རྒྱ་གར་ནི་གནམ་གཤིས་སོགས་ཀྱི་དབང་གིས་ཁོར་ཡུག་འབག་རྩོག་ཆེ་ཤིང་མཁའ་རླུང་རྩོག་ཤོས་ཀྱི་རྒྱལ་ཁབ་ཅིག་ཡིན། འོན་ཀྱང་ཉེ་ཆར་རྒྱ་གར་གྱི་འཕྲུལ་རིག་སློབ་གཉེར་བ་སྐོར་ཞིག་གིས་རླུང་ལ་བརྟེན་ནས་རྒྱུག་པའི་ སྦག་སྦག་ཅིག་གསར་གཏོད་བྱས་ཏེ། སྦག་སྦག་འདིས་རྒྱ་གར་གྱི་འབག་རྩོག་གི་སྙིགས་རོ་ཇེ་ཉུང་ལ་གཏོང་བའི་རེ་བ་བྱེད་ཀྱིན་ཡོད་འདུག སྦག་སྦག་འདི་ལ་རྡོ་སྣུམ་སོགས་དེང་རབས་ཀྱི་འགྲིམ་འགྲུལ་འཕྲུལ་རིགས་ལ་སྤྱོད་པའི་སྣུམ་རིགས་ཅི་ཡང་མི་དགོས་པར། རྗུང་ཤུགས་ལ་བརྟེན་ནས་རྒྱུག་ཐུབ་གི་ཡོད་པ་རེད། འདིས་རྒྱ་གར་གྱི་སྐྱེས་ཁམས་ཁོར་ཡུག་སྲུང་སྐྱོབ་ལ་ནུས་པ་ཆེན་པོ་ཞིག་འདོན་ཐུབ་པའི་རེ་བ་བྱེད་ཀྱིན་ཡོད་པ་རེད།
འཕྲུལ་རིག་ཆེད་ལས་མཁས་དབང་དག་གིས་མིའི་རིགས་དང་འཁོར་ཡུག་ལ་ཕན་པའི་འཕྲུལ་རིག་དག་བཟོ་བསྐྲུན་བྱེད་པ་ལས་རྡུལ་ཕྲན་ཚོན་ཆ་ལྟ་བུའི་གཤིན་རྗེའི་ལག་ཆ་དག་བཟོ་བསྐུན་བྱེད་པར་གནོ་བསམ་བརྩེ་གཅིག་ཏུ་གཏང་བ་ནི་དམྱལ་བ་གནར་མེད་དུ་འགྲོ་བའི་གྲ་སྒྲིག་བྱེད་པ་ཞིག་རེད། །
རྒྱ་གར་བ་དེ་ཚོའི་རྣམ་དཔྱོད་ཧ་ལས་པའི་ཚོད་དུ་འདུག འཛམ་གླིང་འདིའི་སྟེང་ནས་གློག་ཀླད་ཀྱི་ཆེད་མཁས་པའང་རྒྱ་གར་གྱི་ཡུལ་མི་བྱུང་ཡོད་ལ། འདས་ལོ་ཉིས་སྟོང་བརྒྱད་པའི་ནང་དུ་རྒྱ་གར་བས་ཟླ་བའི་གོ་ལའི་སྟེང་ལ་འཕུར་སྐྱོད་ཚོད་ལྟའང་བྱས་སོང་།
སྦག་སྦག་འདི་བཟོ་མཁན་རྣམས་ལུ་དྷི་ཨ་ན་ནས་རེད་འདུག ས་གནས་དེ་ནི་བོད་མི་ཚོས་བལ་བཟོས་ཚོང་ཟོག་ལེན་ས་དེ་རེད།
འོན་ཀྱང་རླུང་ཤུགས་ལ་བརྟེན་པའི་སྦག་སྦག་ཐོག་མར་བཟོ་མཁན་རྒྱ་གར་བ་རེད་མི་འདུག ༢༠༠༨།༨ ནང་ནས་ཐེ་ཝན་གྱི་རྒྱལ་ཡོངས་སློབ་ཆེན་གྱིས་ཀྱང་སྦག་སྦག་དེ་འདྲ་ཞིག་བཟོས་ཟིན་འདུག ཞིབ་ཕྲ་འདྲ་པར་དང་བཅས་པའི་གསར་འགྱུར་འདི་ན་འདུག
http://www.bikeindia.in/news/BikeStuff/Bikes-that-run-on-thin-air-literally/
སྦག་སྦག་འདི་སྒྲ་མེད་པ་དེ་འདྲ་རེད་མི་འདུག གཞོགས་གཉིས་ལ་བཙིར་གནོན་བྱས་པའི་རླུང་སྣོད་གཉིས་ཡོད་པ་དེ་སྤྱད་དེ་འགྲོ་ཞིང། ཆུ་ཚོད་གཅིག་ལ་རིང་ཚད་ཀི་ལོ་མི་ཊར་ ༡༨ འགྲོ་ཐུབ་ཀྱི་ཡོད་འདུག སྤྱིར་བཏང་གི་སྦག་སྦག་གིས་སྐར་མ་ ༣༠ ནང་ཀི་ལོ་མི་ཊར་ ༡༨ འགྲོ་ཐུབ།
སྦག་སྦག་དེ་སློབ་ཕྲུག་ཁག་ཅིག་གིས་དགེ་རྒན་གྱིས་བཀའ་མངགས་ལྟར་བསྐྲུན་པ་རེད། དེ་ལ་ཡར་རྒྱས་མང་པོ་གཏོང་རྒྱུ་བསྡད་ཡོད།
སྤྱིར་བཏང་ཕྱི་རྒྱལ་ཁག་ཏུ་གློག་ཤུགས་ལ་བརྟེན་ནས་འགྲོ་བའི་འགྲིམས་འགྲུལ་ཡོ་ཆས་དང་། ཉི་འོད་ཀྱི་ནུས་པར་བརྟེན་ནས་འགྲོ་བའི་སྦག་སྦག་སོགས་ཡོད་རེད། དེ་ཚོ་དེ་ཙམ་དར་ཁྱབ་ཆེན་པོ་ཡོང་གི་མེད། གཙོ་བོ་ནི་དེ་རིགས་ལ་རྒྱབ་སྐྱོར་གྱིས་ཡར་རྒྱས་དང་དར་ཁྱབ་ཤུགས་ཆེ་སོང་ན། སྣུམ་འཁོར་དང་རྡོ་སྣུམ་གྱི་བཟོ་གྲྭ་མང་པོར་གྱོང་ཕོག་གི་ཡོད་ཙང་རེད་ཟེར།
གསར་གཏོད་བྱས་མ་ཐག་གི་སྦག་སྦག་འདི་ཡང་དར་ཁྱབ་ཆེན་པོ་ཡོང་དཀའ་བ་རེད། ག་རེ་བཤད་རུང་མ་བཤད་རུང་། འཛམ་གླིང་འདི་ད་ལྟ་འབྱོར་ལྡན་ཚོང་པ་ཚོའི་ལག་ལ་ཡོད་རེད།
རྒྱ་གར་བ་འདི་ཚང་གི་རྣམ་དཔྱོད་དེ་ཧ་ལས་པ་ཞིག་མ་རེད་དམ། མེས་པོ་དག་འདས་ཀྱང་ཕྱི་རབས་པ་དག་གིས་ཀྱང་དུས་རབས་ཀྱི་བདག་པོ་བྱེད་ཐུབ་ཀྱི་འདུག