བོད་མི་མང་སྤྱི་འཐུས་ཚོགས་གཞོན་རྒྱ་རི་སྒྲོལ་མ་ལགས་ཀྱིས་སྣེ་ཁྲིད་པའི་བོད་མི་མང་སྤྱི་འཐུས་ཀྱི་སྐུ་ཚབ་ཁག་ཅིག་རྒྱ་གར་གྱི་བློན་ཆེན་ལྷན་ཁང་གི་མི་སྣ་དང་གྲོས་ཚོགས་འཐུས་མི་བཅས་ལ་མཇལ་འཕྲད་གནང་ཡོད་པ་རེད།
ཕྱིཟླ་ ༥ པའི་ཚེས་ ༡༢ ནས་ ༢༥ ཉིན་བར་དུ་ལྡི་ལིར་ཕེབས་ཏེ་རྒྱ་གར་གཞུང་གི་མི་སྣ་དང་གྲོས་ཚོགས་འཐུས་མི་བཅས་ལ་མཇལ་འཕྲད་ཀྱིས་བོད་ཀྱི་གནད་དོན་སྐོར་གསལ་བཤད་དང་ཞུ་གཏུགས་བྱས་ཡོད་པ་རེད། ཁོང་རྣམ་པས་བོད་ཀྱི་གནད་དོན་ཐོག་ཐུགས་ཁུར་དང་རྒྱབ་སྐྱོར་གནང་སྟངས་དེས་ང་ཚོའི་སྐུ་ཚབ་ཚོར་ཡང་བོད་དོན་འཐབ་རྩོད་ཀྱི་ཕྱོགས་སུ་སེམས་སྐུལ་ཤུགས་ཆེན་བྱུང་ལ། ཁོང་ཚོའི་ཕལ་ཆེ་བས་༧གོང་ས་མཆོག་གི་འཚེ་མེད་ཞི་བའི་ཐབས་ལམ་ལ་རྒྱབ་སྐྱོར་མཐའ་གཅིག་ཏུ་ཞི་གིན་འདུག་ཅེས་ཚོགས་གཞོན་རྒྱ་རི་སྒྲོལ་མ་ལགས་ཀྱིས་འགྲེལ་བརྗོད་གནང་ཡོད་པ་རེད།
གོང་གསལ་བོད་མིའི་སྐུ་ཚབ་ཀྱི་གྲས་སུ་སྤྱི་འཐུས་བསོད་ནམས་བསྟན་འཕེལ་དང་། ཀིར་རྟི་སྒྲོལ་དཀར་ལྷ་མོ། སྒྲོལ་མ་ཚེ་རིང་བཅས་ཡོད་ལ། ཐེངས་འདིའི་མཇལ་འཕྲད་འདི་དག་ནི་ལྡི་ལིར་རྟེན་གཞི་བྱས་པའི་བོད་གཞུང་དོན་གཅོད་ཁང་གིས་གོ་སྒྲིག་བྱེད་རོགས་གནང་ཡོད་པ་རེད།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།