གནས་ཚུལ་འདི་ཐོག་མར་བོད་ཀྱི་དགུ་བཅུ་གསུམ་ལས་འགུལ་ཚོགས་པས་གསར་ལམ་ཁག་ལ་བཀྲམས་དུས་བོད་མི་གསུམ་སྲོག་ཐོག་ལ་བཏང་བར་བཤད་འདུག་ཀྱང་། བཙན་བྱོལ་བོད་གཞུང་དང་བོད་ཀྱི་འགྲོ་བ་མིའི་ཐོབ་ཐང་མང་གཙོ་འཕེལ་རྒྱས་ལྟེ་གནས་ཁང་གཉིས་ནས་བསྒྲགས་དུས་བོད་མི་བཞི་སྲོག་ཐོག་ལ་བཏང་བར་བཤད་འདུག
བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་གསལ་བསྒྲགས་ལྟར་ན། ཕྱི་ཚེས་ ༢༠ ཉིན་ལྷ་ས་ནས་སྲོག་ཐོག་ལ་བཏང་བའི་ཁྲོད་མི་བཞི་ཡོད་ལ། ཁོང་རྣམས་ནི་ལྷ་ས་ནས་ཡིན་ཞིང་རང་ལོ་ ༢༧ ལ་སོན་པའི་བློ་བཟང་རྒྱལ་མཚན་དང་། ལྷ་ས་ཞོལ་བཀྲ་ཤིས་ཁང་ནས་ཡིན་ཞིང་རང་ལོ་ ༢༥ སོན་པའི་བློ་ཡག ས་སྐྱ་རྫོང་ནས་ཡིན་ཞིང་རང་ལོ་ ༢༡ ཡིན་པའི་ཕུན་སྐྱིད་བཅས་དང་། སྲོག་ཐོག་ལ་བཏང་བའི་མི་བཞི་པ་དེ་སུ་ཡིན་ངོ་རྟགས་ཆོད་མེད་སྐོར་བཀོད་ཡོད་པ་རེད། བཙན་བྱོལ་བོད་གཞུང་གི་གནས་ཚུལ་གྱི་ཁུངས་ནི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་རེད།
བོད་ཀྱི་དགུ་བཅུ་གསུམ་ལས་འགུལ་ཚོགས་པའི་གསར་འགོད་གསལ་བསྒྲགས་ནང་དུ་ཉིན་དེར་མི་གསུམ་སྲོག་ཐོག་ལ་བཏང་བའི་ཁྲོད་ཀྱི་གཅིག་ནི་མདོ་སྨད་རྔ་པ་ནས་ཡིན་སྐོར་བཤད་ཡོད་པ་རེད།
བོད་མི་འདི་དག་སྲོག་ཐོག་ལ་གཏོང་དོན་ནི་ལོ་སྔོན་མའི་ཞི་རྒོལ་གྱི་གྱོད་དོན་སྐོར་ནས་ཡིན་པ་གསར་འགྱུར་ཁག་ཏུ་སྔོན་སོང་ལྟར། ད་ཆར་བཙན་བྱོལ་བོད་མི་རྣམས་དང་བོད་དོན་རྒྱབ་སྐྱོར་ཚོགས་པ་སོགས་ཀྱིས་རྒྱ་ནག་གི་ཁྲིམས་མེད་ལུགས་མེད་ཀྱི་བྱེད་སྟངས་འདིའི་ཐད་ངོ་རྒོལ་གྱི་ལས་འགུལ་དང་རྣམ་འགྱུར་ཤུགས་ཆེ་རུ་འགྲོ་བཞིན་པའི་སྒང་རེད།
ང་རང་བོད་མི་ཞིག་ཡིན་པས་ཆ་ནས་བློ་འཚབས་ཆེན་པོ་ཡོད།་རྒྱ་ནག་ལ་རྣ་སྨིན་འཁོར་རྒྱུ་རེད།
ཨོྂ་མ་ཎི་པདྨེ་ཧཱུཾ། ཡང་བོད་མི་སྲོག་ཐོག་བཏང་འདུག ད་བོད་ནས་བོད་མི་ཚོ་སྲོག་ཐོག་བཏང་བ་དང་བཙོན་འཇུག་གིས་ཚར་རྒྱུ་རེད།
ད་ལོ་བོད་དོན་ལ་ལོ་ཡག་སྐལ་བཟང་ཞིག་མ་ཤར་ཐལ། ཨོ་བྷ་མས་ཏཱ་ལའི་བླ་མར་མཇལ་འཕྲད་མ་གནང་བ་དང་། ཨོ་བྷ་མ་རྒྱ་ནག་ལ་ཕེབས་རྒྱུའི་བདུན་ཕྲག་འགའི་སྔོན་ལ་རྒྱ་ནག་གཞུང་གིས་མི་བཞིའི་སྲོག་བླངས་ཏེ་ཨོ་བྷ་མར་སྣེ་ལེན་བྱས་སོང་། འགྲོ་བ་མིའི་ཐོབ་ཐང་དང་དམངས་གཙོ་ཞེས་འབོད་པའི་གནད་དོན་ཏེ། ཨ་རི་དང་རྒྱ་ནག་གཉིས་ཀྱི་འབྲེལ་བའི་སྲོག་ཤིང་འདྲ་བོ་དེ་ཆགས་ཚར་འདུག
ཨ་རིའི་སྲིད་འཛིན་རྒྱ་ནག་ལ་ཡོང་སྐབས་རྒྱ་ནག་གིས་ཁོང་ལ་བོད་ཀྱི་གནད་དོན་ཐོག་ལག་པ་མ་འཆང་ཞེས་པའི་བརྡ་ལན་དུ་ལྷ་ས་ནས་མི་བཞི་ ༢༠༠༨ ལོའི་དོན་རྐྱེན་དང་སྦྱར་ནས་སྲོག་ཐོག་ལ་བཏང་འདུག འདིའི་ཐད་ཕོ་བྲང་དཀར་པོའི་གཞུང་གིས་མ་གོ་མདོག་གིས་ཁུ་སུམ་མེར་བཞུགས་པ་ནི་ཧ་ལས་དགོས་པའི་དོན་དག་ཅིག་མ་རེད་དམ།
རྡ་སའི་མི་མང་གི་ངར་ཤུགས་ཟམ་གདོང་བླ་མའི་ཕྱག་ན་ཡོད་པས། རྒྱ་མིས་ང་ཚོའི་བསད་ཀྱང༌།བཀའ་ཁྲིའི་རྣ་སྒོ་ཕྱག་རོགས་བཀའ་བློན་ཚོས་བཀག་ཡོད་པ་ཐག་གི་ཆོད། དེ་མིན་ན་ལས་འགན་ཞིག་ཡོད་རྒྱུ་རེད། དེ་མ་རེད་དམ།
ཕྱི་ཚེས་༢༠་ཉིན་བོད་ནས་བོད་མི་བཞི་དམར་བསད་བཏང་སྟེ།
ཕྱི་ཚེས་༢༢ དགོང་མོར་གཞུང་འབྲེལ་མིན་པ་ཚཽགས་པ་ལྔས་མར་མེའི་ཁྲམ་སྐོར་རྒྱ་ཆེན་པོ་དང་ངར་ཤུགས་དོད་པོ་ཞིག་རྡ་ས་བྱས་སོང་།
དེར་བརྟེན་དེ་ནུབ་གྲལ་སྒྲིག་ཆ་ཚང་ཟིན་པའི་ཅ་དྷི་སྒར་མཐོ་སློབ་ནས་ཀྱང་གཞས་སྣ་གོ་སྒྲིག་དེ་ཕྱིར་འགྱང་བྱས་པ་རེད།
ཡིན་ནའང་དེའི་ཕྱི་ཉིན་ཕྱི་ཚེས་༢༣ ཉིན་TCVདུས་ཆེན་ཟེར་ནས་བུ་ཁྱིམ་དུས་དྲན་གྲལ་རྒྱས་པོ་རེ་བྱེད་ཀྱིན་འདུག
གཞུས་ལུས་
བཙན་བྱོལ།
རྒྱ་ནག་གི་སྲིད་དོན་ལ་བོད་མི་འཇོན་ཐང་ཅན་རེ་འགའ་ཡོད་ན། དེ་དག་ལ་ཉེས་པ་མེད་ཀྱང་ཉེས་པ་བཀལ་ཏེ་རྩ་མེད་བཟོ་རྒྱུ་ནི་རྒྱ་ནག་སྲིད་གཞུང་གི་འོས་འགན་ཨང་དང་པོ་དེ་ཡིན།
ལུང་རིགས་ལགས། འདི་ནི་གསར་ཁང་དང་གསར་འགོད་པ། ཚོགས་པ་ཁག་ཙམ་མ་ཟད།
མི་སྒེར་པ་ཁག་གི་ཁ་ལ་ཡང་འབྲེལ་བ་དམ་ཟབ་འདུག བོད་ནང་གི་གནད་དོན་འདི་ཚོའི་རིགས་གཟབ་གཟབ་མ་བྱས་ན། ང་ཚོས་ང་ཚོ་མེད་པར་བཟོ་ཉེན་ཡོད།།
ངའི་བསམ་པར་གསར་འགོད་པ་དང་གསར་ཁང་དག་གིས་གནས་ཚུལ་རག་ཚད་ཁ་སུ་སྔ་དང་ལག་གང་མགྱོགས་ལྟར་འགོད་པ་བཞིན། ཚོགས་པ་ཁག་གིས་ཀྱང་འདི་ལྟའི་སྔ་ཕྱི་ཞིག་རྩོད་བཞིན་པའི་བར་ནས་གནས་ཚུལ་ཁ་གསལ་འཐུས་ཚང་ཞིག་དུས་ཐོག་ལ་སྤེལ་མི་ཐུབ་པའི་དཀའ་ངལ་ཞིག་ཀྱང་མེད་དམ་སྙམ།