རྒྱ་ནག་སྒེའུ་ཁུང་།

ཉེ་དུས་ཀྱི་རྒྱ་ནག་ནང་གི་གསར་འགྱུར་སྐོར་ཞིག་བོད་ཀྱི་དུས་བབ་གསར་ཤོག་གི་རྒྱ་ནག་སྒེའུ་ཁུང་གི་ལེ་ཚན་ནང་དུ་བཀོད་པ་རྣམས་འདིར་ཕྱོགས་སྡོམ་གྱིས་བཀོད་ཡོད།

་་་

དགོན་པ་ནས་ཕྱིར་འབུད་བཏང་འདུག

རྒྱ་གཞུང་གིས་གྲྭ་ཆོས་སྐྱོང་དང་བཀྲ་ཚེ་གཉིས་དགོན་པ་ནས་ཕྱིར་འབུད་བཏང་ཡོད་ཀྱང་། དགོན་པས་ཞུ་སྐུལ་ཞུས་པ་ལྟར་ད་ཆར་ཕྱིར་འབུད་རང་མིན་པར་སོ་སོའི་རང་ཤག་ཏུ་བཀག་སྡོམ་འོག་བཞུགས་ཡོད་འདུག

་་་

དྲ་རྒྱའི་སྲོལ་ཡིག

བོད་རང་སྐྱོང་ལྗོངས་མངའ་ཁུལ་གྱི་གློག་ཀླད་དྲ་རྒྱའི་ལས་དོན་ཐོག་སྒྲིག་ཁྲིམས་གསར་དུ་གཏན་འབེབས་བྱས་ཏེ། དྲ་ཁང་ཁག་ལ་དམ་དྲག་བྱ་རྒྱའི་སྲོལ་ཡིག་ཅིག་བཟོས་ཡོད་པ་དང་། སྲོལ་ཡིག་དེ་ལས་བརྒལ་ན་ཉེས་ཆད་ལྕི་མོ་གཅོད་རྒྱུ་ཡིན་པའི་གསལ་བསྒྲགས་བྱས་ཡོད།

་་་

ཚད་མའི་དགུན་ཆོས་ཆེན་མོ་རྒྱ་གཞུང་གིས་བཀག་སྡོམ་བྱས།

ལོ་ལྟར་འཚོགས་ཀྱིན་ཡོད་པའི་མདོ་སྨད་རྔ་བ་ས་ཁུལ་གྱི་ཀིརྟི་ཚང་གི་མ་བུ་དགོན་ལྷན་དུ་འཛོམས་པའི་ཚད་མའི་དགུན་ཆོས་ཆེན་མོཐེངས་གསུམ་པ་དེ། རྒྱལ་རོང་ཚོ་བདུན་ཀིརྟིའི་དགོན་དུ་བོད་ཟླ་ ༡༡ པའི་ཟླ་དཀྱིལ་ནས་ཟླ་བ་གཅིག་རིང་འཚོགས་འཆར་ཡོད་ཀྱང་། རྒྱ་གཞུང་གིས་བཙན་ཤེད་དང་འཇིགས་སྐུལ་གྱི་སྒོ་ནས་འཚོགས་མ་བཅུག་པའི་གནས་ཚུལ་བྱུང་འདུག

་་་

པཎ་ཆེན་རིན་པོ་ཆེ་དྲན་ཏེ་མི་ལོ་ཉི་ཤུ།

ཀུན་གཟིགས་པཎ་ཆེན་སྐུ་ཕྲེང་བཅུ་བ་མཆོག་སྐུ་གཤེགས་ཏེ་བགྲང་བྱ་ ༢༠ འཁོར་གྱིན་ཡོད་པའི་རྗེས་དྲན་དང་བསྟུན་ཏེ། དེ་རིང་སྔ་དྲོའི་ཆུ་ཚོད་ ༡༠ སྟེང་འདི་ག་བོད་ཀྱི་དུས་བབ་ཟིན་བྲིས་ཚན་པར། དྲ་གྲོགས་ན་གཞོན་ཁག་ཅིག་གིས་འོད་སྟོང་ལྡན་པའི་ཞབས་རྗེས་ཐད། དྲ་ཐོག་བགྲོ་གླེང་ཞིག་གནང་ཡོད།

་་་

ཞི་མཐུན་གཡང་གི་ཕ་གཞས།

ཉེ་ཆར་མཚོ་སྔོན་བོད་སྐད་བརྙན་འཕྲིན་ཁང་གི་གཙོ་སྐྱོང་འོག བོད་ལྕགས་ཕོ་སྟག་ལོའི་ལོ་གསར་རིག་རྩལ་སྤྲོ་ཚོགས་ཆེན་མོ་༼ ཞི་མཐུན་གཡང་གི་ཕ་གཞས། ༽ ཞེས་པ་དེ་མཚོ་སྔོན་ཞིང་ཆེན་རྒྱང་སྒྲོག་བརྙན་འཕྲིན་ལྟེ་གནས་ཀྱི་འཁྲབ་སྟོན་ཚོམས་ཆེན་དུ་གཟབ་རྒྱས་ངང་ཚོགས་ཡོད།

་་་

ལིག་ཞོ་པོར་ལོ་ ༡༡ གི་ཁྲིམས་ཐག་བཅད་འདུག

སྐུ་ཞབས་ལིག་ཞོ་པོ་ལ་བཙོན་འཇུག་ཁྲིམས་ཐག་བཅད་པ་དེ་ནི་སྨྲ་བརྗོད་རང་དབང་ལ་ཉེས་ཁྲིམས་བཅད་པ་ཞིག་རེད་ཟེར།

་་་

ཁོར་ཡུག་དྲ་ཚིགས།

ཟླ་འདིའི་ཕྱི་ཚེས་ ༢༢ ཉིན་སྒྲུབ་བརྒྱུད་བསྟན་པའི་མངའ་བདག་དཔལ་རྒྱལ་བ་ཀརྨ་པ་ཨོ་རྒྱན་འགྲོ་འདུལ་ཕྲིན་ལས་རྡོ་རྗེ་མཆོག་གིས་གནས་མཆོག་རྡོ་རྗེ་གདན་ནས་བཀའ་བརྒྱུད་ཁོར་ཡུག་སྲུང་སྐྱོབ་སྐོར་གྱི་དྲ་ཚིགས་སྒོ་འབྱེད་གནང་ཡོད།

་་་