རྒྱ་གཞུང་གིས་འདི་ལོ་དགོན་པའི་གྲྭ་བ་ཚོར་སྔར་མེད་ཀྱི་དམ་དྲག་ཤུགས་ཆེར་བྱེད་བཞིན་འདུག་ཟེར།
ཕྱི་ཚེས་ ༧ ཉིན་འདི་གར་ཁུངས་ལྡན་གནས་ཚུལ་འབྱོར་བ་ལྟར་ན། རྒྱ་གཞུང་གིས། ལོ་སྔོན་མའི་ཞི་རྒོལ་ནས་བཟུང་རྨ་ལྷོ་ཁུལ་དུ་སྔར་མེད་ཀྱི་དམ་དྲག་ཤུགས་ཆེན་བྱས་ཡོད་པ་དང་། འདི་ལོའི་ཟླ་གསུམ་པ་དང་བཞི་བའི་བར་རྨ་ལྷོ་བོད་རིགས་རང་སྐྱོང་ཁུལ་དང་ཐག་མི་རིང་བའི་ཧ་ཡང་བཟོ་གྲྭའི་སུམ་མདོ་རུ་དམག་སྒར་བརྒྱབས་ཏེ། ཟི་ལིང་དང་བླ་བྲང་ཕྱོགས་ནས་ཕེབས་པའི་ཕྱི་གླིང་བ་གཙོས་ཕྱི་ཕྱོགས་ཀྱི་འགྲུབ་བ་ཡོངས་ལ་དོགས་ཟོན་གྱིས། འགྲོ་ལམ་ཆད་ཡོད་ཚུལ་བརྗོད་དེ་མི་གཅིག་ཀྱང་རྨ་ལྷོ་ཕྱོགས་སུ་མ་བཏང་བར་ཕྱིར་རང་སར་བཏང་ཡོད་འདུག་ལ། ཕྱི་ཕྱོགས་ཀྱི་གྲྭ་བ་གཅིག་ཀྱང་ཡོང་མི་ཆོག་པའི་གསལ་བསྒྲགས་སྤེལ་ཡོད་འདུག དེ་བཞིན། རོང་བོ་དགོན་པའི་དགེ་འདུན་པ་ཚོར་དམིགས་བསལ་གྱི་དམ་དྲག་ཤུགས་ཆེར་བྱས་ཏེ། དགེ་འདུན་པ་ཚོ་རང་ཁུལ་ལམ་ཡང་ན་རང་སྡེའི་ཁྱིམ་ཚང་གང་རུང་དུ་ཞབས་བརྟེན་དུ་འགྲོ་དགོས་ཚེ། ཞབས་བརྟེན་སྒྲུབ་ཡུལ་གྱི་སྦྱིན་བདག་དངོས་སུ་ཁུལ་སྤྱི་བདེ་ཉེན་རྟོག་ལས་ཁུངས་སུ་སོང་སྟེ། ཞབས་རྟེན་ཅི་ཞིག་སྒྲུབ་དགོས་པ་དང་། གྲྭ་བའི་གྲངས་འབོར་ག་ཚོད་ཅིག་ཕེབས་དགོས་པ། དེ་དག་གི་མིང་དང་དགེ་འདུན་པའི་ལག་ཁྱེར་ཨང་གྲངས་སོགས་གསལ་བོར་བཀོད་རྗེས་གྲྭ་བ་ཚོ་སོང་ཆོག་པ་ལས་རང་དགར་གྲྭ་གཅིག་ཀྱང་གཏོང་གི་མེད་པ་དང་། གྲྭ་བ་ཚོ་རང་ཁུལ་དང་བྲལ་ཏེ་ས་གཞན་དུ་འགྲོ་དགོས་ཚེ་ངེས་པར་སྤྱི་བདེ་ལས་ཁུངས་སུ་མིང་བརྟགས་འགོད་དགོས་པ་མ་ཟད། དམིགས་ཡུལ་དང་བྱ་བ་སོགས་གསལ་བཤད་བྱེད་དགོས་པའི་གནས་སྟངས་ཆགས་ཡོད་འདུག དེ་དང་གཅིག་མཚུངས་ཀྱིས་རྨ་ལྷོ་ཁུལ་མི་རིགས་དགེ་ཐོན་སློབ་གྲྭ་གཙོས་སློབ་གྲྭ་ཁག་ཏུའང་དམ་དྲག་ཤུགས་ཆེར་བྱས་ཏེ་སློབ་མ་ཚོར་གུང་གསེང་མ་བཏང་བར་ལྷག་ཡོད་འདུག་ལ་། སློབ་མ་དང་གྲྭ་བ་ཚོ་དུས་ནམ་ཡིན་ཡང་དམ་དྲག་དང་དོགས་ཟོན་ཁྲོད་གནས་འདུག
གྲྭ་བར་དོ་དམ་བྱས་པ་འདི་ནི་ལོ་རྒྱུས་ལ་འབྲེལ་བ་ཡོད་པ་ཞིག་རེད།འདི་ལ་རྒྱུ་རྐྱེན་གཉིས་ཡོད་དེ།གཅིག་ནི་བོད་སིལ་བུར་ཐོར་བའི་རྗེས་གྲྭ་བ་རྣམས་ཀྱིས་ཆོས་པ་ཚུལ་ལྡན་ཞིག་མ་བྱས་པར་སྲིད་དོན་ལ་ཐེ་ཇུས་མང་ཙས་བྱས་པ་དང་།གཉིས་ནི་ད་ལྟ་ཡིན་ཡང་ཆོས་ཀྱི་བསྟི་གནས་དག་ཏུའང་ལུང་རྟོགས་ཀྱི་བྱ་བར་མི་བརྩོན་པར་སྲིད་དོན་པ་ཞིག་བྱེད་འདོད་པ་དང་མ་ཟད་རང་ཉིད་ཀྱི་གནས་བབ་ངོས་ཟིན་གྱི་མེད་པར་དགོན་པའི་ནང་དུ་བོད་རང་བཙན་ཞེས་སྐད་འབོད་ཅིག་སྒྲོག་ཐུབ་ན་དོན་ཆེན་བྱས་པར་བསམ་པའི་ལོག་ལྟ་འདི་རེད།འདིའི་རྐྱེན་གྱིས་སྔར་ནས་ད་བར་དུ་རང་འཁྲིའི་འོས་འགན་དང་རང་གི་གནས་བབ་ངོས་ཟིན་ཐུབ་མེད་པ་མང་ངོ་།སྤྱིར་གྲྭ་བ་ཞིག་ཡིན་ན་ཆོས་པ་རྣམ་དག་གཞན་ལ་དང་བ་འདྲེན་པའི་དམིགས་རྐྱེན་ཞིག་ཡིན་དགོསཔ་རེད།འོན་ཀྱང་མང་པོ་ཞིག་གིས་འདི་ལྟར་བསམ་སྲིད།་༧གོང་ས་མཆོག་གིས་སྲིད་དོན་གྱི་ཕྱག་ལས་གནང་བ་དང་གྲྭ་བ་ཚོས་ཀྱང་ཆབ་སྲིད་ལ་དོ་སྣང་བྱེད་ཚུལ་གསུང་ཡོད་ཟེར་ན།སྲིད་དོན་གྱི་འགན་བཞེས་པ་ནི་དམིགས་བསལ་ཡིན་ཏེ་ཐུགས་འདོད་མེད་བཞིན་དུ་ད་ལྟའི་གནས་བབ་དང་བསྟུན་དགོས་པ་ཞིག་དང་།་གཞན་སྲིད་དོན་ལ་དོ་སྣང་་དགོས་ཚུལ་གསུང་བ་དེ་ནི་སྲིད་དོན་གྱི་ཁ་ཕྱོགས་དང་དེའི་གནས་བབ་ངོས་ཟིན་ཐུབ་པའི་ཆེད་དུ་གསུང་པ་ཞིག་ཡིན་པ་ལས་དེའི་ནང་དུ་ཞུགས་ཏེ་ཆ་ཤས་ལེན་རྒྱུ་དང་གོ་སྐབས་འཐོབ་པར་བརྩོན་དགོས་ཚུལ་བསྟན་པ་ཞིག་མ་རེད།ཞིབ་ཏུ་བསམ་ཚེ་ངེད་ཅག་བོད་པའི་སྤྱི་ཚོགས་སུ་བྱ་བའི་གོ་རིམ་ཐམས་ཅད་མགོ་མཇུག་ལོག་འདུགདཔེར་ན།གྲྭ་བས་ཆོས་མི་བྱེད་པར་སྲིད་བྱས།ཁྱིམ་པས་སྲིད་མི་བྱེད་པར་ཆོས་འདྲ་བྱེད་ཁུལ་བྱས།སློབ་མས་སློབ་སྦྱོང་མི་བྱེད་པར་ཁྲོམ་སྐོར་འདྲ་བྱས།དེ་འདྲ་བ་ཤིན་ཏུ་མང་ངོ།
གྲྭ་བར་དོ་དམ་བྱས་པ་འདི་ནི་ལོ་རྒྱུས་ལ་འབྲེལ་བ་ཡོད་པ་ཞིག་རེད།འདི་ལ་རྒྱུ་རྐྱེན་གཉིས་ཡོད་དེ།གཅིག་ནི་བོད་སིལ་བུར་ཐོར་བའི་རྗེས་གྲྭ་བ་རྣམས་ཀྱིས་ཆོས་པ་ཚུལ་ལྡན་ཞིག་མ་བྱས་པར་སྲིད་དོན་ལ་ཐེ་ཇུས་མང་ཙས་བྱས་པ་དང་།གཉིས་ནི་ད་ལྟ་ཡིན་ཡང་ཆོས་ཀྱི་བསྟི་གནས་དག་ཏུའང་ལུང་རྟོགས་ཀྱི་བྱ་བར་མི་བརྩོན་པར་སྲིད་དོན་པ་ཞིག་བྱེད་འདོད་པ་དང་མ་ཟད་རང་ཉིད་ཀྱི་གནས་བབ་ངོས་ཟིན་གྱི་མེད་པར་དགོན་པའི་ནང་དུ་བོད་རང་བཙན་ཞེས་སྐད་འབོད་ཅིག་སྒྲོག་ཐུབ་ན་དོན་ཆེན་བྱས་པར་བསམ་པའི་ལོག་ལྟ་འདི་རེད།འདིའི་རྐྱེན་གྱིས་སྔར་ནས་ད་བར་དུ་རང་འཁྲིའི་འོས་འགན་དང་རང་གི་གནས་བབ་ངོས་ཟིན་ཐུབ་མེད་པ་མང་ངོ་།སྤྱིར་གྲྭ་བ་ཞིག་ཡིན་ན་ཆོས་པ་རྣམ་དག་གཞན་ལ་དང་བ་འདྲེན་པའི་དམིགས་རྐྱེན་ཞིག་ཡིན་དགོསཔ་རེད།འོན་ཀྱང་མང་པོ་ཞིག་གིས་འདི་ལྟར་བསམ་སྲིད།་༧གོང་ས་མཆོག་གིས་སྲིད་དོན་གྱི་ཕྱག་ལས་གནང་བ་དང་གྲྭ་བ་ཚོས་ཀྱང་ཆབ་སྲིད་ལ་དོ་སྣང་བྱེད་ཚུལ་གསུང་ཡོད་ཟེར་ན།སྲིད་དོན་གྱི་འགན་བཞེས་པ་ནི་དམིགས་བསལ་ཡིན་ཏེ་ཐུགས་འདོད་མེད་བཞིན་དུ་ད་ལྟའི་གནས་བབ་དང་བསྟུན་དགོས་པ་ཞིག་དང་།་གཞན་སྲིད་དོན་ལ་དོ་སྣང་་དགོས་ཚུལ་གསུང་བ་དེ་ནི་སྲིད་དོན་གྱི་ཁ་ཕྱོགས་དང་དེའི་གནས་བབ་ངོས་ཟིན་ཐུབ་པའི་ཆེད་དུ་གསུང་པ་ཞིག་ཡིན་པ་ལས་དེའི་ནང་དུ་ཞུགས་ཏེ་ཆ་ཤས་ལེན་རྒྱུ་དང་གོ་སྐབས་འཐོབ་པར་བརྩོན་དགོས་ཚུལ་བསྟན་པ་ཞིག་མ་རེད།ཞིབ་ཏུ་བསམ་ཚེ་ངེད་ཅག་བོད་པའི་སྤྱི་ཚོགས་སུ་བྱ་བའི་གོ་རིམ་ཐམས་ཅད་མགོ་མཇུག་ལོག་འདུགདཔེར་ན།གྲྭ་བས་ཆོས་མི་བྱེད་པར་སྲིད་བྱས།ཁྱིམ་པས་སྲིད་མི་བྱེད་པར་ཆོས་འདྲ་བྱེད་ཁུལ་བྱས།སློབ་མས་སློབ་སྦྱོང་མི་བྱེད་པར་ཁྲོམ་སྐོར་འདྲ་བྱས།དེ་འདྲ་བ་ཤིན་ཏུ་མང་ངོ།
བརྙས་བཅོས་བྱེད་ཚུལ་འདིས་བོད་པ་ཚང་གི་ཤེས་ཡོན་པ་དག་གང་དུ་འཚོ་བསྡོད་བྱེད་སའི་ཡུལ་གྲུ་དག་ལ་རང་དབང་མེད་པའི་སྒང་ལ་མནར་གཅོད་ཅིག་གཏོང་བཞིན་ཡོད་པ་འདིས། རྒྱ་ནག་སྲིད་གཞུང་དང་སེམས་ཐག་ཉེ་རུ་འགྲོ་རྒྱུར་མཐུན་ལམ་བཟོ་བ་ལས་ལྡོག་ནས་སྙིང་ནད་གསོག་ཏུ་འཇུག་གི་ཡོད་པ་རེད།
ཇུས་ངན་འདི་ནི་དངོས་ནས་བསམ་བློ་གཏོང་བཞིན་གཏོང་བཞིན་སེམས་སྡུག་པ་ཞིག་ལས་ངེད་ཅག་གིས་གང་ཡང་བྱེད་མི་ཐུབ་པར་ལུས་ཡོད་པ་རེད། འདི་འདྲའི་ཐབས་སྐྱོ་བའི་གནས་སྟངས་ནི་ཉིན་རེ་ཉིན་རེ་དྲ་ངོས་སུ་བཀོད་དེ་ཡོང་དུས། བོད་ཡུལ་ནི་རང་དབང་བྲལ་བའི་སྒང་ལ་བཟུང་བཙོན་གྱི་གནས་ཤིག་ལས་གང་ཡང་མེད་པ་ཤེས་ཀྱི་འདུག