ཐུགས་གསོའི་འཚམས་འཕྲིན།

༸གོང་ས་མཆོག་གིས་ཐེངས་འདིའི་འབྲུག་ཆུ་རྫོང་གི་ས་རུད་ཀྱི་དོན་རྐྱེན་ཁྲོད་འདས་གྲོངས་སུ་གྱུར་བ་རྣམས་ལ་བསྔོ་སྨོན་དང་རྗེས་ཤུལ་ནང་མི་ཚོར་སེམས་གསོ་དང་ཐུགས་གསོའི་འཚམས་འཕྲིན་ཕུལ་ཡོད།

་་་

བོད་ཀྱི་མཛངས་མས་རང་གི་ཕུགས་མདུན་བརྗོད་པ།

ཉིན་འདི་འགར་འདི་ལོའི་བོད་ཀྱི་མཛངས་མ་བསྟན་འཛིན་ནོར་འཛོམས་རྒྱ་གར་ཡུལ་མི་བོད་དོན་རྒྱབ་སྐྱོར་བ་མཱ་ཧེ་ཞ་ (Dr. Mahesh Yadav)  ལགས་དང་མཉམ་དུ། བོད་དོན་གྱི་ལས་འགུལ་སྤེལ་གྱིན་བཞུགས་སྒར་ངྷ་ས་གཙོས་རྒྱ་གར་ནང་གི་བོད་མི་འདུས་སྡོད་ཀྱི་ས་གནས་ཁག་ཅིག་ཏུ་ཕྱོགས་སྐྱོད་བྱེད་ཀྱིན་པ་དང་། མི་རིང་བར་ཨ་རི་སོགས་སུའང་བསྐྱོད་འཆར་ཡོད་ལ། ཕྱི་ཚེས་ ༡༣ ཉིན་འདི་གའི་གསར་འགོད་པས་ཁོ་མོར་སྤྱིར་བཏང་བའི་དྲི་བ་འགའ་དྲིས་པར་ཁོ་མོས་ལན་འདེབས་བྱས།

་་་

བཀའ་སྤྱི་གླེང་བ།

ཕྱི་ཚེས་ ༡༤ ཉིན་ངྷ་ས་མེག་གྷན་ Clup ཚོགས་ཁང་དུ་སྤྱི་འཐུས་དང་བཀའ་བློན་ཁྲི་པའི་སྐོར་ལ་བགྲོ་གླེང་འདུ་འཛོམས་ཤིག་འཚོགས་པ་དང་། བགྲོ་གླེང་དེ་ད་ལྟའི་གཞོན་སྐྱེས་རྣམས་ཀྱིས་འབྱུང་འགྱུར་གྱི་འོས་བསྡུ་ཆེན་མོའི་ཁྲོད། འོས་ལྡུག་པ་དང་བཀའ་སྤྱིར་དང་བླངས་ཐོག་ཕེབས་ཐུབ་པའི་སྙིང་སྟོབས་བསྐྱེད་ཆེད་ཡིན་ཟེར།

་་་

རྒྱལ་དར་ཕབ་སྟེ་མྱ་ངན་ཞུས།

དེ་རིང་སྔ་དྲོ་རྒྱ་ནག་རྒྱལ་ཡོངས་ནས་ཀན་ལྷོ་འབྲུག་ཆུ་རྫོང་གི་གོད་ཆག་ཁྲོད་རྐྱེན་ལམ་དུ་ཕྱིན་པ་དག་ལ་མྱ་ངན་གུས་འདུད་ཞུས་ཡོད། སྐབས་དེར་པེ་ཅིན་གནམ་བདེ་སྒོ་མོ་ཆེ་ཐང་ཆེན་གྱི་དར་དམར་ཕྱེད་ཙམ་མར་ཕབ་ཅིང་། རྒྱལ་ཡོངས་ཀྱི་རོལ་རྩེད་ཁང་ཡོངས་མཚམས་འཇོག་བྱེད་དུ་བཅུག་ཡོད་འདུག

་་་

བུན་ཁྲོན་དུ་ཆུ་ལོག་བརྒྱུཊ།

ཁས་ཉིན་ནས་ཁ་སང་བར་ཟི་ཁྲོན་བུན་ཁྲོན་རྫོང་དུ་ཆུ་ལོག་ཆེན་པོ་བརྒྱུགས་ཏེ། མི་ ༤༡ ཙམ་བོར་བརླག་ཏུ་ཕྱིན་ཡོད་པ་དང་། མི་ཁྲི་གསུམ་ ༣༠༠༠༠ ལྷག་ལ་གནོད་འཚེ་ཆེན་པོ་ཐེབས་ཤིང་། མི་ཁྲི་གཅིག་ལྷག་གནས་སྤོར་བྱེད་བཞིན་ཡོད་འདུག

་་་

གྲྭ་པ་གཉིས་འཇུས་འདུག

རྒྱལ་རོང་ཚོ་བདུན་དགོན་པའི་གྲྭ་པ་གཉིས་རྒྱ་གཞུང་གིས་འཛིན་བཟུང་བཀག་ཉར་བྱས་འདུག

་་་

ལས་ཤོར་བ་ཇེ་མང་རེད།

རྒྱལ་སྤྱིའི་ངལ་རྩོལ་ཚོགས་པས་ད་ལྟ་འཛམ་གླིང་ཧྲིལ་པོར་ན་གཞོན་ལས་མེད་ཁྲི་ ༨༡༠༠ ཙམ་ཟིན་གྱི་ཡོད་པ་དང་། ད་དུང་ཡང་ལས་ཤོར་བའི་གྲངས་འབོར་འཕར་རྒྱུ་ཡིན་པའི་ཉེན་བརྡ་བཏང་འདུག

་་་

རང་གི་ཟུངས་ཁྲག་གིས་བོད་དོན་ལ་རྒྱབ་སྐྱོར།

དེ་རིང་ཕྱི་ཚེས་ ༡༣ ཉིན་སྔ་དྲོའི་ཆུ་ཚོད་ ༡༢ སྟེང་ངྷ་ས་ཐེག་ཆེན་ཆོས་གླིང་གཙུག་ལག་ཁང་དུ། རྒྱ་གར་ཡུལ་མི་བོད་དོན་རྒྱབ་སྐྱོར་བ་ Dr. Mahesh Yadav ལགས་ཀྱིས་རང་གི་ཟུངས་ཁྲག་གིས་ཨོ་བྷ་མའི་འདྲ་རིས་ཤིག་བྲིས་ཏེ། དེའི་སྟེང་བཀུར་འོས་ཨ་རིའི་སྲིད་འཛིན་ཨོ་བྷ་མ། བོད་དང་འགྲོ་བ་མིའི་ཀུན་སྤྱོད་རང་དབང་སྐྱོབས་རོགས་ཞེས་བྲིས་པ་དང་། མཚན་རྟགས་བསྡུ་རུབ་ཀྱི་ལས་འགུལ་ཞིག་སྤེལ་ཡོད།

་་་