ཕྱི་ཚེས་ ༡༠ ཉིན། བོད་ཀྱི་གཞོན་ནུ་ལྷན་ཚོགས་ནས། ༧གོང་ས་མཆོག་གི་སྐུ་ཚེའི་ཞབས་པད་བརྟན་པ་དང༌། སྐུའི་འཕྲོད་བསྟེན་གྱི་ཆེད་དུ་ཉིན་གཅིག་ཧྲིལ་བོར་མི་མང་གི་ངོས་ནས་སྨོན་ལམ་ཞིག་འཚོགས་རྒྱུ་རེད་འདུག
གཞོན་ནུ་ཚོགས་ཆེན་དང་རྒྱུན་ལས་ཚོགས་འདུ་སོགས་ནས། ༧གོང་ས་མཆོག་ནི་བོད་མི་ས་ཡ་དྲུག་གི་རྩོད་མེད་དབུ་ཁྲིད་དེ་ཡིན་པའི་ཆ་ནས། བོད་དོན་ལ་གལ་གནད་ཆེ་བའི་མི་སྣ་གཅིག་པུ་ཡིན་པར་ངོས་འཛིན་ཐོག ༧གོང་ས་མཆོག་གི་སྐུ་ཚེའི་ཞབས་པད་བརྟན་པ་དང༌། སྐུའི་འཕྲོད་བསྟེན་གྱི་ཆེད་དུ་བོད་ཀྱི་གཞོན་ནུ་ལྷན་ཚོགས་ནས་སྨོན་ལམ་སྐྱབས་འཇུག་ཞུ་རྒྱུ་རེད་འདུག
༧གོང་ས་མཆོག་ད་ཐེངས་མུམ་བྷེ་རུ་ཕེབས་ཏེ་སྨན་ཁང་ནས་སྐུ་གཟུགས་ལ་བརྟག་དཔྱད་བྱས་པ་དང༌། ཕྱག་ལས་དང་མཛད་འཕྲིན་གྱི་དབང་གིས་སྐུ་ཐང་ཆད་ཡོད་ལ། ༧གོང་ས་མཆོག་གི་སྐུ་ཚེའི་ཞབས་པད་བསྟན་པ་དང༌། སྐུའི་འཕྲོད་བསྟེན་གྱི་ཆེད་དུ་ཉིན་གཅིག་ཧྲིལ་བོར་མི་མང་གི་ངོས་ནས་སྨོན་ལམ་འཚོགས་རྒྱུ་རེད་འདུག
བོད་ཀྱི་ས་གནས་གང་སར་བོད་ཀྱི་གཞོན་ལྷན་ནས་ལས་འགུལ་འདི་སྤེལ་རྒྱུ་རེད་འདུག་ལ། དྷ་རམ་ས་ལའི་སྨོན་ལམ་དེ་ཚེས་ ༡༠ ཉིན་ཞོགས་པ་ཆུ་ཚོད་ ༡༠ ནས་དགོང་དྲོ་ཆུ་ཚོད་ ༥ བར་ཐེག་ཆེན་ཆོས་གླིང་གཙུག་ལག་ཁང་དུ་འཚོགས་རྒྱུ་ཡིན་པ་དང༌། གཞོན་ནུ་ལྷན་ཚོགས་ཀྱི་ངོས་ནས་ཇ་དང༌། ཉིན་གུང་ཞལ་ལག་སོགས་གོ་སྒྲིག་བྱེད་རྒྱུ་རེད་འདུག
