་ཐང་དུ། ཚོགས་པ་སྡེ་ཚན་ཁག་དང་མི་མང་འདུ་འཛོམས་ཐོག་ལས་འགུལ་ངོ་སྤྲོད་དང་རྒྱབ་སྐྱོར་གྱི་མཛད་སྒོ་ཞིགས་ཚོགས་པ་རེད།
མཛད་སྒོ་མ་ཚོགས་གོང་དུ་བོད་མིའི་
སྒྲིག་འཛུགས་ཀྱི་བོད་རྒྱ་ཞི་མོ
ལ་ཚོགས་ཆུང་གི་སྐུ་ཚབ་ཟུར་པ་དང་
གཏན་འཇགས་ཐབས་བྱུས་འཆར་འགོད་ཚོ
གས་ཆུང་གི་སློབ་སྟོན་པ་སྐུ་ཞབས་
སྐལ་བཟང་རྒྱལ་མཚན་ལགས་ནས་ལས་འགུལ་བ་རྣ
མས་ལ་མཇལ་འཕྲད་བསྒྲོན་པ་དང་བཀའ་སློབ་གནང་ཡོ
ད་པ་རེད།
རྒྱ་ནག་ལ་འཚོག་འཆར་ཡོད་པའི་དགུན་དུས་ཨོ་ལིམ་ཕིག་རྩེད་འགྲན་ལ་ངོ་རྒོལ་དང་བོད་དོན་དྲིལ་བསྒྲགས་ཆེད། སྦག་སྦག་སྐོར་སྐྱོད་ཀྱི་ལས་འགུལ་དེ་ཟླ་འདིའི་ཚེས་༡༠་སྟེ། རྒྱལ་སྤྱིའི་འགྲོ་བ་མིའི་ཐོབ་ཐང་དང་ཞི་བདེའི་གཟེངས་རྟགས་ཉིན་མོར་སྦེང་ལོར་གྲོང་ཁྱེར་ནས་མགོ་འཛུགས་ཀྱིས་མེ་སོར་དང་ཀོ་ལི་གྷལ་དོན་ལྡན་གླིང་ཧུན་སུར་རབ་རྒྱས་གླིང་བཅས་བརྒྱུད་དེ། ཁ་སང་སྦེལ་ཀོབ་བོད་མིའི་གཞིས་ཆགས་སུ་འབྱོར་ཡོད་པ་དང་ས་གནས་བོད་རྒྱལ་ཡོངས་མང་གཙོ་ཚོགས་པ། དེ་བཞིན་མང་ཚོགས་བཅས་ཀྱིས་ཕེབས་བསུ་སྣེ་ལེན་གནང་ཡོད་པ་རེད།
མཛད་སྒོའི་ཐོག་ལྡི་ལི་བོད་ཀྱི་གཞོན་ནུ་ལྷན་ཚོགས་ཚོགས་ཀྱི་ཚོགས་གཙོ་ཚེ་རིང་ཆོས་འཕེལ་ལགས་ཀྱིས་ལས་འགུལ་ངོ་སྤྲོད་དང་འབྲེལ་གཞིས་ཆགས་ཁག་ནང་སྐོར་སྐྱོད་བྱེད་དགོས་དོན་ནི། བོད་རིགས་གཞོན་སྐྱེས་ཚོར་གོ་རྟོགས་སྤེལ་ཆེད་དུ་ཡིན་པ་སོགས་བརྗོད་སོང་།
ཡང་བོད་མི་མང་ཕྱོགས་བཞུགས་སྤྱི་འཐུས་ཆོས་འཕེལ་ཐུབ་བསྟན་ལགས་ཀྱིས་ང་ཚོ་ཚང་མས་མི་རིགས་ཀྱི་ལ་རྒྱ་དང་རྒྱལ་ཞེན་སེམས་ལ་བཅངས་ནས་དུས་ནས་དུས་སུ་ལས་འགུལ་དེ་རིགས་སྤེལ་རྒྱུ་གལ་ཆེ་ཡིན་པ་སོགས་བརྗོད་སོང་།
དེ་རིང་དང་སང་ཉིན་ཁོང་རྣམ་པས་སྦེལ་ཀོབ་བོད་མིའི་གཞིས་ཆགས་ཁུལ་གྱི་དགོན་སྡེ་དང་གྲོང་སྡེ་ཁག་ནང་སྐོར་སྐྱོར་ཀྱིས་ལས་འགུལ་སྤེལ་རྒྱུ་དང་ཕྱི་ཚེས་༡༥ ཉིན་མོན་གྷོ་འདོད་རྒུ་གླིང་ཕྱོགས་སུ་ཐོན་འཆར་འདུག
ལས་འགུལ་དེ་ཟླ་བ་གཅིག་རིང་རྒྱ་གར་རྒྱལ་ཡོངས་ཀྱི་མངའ་སྡེ་ ༡༠ ཙམ་ནང་སྐོར་སྐྱོད་གནང་འཆར་ཡོད་པ་དང་ལས་འགུལ་ནང་གཞོན་ནུ་ལྷན་ཚོགས་ཀྱི་ས་གནས་ཁག་༦ ནས་སྦག་སྦག་༨་དང་མི་ ༡༤ ཡོད་པ་རེད།
རྒྱ་གར་ལྷོ་ཕྱོགས་གསར་འགོད་པ་དོན་གྲུབ་བཀྲིས།
