བཙན་བྱོལ་བོད་གཞུང་གིས་འཆར་ཟླ་ནང་གི་བོད་མིའི་དམིགས་བསལ་ཚོགས་ཆེན་གྱི་དབུ་འབྱེད་དང་མཇུག་སྡོམ་སྟེང་གསར་འགོད་པ་རྣམས་མགྲོན་འབོད་བྱས་ཡོད་པ་རེད།
བོད་མི་མང་སྤྱི་འཐུས་གྲོས་ཚོགས་ཀྱིས་བོད་གཞུང་ཕྱི་དྲིལ་ལས་ཁུངས་ལ་ཆོག་མཆན་བསྩལ་བ་ལྟར། བཙན་བྱོལ་བོད་གཞུང་གིས་འཆར་ཟླའི་ཚེས་ ༡༧ ཉིན་ནས་ ༢༢ རིང་འཚོགས་རྒྱུའི་དམིགས་བསལ་ཚོགས་ཆེན་གྱི་ཉིན་དང་པོ་དང་གཉིས་པ་གཉིས་ལ་གསར་འགོད་པ་རྣམས་མགྲོན་འབོད་གནང་ཡོད་པ་རེད།
གོང་གསལ་ཚོགས་ཆེན་གྱི་ཉིན་ཐོག་མ་དང་མཐའ་མའི་ཐོག་ཕེབས་འདོད་ཡོད་རིགས་གསར་འགོད་པ་རྣམས་ཀྱིས་ཕྱི་ཟླ་ ༡༡ པའི་ཚེས་ ༡༦ ཉིན་ཕྱི་དྲིལ་ལས་ཁུངས་ཀྱི་གསར་འགོད་འབྲེལ་མཐུད་པ་བློ་བཟང་ཆོས་གྲགས་ལགས་ཀྱི་སར་ནས་ཐོ་འགོད་བྱས་ཏེ་ལག་འཁྱེར་བཟོ་དགོས་ཀྱི་ཡོད་པ་རེད་ཕྱི་ཚེས་ ༡ ཉིན་དྲིལ་བསྒྲགས་ལས་ཁུངས་ནས་གསལ་བསྒྲགས་སྤེལ་ཡོད་པ་རེད།
གསར་འགོད་པ་རྣམས་ནི་ཉིན་ཐོག་མའི་དབུ་འབྱེད་དང་ཉིན་མཐའ་མའི་མཇུག་སྡོམ་ཐོག་མ་གཏོགས་ཕེབས་ཆོག་གི་མ་རེད་ཅེས་ཕྱི་དྲིལ་ལས་ཁུངས་ཀྱི་གསར་འགོད་འབྲེལ་མཐུད་པ་བློ་བཟང་ཆོས་གྲགས་ལགས་ཀྱི་འདི་ག་གསར་ཁང་ལ་འགྲེལ་བརྗོད་གནང་བྱུང་།
དང་བླངས་པ་ཟེར་བ་དེ་ཚོར་གཟབ་གཟབ་མ་བྱས་ན། ཆོས་འཇིག་རྟེན་གང་ཡང་མགོ་མི་ཚོས་མཁན་གྱི་སྐྱ་མིན་སེར་མིན་མང་པོ་ཞིག་གིས་ཐོ་བརྒྱབ་ཡོད་ཚུལ་འདུག དངོས་གནས་སླེབས་དགོས་པ་ཆབ་སྲིད་ཀྱི་གནས་སྟངས་ཤེས་མཁན་རྣམས་སླེབས་ཐུབ་རྒྱུ་མེད་པའི་གནས་ཚུལ་ཡང་ཡོང་གི་འདུག ལྟད་མོ་བལྟ་བ་ཙམ་གྱི་ཆེད་དུ་སླེབས་ནས་ཆབ་སྲིད་ཀྱི་གོ་རྟོགས་ཡོད་མཁན་རྣམས་ཀྱི་ས་མིག་འགག་སོང་ན་ཁག་པོ་མ་རེད་དམ། སེམས་ཁྲལ་མི་དགོས་པ་ཞིག་ལ་གསར་འགོད་པ་ག་དུས་ཡིན་ཡང་ཡོང་ཆོག་གི་ཡོད་རྒྱུ་རེད་བསམ་གྱི་འདུག དེ་ལྟར་ཡིན་དགོས་པ་ཞིག་མིན་འགྲོ།
de no am stuu
མི་ལྔ་ནས་དྲུག་བརྒྱ་བར་འགྲོ་ཆོག་པའི་འདུ་འཛོམས་ཤིག་གི་སྟེང་དུ་གསང་རྒྱུ་དང་སྦས་རྒྱུ་ཞིག་ཨེ་ཡོད་དམ།་་ཁ་ལག་ཨེ་རག་དང་ཁང་པ་ཨེ་རག་བལྟ་བར་ཡོང་བ་དེ་འདྲ་ནི་མ་རེད།་་་བོད་ཀྱི་གནས་ཚུལ་བདེན་པ་ཁུངས་ཐུབ་དེ་ཚོ་བོད་གཞིས་བྱེས་བོད་མི་ས་ཡ་དྲུག་དང་རྒྱ་དམར་སྲིད་གཞུང་གིས་མཚོན་འཛམ་གླིང་མི་མང་ལ་ཤེས་སུ་འཇུག་དགོས་པ་མ་རེད་དམ།་་གཅིག་གིས་བརྗོད་ཀྱི་འདུག་ཟེར་བའི་ཁྲོམ་གཏམ་འགོད་བཅུག་རྒྱུ་ལས།་་དངོས་ཡོད་གང་བྱུང་བ་འགོད་བཅུག་ན་ཡག་གི་མ་རེད་དམ།
ཨོ་དེ་ནི་ཧང་སངས་དགོས་པ་ཞིག་རེད། ག་རེ་བྱས་ནས་གསར་འགོད་འགྲོ་ཆོག་གི་མེད་པ་རེད་དམ། འདི་ནི་གནད་དོན་ཞིག་གི་ཟུར་སྣེ་ཞིག་རེད། ཡང་འུ་ཚང་གི་གསང་བ་གལ་ཆེན་ཡིན་ཁལ་བྱས་ནས་དོན་དག་འཐུས་ཤོར་ལ་འགྲོ་རྒྱུ་འཇུག་པའི་སྔ་ལྟས་རེད། ག་རེ་བྱས་ནས་མ་ཆོག་པ་རེད་དམ། འདི་མི་མང་ལ་གསལ་བོར་བཟོ་དགོས་པ་ཞིག་རེད།
འདི་ཡག་པོ་འདུག བོད་གཞུང་གིས་དངུལ་ལ་སེར་སྣ་མི་གནང་བར་ཤིན་ཧ་གསར་ཁང་དང་། སྒོས་སུ་བོད་ནང་གི་གསར་ཁང་ཁག་གི་སྐད་གཉིས་སྨྲ་བའི་གསར་འགོད་པའང་ཞུགས་རོགས་ཞེས་ལྡི་ལི་རྒྱ་ནག་གཞུང་ཚབ་ཁང་ལ་མགྲོན་ཤོག་ཕུལ་བ་ཡིན་ན། གཅིག་ནས་ཕྱི་གསལ་ནང་གསལ་ཅན་གྱི་ཁྱད་ཆོས་ཡིན་པ་དང་། གཉིས་སུ་དྲིལ་བསྒྲགས་ཀྱི་ལམ་ཁ་ཡན་གར་བ་ཞིག་ཀྱང་ཡིན།
འདི་ག་འདྲ་ཡིན་ནམ། གསར་འགོད་པ་ཚོ་གཞུང་དང་མང་ཚོགས་བར་གྱི་ཟམ་པ་ལྟ་བུ་མ་ཡིན་ནམ། དེས་ན་ཚོགས་འདུའི་སྐབས་ཚོགས་མི་ལྔ་བརྒྱ་ཙམ་པོ་གསར་འགོད་པར་ཐུག་ནས་ཁ་བརྡ་ཡང་བྱས་ཆོག་གི་ཡོད་རྒྱུ་མ་རེད། ཆེ་ས་རྒྱ་བོད་གྲོས་མོལ་གྱི་བར་ནས་སྐད་ཆ་མི་གོ་བ་མ་ཟད། ད་ཐ་ན་རང་གི་ནང་ཁུལ་ནས་ཀྱང་ཕྱི་གསལ་ནང་གསལ་མེད་པ་འདི་བློ་ངོར་ཤོངས་ཐུབ་པ་མི་འདུག བཀའ་ཟུར་རྒྱ་ལོའི་སྐད་ཆ་སྟོང་མདའ་རུ་འགྱུར་བཞིན་པའི་སྐབས་འདིར། ང་ཚོའི་དྲ་ངོས་ཀྱི་བསམ་ཚུལ་འདི་དག་ཨ་ཅང་ཅང་ཡིན་རྒྱུ་རེད། ཡིན་ནའང་འདི་སུའི་གཏན་འབེབས་ཡིན་མིན་བརྩད་གཅོད་གསལ་བོ་གཏོང་ཐུབ་ཚེ། དེ་ནི་ལོ་རྒྱུས་ཀྱི་ཟིན་ཐོ་རུ་འགྱུར་ངེས་ཡིན།