འདི་ལོའི་ལོ་མཇུག་ནས་འཛམ་གླིང་གི་མི་འབོར་ཐེར་འབུམ་ ༨ ལ་ཟིན་རྒྱུ་ཡིན་འདུག

འདི་ལོར་རྒྱལ་ཚོགས་ཀྱིས་བཏོན་པའི་སྙན་ཐོའི་ནང་ལོ་ངོ་ ༡༠༠ ལྷག་གི་རྗེས་སུ་འཛམ་གླིང་གི་མི་འབོར་མང་ཤོས་ཀྱི་རྒྱལ་ཁབ་དང་པོ་དེ་རྒྱ་གར་དང་རྒྱ་ནག་མི་འབོར་མང་ཤོས་གཉིས་པ་དེར་འགྱུར་རྒྱུ་ཡིན་པའི་ཚོད་དཔག་བྱས་འདུག

ཟླ་འདིའི་ཕྱི་ཚེས་ ༡༡ ཉིན་འཛམ་གླིང་མཉམ་འབྲེལ་ཚོགས་ཀྱི་དཔལ་འབྱོར་དང་སྤྱི་ཚོགས་ལས་དོན་ཁང་གིས་ལོ་༢༠༢༢་ལོའི་འཛམ་གླིང་མི་འབོར་འཕེལ་རྒྱས་སྐོར་གྱི་སྙན་ཐོ་ཕྱིར་བསྒྲགས་བྱས་པ་ལྟར་ན། འདི་ལོའི་ཕྱི་ཟླ་ ༡༡ ཚེས་ ༡༥ ཉིན་འཛམ་གླིང་གི་མི་འབོར་དུང་ཕྱུར་ ༨༠ ལ་ཟིན་རྒྱུ་ཡིན་པ་དང་།  ཕྱི་ལོ ༢༠༢༣ ལོར་འཛམ་གླིང་གི་མི་འབོར་མང་ཤོས་ཀྱི་རྒྱལ་ཁབ་དང་པོ་དེ་རྒྱ་གར་ཆགས་སྲིད་སྐོར་དང་། འཛམ་གླིང་གི་མི་འབོར་དུང་ཕྱུར་ ༩༠ ལ་ཟིན་པར་ལོ་ངོ་ ༡༤ ཙམ་ལས་མི་འགོར་བའི་ཚོད་དཔག་བྱས་འདུག

འཛམ་གླིང་མཉམ་འབྲེལ་ཚོགས་ཀྱི་དཔལ་འབྱོར་དང་སྤྱི་ཚོགས་ལས་དོན་ཁང་གི་དྲུང་ཆེ་ཨེན་ཐོ་ནོ་གྷུ་ཊི་རི་སི་(Antonio  Guterres)ཡིས། འཛམ་གླིང་མི་འབོར་མང་ཤོས་ཨང་དང་པོ་ཡིན་པའི་རྒྱ་ནག་གིས་ཕྱི་ལོ ༡༩༩༡ ལོ་ནས་འཆར་ལྡན་བུ་སྐྱེ་ཡི་སྲིད་ཇུས་བཙན་དབང་གིས་ལག་བསྟར་བྱས་པར་བརྟེན། རྒྱ་ནག་གི་མི་འབོར་འཕེལ་ཚད་ལ་ཚོད་འཛིན་ཆེན་པོ་བྱེད་ཐུབ་ཡོད་པ་རེད། ཕྱི་ལོ་ ༡༩༩༡ ལོར་དུང་ཕྱུར་ ༡༡ ལྷག་དང་། རྒྱ་གར་གྱི་མི་འབོར་དུང་ཕྱུར་ ༨།༨༨ ཙམ་ཡིན་འདུག་ཀྱང་། འདི་ལོའི་རྒྱལ་ཚོགས་ཀྱི་སྙན་ཐོ་ལྟར་ན། ཕྱི་ལོ་ ༢༠༢༢ ལོར་རྒྱ་ནག་གི་མི་འབོར་དུང་ཕྱུར་ ༡༤ (༡ ༤།༡༢)དང་། རྒྱ་གར་གྱི་མི་འབོར་དུང་ཕྱུར་ ༡༤(༡༤༠༠)། ཨ་རིའི་མི་འབོར་དུང་ཕྱུར་ ༣(༣༣༢) ལྷག་ཡིན་འདུག འོན་ཀྱང་།  ཕྱི་ལོ ༢༠༢༣ ལོར་རྒྱ་གར་ནི་འཛམ་གླིང་ནང་གི་མི་འབོར་ཆེས་མང་ཤོས་ཀྱི་རྒྱལ་ཁབ་ཨང་དང་པོ་དེ་ཆགས་རྒྱུ་དང་། ཕྱི་ལོ ༢༠༥༠ ལོར་རྒྱ་གར་གྱི་མི་འབོར་དུང་ཕྱུར་ ༡༦(༡༦།༦༨ )ལ་འཕར་རྒྱུའི་ཚོད་དཔག་བྱས་འདུག

གསར་འགོད་པ་དཔལ་ལྡན་གྱིས་ལ་དྭགས་ཀྱི་རྒྱལ་ས་གླེ་ནས་སྤེལ།