ལྷ་ས་གྲོང་ཁྱེར་གྱི་སྤྱི་ཁྱབ་པ་ནོར་བུ་དོན་གྲུབ་ལ་བཅར་འདྲི།
དྲི་བ། ཁྱེད་རང་ལྷ་ས་གྲོང་ཁྱེར་གྱི་སྤྱི་ཁྱབ་པའི་ལས་ཡུན་ནང་ལྷ་ས་རུ་ལྕགས་ལམ་ཤར་གཏོང་ཐུབ་པ་བྱུང་བར་དགའ་སྤྲོ་སྐྱེས་ཀྱི་ཡོད་དམ།
ལན། མདོ་དབུས་ལྕགས་ལམ་ནི་རྒྱལ་ཁབ་ཀྱིས་ལག་བསྟར་བྱེད་བཞིན་པའི་ནུབ་བརྒྱུད་གསར་སྤེལ་གྱི་ལས་གཞི་གལ་ཆེན་ཞིག་ཡིན། བོད་ལྗོངས་ལ་ལྕགས་ལམ་གཏོང་བ་དེས་རང་རྒྱལ་ལ་ལྕགས་ལམ་མེད་པའི་ཞིང་ཆེན་ས་ཁུལ་གྱི་ལོ་རྒྱུས་དེ་མཇུལ་འགྲིལ་བ་རེད། བོད་ལྗོངས་དང་ལྷ་ས་མི་དམངས་ཀྱིས་ལྕགས་ལམ་འཛུགས་སྐྲུན་ཐུབ་པར་རེ་སྒུག་ཡུན་རིང་བྱས་པ་རེད། ང་ཚོའི་མི་རབས་འདི་ལ་གཏོང་ཐུབ་པ་བྱུང་བའི་དེ་ནི་གལ་ཆེ་བ་དང་གཟི་བརྗིད་ཆེ་བའི་ལས་དོན་ཞིག་ཡིན་པས་ཧ་ཅང་སྤྲོ་སྣང་སྐྱེས་བ་ཞིག་རེད།
དྲི་བ། མདོ་དབུས་ལྕགས་ལམ་གྱིས་ལྷ་ས་ལ་སྤྲད་པའི་གོ་སྐབས་དང་གདོང་ལེན་ཅི་ཞིག་ཡིན་ནམ།
ལན། ལྕགས་ལམ་གཏོང་ཐུབ་པ་དེའི་དོན་སྙིང་ཅི་ཞིག་ཡིན་ནམ། ང་ཚོ་མི་རབས་འདིས་ཅི་ཞིག་སྒྲུབ་དགོས་སམ། ང་ཚོས་ངེས་བར་ཏུ་བསམ་བློ་ཞིབ་མོ་གཏོང་དགོས་བ་ཞིག་རེད། གལ་སྲིད་ཚིག་གཅིག་གི་ནང་བསྡུས་ཏེ་བརྗོད་ན་དེ་ནི་ད་ནས་བཟུང་བོད་ལྗོངས་དེ་རྒྱལ་ཡོངས་དང་མཉམ་དུ་ཡར་རྒྱས་སུ་འགྲོ་ཐུབ་རྒྱུ་རེད། ཀྲུང་དབྱང་གིས་ནམ་ཡང་བོད་ལྗོངས་ཀྱི་ཡར་རྒྱས་ལ་ཐུགས་ཁུར་གནང་གི་ཡོད་པ་རེད། ཡིན་ན་ཡང་རྒྱུ་རྐྱེན་གཉིས་ལ་བརྟེན་ལྷ་ས་དང་ནང་ལོགས་ཀྱི་གྲོང་ཁྱེར་དབར་ཁྱད་པར་མངོན་གསལ་ཡོད་པ་རེད། ཐོག་མར། ལོ་རྒྱུས་ཀྱི་ཆ་རྐྱེན་དང་རང་བྱུང་ཁོར་ཡུག་གི་བཀག་རྒྱ་ཡིས་བོད་ལྗོངས་ཀྱི་རྨང་གཞིའི་འཛུགས་སྐྲུན་ཧ་ཅང་རྗེས་ལུས་རེད། གཞན་བཅིངས་འགྲོལ་རྗེས་ང་ཚོས་ཡར་རྒྱས་སུ་འགྲོ་བའི་གོ་སྐབས་གཉིས་ཤོར་བ་དང༌། གོ་སྐབས་ཐེངས་དང་པོ་ནི་རྒྱལ་ཡོངས་སུ་ལོ་ལྔའི་འཆར་གཞིའི་འཛུགས་སྐྲུན་མགོ་རྩོམ་སྐབས་ཡིན་ལ། སྐབས་དེར་བོད་ལྗོངས་ཞི་བའི་བཅིངས་འགྲོལ་བྱས་མ་ཐག་ཡིན་པས་རྗེས་ཟིན་ཡོད་པ་མ་རེད། གོ་སྐབས་གཉིས་བ་ནི་བསྒྱུར་བཅོས་སྒོ་འབྱེད་ཀྱི་རྗེས་སུ་ཡིན་ལ། རྒྱལ་ཡོངས་སུ་བསྒྱུར་བཅོས་ཀྱི་མཐོ་རླབས་འཕྱུར་སྐབས་ལྷ་ས་རུ་ཕྱི་ལོགས་ཁ་བྲལ་རིང་ལུགས་ཀྱིས་བཀོད་ཇུས་བྱས་ཏེ་ཟིང་འཁྲུག་ཆེན་པོ་ལངས་པ་དེའི་ང་ཚོས་ཡང་བསྐྱར་ཡར་རྒྱས་ཀྱི་གོ་སྐབས་ཤིག་ཤོར་བ་རེད། ལྕགས་ལམ་དངོས་སུ་གཏོང་བ་དེས་ངའི་བསམ་པར་ལྷ་ས་ཡར་རྒྱས་སུ་འགྲོ་བའི་ཆ་རྐྱེན་བསྐྲུན་པ་དང༌། ལྷ་ས་དེ་ཀྲུང་དབྱང་གི་འདོད་བློ་ལྟར་རྒྱལ་ཡོངས་ཀྱི་ས་ཁུལ་གཞན་དང་མཐུན་འབྲེལ་གྱིས་སྔར་ལས་རྒྱ་ཆེ་བའི་ངང་ནང་ལོགས་ནས་ཤེས་ལྡན་མི་སྣ་དང༌། དངོས་ཟོག མ་དངུལ། ཆ་འཕྲིན་སོགས་ཀྱི་ཐད་ནས་རྒྱབ་སྐྱོར་ཐོབ་ངེས་བ་རེད། ཡིན་ན་ཡང་གོ་སྐབས་ནི་གོ་སྐབས་རེད་ལ། ཇི་ལྟར་མངོན་དུ་འགྱུར་དགོས་བ་ནི་གནད་དོན་གཞན་ཞིག་རེད། ལྷ་ས་རུ་སླེབས་པའི་མེ་འཁོར་དེ་ཁ་བཀང་ནས་སླེབས་པ་དང་སྟོང་བར་ཕྱིར་འགྲོ་རྒྱུ་ཡིན་ནམ། འདི་ནི་མིག་སྔར་ང་ཚོས་བསམ་བློ་གཏོང་དགོས་བའི་གནད་དོན་ཆེན་པོ་ཞིག་རེད། ངའི་བསམ་པར་མ་འོངས་བར་ལྕགས་ལམ་འདི་རྒྱལ་ནང་གི་འགྲིམ་འགྲུལ་གསར་བ་ཞིག་ཡིན་པ་མ་ཟད་རྒྱལ་སྤྱིའི་ཚོང་འབྲེལ་གྱི་དར་གོས་ཚོང་ལམ་གསར་བ་ཞིག་ཏུ་ཡང་འགྱུར་རྒྱུ་ཡིན་པ་རེད། དེ་ལྟར་བོད་ལྗོངས་དང་ལྷ་ས་ཡིས་ཀྱང་ཇི་ལྟར་བེད་སྤྱོད་གཏོང་བའི་ཐད་བསམ་བློ་གཏོང་གི་ཡོད་པ་རེད།
དྲི་བ། ལྕགས་ལམ་གྱིས་ཁྱེད་རང་ལ་གནོན་ཤུགས་གསར་བ་ཞིག་ཁྱེར་ཡོང་བ་དང༌། གདོང་ལེན་བྱེད་དགོས་བའི་གནད་དོན་མང་པོའི་ཁྲོད་ཁྱེད་ཀྱིས་ཆེས་སེམས་ཁྲལ་གནང་བཞིན་པའི་གནད་དོན་ཅི་ཞིག་ཡིན་ནམ།
ལན། ངའི་སེམས་ཁྲལ་ཆེ་ཤོས་ནི་ལྕགས་ལམ་གྱི་བདེ་འཇགས་སྐོར་ཡིན། ལྷ་སའི་གནས་ཚུལ་ནི་ཧ་ཅང་དམིགས་བསལ་ཞིག་རེད། དགྲ་ཟླའི་སྟོབས་ཤུགས་ཀྱིས་སྐུལ་སློང་འོག་ཕྱི་ལོགས་ཁ་བྲལ་ཚོགས་པས་མི་རིགས་མཐུན་སྒྲིལ་དང༌། མེས་རྒྱལ་གཅིག་གྱུར་ལ་གཏོར་བརླག་གཏོང་བ་མ་ཟད། ད་དུང་ངན་ཇུས་བཤམས་ཏེ་དཔལ་འབྱོར་འཛུགས་སྐྲུན་དང་སྤྱི་ཚོགས་ཡར་རྒྱས་ལ་གཏོར་བརླག་གཏོང་བ་དང༌། ད་ལྟ་ལྕགས་ལམ་གཏོར་བཤིག་གཏོང་གི་ཡིན་ཅེས་བརྗོད་མཁན་ཡོང་གི་ཡོད་པ་རེད། དེར་བརྟེན་ང་ཚོས་སྲུང་སྐྱོབ་ཀྱི་ཐབས་ལམ་མང་པོ་ཞིག་སྒྲུབ་ཀྱི་ཡོད་པས་ལྕགས་ལམ་གྱི་བདེ་འཇགས་ཐད་ཉེན་ཁ་མེད་ལ། མི་སུ་ལ་ཡང་གཏོར་བཤིག་གཏོང་བའི་གོ་སྐབས་ཕྲ་མོ་ཙམ་ཡང་མེད།
དྲི་བ། ལྕགས་ལམ་གྱིས་ཁྲིད་ཡོང་བའི་ཁོར་ཡུག་གི་གནད་དོན་ཡང་མང་ཚོགས་ཀྱིས་དོ་སྣང་བྱེད་བཞིན་པའི་བརྗོད་གཞི་ཞིག་ཡིན་པ་དང༌། ཉེ་སྔོན་ང་ཚོས་གོ་ཐོས་ལྟར་ན་ལྷ་ས་གྲོང་ཁྱེར་ཏུ་འགྱིག་ཤོག་བེད་སྤྱོད་བཀག་སྡོམ་བྱས་ཡོད་པ་རེད་ཟེར།
ལན། དེ་རེད། ང་ཚོས་དེ་ལ་གད་སྙིགས་དཀར་བོ་ཅེས་བརྗོད་ཀྱི་ཡོད་ལ། བཀག་སྡོམ་བྱས་ཏེ་ལོ་གཉིས་རེད། ད་ལྟ་ང་ཚོའི་དེའི་ཚབ་ཏུ་རས་ཁུག་དང་ཤོག་ཁུག་བེད་སྤྱོད་གཏོང་གི་ཡོད། ལྷ་སའི་མཐའ་འཁོར་ཏུ་ད་དུང་ཡང་གད་སྙིགས་དཀར་པོ་མཐོང་རྒྱུ་ཡོད་པ་རེད། ཡིན་ན་ཡང་སྔོན་མ་དང་བསྡུར་ན་ཇེ་ཉུང་དུ་ཕྱིན་ཡོད་པ་རེད། བཟོ་སྐྲུན་ཐད་ང་ཚོ་ལ་སྲིད་ཇུས་གསལ་བོ་ཞིག་ཡོད་ལ་འབག་བཙོག་རིགས་ཀྱི་བཟོ་སྐྲུན་ཡར་རྒྱས་རྩ་བ་ནས་བཀག་སྡོམ་བྱེད་ཀྱི་ཡོད། ཚད་མཐོ་བའི་སྒོ་ནས་སྔོ་ལྗང་ཅན་དང་ཁྱད་ཆོས་ཅན། གནོད་པ་མེད་པའི་བཟོ་སྐྲུན་ཡར་རྒྱས་ལ་དོ་སྣང་བྱེད་ཀྱི་ཡོད།
ལྷ་ས་ལ་མཚོན་ན། ལྕགས་ལམ་གྱིས་ཁྱེར་ཡོང་བའི་ཁོར་ཡུག་གི་གནད་དོན་གཙོ་བོ་ནི་ལྟ་སྐོར་བ་འབོར་ཆེན་ནང་ལ་ཡོང་རྗེས་ལྟ་སྐོར་དང་ཁོར་ཡུག་དབར་མཐུན་ལམ་ཅི་ལྟར་བྱེད་དགོས་བ་ཡིན་ལ། ངས་བསམ་པར་ཚང་མའི་མཉམ་འབྲེལ་གྱིས་ཁྱབ་བསྒྲགས་ཀྱི་ལས་དོན་དང༌། ཚན་རིག་གི་འཆར་གཞི། ཁྲིམས་ལུགས་ལག་བསྟར་ནན་མོ་བྱེད་ཚེ་ཁོར་ཡུག་གི་གནད་དོན་ལ་དཀའ་ངལ་མེད་པ་རེད།
དྲི་བ། ལྟ་སྐོར་བ་མང་པོ་ནང་དུ་ཡོང་རྗེས་བོད་ཀྱི་སྲོལ་རྒྱུན་རིག་གནས་ཀྱི་རྣམ་པར་ངོ་བོ་རང་བཞིན་གྱི་ཤུགས་རྐྱེན་ཐེབས་ངེས་སམ།
ལན། ངས་བསམ་པར། རིག་གནས་ཤིག་གནས་ཡོད་པ་དེ་ཁོ་རང་གནས་དགོས་བའི་རྨང་གཞི་དང་དོན་སྙིང་ཞིག་ངེས་བར་ཏུ་ཡོད་པ་རེད། བོད་ཀྱི་རིག་གནས་ནི་མཐོ་སྒང་ནས་བྱུང་བ་དང༌། རང་ངོས་ནས་སྐྱེ་འཕེལ་དང་དར་རྒྱས་ཀྱི་བརྒྱུད་རིམ་ཞིག་ཡོད་པ་རེད། ཡིན་ན་ཡང་ཕྱོགས་གཞན་ཞིག་ནས་ཁོ་རང་རིག་གནས་གཞན་དང་མུ་མཐུད་བརྗེ་བསྒྱུར་མཉམ་འདྲེས་བྱེད་ཀྱི་ཡོད། རིག་གནས་མི་འདྲ་བའི་དབར་སྔོན་མ་ང་ཚོས་བཟང་རྒྱལ་ཞིང་ངན་གཡུགས་བརྗོད་ཀྱི་ཡོད་ལ་ད་ལྟ་ཕན་ཚུན་བརྗེ་བསྒྱུར་དང་གཅིག་ཕན་ཀུན་གསབ་བྱེད་ཀྱི་ཡོད། རིག་གནས་ཤིག་མུ་མཐུད་བརྗེ་བསྒྱུར་དང༌། དར་རྒྱས་བརྒྱུད་རིམ་ཁྲོད་གཞི་ནས་སྟོབས་ཆེ་བའི་སྲོག་ཤུགས་འབྱུང་བ་རེད། དེར་བརྟེན་ངས་བོད་ཀྱི་རིག་གནས་དེ་ལྕགས་ལམཡོང་རྗེས་ངོ་བོ་ལ་འགྱུར་བ་མི་འགྲོ་བ་མ་ཟད། ཡལ་འགྲོ་བ་ཞིག་ཡང་གཏན་ནས་མིན་པ་རེད་བརྗོད་ཀྱི་ཡོད། གཞན་ཡང་དཔལ་འབྱོར་ཚོང་རྭ་ལ་དམིགས་བསལ་ཁྱད་ཆོས་ཤིག་ཡོད་པ་ནི་ཁྱད་ཆོས་ཅན་ལ་ཕྱོགས་ཞེན་ཆེ་བ་རེད། ཅིའི་ཕྱིར་རྒྱལ་ཁབ་ཕྱི་ནང་གི་ལྟ་སྐོར་བ་ཚོ་བོད་ཀྱི་རིག་གནས་གཟིགས་མཐོང་གནང་གི་ཡོད་དམ། དེ་ནི་ཁོ་ལ་དམིགས་བསལ་རང་བཞིན་ཞིག་ཡོད་པ་ཡིན་ལ། ཚོང་རྭ་ལ་བོད་ཀྱི་རིག་གནས་དགོས་མཁོ་ཡོད་ཚེ་ཚོང་རའི་དཔལ་འབྱོར་གྱི་ཁོར་ཡུག་འོག་བོད་ཀྱི་རིག་གནས་ཡལ་མི་འགྲོ་བར་དེ་ལས་ལྡོག་སྟེ་སྔར་ལས་དར་རྒྱས་སུ་འགྲོ་ངེས་རེད།
དྲི་བ། སྲོལ་རྒྱུན་རིག་གནས་སྲུང་སྐྱོབ་ཐད་ཁྱེད་ཀྱིས་དཔེ་མཚོན་ཞིག་བརྗོད་རོགས་གནང༌།
ལན། དཔེར་ན། གླིང་གེ་སར་རྒྱལ་བོའི་སྒྲུང་ནི་འཛམ་གླིང་གི་སྙན་སྒྲུང་རིང་ཤོས་རེད། ཡིན་ན་ཡང་སྔོན་ཆད་ཚང་མ་ངག་རྒྱུན་ཡིན་ལ་ཁྱབ་སྤེལ་བརྒྱུད་རིམ་ཁྲོད་རྣམ་པ་འགྱུར་བ་དང་ཐ་ན་ངག་རྒྱུན་ཆད་འགྲོ་ཡང་སྲིད་པ་རེད།
རྒྱལ་ཁབ་ཀྱི་འབྲེལ་ཡོད་སྡེ་ཁག་གིས་ལོ་དུ་མའི་རིང་འབད་བརྩོན་བྱས་ཏེ་ད་ལྟ་གླིང་གེ་སེར་རྒྱལ་བོའི་སྒྲུང་བསྡུ་སྒྲིག་བྱས་ཏེ་དཔར་སྐྲུན་འགྲེམས་སྤེལ་བྱས་ཡོད་པས་ད་ལྟ་ཁྱེད་ཀྱིས་གང་སར་ཉོ་ཐུབ། ད་དུང་དཔེར་ན། དགོན་པ་དང་གནའ་ཤུལ་སྲུང་སྐྱོབ་ཐད། གཙུག་ལག་ཁང་དང༌། པོ་ཏ་ལ། ནོར་བུ་གླིང་ཁ་སོགས་གྲགས་ཅན་ཁག་ལ་རྒྱལ་ཁབ་ཀྱིས་མ་དངུལ་གནང་སྟེ་ཐེངས་མང་ཉམས་གསོ་བྱས་པ་དང༌། དགོན་པ་ཆུང་ངུ་ཁ་ཤས་ལ་རྒྱལ་ཁབ་ཀྱི་མ་དངུལ་དང་རོགས་སྐྱོར་ཚད་མི་འདྲ་བ་གནང་ཡོད།
དྲི་བ། ལྷ་ས་འདི་དམིགས་བསལ་ཅན་ཞིག་ཡིན་པ་ནི་ཐོག་མར་དེ་ནི་མི་རིགས་ས་ཁུལ་ཞིག་རེད། གཞན་མཚོ་ངོས་ནས་མུས་༣༦༥༠ ཡན་ཆད་ན་ཆགས་ཡོད་པའི་གྲོང་ཁྱེར་ལྷ་ས་གཅིག་པུ་རེད། ལྷ་སའི་དམིགས་བསལ་གྱི་ཁོར་ཡུག་གིས་གྲོང་ཁྱེར་སྤྱི་ཁྱབ་པས་ཕྲག་ཏུ་དམིགས་བསལ་ལས་འགན་ཞིག་ཡོད་པ་རེད། ཕྱོགས་གཅིག་ནས་རྒྱལ་ཁབ་ཀྱི་སྒོ་ཆེན་སྲུང་སྟེ་ཁ་བྲལ་དང་འཐབ་རྩོད་གྲ་སྒྲིག་བྱེད་དགོས་བ་དང༌། དེ་དང་ལྷན་ལྷ་སའི་སྤྱི་ཚོགས་དང་དཔལ་འབྱོར། རིག་གནས་བཅས་ཀྱི་ལས་དོན་ཡག་པོ་སྒྲུབ་དགོས་བ་རེད། དེ་ནི་ངའི་ལས་གནས་སྟེང་གི་མྱོང་བྱ་ཆེ་ཤོས་རེད།
དྲི་བ། ངས་གོ་ཐོས་ལྟར་ན་ལྷ་སའི་ལོ་འདི་དག་རིང་བརྟན་ལྷིང་གཙོ་བོ་བྱས་པའི་དར་རྒྱས་ལ་ཁེ་ཕན་མེད་པའི་བཤད་ཚུལ་འདུག
ལན། བརྟན་ལྷིང་གི་ལས་དོན་ཡག་པོ་སྒྲུབ་རྒྱུ་ནི་ལས་འགན་ཡོངས་ཀྱི་རྨང་གཞི་ཡིན། ངའི་བསམ་པར་ལྷ་ས་དེ་ལྟར་ཡིན་པ་མ་ཟད་རྒྱལ་ཡོངས་ཀྱང་དེ་ལྟར་རེད། བརྟན་ལྷིང་གི་ལས་དོན་ཡག་པོ་སྒྲུབ་ཚེ་གཞི་ནས་ང་ཚོ་ལ་ཡར་རྒྱས་ཀྱི་རྨང་གཞི་ཡོད་པ་རེད། རྒྱལ་ཁབ་ཀྱི་བརྟན་ལྷིང་དོར་བ་དང་རྒྱལ་ཁབ་ཀྱི་བདག་དབང་དོར་བའི་ཡར་རྒྱས་ནི་བརྟན་པོ་མེད་པ་དང༌། རྩ་བ་མེད་པའི་ཡར་རྒྱས། མདུན་ལམ་མེད་པའི་ཡར་རྒྱས་རེད།
དྲི་བ། ད་ལྟ་ལྷ་ས་ལ་བལྟས་ཚེ་དར་རྒྱས་སུ་ཕྱིན་ཡོད་པ་རེད། ལྷ་ས་རང་ངོས་ནས་དཔལ་འབྱོར་སྒྲུབ་ཐུབ་པའི་ནུས་ཚད་ངེས་ཅན་ཞིག་ཡོད་དམ། ལྷ་སའི་ནོར་སྲིད་ཀྱི་འགྲོ་སོང་ཁྲོད། ཀྲུང་དབྱང་གིས་གཏོང་བ་དང་ས་ཁུལ་རང་ངོས་ཀྱིས་གཏོང་བ་ཕྱོགས་གཉིས་སོ་སོའི་བརྒྱ་ཆ་ག་ཚད་ཞིག་བཟུང་ཡོད་དམ།
ལན། སྔོན་མ་ལྷ་ས་ཡིས་རྩ་བའི་ཆ་ནས་ཀྲུང་དབྱང་གི་ནོར་སྲིད་ལ་བརྟེན་ནས་ཁ་ལ་ཟ་ཡི་ཡོད་པ་རེད། ན་ནིང་ལྷ་ས་གྲོང་ཁྱེར་རང་ངོས་ཀྱི་ནོར་སྲིད་ཡོང་འབབ་དེ་སྒོར་ས་ཡ་༣༢ ལ་སླེབས་ཡོད་པ་དང་དེས་ནོར་སྲིད་ཡོངས་ཀྱི་འགྲོ་སོང་གི་བརྒྱ་ཆའི་༢༥ ཟིན་ཡོད། ལྷ་སའི་རྨང་གཞི་མཐུག་པས་ང་ཚོས་རྒྱལ་ཁབ་ལ་བརྟེན་གྱི་མེད། ཡིན་ན་ཡང་རྒྱལ་ཡོངས་ཀྱི་རྒྱབ་སྐྱོབ་དང་ཡང་ཁ་བྲལ་མི་ཐུབ་པ་རེད། ལྕགས་ལམ་གཏོང་རྗེས་ལྷ་ས་ཡིས་དཔལ་འབྱོར་འཛུགས་སྐྲུན་ཐད་ཐོད་བརྒལ་རང་བཞིན་གྱི་ཡར་རྒྱས་བྱུང་སྟེ་རྒྱལ་ཁབ་ཀྱི་ཁུར་བོ་མུ་མཐུད་ཇེ་ཡང་དུ་གཏོང་ཐུབ་པའི་རེ་བ་བྱེད་ཀྱི་ཡོད།
དྲི་བ། ལྷ་ས་རང་ངོས་ཀྱི་ནོར་སྲིད་ཡོང་འབབ་སྟེ་ནོར་སྲིད་ཡོངས་ཀྱི་འགྲོ་སོང་ཁྲོད་བརྒྱ་ཆའི་བསྡུར་ཚད་ལོ་རེ་འཕར་བཞིན་ཡོད་དམ།
ལན། རེད། ན་ནིང་རྒྱལ་ཁབ་ཕྱི་ནང་གི་དམངས་ཁྲོད་མ་རྩ་ཡིས་ལྷ་ས་ལ་མ་དངུལ་དུང་ཕྱུར་༡༧ གཏོང་ཡོད་པ་དང༌། མ་དངུལ་ཚང་མ་ས་ལ་བབས་ཡོད་པ་རེད། ཕྱི་ལོགས་ནས་ཡོང་བའི་ཚན་རྩལ་དང༌། ཤེས་ལྡན་མི་སྣ། མ་དངུལ་བཅས་དང་ལྷ་ས་ཡིས་རང་གནས་ཀྱི་ཐོན་ཁུངས་དང་མཉམ་འབྲེལ་བྱས་ཏེ་ལྷ་ས་རང་ངོས་ཀྱི་དཔལ་འབྱོར་ནུས་ཤུགས་ལ་སྐུལ་འདེད་ཆཻན་པོ་ཐེབས་པ་རེད། ན་ནིང་ལྷ་ས་གྲོང་ཁྱེར་གྱི་ས་གནས་ཡོང་འབབ་སྒོར་དུང་ཕྱུར་༣༢ ནང་གཞུང་འབྲེལ་ལམ་ལུགས་མིན་པའི་དཔལ་འབྱོར་དང་དམིགས་བསལ་ཞབས་ཞུའི་ལས་རིགས་དང་ཁྱད་ཆོས་ལྡན་པའི་ལས་རིགས་ཀྱྀས་བྱས་རྗེས་ཕུལ་བ་བརྒྱ་ཆའི་༦༣ ལ་སླེབས་ཡོད་པ་དང༌། དེ་མིན་གཞན་ལྷ་སའི་ཚོང་ཟོག་ལས་རིགས་ཀྱང་འཕེལ་རྒྱས་ཅུང་མགྱོགས་པ་རེད།
དྲི་བ། མི་ཁ་ཤས་ཀྱིས་ལྕགས་ལམ་ལྷ་ས་ལ་མ་ཡོང་བའི་སྔོན་ནས་འདིར་འགྱུར་ལྡོག་ཆེན་པོ་བྱུང་ཡོད་པས། ལྕགས་ལམ་ནི་སྡོང་བོའི་ཡན་ལག་གཅིག་ལྟ་བུ་ཞིག་ཡིན་པ་ལས་ལྷ་སའི་མ་འོངས་བའི་ཁ་ཕྱོགས་ལ་ཐག་གཅོད་རང་བཞིན་གྱི་ཤུགས་རྐྱེན་མི་ཐེབས་པ་རེད་ཅེས་བརྗོད་ཀྱི་ཡོད་པ་རེད།
ལན། སྤྱིར་བཏང་མདོ་དབུས་ལྕགས་ལམ་གྱི་ངོ་བོ་དེ་ཤིན་ཏུ་གསལ་བོ་རེད། ལྕགས་ལམ་འདི་ནི་ང་ཚོའི་བོད་ལྗོངས་ཀྱི་དཔལ་འབྱོར་ལམ་ཁ་དང༌། བདེ་སྐྱིད་ཀྱི་ལམ་ཁ། རྒྱལ་སྲུང་གི་ལམ་ཁ་ཞིག་རེད། རྒྱལ་ཁབ་ཕྱི་ནང་གི་ལོ་རྒྱུས་ལ་བལྟས་ཚེ་ལྕགས་ལམ་གྱིས་ས་ཁུལ་དེའི་དཔལ་འབྱོར་དང་སྤྱི་ཚོགས་ཡར་རྒྱས་ལ་སྐུལ་འདེད་ཐེབས་ཀྱི་ཡོད་པ་རེད། ལྷ་ས་ཡིས་ལྕགས་ལམ་ལ་རེ་བལྟོས་ཡུན་རིང་བྱས་པ་དང༌། ངའི་རེ་བར་ལྕགས་ལམ་གྱིས་ལྷ་ས་ཡིས་དཔལ་འབྱོར་འཕེལ་རྒྱས་ཀྱི་ཆུ་ཚད་མཐོར་འདེགས་དང༌། ལྷ་སའི་ལས་རིགས་ཀྱི་སྒྲིག་གཞི་བསྒྱུར་བཅོས། ལྷ་ས་མི་དམངས་ཀྱི་འཚོ་བའི་ཆུ་ཚད་ལེགས་བཅོས་སུ་གཏོང་བ། ང་ཚོས་ལས་གནས་ཇེ་མང་དུ་གཏོང་བ། ལྷ་སའི་སྤྱི་ཚོགས་དང་ཆབ་སྲིད་ཀྱི་གནས་བབས་བརྟན་ལྷིང་ཡོང་བར་ཁག་ཐེག དེ་དང་ལྷན་ད་དུང་ལྷ་ས་དེ་སྔར་ལས་སྒོ་ཕྱེས་ཏེ་ང་ཚོས་ས་ཁུལ་འདིའི་མི་དམངས་ཡོངས་ཀྱི་བསམ་བློའི་འདུ་ཤེས་འགྱུར་བ་གཏོང་དགོས་བ་རེད། ཁྱེད་ཀྱིས་བལྟས་ན་འདི་ནི་ཐག་གཅོད་རང་བཞིན་གྱི་ཤུགས་རྐྱེན་ཞིག་མིན་ནམ། ངས་བལྟས་ན་དེ་ལྟར་རེད།
དྲི་བ། ཁྱེད་རང་ལྷ་ས་གྲོང་ཁྱེར་གྱི་སྤྱི་ཁྱབ་པ་ཡིན་པས་ཆ་ནས་རྩོམ་ཡིག་ཁ་ཤས་ཀྱིས་ལྷ་ས་དེ་དེང་རབས་དཔལ་ཡོན་དང་རྒྱང་ཐག་རིང་བའི་ས་ཁུལ་ཞིག་ཡིན་པར་བྲིས་ཡོད་པ་དེར་ཁྱེད་རང་ལ་ཚོར་བ་ཅི་འདྲ་འདུག་གམ།
ལན། ད་ལྟ་ལྷ་སའི་སྐོར་འབྲི་མཁན་ཤིན་ཏུ་མང་ལ། ཡི་གེ་ཁྲོད་ཀྱི་ལྷ་སའི་སྣང་བརྙན་དེ་རྣམ་པ་སྣ་ཚོགས་རེད། ལྷ་ས་དེ་ད་དུང་གདོན་མའི་གནས་སྐབས་རེད་ཟེར་མཁན་དེ་ནི་ལོང་བ་ཡིན་པ་དང༌། ལྷ་ས་དེ་དར་རྒྱས་ཧ་ཅང་ཆེན་པོ་རེད་ཟེར་མཁན་ནི་དོན་དངོས་དང་མི་མཐུན་པ་རེད། ལྷ་ས་དེ་མུན་ནག་རེད་བཅས་བརྗོད་མཁན་ལ་ཕལ་ཆེར་ཆབ་སྲིད་ཀྱི་ལྐོག་ཇུས་ཡོད་པ་རེད། ང་རང་ལྟར་ན་ལྷ་ས་ནི་ལྷ་ས་རེད་ལ། ཁྱེད་ཀྱིས་ད་ལྟ་མཐོང་བའི་ལྷ་ས་དེ་ནི་དངོས་ཡོད་ཀྱི་ལྷ་ས་རེད།
དྲི་བ། རྒྱང་གཟིགས་གནང་ཚེ་ལྕགས་ལམ་སླེབས་རྗེས་མ་འོངས་པར་ལྷ་ས་དེ་གྲོང་ཁྱེར་ཅི་འདྲ་ཞིག་ཏུ་ཆགས་རྒྱུ་ཡིན་ནམ།
ལན། ང་རང་ལྷ་ས་ཡི་འཕེལ་རྒྱས་ལ་ཡིད་ཆེས་ཀྱིས་ཁེངས་ཡོད། ཡིད་ཆེས་འདི་ནི་ངའི་རང་སྣང་གང་དྲན་གྱིས་བ
