བོད་ནང་།

ཕྱི་ལོ་ ༢༠༠༨ ལོའི་ཞི་རྒོལ་གྱི་སྣེ་འཁྲིད་པ་གཙོ་བོ་ཡིན་པའི་ཉེས་མིང་འོག་ལོ་ ༩ བཙོན་འཇུག་ཁྲིམས་ཐག་བཅད་པའི་གྲྭ་ཚུལ་བཟང་རྒྱ་མཚོ་ལགས་གསང་བའི་ཐོག་ནས་ཀློད་གྲོལ་བཏང་ཡོད་འདུག་་་

དེ་རིང་ཕྱི་དྲོར་རྔ་བ་རྫོང་གི་ཁྲོམ་གཞུང་དུ་དགེ་འདུན་པ་བློ་བཟང་ཚེ་རིང་ཞུ་བ་ཞིག་གིས་ཞི་རྒོལ་སྐད་འབོད་གནང་སྟེ་རྒྱ་གཞུང་ཉེན་རྟོག་པས་བཙན་འཁྲིད་བྱས་ཡོད་འདུག་་་

རྒྱ་གཞུང་གིས་གསེར་རྟ་བླ་རུང་སྒར་གྱི་སྤྱིའི་མི་འབོར་ལ་ཚོད་འཛིན་བྱས་ཏེ་འདི་ལོ་ཁོ་ནར་ཞིང་ཆེན་གཞན་ནས་ཡིན་པ་ ༦༠༠ བཅས་ཁྱོན་གྲྭ་བཙུན་ ༡༢༠༠ ཕྱིར་འཕུད་གཏོང་རྒྱུ་དང་ཁང་པ་ ༡༥༠༠ གཏོར་རྒྱུ་ཡིན་འདུག་་་

རྒྱ་གཞུང་གིས་བསང་ཆུ་རྫོང་ཨ་མཆོག་ཡུལ་ཚོའི་བླ་རིའི་གཏེར་ཁ་སྲུང་སྐྱོབ་པ་བོད་མི་དྲུག་བདུན་ཞིག་ལ་གཅར་རྡུང་ཚབས་ཆེན་བཏང་སྟེ་སྨན་ ཁང་དུ་འཁྲིད་དགོས་བྱུང་ཡོད་འདུག་་་

་་་

སོག་རྫོང་གི་ཆབ་སྲིད་བཙོན་ཟུར་བློ་གྲོས་རྒྱ་མཚོ་(སོག་མཁར་བློ་གྲོས) བསྐྱར་དུ་ལྷ་ས་ནས་འཛིན་བཟུང་བཀག་ཉར་བྱས་ཡོད་འདུག ཁོང་འཛིན་བཟུང་བྱེད་དགོས་དོན་དང་གང་དུ་བཙོན་འཇུག་བྱས་མིན་ཤེས་རྟོགས་ཐུབ་མེད།་་་

རྒྱ་གཞུང་གིས་ཆུ་ཆེན་རྫོང་ཁོངས་ཀྱི་གནས་རི་སྲུང་སྐྱོབ་པ་ཚོར་གཅར་རྡུང་བཀག་ཉར་བྱས་ཡོད་པ་མ་ཟད་མུ་མཐུད་ངོ་རྒོལ་མི་ཆོག་པའི་འཇིགས་སྐུལ་བཀའ་རྒྱ་བསྒྲགས་འདུག་་་

དེ་རིང་སྔ་དྲོར་གཞིས་ཀ་རྩེ་ས་ཁུལ་གཏིང་སྐྱེས་རྫོང་དང་དིང་རི་རྫོང་དུ་ཚད་རིམ་ ༥.༣ ཅན་གྱི་ས་ཡོམ་ཐེངས་གཉིས་བརྒྱབ་ཡོད་འདུག་་་