- བོད་ནང་གི་གླུ་བ་གངས་བཞུགས་ལགས་དགུང་ལོ་ ༥༡ སྟེང་ནད་གཞིའི་རྐྱེན་གྱིས་འདས་གྲོངས་སུ་ཕྱིན་ཡོད་འདུག
མདང་དགོང་བོད་ནང་གི་ཆུ་ཚོད་ ༣:༡༨ ཐོག་བོད་ཀྱི་གཞས་པ་གྲགས་ཅན་གངས་བཞུགས་ལགས་ནད་གཞིའི་རྐྱེན་གྱིས་ཁྲིན་ཏུའུ་གྲོང་ཁྱེར་དུ་འདས་གྲོངས་སུ་ཕྱིན་ཡོད་སྟབས། བོད་ཕྱི་ནང་གཉིས་ཀྱི་སྒྱུ་རྩལ་བ་དང་གླུ་བ་གླུ་མ། རྩོམ་པ་པོ་སོགས་མི་མང་པོས་གདུང་སེམས་མཉམ་སྐྱེད་བྱེད་བཞིན་འདུག
གཞས་པ་གངས་བཞུགས་ལགས་ནི་ཕྱི་ལོ་ ༡༩༧༣ ལོའི་ཟླ་ ༩ ཚེས་ ༡༥ ཉིན་བོད་མདོ་སྨད་རྔ་བའི་ཡུལ་དུ་སྐྱེས་ཤིང་། སི་ཁྲོན་རོལ་དབྱངས་སློབ་གླིང་ནས་རོལ་མོའི་ཐོག་བསླབ་པ་མཐར་སོན་ཡོད་པ་དང་། ཁོང་ནི་གངས་ལྗོངས་ཁུ་བྱུག་སྔོན་མོ་བདུད་བྷེ་ལགས་ཀྱི་སློབ་མ་ཐོག་མའི་གྲས་ཡིན་འདུག ཁོང་གིས་ཟི་ལིང་གྲོང་ཁྱེར་དུ་ཉི་མའི་ཚོ་བ་གླུ་གར་གླིང་ཞེས་པའི་ནང་མ་ཁང་ཞིག་བཙུགས་ནས་བོད་ཀྱི་གླུ་གཞས་སྒྱུ་རྩལ་ཐོག་ཆེད་ལས་རང་བཞིན་གྱི་ཐོག་ནས་འབད་འབུངས་གནང་ཡོད་པ་དང་། མདོ་དབུས་ཁམས་གསུམ་གྱི་གླུ་གཞས་ལ་དགའ་བའི་སློབ་མ་མང་པོ་ཞིག་ཀྱང་སྐྱེད་སྲིང་གནང་ཡོད་འདུག་ལ། ཁོང་གི་གླུ་གཞས་བརྩམས་ཆོས་ཟླ་འོད་འོག་གི་ཕོ་བྲང་པོ་ཏ་ལ་དང་། མཐོ་སྒང་དམར་པོ། མ་ཎི་རྡོ་འབུམ། སེམས་ཀྱི་ལོག་ཕེབས། སྙིང་ཁོང་གི་འབོད་པ། འཛོམས་པ་ཡག་མོ་སོགས་སྤྱི་ཚོགས་ཐོག་ཏུ་དགའ་མོས་ཆེན་པོ་ཐོབ་ཡོད་པ་རེད།
གསར་འགོད་པ། བྱམས་པ་ཚེ་རིང་།
རྩོམ་སྒྲིག་པ། པདྨ་མཚོ།
