ཟླ་ ༡༡ ཚེས་ ༢༩ ཉིན་མཚོ་སྔོན་མི་རིགས་སློབ་ཆེན་དང་ནུབ་བྱང་མི་རིགས་སློབ་ཆེན། གཅན་ཚ་རྫོང་མི་རིགས་སློབ་འབྲིང་གསུམ་གྱིས་དུས་གཅིག་ལ་དཔལ་དོན་གྲུབ་རྒྱལ་སྐུ་གཤེགས་ཏེ། བགྲང་བྱ་ ༢༤ འཁོར་བའི་རྗེས་དྲན་ཚོགས་འདུ་བསྡུས་ཡོད། ཕྱི་ཟླ་ ༡༡ ཚེས་ ༢༩ ཉིན་ནི་དུས་རབས་ཉི་ཤུའི་དུས་མཇུག་གི་བསམ་བློ་བ་དང་རྩོམ་རིག་གསར་བའི་སྲོལ་འབྱེད་པ་དཔལ་དོན་གྲུབ་རྒྱལ་ལམ། པུར་མིང་ལ་རང་གྲོལ་ཁོང་སྐུ་གཤེགས་ཏེ་ལོ་ངོ་ཧྲིལ་བོ་ ༢༤ འཁོར་བའི་མྱ་ངན་གྱི་ཉིན་མོ་ཡིན་ལ། ཉིན་དེར་དམ་པ་དེ་ཉིད་ཀྱི་འཁྲུངས་ཡུལ་མཚོ་སྔོན་གཅན་ཚ་གཙོས་པའི་མདོ་ཁམས་ཡུལ་གྱི་སློབ་གྲྭ་ཆེ་འབྲིང་གི་དགེ་སློབ་མང་པོ་ཞིག་གིས་རྗེས་དྲན་གྱི་ལྷན་ཚོགས་བསྡུས་ཏེ་ཡིད་གདུང་གི་སྙན་ངག་གྱེར་ཡོད།
ཕྱི་ཚེས་ ༢༩ ཉིན་གྱི་ཕྱི་དྲོ་མཚོ་སྔོན་མི་རིགས་སློབ་ཆེན་རིག་གཞུང་སྙན་ཞུ་ཁང་དུ་རང་གྲོལ་རྗེས་དྲན་ཚོགས་ཏེ།༼ མི་རབས་གསར་བའི་སྙིང་གསོན་པོ་སྟེ། དཔལ་དོན་གྲུབ་རྒྱལ་གྱི་སྙིང་སྟོབས་གླེང་བ ༽ ཞེས་པའི་བརྗོད་གཞིའི་ཐོག་བགྲོ་གླེང་གནང་ཡོད་ལ། ཉིན་དེར་སྦྲང་ཆར་དུས་དེབ་ཀྱི་རྩོམ་སྒྲིག་པ་སྐུ་ཞབས་ཟླ་བ་བློ་གྲོས་དང་། མཚོ་སྔོན་མི་རིགས་དཔེ་སྐྲུན་ཁང་གི་སྐུ་ཞབས་ཞོགས་དུང་། ན་གཞོན་གསར་པའི་རྩོམ་སྒྲིག་པ་རྣོ་སྦྲེང་། དམངས་སྲོལ་རིག་གནས་ཉམས་ཞིབ་པ་བྱམས་པ། མཚོ་སྔོན་མི་རིགས་སློབ་གྲྭ་ཆེན་མོའི་སློབ་དཔོན་རིན་རྡོར། དེ་མིན་ཙོང་ཁའི་ཕྱོགས་ཀྱི་སློབ་མ་དང་ཤེས་ལྡན་མི་སྣ། ཤེས་ཡོན་སྡེ་ཚན་ཁག་གི་སྐུ་ཚབ་སོགས་མི་སྣ་ ༥༠༠ ལྷག་ཆེད་ཕེབས་གནང་ཡོད་འདུག
མཛད་སྒོ་དབུ་འཛུགས་སྐབས་ཚོགས་ཞུགས་པ་ཡོངས་ནས་སྐར་མ་གསུམ་རིང་། སྐུ་གཤེགས་དམ་པ་རང་གྲོལ་ལགས་སུ་མྱ་ངན་གུས་འདུད་ཞུས་ཡོད་ལ། དེའི་རྗེས་སློབ་གྲྭ་ཁག་གི་སྐུ་ཚབ་རེ་ནས་སྙན་ངག་གྱེར་འདོན་དང་གཏམ་བརྗོད་ཀྱི་རྣམ་པས་དམ་པ་ཁོང་གི་མི་གཞིའི་སྙིང་སྟོབས་དང་བསམ་བློའི་སྙིང་སྟོབས། ཁོང་གི་བརྩམས་ཆོས་བཅས་ཀྱི་ཐད་ནས་གཏམ་བཤད་གནང་ཡོད། དེ་དང་ལྷན་དུ་བོད་ཀྱི་ན་གཞོན་ཚོའི་སྙིང་སྟོབས་དང་མི་གཞི་གསར་འཛུགས། སྲོལ་རྒྱུན་རིག་གནས་དང་དེང་རབས་རིག་གནས། སྙན་ངག་མེ་ལོང་མ་སོགས་ལ་བགྲོ་གླེང་དང་དྲི་བ་དྲིས་ལན་གནང་ཡོད་འདུག
ཕྱི་ལོ་ ༢༠༠༡ ཡས་མས་ནས་མཚོ་སྔོན་བོད་ཡིག་གསར་འགྱུར་དང་། ལྷོ་ནུབ་མི་རིགས་སློབ་ཆེན་བོད་སྐད་ཡིག་སྡེ་ཁག་གི་ཆེད་དེབ་སྒྲོན་སྟེགས་བཅས་སུ་སྐུ་ཞབས་ཕྱོགས་དུང་ལགས་ཀྱིས་ ༼ བག་ཆགས་དུང་སྤྲུགས ༽ དང་། ༼ འཕག་འཚག་གི་ང་རོ ༽ ༼ རྨོངས་སྐྲན་འཇོམ་པའི་གཏར་ཁ ༽སོགས་ཀྱི་རྩོམ་ཡིག་སྔ་རྗེས་སུ་བཏོན་རྗེས། ནུབ་བྱང་མི་རིགས་སློབ་ཆེན་གཙོས་པའི་བོད་ཁུལ་གྱི་སློབ་གྲྭ་ཆེ་འབྲིང་ཁག་ཅིག་གི་སློབ་མ་འགའ་སད་རྟོགས་དང་དོགས་སློང་། དཔྱོད་ཤེས། ཡང་ན་ཧོལ་རྒྱུག་ལྟ་བུའི་བསམ་བློའི་མཐོ་རླབས་གསར་པ་ཞིག་འཕྱུར་ཡོད་ནའང་། མཚོ་སྔོན་མི་རིགས་སློབ་ཆེན་ལ་གྲགས་འགུལ་མེད་པར་རྒྱུན་ལྡན་ལྟར་བབ་བརླིང་བརྟན་གསུམ་དང་། ཡང་ན་རྙིང་ཞེན་མཁྲེགས་འཛིན་ལྟ་བུར་གནས་ཡོད་སྟབས། སློབ་གྲྭ་གཞན་གྱིས་ཟུར་ཟའི་ཚུལ་དུ། དགེ་ལུགས་པའི་དགོན་ལྷག ཅེས་འབོད་སྲོལ་ཡོད། ཐེངས་འདིར་དཔལ་དོན་གྲུབ་རྒྱལ་ལགས་སུ་རྗེས་དྲན་ཚོགས་འདུ་བསྡུས་ཤིང་། མི་གཞིའི་སྙིང་སྟོབས་དང་བསམ་བློའི་སྙིང་སྟོབས། མཆོང་སྐྱོད་ཀྱི་སྙིང་སྟོབས་བཅས་ལ་གླེང་སློང་བྱུང་བ་དེ་ནི། མཚོ་སྔོན་མི་རིགས་སློབ་ཆེན་གྱི་སློབ་མ་སྐོར་ཞིག་གི་ཡར་ལངས་སྟངས་ཙམ་རེད། ཅེས་ཚིག་མཚོན་འདེབས་མཁན་ཡང་བྱུང་ཡོད།
དེ་བཞིན་ཉིན་དེའི་ཕྱི་དྲོའི་དུས་ཚོད་ ༢ དང་ཕྱེད་ཀའི་སྟེང་དུ། ནུབ་བྱང་མི་རིགས་སློབ་ཆེན་རྩོམ་རིག་གསར་རྩོམ་ཚོགས་པའི་གོ་སྒྲིག་འོག རང་གྲོལ་རྗེས་དྲན་ཚོགས་འདུ་བསྡུས་ཏེ། ཚོགས་ཞུགས་མི་སྣ་ ༨༠ ཙམ་ལྷན་བཞུགས་ཐོག དཔལ་དོན་གྲུབ་རྒྱལ་གྱི་རིག་གནས་དགག་བཞག་གི་གདེང་སྤོབས་དང་རིག་གནས་དོགས་སློང་གི་སྙིང་སྟོབས། བསམ་བློ་བཅིངས་གྲོལ་གྱི་འདུ་ཤེས་སོགས་ལ་བགྲོ་གླེང་གནང་ཡོད་ལ། ཁོང་བསམ་བློ་བ་ཡིན་མིན་དང་། རང་དབང་རིང་ལུགས་ཀྱི་རྩོམ་པ་པོ་ཡིན་མིན། རང་སྲོག་གཅོད་པའི་གདམ་ཀ་ནི་སྐྱོ་གར་གྱི་སྙིང་སྟོབས་ཡིན་མིན་སོགས་ལ་དཔྱད་བསྡུར་བྱས་ཤིང་། བརྩམས་ཆོས་ཁྲོད་ནས་རྙེད་པའི་དོན་གྲུབ་རྒྱལ་དང་དངོས་ཡོད་སྤྱི་ཚོགས་ཁྲོད་ཀྱི་དོན་གྲུབ་རྒྱལ་གཉིས་ཀྱི་མི་གཞིར་གཤིབ་བསྡུར་སོགས་བྱས་ཡོད།
གོང་གི་གསར་འགྱུར་དེ་ནི་ཧི་གཟུགས་ཟིན་བྲིས་དང་ན་གཞོན་གསར་པའི་གླེང་སྟེགས་བཅས་ལས་བསྡུ་སྒྲིག་བྱས།
དུས་སྐབས་དེ་འདྲ་ཞིག་ནང་ཁོང་ནི་དངོས་གནས་ཧང་སང་དགོས་པའི་མི་སྣ་ཞིག་རེད། ཁོང་གི་ཁྱད་ཆོས་དང་པོ་དེ། མི་རིགས་ཀྱི་ལ་རྒྱ་དང་ཤ་གཞེན་ཆེ་བ་དེ་ཡིན་ཅིང༌། གཉིས་པ་ནི། རྣམ་དཔྱོད་ཀྱི་རྩལ་འགྲན་ཟླ་མེད་པ་ཞིག་ཡོད་པ་དེ་རེད། ཁྱད་ཆོས་དང་པོ་དེའི་ཤུགས་རྐྱེན་འོག་གཞི་རྩའི་མི་རིགས་ཀྱི་ཡར་རྒྱས་ལ་འགན་ཁུར་ནས་རྩོམ་འབྲི་བྱས་པ་དང༌། རྩོམ་འབྲི་བྱེད་པའི་བརྒྱུད་རིམ་ནང་རང་ཉིད་ཀྱི་རྣམ་དཔྱོད་ལ་བརྟེན་ནས་མི་རྣམས་ཡིད་དབང་འཕྲོག་པ་ཞིག་བཟོས་པ་རེད། གལ་ཏེ་དེ་གཉིས་གཅིག་མ་ཚང་ན་བོད་མི་ཚོས་ཁོང་ལ་དེ་འདྲའི་དགའ་མོས་བྱེད་མི་སྲིད།
སྙན་ངག་གསར་པ་སྲོལ་བཏོད་པ་རེད་ཟེར། ཡིན་སྲིད་མིན་སྲིད་ཀྱང་ཧ་སང་ཡ་གང་ཡང་མེད། དེ་མིན་ཁོང་གི་དཔྱད་རྩོམ་དང་སྒྲུང་རྩོམ། ལྷག་པར་སྒྱུར་ཡིག་དེ་ཚོ་ལ་བལྟས་པ་ཡིན་ན། ཁོང་གི་རིག་སྟོབས་དང་རྣམ་དཔྱོད་ལ་ཧང་མི་སང་མཁན་ཞིག་སུ་ཞིག་ཡོད།
གང་ལྟར་བོད་ཀྱི་རིག་གཞུང་གི་མེ་རོ་གསོ་བའི་དུས་སྐབས་དེར། བླ་སྤྲུལ་མཁན་པོ་དགེ་བཤེས་སོགས་བསྟན་འཛིན་གྱི་སྐྱེས་ཆེན་དང༌། དེ་མིན་ཆོས་ལྡན་རྒྱལ་ཁབ་ཀྱི་སྐུ་ངོ་དང་སྐུ་དྲག་གང་གིས་ཀྱང་འགྲན་དུ་མེད་པའི་བྱས་རྗེས་ཆེན་པོ་ཞིག་བཞག་ཡོད།
ངོ་མ་རྗེས་དྲན་ཞུ་འོས༎
༼ བག་ཆགས་དུང་སྤྲུགས ༽ རེད་དམ། ༼ བག་ཆགས་དོང་སྤྲུགས ༽ རེད།
གཤམ་གྱི་དྲ་ཐག་འདི་ན་མཛད་རྗེས་ཆེ་བའི་དུས་རབ་ཉི་ཤུའི་ནང་གི་བོད་ཀྱི་མཁས་པ་འགར་རྒྱུགས་པ་ལེབ་རྡུང་བྱས་འདུག
http://www.tibettl.com/blog/u/redblack/archives/2009/21119.html
ང་རང་ལ་ཆ་བཞག་ན། མཐོ་སློབ་ལ་སླེབས་ནས་གཞི་ནས་མཁས་དབང་དོན་གྲུབ་རྒྱལ་གྱི་མཚན་ཐོས་ཞིང། ཁོང་གི་རླབས་ཆེན་གྱི་རྩོམ་རྣམས་མཇལ་བྱུང། དང་ཐོག་ནས་ང་རང་ཁོང་གི་མི་ཚེའི་ལོ་རྒྱུས་ཐོས་དུས་ངའི་སེམས་ངོ་མ་ཚོར་བ་མི་འདྲ་བ་ཞིག་དང། ཁྱད་པར་བ་ཞིག་སྟེར་བྱུང། ང་རང་ཁོང་གི་རྒྱུན་གཏན་གྱི་བྱ་སྤྱོད་དང། ལྷག་པར་རྩོམ་རིག་ལ་དགའ་ཞེན་ཆེན་པོ་ཡོད་རབས་རྣམས་ལ་ཡིད་རབ་ཏུ་འཕྲོག་ཅིང། ང་རང་གི་འཇོན་ཐང་དང་བརྩོན་གྲུས་ཀྱི་རྟ་ཕོ་ཅི་འདྲ་ཞིག་ཡོད་མིན་ལ་མི་བསམ་པར། མི་ཚེ་འདིའི་ནང་ཁོང་དང་འདྲ་བ་རླབས་ཆེན་གྱི་མི་སྣ་ཞིག་ཆགས་མི་ཐུབ་ནའང། སྤྱི་ཚོགས་ཀྱི་སྟེང་ཁོང་དང་འདྲ་བར་ཕན་པའི་བྱ་བ་ཞིག་གྲུབ་ཐུབ་པར་སྨོན་ལམ་ཞིག་ཀྱང་རྒྱབ་མྱོང། ངོ་མ་ང་རང་ཁོང་ལ་དུང་ཞིང། ཁོང་གི་རྩོམ་རིག་དང་ལྟ་གྲུབ་ལ་ལྷག་པར་དད་མཁན་གྱི་སྐྱེ་བོ་ཕལ་བ་ཞིག་ཀྱང་ཡིན། ཁྱེད་ནི་གངས་ཅན་ལྗོངས་ཀྱི་མི་རིགས་འདི་ལ་ཆེས་རླབས་ཆེ་བའ་ིམི་སྣ་ཞིག་དང། ལྷག་པར་བོད་ཀྱི་རྩོམ་རིག་གི་ལྡིང་ཆ་འདིའི་སྟེང་རྟག་ཏུ་ཕར་ཞིང་ཡོད་པའི་རྩོམ་པ་པོ་ཞིག་ཀྱང་ཡིན་པས། ངེད་ཚོས་ཁྱེད་དང་ཁྱེད་ཀྱི་རླབས་ཆེན་གྱི་བྱ་བ་ལ་རྗེས་སུ་ཡིད་རངས་དང། ཇི་སྲིད་བོད་མི་རིགས་འདི་མི་གནས་ཀྱི་དབར་དུ་ཁྱེད་ཀྱི་རླབས་ཆེན་གྱི་མཛད་རྗེས་ལ་ཡིད་རང་ཞུ།
མི་ལོ་སོ་གཉིས་ཀྱི་རིང་ལ་འདི་འདྲའི་རླབས་ཆེ་བའི་མཛད་རྗེས་སྐྱོང་མཁན་ཁོང་ད་ལྟ་བཞུགས་ཡོད་ན།ད་ལྟའི་སྐྱ་ཆད་སྔོ་སྡུག་གི་རང་རེའི་རྩོམ་རིག་གི་ཞིང་ས་འདི་འདྲ་ཞིག་ག་ལ་ཡིན།རྩོམ་རིག་གསར་བའི་དེད་དཔོན་ཁོང་ནི་དངོས་གནས་རང་རེའི་རྩོམ་རིག་གི་ལོ་རྒྱུས་སྟེང་ནས་བརྗེད་དུ་མེད་པའི་རྡོ་རིང་ཞིག་ཡིན།
དུས་རབས་ཉི་ཤུའི་ནང་འཛམ་གླིང་སྟེང་བག་ཆགས་གཏིང་གཟབ་འཇོག་མཁན་གྱི་མི་སྣ་ཆེ་གྲས་མའོ་ཙེ་ཏུང་གིས་འཚོ་བ་ནི་རླབས་ཆེན་ཞིག་རེད་ལ་ཤི་བ་ནི་གཟི་བརྗིད་གཅིག་རེད་ཅེས་གསུངས་པ་དེ་ཡིད་ལ་ལྷང་ངེར་དྲན།
དཔལ་དོན་གྲུབ་རྒྱལ་བོད་གངས་ཅན་གྱི་ལྗོངས་སུ་ཇི་སྲིད་འཚོ་བ་དེ་དོན་དངོས་ཐོག་ཤིན་ཏུ་ནས་རླབས་ཆེན་ཞིག་རེད་ལ་ཁོང་སྐུ་གཤེགས་སུ་ཁོང་གི་རྣམ་དཔྱོད་དང་མཛད་རྗེས་དག་ལ་མི་རྣམས་ཀྱིས་དེ་སྲིད་དུ་གཟི་བརྗིད་གཅིག་ཏུ་བརྩི་ཆོག
གངས་ལྗོངས་ཀྱི་ལས་དབང་དམན་སྟབས་གངས་ཕྲུག་རྣམས་སྔར་ནས་ད་བར་ལ་ལ་འཁྱགས་སྦོས་སུ་སོང་ནས་ཤི་བ་དང་། ལ་ལ་འཁྱགས་རོང་དུ་ལྷུང་ནས་ཤི་བ ཡང་ལ་ལ་འཁྱགས་རླུང་གྲང་མོ་ལྷན་ཅིག་ཏུ་ཡུན་རིང་འགྲོགས་ཀྱང་དོན་མེད་དུ་ཤི་བ་སོགས་ནི་ངེད་གངས་ལྗོངས་སུ་ལྡོག་ཐབས་མེད་པའི་མཐོ་སྒང་གི་སྐྱོ་སྣང་གྲང་ངར་ཤིན་ཏུ་ཆེ་བ་ཞིག་རེད་་་་ཨ
མཁས་ཆེནརིག་པ་རང་གྲོལ་ངོ་མཚར་ཆེ།
ནོར་བཅོས།
མིག་ཚ་ནས་གང་བྱེད
ཀླུ་སྨྱོན་ལགས།་འདྲེ་མཆུ་རྭ་གོག་འདྲ་བཙུམ་རོགས།རླབས་ཆེན་གྱི་སྐྱེས་བུ་ཚོར་རྗེས་དྲན་བྱེད་དགོས་པ་བོད་མི་ཕྱི་རབས་པ་དག་གི་ལས་འགན་ཡིན་ན།་ཁྱོད་མིག་ཚ་གང་བྱེད།
ཁྱོད་ཀྱིས་བཤད་པའི་གསོན་པོ་ཚོའི་ནང་གི་དགའ་བོ་ཟེར་བ་སུ་ལ་བདག་པོ་རྒྱག་དགོས་པ་རེད།་
ཤི་བོའི་མྱིང་གིས་འཛིན་གིན་བསྡད་ན་རྣམ་ཤེས་ལ་གནོད་ནི་རེད། དེ་ལས་གསོན་པོའི་ནང་གི་དགའ་བོ་ཚོར་བདག་པོ་རེ་རྒྱོབས་དང་།
མཁས་ཆེནརིག་པ་རང་གྲོལ་ངོ་མཚར་ཆེ།
ཉིན་འདི་འགར་བོད་ཡུལ་སྟོད་སྨད་བར་གསུམ་གྱི་དྲ་ཚིགས་དག་དང་རླུང་འཕྲིན་ཁག ད་དུང་བརྙན་འཕྲིན་བཅས་སུ་རྒྱང་སྲིང་བྱེད་ཀྱིན་པ་ནི། དཔལ་དོན་འགྲུབ་རྒྱལ་ཡིན་མོད། གོང་གི་འདི་ལྟ་བའི་གསར་འགྱུར་སྤུས་དག་ཅིག་མཐོང་དཀོན། གུས་མོར་བསམ་འཆར་ཞིག་ལ། བྱེས་ཡུལ་བཙན་བྱོལ་ནང་དུའང་སྐུ་ཞབས་རང་གྲོལ་ལགས་སུ་མྱ་ངན་གུས་འདུད་ཀྱི་ཚོགས་འདུ་ཞིག་བསྐངས་ཏེ། རྒྱལ་སྤྱི་རང་བཞིན་གྱི་རང་གྲོལ་རྗེས་དྲན་ཞིག་གི་ངོ་བོར་བསྒྱུར་ཐབས་ཡོད་དམ།
བཀླགས་ཟིན།
སྐུ་ཞབས་རང་གྲོལ་གྱི་བླ་སྲོག་འཚོལ་བ་ནི་ཁོང་གི་རྗེས་ཀྱི་མི་རབ་གསར་བ་དག་གི་འོས་འགན་ཉག་གཅིག་ཏུ་ཚོར།
བདེན་པའི་ཆེད་དུ་རང་སྲོག་གཅོད་དུས་ཀྱི་ཉིན་མོ་དེའི་གོང་དུ།
རང་གྲོལ་གྱིས་འདི་འདྲ་ཞིག་གསུངས་རབས་འདུག
གསོན་ནས་ལག་རྗེས་མ་ཞོག་པ་ཡིན་ན། ཤི་ནས་ལག་རྗེས་འཇོག་ཟེར་ནས་གསུངས་པར་གྲགས། ད་ནི་ཤི་བ་གཟི་བརྗིད་རེད་ཟེར་ནས་མཐའ་གཅིག་དུ་བདེན་ཁ་སྤྲོད་དཀའ་ཡང་། གལ་ཏེ། ཁོ་རང་ད་ལྟ་ཡང་གསོན་པོར་གནས་ཡོད་པ་ཡིན་ན། དངོས་ནས་རླབས་ཆེན་གྱི་མིང་དང་སྙན་གྲགས། ཡང་ན། གདེང་འཇོག་དེ་ཚོ་ཕལ་ཆེར་ཡོད་རྒྱུ་མ་རེད། གང་ལྟར། ཤི་བ་དེ་ནི་གཟི་བརྗིད་དུ་བརྩི་རྒྱུར་ཡང་། བསམ་བློ་ཞིབ་མོ་རེ་བཏང་ན་དངོས་ནས་དཀའ་མོ་རེད།