རྒྱལ་སྤྱི།

རྒྱ་གར་རྒྱལ་ཡོངས་ཚོང་པའི་མཐུན་ཚོགས་ཀྱིས་སྣེ་འཁྲིད་དེ་རྒྱ་ནག་གི་ཐོན་རྫས་ ༣༠༠༠༠ ཉོ་ཚོང་མཚམས་འཇོག་རྒྱུ་དང་ རྒྱ་གར་བས་རྒྱ་གར་གྱི་ཐོན་རྫས་ཉོ་ཚོང་དགོས་པའི་འབོད་སྐུལ་གནང་།་་་

རྒྱ་ནག་གཞུང་གིས་ཨོ་གླིང་ནང་ཏོག་ནད་སྔོན་འགོག་ཐུབ་མེད་པ་དང་ཨེ་ཤ་ཡའི་ཚོར་མི་རིགས་དབྱེ་འབྱེད་ཡོད་པའི་ཉེན་བརྡ་བཏང་བར་ཨོ་གླིང་ཤེས་རིག་ལྷན་ཁང་དང་མཐོ་སློབ་ཁག་བརྒྱད་ནས་ཡ་ལན་བསྒྲགས་གཏམ་སྤེལ་འདུག་་་

རྒྱ་གར་ནང་ཁྱིམ་སྡོད་བཀའ་རྒྱ་གུ་ཡངས་སུ་བཏང་རྗེས་ཏོག་དབྱིབས་ནད་པའི་གྲངས་འབོར་མགྱོགས་མྱུར་ངང་འཕར་བཞིན་འདུག་་་

བྱང་ཀོ་རི་ཡའི་མགོ་འཁྲིད་དང་སྲིད་གཞུང་ལ་སྐྱོན་བརྗོད་བྱེད་པའི་དྲིལ་བསྒྲགས་རིགས་ལ་བཀག་འགོག་མ་བྱས་པའི་ཉེས་འཛུགས་འོག་ལྷོ་བྱང་ཀོ་རི་ཡའི་འབྲེལ་བ་ཡོངས་སུ་བཅད་ཡོད་འདུག  ་་་

འཛམ་གླིང་རྒྱལ་ཁབ་ ༢༥ ཙམ་གྱིས་ཏོག་དབྱིབས་གཉན་རིམས་ལ་འགོག་བཅོས་བྱས་ཏེ་བདུན་ཕྲག་གཉིས་གསུམ་ནང་འདས་པོ་དང་ནད་པ་གསར་པ་ཧ་ཅང་ཇེ་ཉུང་དུ་འགྲོ་བཞིན་ཡོད་པའི་ཁྲོད་ནས་ནེའུ་ཛི་ལན་ནི་དཔེ་མཚོན་ལྟ་བུར་གྱུར་འདུག་་་

ཐའེ་ཝན་ལྷོ་ཕྱོགས་ཀྱི་གྲོང་ཁྱེར་ལྟེ་བ་གོ་ཤོང་གི་སྤྱི་ཁྱབ་ཧན་ཁུའོ་ཡུ་ལ་འོས་བསྡུའི་ཁྲོད་ཕམ་ཉེས་ཆེན་པོ་བྱུང་བ་དང་གྲོང་ཁྱེར་དེའི་གྲོས་ཚོགས་ཚོགས་གཙོ་ཞེ་ཁོན་ཡན་Hsu Kun-yuan)ཐོག་རྩེག་བཅུ་བདུན་ཅན་ཞིག་ནས་མཆོངས་ཏེ་རང་ཤི་བརྒྱབ་་་

ཨ་རི་དང་ཉི་ཧོང་། དེ་བཞིན་ཡུ་རོབ་ཀྱི་སྟོབས་ཅན་རྒྱལ་ཁབ་ཁག་ཅིག་བཅས་འཛམ་གླིང་རྒྱལ་ཁབ་ཁག་གི་འཐུས་མི་ ༢༤ ཡིས་གྲོས་ཚོགས་མཉམ་འབྲེལ་ཚོགས་པ་བཙུགས་ཏེ་རྒྱ་ནག་གིས་གོ་ལ་ཧྲིལ་པོར་སྤྲོད་བཞིན་པའི་གནོད་སྐྱོན་ལ་རྒོལ་གཏམ་བསྒྲགས།་་་

དྲུག་བཞིའི་དོན་རྐྱེན་བྱུང་སྟེ་མི་ལོ་ ༣༡ འཁོར་བའི་ཞི་རྒོལ་དུས་དྲན་དང་བསྟུན་ཧོང་ཀོང་གྲོས་ཚོགས་ནང་རྒྱ་ནག་གི་རྒྱལ་གླུ་ལ་སྐྱོན་བརྗོད་བྱས་ན་ཁྲིམས་འགལ་ཡིན་པའི་ཁྲིམས་འཆར་གསར་པ་ཞིག་མང་མོས་གཏན་འབེབ་བྱས།་་་