རྒྱ་ནག་དམར་གཞུང་གིས་བོད་བྲག་མགོ་རྫོང་ཁོངས་ཀྱི་སྟོན་པའི་སྐུ་བརྙན་ཆེན་པོ་བཞུགས་ས་དེ་རྟ་རྒྱུག་ཐང་དུ་བཟོས་ཡོད་པ་དང་དགེ་ལྡན་ནང་བསྟན་སློབ་གྲྭ་རྩ་མེད་བཟོས་པའི་ཤུལ་དུ་ཁང་རྩེག་ཆེན་པོ་གཉིས་གསར་དུ་བརྒྱབ་འདུག
ཕྱི་ལོ་ ༢༠༢༡ ་ཟླ་ ༡༢ ཚེས་ ༡༢ ཉིན་རྒྱ་ནག་གཞུང་གིས་བོད་བྲག་མགོའི་དགའ་ལྡན་རབ་བརྟན་རྣམ་རྒྱལ་གླིང་གི་ཉེ་འཁྲིས་སུ་བཞེངས་ཡོད་པའི་མཐོ་ཚད་ལ་་ཁྲུ་ ༩༩(foot)ཅན་གྱི་སྟོན་པའི་སྐུ་བརྙན་དང་། རྗེ་བཙུན་བྱམས་མགོན་གྱི་སྐུ་བརྙན། མ་ཎི་དུང་འཁོར་བཞི་བཅུ་ཞེ་ལྔ་བཅས་གཏོར་བཤིག་བཏང་བའི་གནས་ཚུལ་ཕྱི་ཕྱོགས་སུ་ཐོན་ཡོད་ཀྱང་། སྐབས་དེར་ས་གནས་སུ་དམ་དྲག་ཆེ་བའི་རྐྱེན་གྱིས་གནས་ཚུལ་ག་རེ་བྱུང་ཡོད་མེད་ཁ་གསལ་ཆགས་མེད་པ་རེད།
འདི་ག་བོད་ཀྱི་དུས་བབ་གསར་ཁང་གིས་རྒྱུས་ལོན་རིམ་པ་བྱས་ཏེ་ཤེས་རྟོགས་བྱུང་བ་ལྟར་ན། རྒྱ་ནག་དམར་གཞུང་གིས་སྐབས་དེར་རྩ་གཏོར་བཏང་བའི་རྗེ་བཙུན་བྱམས་མགོན་གྱི་སྐུ་བརྙན་དེ་གང་དུ་ཡོད་མེད་ཤེས་རྟོགས་ཐུབ་ཀྱི་མི་འདུག་ཀྱང་། སངས་རྒྱས་ཀྱི་སྐུ་བརྙན་དེ་བྲག་མགོ་དགོན་གྱི་འདུ་ཁང་ནང་བཞག་སྟེ། སྔར་གྱི་སྐུ་བརྙན་བཞུགས་ཡུལ་དེར་རྟ་རྒྱུག་ཐང་ངམ་རྟ་རྒྱུག་འཁོར་ཐང་ཆེན་པོ་ཞིག་བཟོས་འདུག ཐུབ་པའི་སྐུ་བརྙན་དེ་ནི་རང་བྱུང་གི་གནོད་སྐྱོན་དང་ནད་ཡམས་མུ་གེ་སོགས་ཟློག་ཆེད། ས་གནས་མང་ཚོགས་ཀྱིས་འགྲོ་གྲོན་རྒྱ་སྒོར་ ༤༠༠༠༠༠ ལྷག་བཏང་བ་དང་ས་གནས་སྲིད་གཞུང་གི་ཆོག་མཆན་ཐོབ་པའི་ཐོག་ནས་ཕྱི་ལོ་ ༢༠༡༥ ལོར་གསར་བཞེངས་གནང་བ་ཞིག་ཡིན་པ་རེད།
དེ་བཞིན་རྒྱ་ནག་དམར་གཞུང་གིས་ཕྱི་ཟླ་ ༡༠ ཚེས་ ༣༡ ནས་ཉིན་གྲངས་ ༣ ནང་ཚུད་བྲག་མགོ་དགའ་ལྡན་རབ་བརྟན་རྣམ་རྒྱལ་གླིང་དགོན་པའི་འཛིན་སྐྱོང་འོག་ཡོད་པའི་དགེ་ལྡན་ནང་བསྟན་སློབ་གྲྭ་སྒོ་བརྒྱབ་དགོས་པའི་བཀའ་ཕབ་པ་ལྟར། དགེ་ལྡན་ནང་བསྟན་སློབ་གྲྭ་སྒོ་བརྒྱབ་སྟེ་རྩ་གཏོར་བཏང་ཡོད་པ་དང་། དེང་སང་སློབ་གྲྭའི་ཤུལ་དུ་ཁང་རྩེག་ཆེན་པོ་གཉིས་གསར་དུ་བརྒྱབ་འདུག ཡིན་ནའང་། ད་ལྟའི་ཆར་ཁང་རྩེག་ཆེན་པོ་དེ་གཉིས་ག་རེའི་ཆེད་དུ་ཡིན་མིན་སོགས་ཤེས་རྟོགས་ཐུབ་ཀྱི་མི་འདུག
ཡང་ལོ་དེའི་ཕྱི་ཟླ་ ༡༡ པའི་ནང་བྲག་མགོ་དགོན་ནས་སྤྱི་ལེ་ ༢༤ ཙམ་གྱི་སར་ཡོད་པའི་ཆ་ནང་དགོན་པའི་དགེ་འདུན་པ་རྣ
ཕྱི་ལོགས་སུ་གནས་ཚུལ་མཁོ་སྤྲོད་བྱས་པའི་ཉེས་
ལོ་དེར་བོད་བྲག་མགོ་རྫོང་ཁོངས་སུ་རིག་གནས་གསར་བརྗེ་བསྐྱར་དུ་བསླེབས་པ་ལྟ་བུའི་ཆབ་སྲིད་བྱ་འགུལ་སྤེལ་ཡོད་ལ། སྐབས་དེར་བྲག་མགོ་རྫོང་གི་དམར་ཤོག་དྲུང་ཆེ་ཝང་ཏུང་ཧྲིན་(王东升)ཟེར་བ་དེ་ཕྱི་ལོ་ ༢༠༢༤ ལོའི་ཕྱི་ཟླ་ ༡ ཚེས་ ༡༦ ཉིན་ཁྲིན་ཏུའུ་གྲོང་ཁྱེར་གྱི་སྣ་འཛོམས་ཚོང་གཉེར་ཁང་ཞིག་གི་ལྔ་ཐོག་ནས་མཆོངས་བའམ་ལྷུང་སྟེ་གློ་བུར་འདས་གྲོངས་སུ་གྱུར་ཡོད་པ་དང་། ཕྱི་ལོ་ ༢༠༡༦ དང་ ༢༠༡༧ ལོར་གསེར་རྟ་བླ་རུང་ཆོས་སྒར་ཆེན་མོའི་གྲྭ་ཤག་ ༧༠༠༠ ལྷག་རྩ་གཏོར་བཏང་བ་དང་། སྔ་རྗེས་སུ་གྲྭ་བཙུན་ ༤༥༠༠ ལྷག་ཕྱིར་འབུད་གཏོང་སྐབས་ཀྱང་ཝང་ཏུང་ཧྲིན་ཟེར་བ་དེ་གསེར་རྟ་རྫོང་གི་དམར་ཤོག་དྲུང་ཆེ་ཡིན་འདུག
གསར་འགོད་པ། སྐལ་བཟང་སྦྱིན་པ། རྩོམ་སྒྲིག་བྱེད་མཁན། པདྨ་མཚོ།
