ཁ་སང་ཕྱི་ཚེས་ ༢༨ ཉིན་ཅེག་སྤྱི་མཐུན་རྒྱལ་ཁབ་ཀྱི་
ཐེངས་འདིའི་ཚོགས་ཐོག་ཏུ་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་དང་། གཏན་འཇགས་ཐབས་ཇུས་འཆར་བཀོད་ཚོགས་ཆུང་གི་སློབ་སྟོན་པ་སྐལ་བཟང་རྒྱལ་མཚན་ལགས། སྦེལ་ཇེམ་སྐུ་ཚབ་དོན་གཅོད་རིག་འཛིན་ཆོས་སྒྲོན་ལགས། སུད་སི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས། གཏན་འཇགས་ཐབས་ཇུས་འཆར་བཀོད་ཚོགས་ཆུང་གི་ཚོགས་མི་བཀྲཤིས་རྒྱ་མཚོ་ལགས། ཕྱི་དྲིལ་་དྲུང་ཆེ་ཀརྨ་ཆོས་དབྱིངས་ལགས། བཀའ་དྲུང་བློ་བཟང་ཆོས་གྲགས་ལགས། དྲ་ཐོག་བརྒྱུད་ལོན་ཌོན་སྐུ་ཚབ་དོན་གཅོད་བསོད་ནམས་ཧྤ་ར་སི ལགས།(Sonam Frasi) ཕྱི་དྲིལ་དྲུང་འཕར་རྣམ་རྒྱལ་ཚེ་དབང་ལགས་དང་བསྟན་འཛིན་ལེགས་བཤད་ལགས། ལྡི་ལི་སྐུ་ཚབ་དོན་གཅོད་ཁང་གི་དྲུང་ཆེ་དོན་གྲུབ་རྒྱལ་པོ་ལགས་བཅས་ཕེབས་ཡོད་པ་མ་ཟད། ཅེག་སྤྱི་མཐུན་རྒྱལ་ཁབ་ཀྱི་སྲིད་བློན་གཞོན་པ་ཟུར་པ་སྐུ་ཞབས་མར་ཊིན་བྷུར་སིག་ (Martin Bursik) མཆོག་དང་། ཅེག་སྤྱི་མཐུན་རྒྱལ་ཁབ་ཏུ་རྟེན་གཞི་བྱས་པའི་བསམ་མཛོད་བསྟི་གནས་ཁང་གི་འགན་འཛིན་པ་མར་ཌིན་(Martin Hala) ལགས། ༢༠༠༠ ཞི་བདེའི་གླེང་སྟེགས་ཀྱི་ངེས་སྟོན་པ་ཇཱ་ཀུབ་(Jakup Klepal) ལགས། ཨི་ཊ་ལི་བོད་རིགས་མཐུན་ཚོགས་ཀྱི་ཚོགས་མི་(Gunther Cologna) ལགས། ཡུ་རོབ་རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་བཀྲས་མཐོང་བསྟན་འཛིན་དབང་པོ་ལགས། རྒྱལ་སྤྱིའི་བོད་དོན་ལས་འགུལ་ཁང་གི་ཡུ་རོབ་སྲིད་བྱུས་ངེས་སྟོན་པ་སྐུ་ཞབས་ཝིན་སེན་ཌི་(Vincent Metten) ལགས་བཅས་ཀྱིས་ཡུ་རོབ་བོད་དོན་ཐབས་ཇུས་སྐོར་གསུང་བཤད་གནང་ཡོད་འདུག
ཐེངས་འདིར་ཡུ་རོབ་ཀྱི་གནས་བབ་སྲིད་ཇུས་འཛིན་སྟངས་སྐོར་གྱི་གོ་རྟོགས་དང་། བོད་དོན་ཆེད་ཡུ་རོབ་ཀྱི་སྡིངས་ཆ་དུ་མ་དང་། ཡུ་རོབ་མཐུན་ཚོགས་ནང་གོ་རྟོགས་སྤེལ་བ། བོད་ཀྱི་གནད་དོན་ཐད་གདོང་ལེན་བྱེད་ཕྱོགས་སོགས་ལ་དམིགས་ཏེ་ཚོགས་འདུ་འཚོགས་པ་ཞིག་ཡིན་འདུག
ཐེངས་འདིའི་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་བདུན་ཕྲག་ལྷག་གི་ཡུ་རོབ་ཁུལ་གྱི་གཞུང་འབྲེལ་ཕྱོགས་སྐྱོད་དང་བསྟུན། ཟླ་འདིའི་ཕྱི་ཚེས་ ༣༡ ནས་ཕྱི་ཟླ་ ༩ ཚེས་ ༢ བར་འཚོག་གཏན་འཁེལ་བའི་༢༠༠༠ ཞི་བདེའི་གླེང་སྟེགས་སྐབས་ ༢༦ པའི་གཙོ་སྐྱོང་བ་ཅེག་སྤྱི་མཐུན་རྒྱལ་ཁབ་ཀྱི་གཞུང་འབྲེལ་མི་སྣ་དང་གྲོས་ཚོགས་འཐུས་མི་རྣམས་ལ་མཇལ་འཕྲད་གནང་རྒྱུ་ཡིན་པ་མ་ཟད། གླེང་སྟེགས་དེའི་ཐོག་མཉམ་ཞུགས་གནང་རྒྱུ་ཡིན་འདུག
བྱམས་པ་ཚེ་རིང་།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
