༄༅།། བོད་གཞུང་ཤེས་རིག་ལས་ཁུངས་ནས་གཏན་ཉིན་སློབ་གྲྭ་ཁག་ཏུ་ནང་ཆོས་གཙོ་བོར་གྱུར་པའི་བོད་ཀྱི་རིག་གཞུང་སློབ་ཁྲིད་གནང་མཁན་ཆོས་དགེའི་དམིགས་སྒོར་ཆོས་དགེ་གྲངས་ ༢༥ ཙམ་ལ་ཕྱི་ལོ་ ༢༠༠༨ ཟླ་ ༩ ཚེས་ ༡ ནས་ཟླ་ ༡༡ ཚེས་ ༣༠ བར་སྦྱོང་བརྡར་ཞིག་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་གོ་སྒྲིག་ཞུ་འཆར་ཡོད་ན། སྦྱོང་བརྡར་ནང་ཞུགས་བློ་ཡོད་ཅིང་གཤམ་གསལ་ཆ་རྐྱེན་ཚང་རིགས་ནས་འཚང་སྙན་ཕྱི་ལོ་ ༢༠༠༨ ཟླ་ ༨ ཚེས་ ༡༠ འགྱངས་མེད་གཤམ་་གསལ་ཁ་སྦྱང་ཐོག་འབུལ་དགོས་པ་དང༌། འཚང་སྙན་ནང་སོ་སོའི་ཞལ་པར་ཨང་དང་ཨི་མེལ་ཁ་བྱང་ཡོད་ཚེ་ངེས་པར་འཁོད་དགོས། དུས་བཀག་རྗེས་འཚང་སྙན་ཇི་འབྱོར་རྣམས་རང་བཞིན་གྱིས་རྩིས་མེད་འགྲོ་རྒྱུ། ཆ་རྐྱེན་ཚང་ཞིང་དུས་ཐོག་འབྱོར་རིགས་རྣམས་ཚུད་རྒྱུགས་ཀྱི་ལམ་ནས་འདེམས་སྒྲུག་གནང་རྒྱུ་ཡིན།
དགོས་ངེས་ཆ་རྐྱེན།
ཀ ཤེས་ཚད།
༡། ཝཱཎ་མཐོ་སློབ་དང་རུམ་བཏེག་མཐོ་སློབ་ནས་ཤསྟྲི་སློབ་ཐོན་ལག་འཁྱེར་ཡོད་པ། ཡང་ན།
༢། ཆོས་ལུགས་དང་ཆོས་བརྒྱུད་སོ་སོའི་བཤད་གྲྭ་ནས་ནང་དོན་རིག་པའི་གཞུང་ཆེན་སློབ་གཉེར་ཉུང་མཐར་ལོ་གྲངས་བཅུ་བྱས་ཡོད་པའམ། གདན་ས་སེ་འབྲས་དགེ་གསུམ་ནས་དབུ་མ་རབ་འབྱམས་པའམ་གཞན་བཤད་གྲྭ་ཁག་ནས་ཕར་ཕྱིན་རབ་འབྱམས་པའམ། བཀའ་བཅུ་པ་ཐོན་པའི་ལག་འཁྱེར་ཡོད་པ།
ཁ། རབ་བྱུང་གི་རྟེན་ལ་གནས་ཤིང༌། རང་ལོ་ ༣༠ ནས་ ༤༠ བར་ཡིན་པའི་སྐྱེས་ཚེས་ལག་འཁྱེར་གྱི་ངོ་བཤུས།
ག འབུལ་འབབ་གཙང་འབུལ་ཟིན་པའི་དཔྱ་ཁྲལ་ལག་དེབ་ཀྱི་ཤོག་གྲངས་དང་པོ་དང་མཐའ་མའི་ངོ་བཤུས།
ང༌། གནས་ཡུལ་རྒྱལ་ཁབ་ཏུ་ཁྲིམས་མཐུན་གནས་སྡོད་ཆོག་པའི་ལག་འཁྱེར།(R.C.)ཤོག་གྲངས་དང་པོ་དང་མཐའ་མའི་ངོ་བཤུས།
ཅ། ངོས་འཛིན་ཡོད་པའི་སྨན་ཁང་ཞིག་ནས་གཟུགས་ཐང་ལས་འཕེར་ཡིན་པའི་སྨན་པའི་ངོས་སྦྱོར་ངོ་མ།
ཆ། བཤད་གྲྭའི་འགན་འཛིན་ནས་རྒྱབ་གཉེར་ཡིག་ཆུང་བཅས།
གོང་གསལ་ལག་འཁྱེར་དང་ཡིག་ཆ་ཁག་གི་ངོ་བཤུས་ཐོག་རང་གཞུང་ལས་ཁུངས་གང་རུང་གི་ཟུང་དྲུང་ཡན་དང༌། ས་གནས་
འགོ་འཛིན། ཡང་ན།་ མཐོ་སློབ་བམ་བཤད་གྲྭའི་འགན་འཛིན། བོད་མིའི་སློབ་གྲྭའི་སློབ་སྤྱི་བཅས་སུ་རུང་གིས་ངོ་བཤུས་ཡིག་
ཆ་ཁག་དངོས་བདེན་ཡིན་པའི་དག་མཆན་ངེས་པར་དུ་འཁོད་དགོས་པ་བཅས་ཀྱི་གསལ་བསྒྲགས་སུ། བོད་གཞུང་ཤེས་རིག་ལས་
ཁུངས་ནས། ཕྱི་ལོ་ ༢༠༠༨ ཟླ་ ༥ ཚེས་ ༢༧ ལ།།
The Secretary,
Department of Education
Central Tibetan Administration
Gangchen Kyishong
Dharamsala – 176215
Distt. Kangra,
H.P. India Fax: 01892 – 223481 Tel: 01892 – 222572/ 222721
Email: education@gov.tibet.net website: www.tcewf.org
