བླ་བྲང་དགོན་པའི་གྲྭ་ཚུལ་ཁྲིམས་རྒྱ་མཚོ་ལགས་ལ་ཀན་ལྷོ་ཁུལ་འབྲིང་རིམ་མི་དམངས་ཁྲིམས་ཁང་གིས་ཚེ་བཙོན་གྱི་ཁྲིམས་ཐག་བཅད་འདུག་ལ། དེ་བཞིན་སི་ཁྲོན་དཀར་མཛེས་ནས་བུ་སྤུན་གཉིས་འཇུས་འདུག
ལོ་སྔོན་མའི་བླ་བྲང་ས་ཁུལ་གྱི་ཞི་བའི་ངོ་རྒོལ་གྱི་དོན་རྐྱེན་ལ་འབྲེལ་བ་ཡོད་པར་བཤད་དེ། རང་ལོ་ ༣༧ ཡིན་པའི་བླ་བྲང་དགོན་པའི་གྲྭ་ཚུལ་ཁྲིམས་རྒྱ་མཚོ་ལགས་ལ་ཚེ་བཙོན་གྱི་ཁྲིམས་ཐག་བཅད་འདུག ལོ་སྔོན་མའི་ཞི་རྒོལ་ནང་ཞུགས་མཁན་སི་ཁྲོན་དཀར་མཛེས་ནས་ཡིན་པའི་བུ་སྤུན་གཉིས་ཏེ། རང་ལོ་ ༣༠ ཡིན་པའི་བསྟན་པ་དང་རང་ལོ་ ༢༥ ཡིན་པའི་བྱམས་རྡོ་གཉིས་འཛིན་བཟུང་བྱས་འདུག་ཅེས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་བསྒྲགས་ཡོད་པ་རེད།
རྒྱལ་གཅེས་དཔའ་པོ་གཉིས་ས་གནས་གཅིག་དང་ཉིན་གཅིག་ལ་དུས་བཀག་ཁྲིམས་ཐག་བཅད་པ་ཡིན་ཡང་འདིར་རྒྱལ་གཅེས་དཔལ་བོ་གཅིག་གི་གནས་ཚུལ་ལས་མེད་པ་གང་ཡིན། ཡ་མཚན་རེད།
མུན་ནག་གི་ཁྲིམས་རྭ་ལས་མྱུར་ཏུ་གློད་གྲོད་ཡོངས་བར་ཤོག
གལ་སྲིད་ཞི་བདེ་དང་དྲང་བདེན་ལ་དགའ་བའི་མི་སྣ་དང་། ལྷ་དང་། ཆོས་སྐྱོང་སྲུང་མ་ཡོད་ན་ང་ཚོ་བོད་པའི་བདེ་དོན་ལ་གཟིགས་དང་།
དཔེ་བསགས་སོང་།་ཡང་བོད་ཀྱི་དཔའ་བོར་ཚེ་སྲོག་གི་གོད་ཆགས་མ་ཡོང་བ་ཤོག