ཟླ་འདི་འགར་བོད་རང་སྐྱོང་ལྗོངས་ཆོས་ལུགས་ལས་དོན་ཅུས་དང་། གཙུག་ལག་ཁང་དོ་དམ་ཚན་པ་སོགས་འབྲེལ་ཡོད་ལས་ཁུངས་ཁག་ཅིག་མཉམ་རུབ་ཐོག་ལྷ་ལྡན་གཙུག་ལག་ཁང་ཉམས་གསོ་བྱས་པའི་གོ་རིམ་ཁྲོད། རྩ་ཆེ་བའི་རིག་དངོས་གྲངས་ ༥༨ ཙམ་གསར་རྙེད་བྱུང་ཡོད་འདུག
དེ་རིང་ཞོགས་པ་བོད་ལྗོངས་ཆ་འཕྲིན་ལྟེ་གནས་སུ་བཀོད་པའི་གནས་ཚུལ་ལྟར་ན། ལྷ་ལྡན་གཙུག་ལག་ཁང་ཉམས་གསོ་བྱེད་སྐབས། ལས་བཟོ་པས་སྤྱི་ཟླ ༩ པའི་ཚེས་ ༢༦ ཉིན་ཁེར་ཐོག་དང་ཉིས་ཐོག་གི་གྱང་ངོས་དང་གནམ་རྒྱན་གྱི་ལྡེབས་རིས་བཅས་ཀྱི་བར་ཆོད་དུ་རིག་དངོས་མང་པོ་ཞིག་གོ་རིམ་མེད་པར་སྤུངས་ནས་བཞག་ཡོད་པ་རྟོགས། བོད་རང་སྐྱོང་ལྗོངས་རིག་དངོས་སྡེ་ཚན་གྱི་ཆེད་ལས་མཁས་པས་བརྡར་ཤ་བཅད་པ་ལྟར་ན། གསར་རྙེད་བྱུང་བའི་རིག་དངོས་གྲངས་ ༥༨ ཀྱི་ནང་ནས། རྒྱལ་ཁབ་ཀྱི་རིམ་པ་དང་པོའི་རིག་དངོས་ ༢ དང་། རིམ་པ་གཉིས་པའི་རིག་དངོས་ ༤ རིམ་པ་གསུམ་པའི་རིག་དངོས་ ༡༦ བཅས་ཡོད་པ་དང་། དེ་འཕྲོས་རྣམས་ནི་རིག་དངོས་དཀྱུས་མ་ཡིན་པ་རེད། བོད་ལྗོངས་རིག་དངོས་སྲུང་སྐྱོང་ཚན་པས་གསར་རྙེད་བྱུང་བའི་རིག་དངོས་དེ་དག་ཐོག་མའི་གནས་དེ་ག་རང་དུ་ཉར་ཚགས་བྱས་པ་རེད། ཅེས་བཀོད་འདུག
ཨ་འུ་ཚང་བོད་པ་ཚང་གི་ཀྱང་གནའ་བོའི་སྐུ་སྲུང་ཐུགས་རྟེན་རྐུ་བཙོང་བརྒྱབ་ནས་ཡོ་རོབ་གླིང་ལ་ཡང་ཁྱབ་འདུག། གོ་ཐོས་ལྟར་ན་ཕོ་བྲང་དམར་པོ་ནང་གི་སྐུ་ཚང་མ་ཡང་རྐུ་ཚར་གྲོར་ཡོད་ས་རེད། ཚོང་པ་ཁྱི་རྒན་དེ་ཚོ་སྐུ་འཚོང་བརྒྱབས་ནས་བོད་པ་ཚང་ལ་ཧ་ཅང་གི་བློ་ཕམ་ཡོད།
ལྷ་གདན་བཙུག་ལག་ཁང་ཉམས་གསོ་བྱེད་ཀྱི་ཡོད་རེད་པས། ག་འདྲ་ཞིག་བྱེད་ཀྱི་ཡོད་ན།
དུས་བབ་ཚང་གི་གསར་འགྱུར་བཀོད་པ་དངོས་གནས་མགྱོགས་པོ་རེད་འདུག དྲ་ཐོག་གི་གསར་འགྱུར་ཟེར་ན་འདི་འདྲ་ཞིག་དགོས་པ་རེད། འདོད་པ་ཁེངས་ནས་ཡོད། ཐུགས་རྗེ་ཞུ།
བཀྲ་རྒྱམ་གྱིས་བཤད་རེད་ཡ། ག་ལེར་རྒྱ་ནག་ནང་དུ་གདན་འདྲེན་མ་ཞུས་ན་རབས་རེད། འདི་དང་ལྷན་དུ་ངས་སྔོན་གོ་མྱོང་བའི་སྐད་ཆ་ཞིག་བཤད། མདོ་སྨད་བླ་བྲང་གི་རྒན་མོ་ཞིག་གིས་གསུངས་གསལ་ལ། ༡༩༥༩ལོའི་ཟླ་གསུམ་པར། སྐབས་དེར་ཁོང་ཚོའི་ནང་མི་ཚང་མ་ལྷ་སར་ཡོད་ཟེར། ལྷ་སའི་གཙུག་ལག་ཁང་དུ་མཆོད་མཇལ་དུ་སོང་བ་ཡིན། རྒྱ་དམག་སླེབས་སོང་ཟེར་ནས་ཚང་མ་འུང་ལང་གིན་འདུག སྐབས་དེར་ལྷ་ས་ཧ་ཅང་ཛ་དྲག་གི་གནང་སྟངས་འོག་ཡོད་པ་རེད། ཨ་ཅ་ལགས་ཤིག་གིས་ཇོ་བོའི་དབུ་རྒྱན་དང་རྒྱན་ཆ་ཚང་མ་ཁོ་མོའི་ཕྱི་བའི་ནང་བཏུམས་ཏེ་རྩིགས་ཟུར་ཞིག་ལ་གཡུགས་སོང་། དེ་ནས་བཟུང་གར་ཡོད་མ་ཤེས་ལ་དོ་སྣང་བྱེད་མཀན་ཀྱང་བྱུང་མེད་མ་ཤེས། ཕྱིས་སུ་ཆོས་སྒོ་ཕྱེས་རྗེས་ང་ཚོ་ལྷ་སར་གནས་མཇལ་དུ་སོང་སྐབས་གོ་ཐོས་ལ་ཨ་ཅ་ལགས་དེས་དབུ་རྒྱན་དང་རྒྱན་ཆ་ཚང་མ་ཕྱིར་ཕུལ་བ་རེད་ཟེར། ཞེས་བཤད་བྱུང་། ངས་བཤད་འདོད་པ་ནི། དེ་རིང་རྙེད་པའི་སྐུ་འདྲ་དེ་ཚོའང་སྐབས་དེ་དུས་བོད་མི་འཇོན་ཐང་ཅན་སུ་ཞིག་གིས་སྦས་སྐུང་བྱས་པ་མིན་ནམ་དྲན་གྱི་འདུག ཨོ་ད་དེ་མོ་ཟིག་རེད།
རིག་དངོས་གྲངས་༥༨་དེ་དག་གླང་དར་སྐབས་སུ་རྩིག་ངོས་སུ་སྦས་བ་ཡིན་ནམ་༥༨་ལོར་སྦས་ཤིག་ཡིན་ནམ།
གང་ལྟར་ཡང་རྒྱ་ནག་ལ་གདན་འདྲེན་ཤས་ཆེ། བོད་དུ་བཞག་ན་བཟང་མོད་ཀྱང་། དངོས་རིག་རྩ་ཆེན་དག་བོད་དུ་བཞག་ན་རྒྱའི་སེམས་ཁམས་མི་བདེ་བས་རྒྱ་ནག་འདྲེན་ཅི་ཐུབ་བྱེད་ཀྱི་རེད་བསམ།