དེ་རིང་ཕྱི་དྲོ་ཆུ་ཚོད་བཞི་པ་ཙམ་ལ་༧གོང་ས་མཆོག་གིས་འདས་པའི་ཟླ་གཉིས་ལྷག་རིང་གི་ཆིབས་བསྒྱུར་མཛད་འཕྲིན་ཁག་ལེགས་པར་གྲུབ་སྟེ་ཕྱིར་བཞུགས་སྒར་དུ་ཕེབས་ཡོད་པ་རེད། དེ་བཞིན་དུ་དེ་རིང་ཞོགས་པར་ཨ་རིའི་སྲིད་འཛིན་གྱི་མཐོ་རིམ་དཔོན་རིགས་གསུམ་ཡང་བཞུགས་སྒར་དུ་ཕེབས་ཡོད་པ་རེད།
༧གོང་ས་མཆོག་གིས་འདས་པའི་ཟླ་གཉིས་ལྷག་གི་རིང་ཡུ་རོབ་རྒྱལ་ཁབ་ཁག་འགའི་ནང་གཟིགས་སྐོར་དང་། དེ་བཞིན་ཉིན་ཟླ་གཅིག་ཙམ་རིང་གི་ལ་དྭགས་ཀྱི་མཛད་འཕྲིན་དང་བདུན་གཅིག་ཙམ་རིང་གི་ཐའེ་ཝན་གྱི་ཆིབས་བསྒྱུར་མཛད་འཕྲིན། དེ་བཞིན་སླར་ཡུང་ཡུ་རོབ་རྒྱལ་ཁབ་གི་མཛད་འཕྲིན་བཅས་ལེགས་པར་གྲུབ་སྟེ། དེ་རིང་ཕྱི་དྲོ་ངྷ་སའི་རི་ངོགས་སུ་ནམ་རྒྱུན་ལྟར་སེར་སྐྱ་མང་ཚོགས་ཀྱིས་རུ་སྟར་སྒྲིག་སྟེ་ཁོང་ལ་ཕེབས་བསུ་གནང་ཡོད་པ་རེད།
དེ་བཞིན་དེ་རིང་སྔ་དྲོ་ཨ་རིའི་སྲིད་འཛིན་ཨོ་བྷ་མའི་མཐོ་རིམ་དཔོན་རིགས་གསུམ་བཞུགས་སྒར་ངྷ་སར་ཕེབས་ཡོད་པ་དང་། ཞོགས་པའི་ཆུ་ཚོད་ ༨ ཙམ་ནས་ངྷ་སའི་མི་དམངས་ཀྱི་ཕེབས་བསུ་དང་བཅས་མེག་གྷན་དུ་འབྱོར་ཡོད་ལ། བཀའ་ཁྲི་ཟམ་གདོང་རིན་པོ་ཆེ་མཆོག་གིས་ཁོང་རྣམ་པར་ཕེབས་བསུ་དང་བཅས། རྗེས་སོར་བཀའ་ཁྲི་མཆོག་དང་༧གོང་ས་མཆོག་གི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་རྣམ་གཉིས་ཀྱིས་ཨ་རིའི་སྐུ་ཚབ་རྣམ་པ་དང་མཉམ་དུ་ནང་མོལ་གྱི་མཇལ་འཕྲད་བཀའ་མོལ་གནང་ཡོད་པ་རེད།
ཐེངས་འདིའི་ཕོ་བྲང་དཀར་པོའི་མི་སྣ་དེ་དག་ནི་སྲིད་འཛིན་ཨོ་བྷ་མའི་སློབ་སྟོན་པ་ལྕམ་ Valerie Jarrett ལགས་ཀྱིས་སྣེ་ཁྲིད་ཡོད་པ་དང་། ཁོང་དང་ལྷན་དུ་མཐོ་རིམ་དཔོན་རིགས་གཉིས་ཕེབས་ཡོད་པ་རེད།
སྲིད་འཛིན་ཨོ་བྷ་མའི་སྐུ་ཚབ་མི་སྣ་འདི་དག་སང་ཉིན་སྟེ། གཟའ་ཟླ་བའི་ཉིན་༧གོང་ས་མཆོག་ལ་མཇལ་འཕྲད་གནང་གཏན་འཁེལ་ཡོད་འདུག ཡིན་ཡང་ཐེངས་འདིའི་མཇལ་འཕྲད་ཀྱི་དགོངས་གཞི་གཙོ་བོ་གང་ཡིན་ཐད་ད་ལྟའི་ཆར་གསལ་བཤད་འདྲ་གནང་ཡོད་མི་འདུག
འདི་ནི་ལོ་སྔོན་མའི་ཕྱི་ཟླ་ ༣ པའི་ནང་ལྕམ་ ནན་སེ་ པེ་ལོ་སི་མཆོག་བཞུགས་སྒར་དུ་ཕེབས་རྗེས་ནས་ཨ་རིའི་མཐོ་རིམ་མི་སྣ་ཞིག་ངྷ་སར་ཕེབས་པ་དང་པོ་ཆགས་ཡོད་པ་རེད།
ཉེ་བའི་གནས་ཚུལ་ལྟར་ན། ཟླ་འདིའི་ཟླ་མཇུག་ནས་༧གོང་ས་མཆོག་ཨ་རིར་ཕེབས་རྒྱུ་ཡིན་པ་དང་། ཐེངས་འདིའི་ཆིབས་བསྒྱུར་སྐབས་སྲིད་འཛིན་ཨོ་བྷ་མ་མཆོག་༧གོང་ས་མཆོག་ལ་མཇལ་འཕྲད་གནང་རྒྱུ་ཡིན་པའི་དགོངས་ཚུལ་བཏོན་ཡོད་པ་རེད།
ཁྱུང་ལེགས་ཀྱི་ཟིན་བྲིས་ཅིའི་ཕྱིར་དུ་གསར་དུ་བཟོས་བ་ཡིན་བདག་ལ་ལན་ཞིག་གནང་རོགས་ཞུ།གོང་ནས་ཚང་མ་ཕེབས་པར་དགའ་བསུ་ཞུ།
དགའ་འོས་པའི་དོན་རེད། གང་ལྟར་འདི་ཡང་ཕྱི་ལོག་ནས་དཀའ་ལས་རྒྱབ་པའི་འབྲས་བུ་རེད། ང་ཚོ་མིག་ནང་དུ་འཇོག་གི་སྡོད་ན་རྒྱལ་ཁ་ཞིག་ལ་ངོས་འཛིན་བྱ་ན་འོས་པར་འདོད།
ཁྱུང་ཚང་ལགས་ཀྱི་ཟིན་བྲིས་སྒོ་ཕྱེ་ཡོད་ལགས།
དྲ་གྲོགས་ཁྱུང་ཚང་དང་ངེད་གཉིས་ཀྱི་དགོས་འདུན་གཅིག་པ་ཡིན་ས་རེད། ཁོ་བོས་ཀྱང་ལུང་རིང་རྒྱལ་ཟེར་བ་དེར་ཟིན་བྲིས་ཤིག་བཟོ་ཕྱོགས་ལམ་སྟོན་གནང་རོགས་ཞེས་རེ་སྐུལ་ནན་པོར་ཞུས་ཡོད་ཀྱང་ཡ་ལན་ཙམ་ཡང་མི་འདུག ད་ནི་ང་རང་ཨུ་ཚུགས་རྒྱག་འདོད་ཀྱང་མེད་ལ་ཟིན་བྲིས་ཀྱང་མི་དགོས་ཐག་ཆོད་ཡིན།
སྐུ་ཞབས་ལུང་རིགས་རྒྱལ་ལགས་དང་བཀྲ་ཤིས་དོན་འགྲུབ་ལགས་སུ། དེ་སྔོན་བདག་གིས་ཁྱེད་ཅག་དུས་བབ་དྲ་ཚིགས་ཀྱི་ཁ་བྱང་editor@tibettimes.net minaktsang@yahoo.com
གཉིས་ཀྱི་ཐོག་ཟིན་བྲིས་ཤིག་བཟོ་རོགས་ཟེར་ནས་ཐེངས་དུ་མར་རེ་སྐུལ་བྱས་ན་ཡང་ལན་ཙམ་ཡང་སློག་མཁན་མི་འདུག དེ་བས་འདི་གར་སླར་ཡང་མི་ཞུ་ཐབས་མེད་བྱུང་། ཕྲན་ལ་ངེས་པར་དུ་ཟིན་བྲིས་ཤིག་བཟོ་རོགས་གནོངས། tibetan.tiger@hotmail.comའ དི་ནི་ངའི་གློག་འཕྲིན་ཁ་བྱང་ཡིན། འདིའི་ཐོག་བཟོས་པའི་ཟིན་བྲིས་ཀྱི་མཆན་མིང་ལ་ཁྱུང་ཚང་ཟེར། དེ་ནི་བདག་གི་མིང་ཡང་ཡིན། ཐུགས་རྗེ་ཆེ།
དྲ་གྲོགས་བོད་ལས་མཆེད་པའི་ཤ་ཁྲག་རུས་གསུམ་ལགས། ཕེབས་པར་དགའ་ཞུ། དངོས་གནས་དེ་རིང་གནས་ཚུལ་འདི་གོ་དུས་གློ་སྙིང་བྲང་གསུམ་འཕར་ལྡིང་བྱེད་ཀྱིན་འདུག དགའ་བའི་ཚོར་བས་བཟི་བ་ཡིན་རྒྱུ་རེད་ལ་གནད་དོན་གཞན་ཞིག་ཡིད་ལ་ཤར་ཐེངས་ཤིག་གིས་རྐྱེན་པས་ཡིན་རྒྱུའང་རེད།
༧བླ་མའི་འཛད་པ་མཐའ་མེད་ཀྱང་།།
བུ་སློབ་ངེད་ཚོས་བསམ་ཤེས་ཤིག།
བྱེད་ཐུབ་མེད་པར་ཉིན་མཚན་ཀུན།།
༧ཁོང་ཉིད་གཅིག་བུར་རེ་བ་བཅོལ།།