མཚོ་སྔོན་མི་རིགས་དགེ་ཐོན་སློབ་གྲྭ་སོགས་ཀྱི་སློབ་ཕྲུག་ཚོར་དམག་སྦྱོང་སྤྲད་ཡོད་འདུག
བོད་ཀྱི་དུས་བབ་ཟིན་བྲིས་པ་ཨ་རིག་དགེ་མཐོང་ལགས་ཀྱི་ཟིན་བྲིས་སུ་གནས་ཚུལ་སྤེལ་བ་ལྟར་ན། ཆབ་ཆར་ཡོད་པའི་ལན་ཀྲོའུ་དམག་ཁུལ་གྱིས་གོ་སྒྲིག་བྱས་པ་བཞིན། སྤྱི་ཟླ་༤བའི་ཚེས་༡༡ཉིན་ནས་བཟུང་མཚོ་སྔོན་མི་རིགས་དགེ་ཐོན་སློབ་ཆེན་དང་མི་རིགས་དགེ་ཐོན་སློབ་གླིང་། མཚོ་ལྷོ་ཡན་ལག་སློབ་ཁུལ་བཅས་ཀྱིས་ཐེངས་འདིའི་གཟའ་སྤེན་པ་དང་གཟའ་ཉི་མ་གཉིས་བེད་སྤྱད་ནས་གྲྭ་སྒྲིག་འཛིན་གྲྭ་དང་ཆེད་སྦྱོང་འཛིན་གྲྭ༨དང་འཛིན་གྲྭ་༩༼དར་མ་འཛིན་གྲྭའི༽སློབ་ཕྲུག་ཚོར་དམག་སྦྱོང་ཞིག་སྤྲད་ཡོད་འདུག་ལ། དམག་སྦྱོང་ལ་ཞུགས་པ་རྣམས་ལ་རིན་མེད་དུ་དམག་ལྭ་གསར་བ་ཆ་ཚང་རེ་བྱིན་པར་མ་ཟད། ད་དུང་དམག་སྦྱོང་སྐབས་ཉིན་རེར་རྒྱ་སྒོར་བཅུ་ཡི་གླ་ཕོག་ཀྱང་ཡོད་འདུག
དམག་སྦྱོང་གཙོ་བོ་ནི་དམག་ལྭ་གྱོན་ཞིང་ལག་ཏུ་དབྱུག་པ་དང་འགོག་སྲུང་ཡོ་ཆས་བཟུང་ནས་ཕ་རོལ་བོར་ཇི་ལྟར་རྒོལ་བ་དང་རང་ཉིད་སྲུང་ཐབས་བྱེད་པའི་ཐད་ལ་སྦྱོང་བརྡར་བྱེད་རྒྱུ་དེ་ཡིན་འདུག
བདག་གིས་སློབ་ཆེན་ལ་ཡིག་ཚད་གཏོང་རྒྱུར་གྲ་སྒྲིག་ཆེད་སྤྱི་ལོ་ ༡༩༩༨ ལོའི་སྟོན་ཁར་ནུབ་བྱང་མི་རིགས་སློབ་ཆེན་དུ་རྒྱུགས་གཞིའི་སྦྱོང་བརྡར་ཡིག་ཆ་འཚོལ་སྒྲུབ་བྱེད་དུ་བསྐྱོད་སྐབས། ཞོགས་པ་ཞིག་ལ་སློབ་མ་རྣམས་འཛིན་གྲྭ་འཚོགས་རྗེས་ང་གཅིག་པུ་སློབ་གྲྭའི་ཁོར་ཡུག་ལ་ལྟད་མོར་ལྟ་ཞོར་རྐང་རྩེད་སྤོ་ལོ་རྩེ་ཐང་ལ་ཕྱིན་པ་ཡིན། ཉིན་དེར་གཟའ་ཉི་མ་མིན་ཡང། གཟའ་ཉི་མ་བཞིན་སློབ་མ་མང་པོ་ཞིག་གིས་སྤོ་ལོ་རྩེ་བཞིན་འདུག་ལ། རྩེད་ཐང་དེའི་ཟུར་ཞིག་ཏུ་དམག་མི་བརྒྱ་སྐོར་ཞིག་གིས་དམག་སྦྱོང་བྱེད་ཀྱིན་འདུག་པ་མཐོང་སྐབས། ཨོ་་་་་ སློབ་ཆེན་འདིར་དམག་མིའི་སྡེ་ཁག་ཅིག་ཀྱང་ཡོད་ཚོད་འདུག་དྲན་བྱུང་།
ངས་སྤོ་ལོ་ཡུན་ཙམ་ལ་རྩེས་རྗེས་སློབ་གྲྭའི་རིག་གནས་ཐང་ཆེན་བརྒྱུད་དེ་ཕྱིར་ཉལ་ཁང་དུ་ལོག་སྐབས། རིག་གནས་ཐང་ཆེན་དུའང་གོང་བཞིན་མི་སུམ་བརྒྱ་ཡས་མས་ཤིག་གིས་དམག་སྦྱོང་བྱེད་ཀྱིན་འདུག འོན་ཀྱང། རྐང་རྩེད་སྤོ་ལོ་རྩེད་ཐང་གི་དམག་ཁག་དེ་དང་མི་འདྲ་བར་དམག་ལྭ་གྱོན་མི་འདུག་ལ། སྐྲ་འཇོག་སྟངས་དང་ལྭ་གྱོན་སྟངས་ཀྱང་འདྲ་མིན་རེད། ལྷག་པར་དུ་ཕོ་མོ་མཉམ་བསྲེས་བྱས་ཡོད་དེས་ང་རང་དོགས་གནས་སུ་བསྐྱལ། དམག་སྦྱོང་སྤྲོད་མཁན་དགེ་རྒན་དག་གི་རྣམ་འགྱུར་ཧ་ཅང་གྲུང་ཤ་དོད་པོ་ཡིན་ཡང་། སློབ་མ་ཚོར་དེ་ཙམ་དོ་སྣང་མི་འདུག་ལ། རེ་ཟུང་གི་གདོང་ལ་འདོད་པ་མེད་པའི་མདངས་ཤིག་ཀྱང་མངོན་འདུག
ངས་ཁོང་ཚོའི་འགྲམ་དུ་ངལ་གསོ་བརྒྱབས་ཡོད་པའི་མི་ཞིག་ལ་སྐད་ཆ་དྲིས་སྐབས། ང་ཚོ་དམག་མི་མ་རེད། སློབ་མ་གསར་བ་རེད། སློབ་ཞུགས་གསར་བ་ཚང་མས་དམག་སྦྱོང་བྱ་དགོས་པ་རེད་ཟེར། ཡང་ཁོང་ལ་ཕར་ཕྱོགས་སྤོ་ལོ་རྩེད་ཐང་གི་དེ་ཚོ་དམག་མི་ཡིན་མིན་དྲིས་པར། དེ་དག་ཀྱང་དམག་མི་མ་རེད། ང་ཚོ་ལས་ཅུང་རྙིང་བའི་སློབ་མ་རེད། ཅེས་ལན་བཏབས་སོང་། སྐབས་དེར་ངའི་སེམས་སུ་མའོ་ཙི་ཏུང་གི་གསུང་དུམ་ཞིག་གློ་བུར་དུ་དྲན། ༼ང་ལ་མི་གྲངས་དུང་ཕྱིར་བཅུ་གཉིས་ཡོད་ལ། རྒྱལ་ཁབ་ཛ་དྲག་གི་སྐབས་སུ་དམག་མི་དུང་ཕྱིར་བཅུ་གཉིས་ཡོད།༽ ཟེར་བ་འདི་རེད།
ཚོད་དཔག་གི་སྐད་ཆ་བྱུང་རྒྱལ་དུ་བཤད་ཆོག་ས་ཞིག་ལ་ང་ཚོའི་མཆན་བུ་འདེབས་མཁན་རྣམས་འཚང་ཁ་ཤིག་ཤིག་རེད།་་འདི་ནི་དོན་ལ་གཞོལ་མིན་ལ་ལྟ་མི་དགོས་པས་ལོས་ཡིན།་དེའི་སྟེང་ལ་རང་ཉིད་ཀྱིས་ཕྱོགས་གང་ས་ནས་སྣ་ཐོས་རྒུན་འབུ་བཏུས་ཏེ་དེ་དག་འབྱོར་ན་མི་འབྱོར་ན་བཙན་སྦྱོར་བྱེད།་ཅི་འདྲའི་ཆོ་མེད་པ་ལའངངངངངང
འདིའི་ཐད་ངས་བཟང་ཆ་ངན་ཆ་གཉིས་ཀ་བརྗོད་ཐུབ་ཀི་མི་འདུག
སྤྱིར་བཏང་དམག་སྦྱོང་བྱེད་དགོས་པ་གལ་ཆེན་རེད། ལྷོ་ཀོ་རི་ཡ་ལྟ་བུར་མཚོན་ན། གཞི་རིམ་སློབ་གྲྭ་ཐོན་རྗེས་བུ་ཚང་མ་ངེས་པར་དམག་སྦྱོང་དུ་ཞུགས་དགོས། གཞི་རིམ་སློབ་གྲྭའི་ནང་ལ་ཡང་དམག་སྦྱོང་སྤྲོད་ཀྱི་འདུག
རྒྱ་གར་གྱི་གཞི་རིམ་སློབ་གྲྭ་ཁག་ཏུའང་དུས་རབས་སྔོན་མའི་ལོ་རབས་བདུན་ཅུ་བརྒྱད་ཅུའི་ནང་དམག་སྦྱོང་སྤྲད་པ་རེད། དེང་སྐབས་ཀྱང་སྤྲོད་ཀི་ཡོད། སྤྲོད་སྟངས་ལ་འགྱུར་བ་སོང་འདུག
རྒྱ་གར་ནང་ཡོད་པའི་བཙན་བྱོལ་བོད་མིར་ཆ་བཞག་ནའང། འཛིན་རིམ་བཅུ་གཉིས་ཐོན་རྗེས་བརྒྱ་ཆ་གཏན་འབེབས་ལྟར་མ་ལོངས་པ་༼བུ་ཁོ་ན་མ་གཏོགས་བུ་མོ་འགྲོ་མི་དགོས་༽རྣམས་ངེས་པར་ལོ་གསུམ་རིང་དམག་སྒར་དུ་འགྲོ་བཞིན་ཡོད་པ་རེད།
དམག་སྦྱོང་འདི་རིགས་ཀྱིས་སློབ་ཕྲུག་གི་ལུས་པོའི་བདེ་ཐང་ལ་ཏན་ཏན་ཕན་གྱི་འདུག་པར་མ་ཟད། ཛ་དྲག་གི་གནས་ཚུལ་བྱུང་དུས་རང་སྲུང་བྱེད་སྟངས་ཤེས་ཀྱི་རེད། རྒྱལ་ཁབ་ཅིག་གི་ཆ་ནས་བཤད་ན། ཛ་དྲག་གི་དུས་སྐབས་སུ་འདི་དེ་བས་ཀྱང་གལ་ཆེན་པོ་རེད།
འོན་ཀྱང་རྒྱ་ནག་གཞུང་གི་དམིགས་ཡུལ་གཞན་ཞིག་བཅངས་ཡོད་ཚེ་བཤད་དཀའ་བ་ཞིག་རེད།
ཁ ཤས་ཀྱིས་འདིའི་དམིགས་ཡུལ་ངོས་ཟིན་གྱིན་མེད་པ་འདྲ། རྒྱ་རྒན་ཚང་གིས་སློབ་བུ་འདི་ཚོ་ལ་ངེས་པ་དོན་གྱིས་ཤ་ཚ་སྲིད་དམ།
དམག་སྦྱོང་སྤྲོད་རྒྱུ་དེ་ཡག་པོ་རེད་ཅེས་བརྗོད་ཐལ་མ་གནང་རོགས།
སློབ་མ་ཚོ་ཤེས་ཡོན་སློབ་སྦྱོང་ཡར་རྒྱས་གཏོང་རྒྱུར་ཐབས་ལམ་འདྲ་མིན་བེད་སྤྱོད་བཏང་ནས་ཤུགས་རྒྱག་དགོས་པ་རེད་མ་གཏོགས།
དམག་སྦྱོང་འདི་གཡོ་སྒྱུའི་ཐབས་ལམ་ཞིག་ཡིན་པ་མ་ཟད།
ཐབས་ལམ་དེའི་རྒྱབ་ལྗོངས་ཀྱི་གནས་ཚུལ་ཅི་ཞིག་ཡོད་མེད་དེ་བརྟག་དགོས་པ་རེད།
སྔོན་མ་ལོ་ངོ་མི་ཉུང་བ་ཞིག་གི་རིང་ལྷ་ས་ཁུལ་གྱི་བཙོན་ཁང་ནང་གི་བཙོན་་ཡོངས་རྫོགས་ལ་ཡང་དམག་སྦྱོང་དེ་ལྟ་བུ་སྦྱོང་བརྡར་བྱེད་དུ་བཅུག་སྟེ། བཙོན་པ་ཚོཉིན་འཁྱོལ་ཡང་མཚན་མི་འཁྱོལ། མཚན་འཁྱོལ་ཡང་ཉིན་མི་འཁྱོལ་བའི་གནས་སྟངས་ཤིག་ཆགས་པ་མ་ཟད།
བཙོན་པ་མི་ཉུང་བ་ཞིག་དམག་སྦྱོང་སྤྲོད་སྐབས་རྡུང་རྡེག་བཏང་ནས་རྐྱེན་འདས་སུ་སོང་བ་ཡང་བྱུང་ཡོད།
དེ་ཚོ་ཡག་རྟགས་ཤིག་རེད་དམ།
ངས་བལྟས་ན་ར་དེ་འདྲ་ཞིག་རེད། གལ་སྲིད་རྗེས་ཕྱོགས་ན་ནིང་གི་དེ་འདྲའི་ངོ་རྒོལ་ཞིག་བྱས་ཚེ། སློབ་མ་འདི་ཚོ་སྔོན་ལ་ཕུད་དེ་བོད་མི་ཚོར་རྡུང་མཁན་ཆགས་རྒྱུ་རེད་བསམ་ནས་སེམས་འཁྲལ་ཞིག་ངང་གིས་ཡོང་གི་ བྱེད་སྟངས་འདི་ཚོར་ཅི་བྱས་ན་བསང་གི་རེད། འདྲ་པར་འདི་ཚོ་མཐོང་དུས་སྙིང་ན་ཡོང་གི་འདུག
འདི་ཡག་རྟགས་ཤིག་མ་རེད། སྔོན་མ་རིག་གནས་གསར་བརྗེའི་སྐབས་བཞིན་དུ་བོད་མིས་བོད་པ་གསོད་པ་བོད་མིས་བོད་པ་རྡུང་དུ་འཇུག་པའི་གྲ་སྒྲིག་རེད། བོད་རང་སྐྱོངས་ལྗོངས་ཀྱི་ས་ཁུལ་མང་པོར་ཡང་ཡུལ་དམག་བསྡུ་སྐོང་གི་ལས་འགུལ་སྤེལ་བཞིན་ཡོད་ཚུལ་ཐོས། ལུས་ཀྱི་དམག་སྦྱོང་གཅིག་པོས་ག་ལ་ཚད། སེམས་ཁམས་ལ་རྒྱའི་རྗེས་སུ་འབྲངས་དགོས་པའི་སློབ་སྦྱོང་ག་ཚོད་མང་པོ་ཞིག་སྤྲོད་ཀྱིན་མེད་དམ།
དམག་སྦྱོང་སྤྲད་པ་འདི་ཡག་པོ་རེད།
བོད་ནང་གི་བོད་རིགས་སྤུན་ཟླ་རྣམས་ལ་རྒྱ་ནག་གི་མེ་སྒྱོགས་དང་མེ་མདས་ཀྱང་གཏོར་མི་ཐུབ་པའི་ནང་བསམ་བློའི་གོ་ཆ་བརྟན་པོ་ཞིག་ཡོད་པར་མ་ཟད་བསམ་བློའི་གོ་ཆ་དེ་ལོ་རེ་ནས་ལོ་རེར་ཇེ་མཁྲེགས་ལ་འགྲོ་བཞིན་ཡོད། འོན་ཀྱང་། ད་ཕན་ལུས་ཀྱི་གོ་ཆ་བརྟན་པོ་ཞིག་མེད། དེར་བརྟེན། བོད་མི་ཉམ་ཆུང་རྣམས་ལ་རྒྱ་ནག་གི་དམག་མི་ཚོས་རྡུང་རྡེག་རབ་དང་རིམ་པ་གཏོང་བཞིན་ཡོད། དེ་ནས་བོད་རིགས་སློབ་ཆེན་པ་དག་གིས་ཀྱང་དམག་སྦྱོང་བྱས་ཏེ་ཕ་རོལ་བོར་ཇི་ལྟར་རྒོལ་བ་དང་རང་ཉིད་ཇི་ལྟར་སྲུང་ཐབས་ཤེས་བ་ཡིན་ན།
རྗེས་མ་རྒྱ་ནག་གི་དམག་གི་རྣམས་ཀྱི་རྩ་ནས་ཚུར་ཉེས་རྡུང་གཟད་་མ་དགོས་བར་ཕར་ལ་ཡང་རྒོལ་ཐུབ་པའི་རེ་བ་ཡོད། བོད་དམག་གཅིག་གིས་རྒྱ་དམག་བཅུ་གྲངས་ལ་རྒོལ་ཐུབ་པའི་རེ་བ་ཡོད།
ད་ལོ་རྒྱ་ནག་འདི་པ་ཚང་གིས་བོད་མི་ཚོར་དྲག་སྤྱོད་བྱེད་སྟངས་ཚུར་འཁྲིད་དེ་བོད་མི་གཞོན་སྐྱེས་དག་གི་ངར་ཤུགས་ཁོང་ཁྲོ་དང་འགྲོག་ནས་དྲག་སྤྱོད་བྱེད་ཐབས་འདིའི་ལམ་ལུགས་ཤིག་་ལ་བརྟེན་ནས། ནམ་ཞིག་བོད་པ་འདི་ཚོ་ཡང་འཚེ་བའི་ལས་སུ་ཞུགས་བཞིན་འདུག་ཟེར་ནས་འཛམ་གླིང་མི་མང་ལ་བསྒྲགས་ཆེད་དུ་འཆར་གཞི་འདི་ལག་ལེན་བསྟར་བཞིན་ཡོད་པ་མ་ཟད། ༧གོང་ས་མཆོག་གི་ནམ་རྒྱུན་དུ་བོད་མི་མང་གིས་འཚེ་མེད་ཞི་བའི་ལམ་ཁོ་ན་བརྟེན་བཞིན་ཡོད་ཟེར་བ་དེའི་རྒོལ་ལན་སྤྲོད་བཞིན་ཡོད་པ་བཅས་རེད་ཟེར་ནས་ཐག་གཅོད་བྱེད་ཆོག་པ་ཞིག་ཡིན། ད་ནི་དངོས་ནས་བོད་པ་ཚང་གི་གཞོན་སྐྱེས་དག་གིས་གཟབ་གཟབ་མ་བྱས་པ་ཡིན་ན། དངོས་ནས་བོད་མི་མང་དྲག་པོའི་ལམ་དུ་འཁྲིད་རྩིས་ཀྱི་འཆར་གཞིའི་འདི་བརྒྱུད་དེ་བོད་པ་ཚང་ཚར་གཅོད་གཏོང་འདོད་ཀྱི་ལམ་ཁར་ཞུགས་པ་མ་རེད་དམ་སྙམ་ཞོར་སེམས་ལ་སྐྱོ་སྣང་རང་དབང་མེད་པ་ཞིག་སྐྱེ་སོང་། དྲ་གྲོགས་ཚོ་ཁྱེད་ཅག་གིས་འདི་ལྟར་བསམ་བཞིན་ཡོད་དམ། ཡང་ན། ཁོང་ཚོ་ལ་བསླབ་བཞིན་པའི་དྲག་པོའི་སློབ་སྤྱོང་དེ་བསླབ་པ་ཡག་པོ་རེད་དྲན་བཞིན་ཡོད།