དེ་རིང་སྔ་དྲོར་བོད་མིའི་སྒྲིག་འཛུགས་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་གིས་ལས་གནས་ནས་རྩ་དགོངས་ཞུས་ཟིན་པ་དང་འབྲེལ་ཏེ། དེ་རིང་ཕྱི་དྲོའི་ཆུ་ཚོད་ ༥།༣༠ སྟེང་། སྲིད་སྐྱོང་བློ་བཟང་སེང་གེ་མཆོག་གིས་དེ་འབྲེལ་གྱི་གནས་ཚུལ་ཐོག་གསར་འགོད་གསལ་བསྒྲགས་ཤིག་བསྐྱངས་སོང་།
བཀའ་ཤག་གི་གསལ་བསྒྲགས་ནང་འཁོད་དོན། “ད་ཉིན་ཕྱི་ལོ་ ༢༠༡༦ ཟླ་ ༢ ཚེས་ ༢༨ རེས་བཟའ་ཉི་མའི་སྔ་དྲོར་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་གློ་བུར་བཀའ་བློན་གྱི་ལས་གནས་ནས་དགོངས་ཞུ་གནང་འདུག་པ་དང་། དགོངས་ཞུ་གནང་དགོས་པའི་རྒྱུ་མཚན་ཡིག་ཐོག་ཏུ་ང་རང་ཚོའི་མདུན་དུ་ལྷག་པའི་གནད་དོན་གལ་འགངས་ཆེ་བ་ཁག་གདོང་ལེན་གནང་བའི་ཆེད་དུ་ཡིན་སྐོར་དང་། ཞལ་ཐོག་ནས་བཀའ་བློན་ཡིན་མུས་ཐོག་ད་ལྟ་འགྲོ་བཞིན་པའི་འོས་བསྡུ་ཆེན་མོའི་བགྲོ་གླེང་ལས་རིམ་ཁག་ནང་མཉམ་ཞུགས་ཐུབ་པའི་ཆེད་དུ་ཡིན་སྐོར་དཔལ་ལྡན་སྲིད་སྐྱོང་མཆོག་ལ་སྙན་ཞུ་གནང་འདུག་ཅིང་། ད་ཉིན་ནས་གནས་སྐབས་ཆར་ཕྱི་དྲིལ་བཀའ་བློན་གྱི་མཛད་འགན་དཔལ་ལྡན་སྲིད་སྐྱོང་མཆོག་ནས་མཉམ་ལྕོགས་གནང་རྒྱུ་གནང་སོང་བ་བཅས་གསལ་བསྒྲགས་སུ། བཀའ་དྲུང་ཡིག་ཚང་ནས།” ཞེས་བཀོད་འདུག
དེ་རིང་ཉིན་རྒྱབ་ཆུ་ཚོད་ ༤།༣༠ སྟེང་། བོད་མི་མང་སྤྱི་འཐུས་འབའ་བ་སྐལ་བཟང་རྒྱལ་མཚན་ལགས་ཀྱིས་བོད་ཀྱི་གསར་འགོད་པའི་མཐུན་ཚོགས་ཀྱི་ཚོགས་གཙོ་བསྟན་འཛིན་བཟང་མོ་ལགས་དང་གསར་འགོད་པ་ཚོར་ཁ་པར་འབྱོར་ཏེ། ད་ལྟ་བཀའ་ཤག་ལྷན་རྒྱས་ཚོགས་ཡོད་པ་དང་། དེའི་རྗེས་ལ་སྲིད་སྐྱོང་མཆོག་གིས་ཕྱི་དྲིལ་བཀའ་བློན་སྐོར་ལ་གསལ་བསྒྲགས་ཤིག་སྤེལ་འཆར་ཡོད་སྐོར་བརྗོད་པ་བཞིན། གསར་འགོད་པ་རྣམས་ཆུ་ཚོད་ ༥ པའི་སྟེང་བཀའ་ཤག་མདུན་དུ་འཛོམས་སྐབས། བཀའ་བློན་ལྷན་ཚོགས་གྲོལ་བཞིན་ཡོད་ཀྱང་བཀའ་ཤག་གི་ལས་བྱེད་ཚོས་གསར་འགོད་ལྷན་ཚོགས་ཡོད་པ་ཤེས་རྟོགས་བྱུང་མེད་སྟབས། གསར་འགོད་པ་ཚོས་བསྐྱར་དུ་སྤྱི་འཐུས་འབའ་བ་སྐལ་བཟང་རྒྱལ་མཚན་ལགས་སུ་ཁ་པར་བཏང་སྐབས་སྲིད་སྐྱོང་ཕེབས་གྲབས་ཡོད་སྐོར་བརྗོད་བྱུང་།
སྲིད་སྐྱོང་མཆོག་གིས་ངག་ཐོག་ནས་གསལ་བཤད་གནང་བའི་ནང་། དེ་རིང་ཞོགས་པ་སྔ་བོར་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་ལགས་ངའི་ནང་ལ་ཕེབས་སོང་། གློ་བུར་དུ་ཕྱི་དྲིལ་བཀའ་བློན་ནས་དགོངས་པ་ཞུ་རྒྱུ་ཡིན་གསུང་གི་འདུག དེའི་རྗེས་ལ་གསར་འགོད་ལྷན་ཚོགས་བསྐོངས་ཏེ་རྒྱུ་མཚན་ཞུས་འདུག ང་རང་ལ་ག་རེ་གསུངས་སོང་ཟེར་ན། ད་ལྟ་འོས་བསྡུ་ཆེན་མོ་འགྲོ་བཞིན་ཡོད་པའི་ནང་མོ་རང་གིས་ཆ་ཤས་ལེན་འདོད་ཡོད། བཀའ་བློན་ལས་ཐོག་ཡིན་ན་ཁྲིམས་དང་སྒྲིག་གཞིའི་ཐོག་ནས་ཆ་ཤས་ལེན་ཐུབ་ཀྱི་མི་འདུག་སྟབས། བཀའ་བློན་གྱི་ཞབས་སྟེགས་ལས་དགོངས་པ་ཞུས་ཏེ་འོས་བསྡུའི་ནང་ཆ་ཤས་ལེན་རྒྱུ་ཡིན་གསུངས་སོང་། ང་ཚོ་ཚང་མས་མཁྱེན་གསལ་ལྟར། ༧གོང་ས་མཆོག་གིས་གསོལ་རས་གནང་བཞག་པའི་དམངས་གཙོ་འདིའི་ནང་སུ་ཞིག་གིས་ཆ་ཤས་ལེན་ནའང་གཏམ་བརྗོད་རང་དབང་རེད།
ལོ་བཞི་དང་ཕྱེད་ལྷག་རིང་ཕྱག་རོགས་བཀའ་བློན་གནང་བ་དེ་ལ་ངས་ཕྱག་རོགས་བཀའ་བློན་ཚང་མས་ཚབ་ཞུས་ཏེ་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན། དེ་རིང་ཉིན་རྒྱབ་བཀའ་བློན་ལྷན་ཚོགས་ཚོགས་པ་རེད། ཚོགས་དགོས་དོན་ཡང་ཕྱི་དྲིལ་བཀའ་བློན་གློ་བུར་དུ་དགོངས་པ་ཞུས་ཡོད་སྟབས། སང་ཉིན་ནས་ཕྱི་དྲིལ་ལས་ཁུངས་ལ་འགན་འཁུར་མཁན་ཞིག་དགོས་ཀྱི་ཡོད་སྟབས། བཀའ་ཤག་གིས་ཐུགས་ཐག་བཅད་པ་དེ་གནས་སྐབས་རིང་སྲིད་སྐྱོང་རང་གིས་ཕྱི་དྲིལ་གྱི་འགན་དེ་འཁུར་རྒྱུ་བྱས་པ་རེད། ཅེས་གསུངས་སོང་།
གསར་འགོད་པས་ད་ནིང་བདེ་སྐྱིད་ཆོས་དབྱངས་མཆོག་གི་གསལ་བསྒྲགས་ནང་། བློ་ཕམ་ཡོད་སྐོར་ཞིག་བཀོད་ཡོད་པ་དེ་ག་རེ་ཡིན་པ་བཀའ་འདྲི་ཞུས་པའི་ལན་དུ་སྲིད་སྐྱོང་མཆོག་གིས། བློ་ཕམ་ཟེར་བ་དེ་ལ་མོ་རང་གིས་ད་ལན་སྲིད་སྐྱོང་གི་འོས་བསྡུའི་བགྲོ་གླེང་འགྲོ་སྟངས་དེར་བློ་ཕམ་ཡོང་གི་འདུག གནད་དོན་ཆེ་ཁག་དེ་འདྲ་ལ་དགོངས་ཚུལ་ཡོད། དེའི་དོན་དག་ལ་ཆ་ཤས་ལེན་འདོད་ཡོད་ཅེས་ད་ནང་གསུངས་སོང་། ཞེས་སོགས་བཀོད་འདུག
གསར་འགོད་པ། དོན་འགྲུབ་བཀྲ་ཤིས།
ཕྱི་དྲིལ་བཀའ་བློན་གྱི་འགན་སྲིད་སྐྱོང་གིས་མཉམ་ལྕོགས་གནང་རྒྱུ་ཟེར་བ་ནོར། ཕྱི་དྲིལ་བཀའ་འགན་དེ་སྔོན་ནས་བློ་སེང་གིས་ཤི་འཐམ་རོ་འཐམ་བྱེད་བཞིན་པར་བཅོས། དེ་མིན་ཨབ་ཕྲུག་སྐལ་རྡོར་དམྱལ་བ་ནས་སྐྱོབས་མི་ཐུབ་པས། རང ཉེས་མང་བོ་ཞིག་གཤིན་རྗེ་ཆོས་རྒྱལ་ལག་པར་ཤོར་ཉེན་ཡོད་པས་སོ།
ཐོས་པ་དགའ་དང་བསྟན་རྣམ་ཀུན་གསལ་སོགས་དྲ་འབུ་འདི་ཚོས་གནས་ལུགས་མེད་པར་གླེང་བ་ཞིག་མིན་པར་འདུག་གང་ཡིན་ཟེར་ན་དེ་རིང་ཞོགས་པ་ནས་ངོ་དེབ་ཐོག་ལ་དེའི་སྐོར་གང་མང་ཞིག་གླེང་གི་འདུག ངས་ལྟས་ན་མི་ཤེས་ཡོན་མཁན་ཞིག་ཡིན་ན་གཙོ་བོ་རང་ཚིགས་བརྟན་པོ་དང་དྲང་བདེན་དགོས་པ་གལ་ཆེན་ཡིན་པ་བརྗོད་མ་དགོས་པ་ཞིག་རེད། འབའ་བ་རང་ཉིད་ཤེས་ཡོན་ཡོད་མཁན་ཞིག་ཡིན་ཟེར་བ་ཡིན་དུས་ངེས་པར་བསམ་བློ་གཏོང་དགོས་པ་ཞིག་རེད་ཡིན་ན་ཡང་ངས་དངོས་ནས་འབའ་བ་ཟེར་བ་འདི་རང་ཚིགས་བརྟན་པོ་ཞིག་མ་ཡིན་པ་སྔོན་མ་ནས་ཤེས་ཡོད་རྒྱུ་མཚན་གང་ཡིན་ཟེར་ན་གྲོས་ཚོགས་ནང་སྔོན་མ་གླེང་ཉོག་བྱུང་སྐབས་ཚོགས་གཙོས་ད་མི་གཅིག་འགྲོ་བ་ཡིན་ན་གྲོས་ཚོགས་འདི་ཚོགས་ཐུབ་ཀྱིན་མ་རེད་ཞེས་བརྗོད་སྐབས་དེ་ག་འགྲོ་མཁན་འབའ་བ་རེད་དེ་ནས་ཟུང་མི་འཇུག་རྡེའུ་ཞིག་རེད་བསམ་ནས་ཡོད་མ་ཟད་དེ་ནས་ཟུང་ཁོང་གིས་རྒྱུད་ལམ་གང་ཞིག་ནས་སྐད་ཆ་བཤད་རུང་སིན་སྣང་ཞིག་ལས་ཉན་འདོད་ཞིག་མི་འདུག་ངོ་མ་བཤད་ན་ཤེས་ཡོན་པ་ཚོས་དྲང་བདེན་བྱེད་དགོས་པ་གལ་ཆེན་མཐོང་།
ད་ལོ་རྩུབ་ངོ་འདུག
ཁ་སང་སྔ་དྲོ་བློ་བུར་དུ་གངས་ཅན་སྐྱིད་གཤོངས་ལ་ས་ཡོམ་4.4ཅན་ཞིག་རྒྱབ་འདུག མི་ལ་སྐྱོན་བྱས་མེད་ཀྱང་། བཙན་བྱོལ་སྒྲིག་འཛུགས་ཀྱི་མང་གཙོའི་ཀ་གསུམ་གྱི་མཛད་གཙོ་རྣམ་པ་གཉིད་ལས་དཀྲོགས་འདུག ས་ཡོམ་གྱི་འགུལ་ཤུགས་དེས་བཀའ་ཤག་ལྷག་རྒྱས་ཕར་རྒྱུགས་ཚུར་རྒྱུགས་བྱེད་དགོས་པ་བཟོས་འདུག ད་དུང་སྤྱི་ཚོགས་དཔྱད་བརྗོད་པ་དང་། ས་གཤིས་རིགས་པ། གནད་དོན་དབྱེ་ཞིབ་པ་ཚོས་བརྗོད་པ་ལྟར་ན། ས་ཡོམ་དེ་རྡ་རམ་ས་ལའི་ཕྱི་ནང་གང་རུང་ནས་རིམ་གྱིས་ཤུགས་ཆེ་རུ་འགུལ་ཉེན་ཆེ་ལ། དེ་ལྟར་བྱུང་ན་བཀའ་ཤག་དང་དེའི་ནང་ནས་སྲིད་སྐྱོང་མཆོག་གི་བཞུགས་གནས་ལ་ཉེན་ཁ་ཆེ་བའི་གླེང་སློང་ཤུགས་ཆེ་བྱེད་ཀྱིན་འདུག དེའི་བར་ན་སྲིད་སྐྱོང་མཆོག་དང་འབྲེལ་བའི་སྲིད་ཞུ་བ་མང་པོས་སེམས་ཚབས་ཀྱིས་ཉེན་ཁ་དེ་ལས་སྐྱོབས་ཆེད། ཞི་དྲག་གཉིས་ཀའི་གཏམ་བཤད་རྫོགས་མཐའ་མེད་པ་བྱས་པས། སྟེང་གི་ལྷ་དང་། བར་གྱི་མིའི་སྤྱི་ཚོགས་ཀུན་འཁྲུག་ཆ་ཧ་ཅང་དོད་པར་གྱུར། དེའི་སྐབས་སྲིད་སྐྱོང་མཆོག་གི་བསྟེན་བསྟེན་བསྒྲུབས་ཀྱི་སྲུང་མ་དམ་ཚིག་ཅན། ཨ་རིར་བཞུགས་པའི་སྐལ་རྡོར་དང་རྡ་སར་བཞུགས་པའི་འབའ་སྐལ་གཉིས་ཀྱིས་རང་རང་གི་འཁོར་ན་ཡོད་པའི་འབྱོང་བོ་དང་མི་མ་ཡིན། དྲི་ཟ། གཞི་བདག་ལ་སོགས་པ་ཡོད་ཚད་ལ་དྲ་རྒྱའི་སྐུད་ལམ་ནས་ཚོགས་འདུ་བསྡུས་ཏེ་གང་དགའ་ཅི་ལེགས་གྲོས་བྱེད་བཞིན་པའི་སྒང་རེད། དེའི་བར་གསེང་ན་སྲིད་སྐྱོང་མཆོག་ལ་རིང་ནས་ཐུགས་རྗེའི་སྤྱན་གྱིས་གཟིགས་མཁན། རྡ་ས་དང་ཧ་ཅང་ཐག་མི་རིང་བའི་ཡུལ་ཞིག་ན་བཞུགས་པ་ཨོ་རྒྱན་པདྨའི་མཚན་ཅན། ནག་ཕྱོགས་བདུད་བཞིའི་དཔུང་ཚོགས་ལ་བྱམས་པ་དང་བརྩེ་བའི་ཐུགས་རྗེས་གཟིགས་མཁན། ཁོང་གིས་དེ་སྔོན་ནས་ཐུགས་དམ་ཉེར་གཟིགས་ཀྱིས་སྲིད་སྐྱོང་མཆོག་ལ་རྩུབ་ངོ་ཤར་འདུག་གསུངས་ནས་རྟ་མཆོག་ཁྲོ་བོའི་སྐུར་བཞེངས་ཏེ། སྤྱན་གཉིས་ཧྲིག་ཧྲིག་ཏུ་ནམ་མཁར་གཟིགས་ཞོར་དུ། འཁོར་ན་ཡོད་པའི་བློན་ཆེན་གཡག་བྱོན་སྨ་ར་ཅན་ཀླུའི་མྱིང་ཅན་ལ་འཁོར་ཚོགས་མི་ཉུང་བ་དང་ལམ་རྒྱགས་བཅས་བསྒྲིགས་ཏེ། ནུབ་ཨ་རི་དང་། ཤར་ཞི་བདེ་རྒྱ་མཚོའི་མངའ་ཁུལ་དུ་སོང་ནས་སྲིད་སྐྱོང་མཆོག་ཉེན་ཁ་ལས་ཐར་ཆེད། ལས་སུ་བྱ་བ་དུ་མ་བརྩམས་ཏེ་ཕྱིར་རྡ་སར་འབྱོར་བ་དང་ནུས་མེད་དུ་གྱུར་ནས་ད་ལྟའི་ཆར་ལྷན་འཇགས་ངང་བཞུགས། གནས་ཚུལ་འདིའི་བརྒྱུད་རིམ་ལ་ཐུགས་ཁུར་བཞེས་མཁན། དྲང་བདེན་དང་གནས་ལུགས་གཙུག་ཏུ་བཀུར་བའི་སྐྱེས་མཆོག་གཅིག་གིས་དབུ་ཁྲིད་པའི་འབངས་འཁོར་རྣམས་ཀྱིས་བོད་འབངས་སྤྱིའི་བདེ་སྡུག་ཐུགས་ལ་མནག་སྟེ། གངས་རིའི་མགོན་པོར་གསོལ་བ་ཕུར་ཚུགས་སུ་འདེབས་བཞིན་བག་ཕེབས་ངང་བཞུགས་འདུག་པ་བཅས་སོ།།
ཐོས་པ་དགས་བྲིས།
འབའ་བ་སྐལ་བཟང་རྒྱལ་མཚན་ད་སྐབས་རྒྱ་ནག་ལ་མཁས་པའི་ཤེས་ཡོན་པ་ཞིག་གི་ཚད་ལས་བརྒལ་ཏེ་སྲིད་སྐྱོང་བློ་བཟང་སེང་གེའི་རྒྱུགས་ཁྱི་ཞིག་དང་སྐབས་འཚོལ་བ་ཞིག་ཆགས་པ་ཡ་མཚན་སྐྱེས་རྒྱུ་ཅང་མེད། ཁོས་སྲིད་སྐྱོང་བློ་བཟང་སེང་གེ་ལ་འདི་ལྟ་བུའི་སྤྲེལ་ལད་འཁྲབ་དགོས་དོན་ག་རེ་ཡིན་ནམ་ཞེ་ན། ཁོང་དང་ཁོང་གི་ནང་མི་བཅས་པ་ཨོ་སི་ཀྲི་ལ་ཡ་རུ་འགྲོ་རྒྱུའི་རྒྱན་ཐོབ་སྟེ་འགྲོ་རྒྱུར་སྒུག་བསྡད་ཡོད། གངས་སྐྱིད་ཁུལ་གྱི་གཞུང་ཞབས་ནང་བཤད་བཞིན་པ་ཞིག་ལ་སྲིད་སྐྱོང་གིས་འབའ་བ་སྐལ་བཟང་རྒྱལ་མཚན་ཨོ་སི་ཀྲི་ལི་ཡར་ཕྱིན་རྗེས་དེ་གའི་དོན་གཅོད་ནང་དུ་བོད་རྒྱ་འབྲེལ་མོལ་ལས་བྱེད་དུ་བསྐོ་རྒྱུ་ཁས་ལེན་བྱས་ཡོད་ཚུལ་ཁོ་རང་གི་ཆུང་མས་གྲོགས་མོ་ཁ་ཤས་ལ་བཤད་ཡོད་འདུག ད་སྐབས་ཁོང་ལ་དངངས་སྐྲག་ཅིག་ཡོད་པ་ནི་གལ་ཏེ་སྲིད་སྐྱོང་བློ་བཟང་སེང་གེའི་འོས་བསྡུའི་སྐོར་ལ་ཞབས་ཞུ་ཅི་ཙམ་སྒྲུབ་ཐུབ་མིན་དང་། ཚོགས་གཙོ་སྤེན་པ་ཚེ་རིང་ལ་འོས་ཤོག་ཅི་ཙམ་ཐོབ་མིན་བཅས་ནི་ཁོང་གི་མ་འོངས་པའི་མདུན་ལམ་ཐག་གཅོད་ཀྱི་ལྡེ་མིག་ལྟ་བུ་ཡིན། དེ་ལ་བརྟེན་ནས་ཁོང་གིས་སྐབས་འཚོལ་བ་དང་མྱུག་རིམ་པ་ལྟ་བུའི་ལས་ཀ་བྱེད་གི་ཡོད་རེད། ཡིན་ནའང་ཚོགས་གཙོ་སྤེན་ཚེ་འོས་ཐོབ་ནའང་ཁོང་རང་རྒྱ་ཡིག་གི་ཤེས་ཚད་ཡག་པོ་ཡོད་པས་བོད་རྒྱ་འབྲེལ་མོལ་ལས་བྱེད་ཅིག་ལ་བསྐོ་འཇོག་བྱེད་གི་རེད། སེམས་ཁྲལ་དེ་འདྲ་ལངས་དགོས་མི་འདུག་སྙམ། མ་གཞི་ནས་མི་འདིའི་རིགས་ལ་སློབ་སྦྱོང་ཏོག་ཙམ་ཡོད་ཀྱང་མི་གཤིས་ནི་ཐབས་སྐྱོ་བོ་དང་ཐ་ཤལ་བ་ཞིག་རེད། དེ་གསལ་བོ་རེད།
ཡ་མཚན་རང་རེད། བཀའ་ཤག་གི་གསར་འགོད་གསལ་བསྒྲགས་ཡིན་ན་བོད་མི་མང་སྤྱི་འཐུས་འབའ་བ་སྐལ་བཟང་རྒྱལ་མཚན་ལ་འབྲེལ་བ་གང་ཡོད་དམ།
(དེ་རིང་ཉིན་རྒྱབ་ཆུ་ཚོད་ ༤།༣༠ སྟེང་། བོད་མི་མང་སྤྱི་འཐུས་འབའ་བ་སྐལ་བཟང་རྒྱལ་མཚན་ལགས་ཀྱིས་བོད་ཀྱི་གསར་འགོད་པའི་མཐུན་ཚོགས་ཀྱི་ཚོགས་གཙོ་བསྟན་འཛིན་བཟང་མོ་ལགས་དང་གསར་འགོད་པ་ཚོར་ཁ་པར་འབྱོར་ཏེ། ད་ལྟ་བཀའ་ཤག་ལྷན་རྒྱས་ཚོགས་ཡོད་པ་དང་། དེའི་རྗེས་ལ་སྲིད་སྐྱོང་མཆོག་གིས་ཕྱི་དྲིལ་བཀའ་བློན་སྐོར་ལ་གསལ་བསྒྲགས་ཤིག་སྤེལ་འཆར་ཡོད།) དང་ (གསར་འགོད་པ་ཚོས་བསྐྱར་དུ་སྤྱི་འཐུས་འབའ་བ་སྐལ་བཟང་རྒྱལ་མཚན་ལགས་སུ་ཁ་པར་བཏང་སྐབས་སྲིད་སྐྱོང་ཕེབས་གྲབས་ཡོད་སྐོར་བརྗོད་བྱུང་།) ཟེར།
དེ་བཞིན་གོང་དུ་བཀའ་དྲུང་གི་མཚན་རྟགས་བཀོད་པའི་ཡིག་ཆ་དེ་ཡང་འབའ་བ་སྐལ་བཟང་རྒྱལ་མཚན་གྱིས་བྲིས་ཤིང་། བཀའ་དྲུང་གིས་མཚན་རྟགས་བཀོད། སྲིད་སྐྱོང་གིས་ཆོག་མཆན་གནང་བ་མིན་འགྲོ
ད་ལྟད་མོ་མང་དུ་འབྱུང་རྒྱུ་ཡིན་པ་འདྲ།
ད་གནས་ཚུལ་ཡག་པོ་མ་བྱུང་ནང་མ་མཐུན་གནས་ཚུལ་དུ་མ་ཞིག་ཡོད་སྲིད་ ནང་བཀྲ་མ་གཤིས་ན་ཕྱི་དོན་མི་གྲུབ་ཟེར་བ་ལྟར་རེད་
བཀའ་ཤག་གི་གསལ་བསྒྲགས་དང་བདེ་སྐྱིད་ཆོས་དབྱིངས་ཀྱི་གསལ་བསྒྲགས་གཉིས་མཐུན་པ་མི་འདུག དེ་ཅི་རེད།
འབའ་བ་སྐལ་བཟང་རྒྱལ་མཚན་ཟེར་པ་ཁོང་ལ་དེ་སྔོན་སེམས་ནང་གདེངས་འཇོགས་ཆེན་པོ་ཡོད། འོན་ཀྱང་ད་ཕྱོགས་རིས་ཀྱི་ན་ཚ་འགོས་ཚར་འདུག ད་གྲག་རྒྱུ་མེད་པའི་ཀན་སེལ་ཆགས་སྲིད་པ་རེད། ཕངས་བ་ལ།
འབའ་བ་སྐལ་བཟང་རྒྱལ་མཚན་ལགས་ཀྱིས་བཀའ་ཤག་གི་གསར་བསྒྲགས་ཡོད་མེད་ཇི་ལྟར་ཤེས་པ་དང་འབྲེལ་བ་གང་ཡོད་དམ།
བཀའ་ཤག་གི་ལས་བྱེད་ཚོས་གསར་འགོད་གསལ་བསྒྲགས་ཡོད་མེད་པར་འབའ་པས་ཇི་ལྟར་ཤེས་པ་རེད། ཧ་ཧ་ཧ། ད་ཡིན་ན་སེང་གེ་བཀའ་ཤག་གི་ནང་དུ་སྡོམ་ཐག་འདུག
དེང་སྐབས་འབའ་བ་སྐལ་བཟང་འདི་བ་ཚང་དགོས་མི་དགོས་ཚང་མའི་ནང་སྐེ་སྲིང་གི་འདུག་ག་་་་་ཁ་ཉིན་སྔོན་མ་བལ་ཡུལ་སྦོག་ར་ཁུལ་དུ་གོང་ས་མཆོག་གི་སྐུ་པར་ཕབ་པའི་སྐོར་ལ་མི་མང་ལ་གསལ་བཤད་བྱས་ནས་དྲིལ་བསྒྲགས་བྱས་བ་དང་། ད་ལམ་ཡང་གཟའ་ཉིན་མའི་ཉིན་བཀའ་ཤག་གི་ཅི་བྱེད་ལ་སོ་ལྟ་བྱས་ཏེ་གསར་འགོད་པར་ཁ་པར་བཏང་བ་ནས་བཀའ་ཤག་གྲོལ་བརྡ་བརྒྱབ་པ་སོགས་མགོ་རྔ་ཚང་མའི་ནང་འཚིངས་ཁ་རྒྱག་གི་འདུག་ག་་་ཧ་་་ཧ་་་ཧ་་་་མི་འདི་དངོས་ཡོད་གནས་ཚུལ་ཐོག་ནས་མི་ངན་ཐ་ཤལ་ཡིན་པ་ཙམ་མ་ཟད། ཁམས་པའི་ཕོ་རྒོད་ཚོ་དང་མི་འདྲ་བར་སྐབས་འཚོལ་བ་དང་མགོ་བདེ་དྲན་འཁྲུལ་ཞིག་རེད།
དགོངས་ཞུའི་ནང་དོན་ལན་འདེབས་གཉིས་ལ་འབྲེལ་བ་གཅིག་ཀྱང་མེད་པ་ཞིག་གནང་སོང་། དགོངས་པ་ཞུ་མཁན་གྱི་ཞུ་ཆོག་ཆོག་དང་གནང་མཁན་གྱི་གནང་ལས་སླ་བ་ལ་ཕྲུ་་རྩེད་མོའི་བཟོ་འདྲ་བོ་ཞིག་འདུག་ངོ ཚ་བ་ལ།