ནོར་གླིང་མཐོ་སློབ་ཁང་དུ་སློབ་འཇུག་གསལ་བསྒྲགས།
༄༅། ། ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་གི་རིག་གནས་ཆེས་མཐོའི་སློབ་གཉེར་ཁང་དུ། ཕྱི་ལོ་ ༢༠༢༢ ལོའི་ཟླ་ ༨ ཚེས་ ༠༡ གཅིག་ཉིན་ནས་བོད་ཀྱི་སྐད་བརྡ་རིག་པ་དང་། རྩོམ་རིག རྒྱལ་རབས། ནང་པའི་རིགས་ལམ་དང་ལྟ་གྲུབ་རིག་པ། གསོ་བ་རིག་པ། སྐད་ཡིག་གཉིས་པ་དབྱེན་ཡིག་དང་རྒྱ་ཡིག་བཅས་ཀྱི་སློབ་ཚན་གཙོ་བོ་ཁག་དང་འབྲེལ་བའི་སྐབས་དགུ་པའི་ཉེ་བའི་གཙུག་རབ་རབ་འབྱམས་པའི་སློབ་འཇུག་བྱེད་རྒྱུ་ཡིན་པ་དང་ ། བསླབ་པ་མཐར་སོན་པ་རྣམས་ལ་དབུས་བོད་མིའི་སྒྲིག་འཛུགས་ཀྱི་ལས་བྱེད་འདེམས་བསྐོ་ལྷན་ཁང་དང་། དཔལ་ལྡན་ཤེས་རིག་ལས་ཁུངས་ནས་ངོས་འཛིན་ཡོད་པའི་ཉེ་བའི་གཙུག་ལག་རབ་འབྱམས་པའི་ཕྱག་འཁྱེར་དང་། འདི་ག་མཐོ་སློབ་ཀྱི་ངོས་ནས་ལོ་རིམ་མཐའ་མའི་སྐབས་སློབ་ཚན་དང་མཉམ་དུ་དགེ་འོས་ཟབ་སྦྱོང་དང་ཕྱག་འཁྱེར། (དགེ་འོས་ཕྱག་འཁྱེར་འདི་ཉིད་ངོས་བཞེས་ཐད་གོང་གི་ཉེ་བའི་གཙུག་ལག་རབ་འབྱམས་པའི་ཕྱག་འཁྱེར་ལྟར་མ་ཡིན་པར་མཐོ་སློབ་རང་ངོས་ནས་འབུལ་བཞིན་པ་ཡིན) སློབ་ཐོན་རྗེས་ནོར་གླིང་གི་རིག་གཞུང་དང་ཐོན་སྐྱེད་ཚོང་ལས་སྡེ་ཚན་སོ་སོར་ལས་ཀའི་གོ་སྐབས་སྔར་ལྟར་མཐུན་འགྱུར་ཡོང་ཐབས་བྱེད་བཞིན་ཡོད་ན། ཕྱི་ལོ་ ༢༠༢༢ ཟླ་ ༠༦ ཚེས་ ༣༠ བར་འགྱངས་མེད་ཞུ་སྙན་དབུལ་དགོས་པ་དང་། མཚུད་རྒྱུགས་བརྒྱུད་སློབ་ཞུགས་བྱ་དགོས། སློབ་ཡོན་གྱི་གོ་སྐབས་ཐོབ་ཁོངས་སུ་ཉེ་བའི་གཙུག་ལག་རབ་འབྱམས་པའི་སློབ་ཕྲུག་གྲངས་ ༢༠ ལ་དབུས་བོད་མིའི་སྒྲིག་འཛུགས་ཀྱི་དཔལ་ལྡན་ཤེས་རིག་ལས་ཁུངས་དང་། ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་སོ་སོ་ནས་སློབ་ཡོན་གྲངས་ ༡༠ རེ་གནང་མུས་དང་། གཞན་སྒྱུ་རྩལ་སློབ་ཕྲུག་གྲངས་ ༣༠ ལ་ནོར་གླིང་ནས་སློབ་ཡོན་ཐོབ་བཞིན་པ་བཅས་ཡིན།
དགོས་ངེས་ཤེས་ཡོན་དང་ཆ་རྐྱེན།
༡། འཛིན་རིམ་བཅུ་པ་དང་ ། འཛིན་རིམ་བཅུ་གཉིས་ཀྱི་ལག་འཁྱེར་རམ་རྒྱུགས་ཞུགས་ངོ་སྤྲོད་ལག་འཁྱེར་ངོ་བཤུས།
༢། འཚུད་རྒྱུགས་ཨང་ཐོབ་བརྒྱ་ཆ་ ༧༠ ཡན་ལོན་པ་ཁག་ལ་འཛིན་རིམ་ ༡༢ དང་། རིག་གནས་རབ་འབྱམས་པ་སོགས་ཀྱི་ལག་འཁྱེར་མེད་ཀྱང་དམིགས་བསལ་དགོངས་བཞེས་གནང་རྒྱུ།
༣། འདེམས་སྒྲུག་གནང་ཕྱོགས་ཐད་རྒྱུགས་སྤྲོད་འཕེར་རིགས་ཀྱི་ཨང་རིམ་རྩེ་བཏོག་བྱ་རྒྱུ། གལ་སྲིད་ཡིག་ཚད་གྲུབ་འབྲས་ཨང་ཐོག་གཅིག་མཚུངས་ཡིན་ཚེ་ཞུ་སྙན་སྔོན་དུ་འབུལ་མཁན་ལ་གོ་སྐབས་སྤྲོད་རྒྱུ།
༤། འདི་གའི་སློབ་ཁོངས་སུ་ཚུད་རྗེས་སློབ་ཕྲུག་གྲངས་ ༢༠ ལ་སློབ་ཡོན་དང་། ཞལ་ལག་དང་ཉལ་ཁང་བཅས་རིན་མེད་ནར་གཏོང་ཐོག་ཟླ་རེར་གྲོན་དངུལ་ཧིན་སྒོར་ ༥༠༠ རེ་མཐུན་རྐྱེན་དུ་སྤྲོད་རྒྱུ།
༥། གོང་གསལ་ས་མིག་ལས་བུད་མེད་སློབ་ཕྲུག་ལ་ས་མིག་ ༥ དམིགས་བསལ་ཡོད།
༦། འཚུད་རྒྱུགས་དང་འབྲེལ་འགྲོ་གྲོན་ཇི་ཡོད་རང་ངོས་ནས་གཏོང་དགོས།
སྤྱི་ཡོངས་དགོས་ངེས་ཡིག་ཆ་དང་ཐུགས་སྣང་དགོས་པ།
༡། གནས་ཡུལ་རྒྱལ་ཁབ་ཏུ་གནས་སྡོད་ཆོག་པའི་ཡིག་ཆའི་ངོ་བཤུས།
༢། ཕྱི་ལོ་ ༢༠༢༢ ལོའི་བོད་མིའི་དཔྱ་ཁྲལ་བསྡུ་འབུལ་ཞུས་པའི་ངོ་བཤུས།
༣། གཟུགས་གཞི་བདེ་ཐང་ཡིན་པའི་སྨན་པའི་ངོས་སྦྱོར་ངོ་མ།
༤། ཐོག་མའི་འཚུད་རྒྱུགས་ཞུ་སྙན་དང་། སྐྱེས་ལོ་སྐྱེས་ཚེས་འཁོད་པའི་ལོ་རྒྱུས་སྙིང་བསྡུས། ཕྱེད་པར་གཉིས་རེ། གནས་སྡོད་ཁ་བྱང་དང༌། ཡིག་ཟམ་ཁ་བྱང་། ཞལ་པར་ཨང་གྲངས་ཁ་གསལ་བཅས་ངེས་འབུལ་ཞུ་དགོས།
གོང་གསལ་ལག་འཁྱེར་དང་ཡིག་ཆ་ཁག་གི་ངོ་བཤུས་སྟེང་བཙན་བྱོལ་བོད་མིའི་སྒྲིག་འཛུགས་ཀྱི་འགན་འཛིན་ལས་ བྱེད་ཟུང་དྲུང་ཡན་ནམ་ས་གནས་འགོ་འཛིན། ཡང་ན་བོད་མིའི་སློབ་གྲྭ་གང་རུང་གི་སློབ་སྤྱི་བཅས་སུ་རུང་ནས་ངོ་བཤུས་ཡིག་ཆ་འཁྲུལ་མེད་ཡིན་པའི་དག་མཆན་མཚན་རྟགས་ངེས་ཞུ་དགོས་པ་བཅས་ཀྱི་གསལ་བསྒྲགས་སུ།
ནོར་གླིང་མཐོ་སློབ་ཡིག་ཚང་ནས། ཕྱི་ལོ་ ༢༠༢༢ ཟླ་ ༠༥ ཚེས་ ༠༢ ཉིན། །
འབྲེལ་བ་བྱ་ཡུལ།
Principal
Academy of Tibetan Culture Norbulingka Institute
P.O Sidhpur-176057 Dharamsala
Distt Kangra H.P INDIA
Tel: +91-1892-246402, 246405
Mobile: 9882119742, 9882883380
www.norbulingka.org/academy-of-tibetan-culture1.html
Email: principal.norlinginstitute.edu@gmail.com
