མཛད་པ་པའི་རྣམ་ཐར་མདོར་བསྡུས།
ཤེས་རབ་རྒྱ་མཚོ་ནི་རབ་བྱུང་བཅོ་ལྔ་པའི་ས་ཕོ་ཁྱི་ལོ་སྟེ་སྤྱི་ལོ་༡༨༩༨ལོར་མདོ་སྨད་རེབ་ཀོང་ཨ་བིར་དུ་ཡབ་དགེ་འདུན་བསོད་ནམས་དང༌། ཡུམ་སྒྲོལ་མ་སྐྱིད་གཉིས་ཀྱི་སྲས་སུ་སྐུ་འཁྲུངས། རབ་བྱུང་བཅུ་དྲུག་པའི་མེ་ཕོ་ཁྱི་ལོ་སྟེ་སྤྱི་ལོ་༡༩༤༦ལོར་སྐུ་གཤེགས། ཆུང་ངུའི་དུས་སུ་ཤར་བློ་བཟང་སྐལ་ལྡན་བསྟན་པའི་རྒྱལ་མཚན་དང༌། ཞྭ་དཀར་པཎ་ཌི་ཏ་རྣམས་ཀྱིས་རྗེ་འཇིགས་མེད་བསམ་གཏན་གྱི་སྤྲུལ་སྐུར་ངོས་འཛིན་མཛད། དགུང་ལོ་བདུན་པར་ཞྭ་དམར་པཎ་ཌི་ཏ་ལས་དགེ་བསྙེན་དང་བར་མ་རབ་བྱུང་གི་སྡོམ་པ་བཞེས། མཚན་ལ་འཇིགས་མེད་དམ་ཆོས་རྒྱ་མཚོ་ཞེས་གསོལ། དེ་ནས་མ་འགྱངས་པར་རྗེ་གོང་མའི་གདན་ས་ཀ་རིང་བཀྲ་ཤིས་ཆོས་གླིང་དུ་ཕེབས། དགུང་ལོ་བཅུ་པར་སྐུ་འབུམ་དགོན་དུ་ཕེབས་ཏེ་རྒྱལ་བ་ཐུབ་བསྟན་རྒྱ་མཚོ་ལས་ཕྱག་དབང་ཞུས། དེ་ནས་རྗེ་ལྕང་ལུང་ཁྲི་རྒན་འཇམ་དབྱངས་ཐུབ་བསྟན་རྒྱ་མཚོ་ལས་དབང་ལུང་ཁྲིད་གསུམ་ཞུས་པ་མང་ཞིང༌། བྱམས་ཆོས་དང་གཞུང་བཀའ་པོད་ལྔ་ལ་ཐོས་བསམ་ཕུགས་ཐག་ཆོད་པར་མཛད། དགུང་ལོ་བཅུ་དགུ་པར་རྗེ་ལྕང་ལུང་ཁྲི་རྒན་ལས་དགེ་ཚུལ་གྱི་བསླབ་བཞེས་སྔོན་དུ་བཏང་སྟེ་བསྙེན་རྫོགས་ཀྱི་སྡོམ་པ་བཞེས། དགུང་ལོ་ཉི་ཤུ་པར་ཤར་ཕོ་བྲང་ནས་ཡོངས་འཛིན་བློ་བཟང་དཔལ་ལྡན་ལས་སྙན་ངག་དང་སྒྲ་སོགས་གསན་པས་ཀུན་བཤད་ཀྱི་མཚན་དབྱངས་ཅན་དགེས་པའི་རྡོ་རྗེ་གསོལ། དགུང་ལོ་ཉེར་དགུ་པར་རོང་བོ་བདེ་ཆེན་ཆོས་འཁོར་གླིང་ཁྲིར་ཕེབས་ཏེ་ཟབ་རྒྱས་ཆོས་ཀྱི་འཁོར་ལོ་རྒྱ་ཆེར་བསྐོར། ཤར་ཐམས་ཅད་མཁྱེན་པས་རིགས་ཀྱི་ཅོད་པན་དུ་བཀུར་ཅིང་འཕྲིན་ལས་ཀྱི་སྒོ་འཕར་ཡངས་པོར་གྲོལ་ལོ། ཁོང་གི་གསུང་རྩོམ་ནི་རྟོགས་བརྗོད་དང༌། རྣམ་ཐར། ཐོབ་ཡིག བསྟོད་ཚོགས། རྒྱུད་འགྲེལ། གཞུང་འགྲེལ། ལམ་རིམ་བསྡུས་དོན། མཐའ་དཔྱོད། རྩོད་ཡིག བརྡོ་སྤྲོད་རིག་པའི་སྙིང་པོ་བཅས་ཆོས་ཚན་ཆིག་བརྒྱ་བཅུ་མེད་བཞི་དེ་པོད་ཉི་ཤུར་ཉེ་བ་བཞུགས་སོ།།
༼ཀ༽
༈ ཀ་བ་ཀ་ར་ཀ་ལིང་དང༌། །ཀ་ཅ་ཞེས་པ་དངོས་སྤྱད་དང༌། །ནོར་སྤྱིའི་མིང་ངོ་ཀུ་རེ་ནི། །ཀྱལ་ཀའོ་ཀུ་ཡ་ཀུ་ཅོ་དང༌། །ཀུ་བ་དང་ནི་མདོག་ཀུ་རུ། །ད་ཀོ་ད་ནིའོ་ཀོ་ཅི་སྟེ། །འདི་ཀོ་འདི་ནིའོ་ཀོ་ལིང་དང༌། །ཀོ་ལྤགས་ཀོ་ཀྲད་དར་ཡ་ཀན། ། ་་་་་་་་ འཕྲོས་གཤམ་གསལ་འབྲེལ་ཐག་ལ་བསྣུན་ཏེ་གཟིགས་རོགས།
ད་དུང་དེབ་གཞན་ཞིག་ལས་འདི་འདྲ་ཞིག་མཐོང་།
དག་ཡིག་ཤེས་བྱ་རབ་གསལ་གྱི་རྩོམ་པ་པོ་དཔའ་རིས་འཇིགས་མེད་དམ་ཆོས་ནི་དུས་རབས་བཅོ་བརྒྱད་པའི་ནང་མདོ་སྨད་དཔའ་རིས་ཁུལ་དུ་འཁྲུངས་པའི་མཁས་པ་ཞིག་ཡིན་འདུག་ཅིང༌། ཁོང་བླ་བྲང་བཀྲ་ཤིས་འཁྱིལ་དུ་མདོ་སྔགས་རིག་གནས་ལ་གསན་བསམ་རྒྱ་ཆེར་གནང་ཞིང༌། སློབ་དཔོན་ཆོས་འཛིན་དར་རྒྱས་སོགས་བསྟེན་པ་དང༌། སློབ་བུའི་གཙོ་བོ་དཀོན་མཆོག་དཔལ་འཛིན་ཡིན་ཚུལ་བོད་ཀྱི་ནང་བསྟན་དཔེ་ཚོགས་ལྟེ་གནས་ཞེས་པའི་དྲ་ཚིགས་སུ་གསལ་འདུག་ནའང༌། ཁོང་གི་ལོ་རྒྱུས་ཞིབ་ཆ་རྙེད་སོན་མ་བྱུང་བས་འབྲེལ་ཡོད་ཐུགས་སྣང་ཅན་ཚོས་ཁ་སྐོང་ཡོང་བར་ཞུ།
གོང་གི་འདི་ནི་མར་ནང་ཚང་རྗེ་འཇིགས་མེད་དམ་ཆོས་རྒྱ་མཚོ་ཚང་རེད་འདུག་ལ། འདི་བ་ཚང་ལ་དག་ཡིག་ཅིག་ཡོད་པ་གོ་ཐོས་མ་བྱུང་། འདི་གསལ་བོ་ཞིག་བཟོས་ན་ལེགས།
《དག་ཡིག་ཤེས་བྱ་རབ་གསལ་》གྱི་མཛད་པ་པོ་ནི་གོང་འཁོད་ཀྱི་མཁས་པ་འདི་མིན་པ་འདྲ། འདིའི་མཛད་པ་པོ་ནི་དཔའ་རིས་པ་འཇིགས་མེད་དམ་ཆོས་ཡིན་ལ། ཞུ་དག་མཛད་མཁན་རྡོ་སྦིས་དགེ་བཤེས་ཤེས་རབ་རྒྱ་མཚོ་ཚང་ཡིན། ཞུ་དག་བྱས་རྗེས་མཇུག་རྩོམ་ཞིག་བྲིས་ཡོད་པ་ཞིག་ངས་དྲན་སོས་ཀྱི་འདུག་པས་རྩོམ་སྒྲིག་པས་ཞིབ་འཇུག་ཅིག་གནང་རོགས།