གོང་ས་མཆོག་སྐུ་རྐྱང་ལ་མ་ཕུད་རོགས།

དྲ་གྲོགས་མྱི་སྨྱོན་ལགས། ཁྱེད་ཀྱིས་གསུང་བཞིན་པའི་བཙན་བྱོལ་ནང་གི་ར་མགོ་ལུག་སྤྱར་གྱི་རྩོམ་ཡིག་འབྲི་མཁན་མང་བོ་དེ་ཚོ་ཟེར་སྲོལ་ལ་བལྟས་ན་ཁྱེད་རང་ཡང་རང་རློམ་གྱི་མདའ་གྲི་མདུང་གསུམ་འཛིན་མཁན་གང་རུང་ཞིག་གི་མི་རྒྱུད་ཡིན་པ་ལྟ་བུས་ཚོར་སྣང་སྟེར་གྱི་འདུག་ན་ངས་བྲིས་པའི་རྩོམ་ཡིག་དེའི་ནང་དོན་མ་ཤེས་པ་དེ་ནི་ང་རང་གི་རྩོམ་ཡིག་འབྲི་སྟངས་ནོར་བ་འམ་ང་རང་གི་སྐྱོན་ཡིན་པ་བྱེད་ཆོག་མོད། ད་ལྟའི་བར་དུ་ཁྱེད་ཀྱིས་༧གོང་ས་མཆོག་གི་དབུ་མའི་ལམ་གྱི་ནང་དོན་རྟོགས་མ་ཐུབ་པ་དེ་ང་རང་གིས་རྩོམ་ཡིག་གི་ནོར་འཁྲུལ་ཡིན་རྒྱུ་མ་རེད་འདོད་་་་་

དྲ་གྲོགས་མི་སྨྱོན་དུ་འབོད་པའམ་མྱི་སྨྱོན་ལགས། ཁྱེད་ཀྱིས་ད་དུང་རང་ཉིད་ལ་འཐོམ་བྱ་གཡོག་ནས་ང་རང་གི་རྩོམ་ཡིག་ཚིགས་བཅད་ཤོ་ལོ་ཀ་གཅིག་འཁྱེར་འོང་ནས་འདི་ཅི་རེད་ཟེར་བ་ནི། ཁྱེད་ཀྱིས་མི་ཞིག་གསད་དེ་མགོ་བོ་འཁུར་ཡོང་ནས་འདི་ཁྱེད་རང་གི་གསད་པ་རེད་ཟེར་བ་ལྟ་བུ་ཞིག་ལས་ངས་བྲིས་པའི་རྩོམ་ཡིག་དེ་ཡི་ནང་དོན་རྟོགས་སོང་བ་ཞིག་གི་ར་སྤྲོད་བྱེད་ཐུབ་ཀྱི་མི་འདུག་དགོང་དག ཁྱེད་ཀྱིས་ད་དུང་ངས་བྲིས་པའི་རྩོམ་ཡིག་དེ་ཡི་ནང་དོན་ཤེས་ཀྱི་མེད་པ་འདྲ།

༡ བོད་ཅེས་པ་ནི་མིང་ཞིག་རེད། མིང་དེར་བདག་པོ་རྒྱག་མཁན་ཚོ་མི་རེད། མི་ཚོ་ཤ་ཁྲག་རུས་གསུམ་གྱིས་གྲུབ་པ་རེད་མ་གཏོགས་བོད་ལ་ཤ་ཁྲག་རུས་གསུམ་ཡོད་པ་མ་རེད། ཡོད་པའི་དབང་དུ་བཏང་ན་ཡང་ད་ལྟ་སྲོག་གི་རྒྱུན་ཐག་ཆད་ལ་ཉེ་བའི་གདུང་ཞིག་དང་། ཚང་མས་གདུང་དེའི་ཚ་དྲོད་ཉམས་མེད་པ་གཞིར་བཞག་གིས་བསྐྱར་གསོན་ལ་རེ་བ་རྒྱག་གི་ཡོད་པ་རེད་ལ། དེར་མཚུངས་ཀྱི་འབད་པའང་བྱེད་ཀྱི་ཡོད་པ་རེད།
དྲ་གྲོགས་གནས་ཚང་ལགས། ཁྱེད་ཀྱིས་འདི་འདྲའི་སྐད་ཆ་ཁྱད་མཚར་བཤད་དོན་ཡང་ངས་གསལ་བོ་མི་ཤེས་ཀྱང་། ཕྱོགས་གཅིག་ནས་མི་ཚོ་ཤ་ཁྲག་རུས་གསུམ་གྱིས་གྲུབ་པ་རེད་མ་གཏོགས་བོད་ལ་ཤ་ཁྲག་རུས་གསུམ་ཡོད་པ་མ་རེད་ཅེས་གསུང་གསལ་བལྟས་ན་བོད་ཅེས་པ་དེ་ནི་ད་ལྟའི་འཆར་འཛམ་གླིང་འདིར་འཚོ་ཞིང་གནས་པའི་ཤ་ཁྲག་རུས་གསུམ་གྱི་གྲུབ་པའི་མི་རིགས་ཡིན་ཚོད་མི་འདུག་ལ་ཡིན་པའི་དབང་དུ་བཏང་ན་ཡང་ཅི་ཡང་མི་ནུས་པའི་སྲོག་ཆགས་དུད་འགྲོ་ལྟ་བུ་ཞིག་དུ་ཁྱེད་རང་ལ་སྣང་གི་ཡོད་པ་འདྲ། དེ་མིན་བོད་པ་ཟེར་བའི་མི་རིགས་འདི་ཁྱེད་རང་གི་བསམ་པ་བཞིན་ཤ་ཁྲག་རུས་གསུམ་གྱིས་མ་གྲུབ་པའི་གཟུགས་མེད་ཀྱི་གྲས་སུ་གཏོགས་པའི་འཛམ་གླིང་གི་སྐྱེ་འགྲོ་གཞན་གྱིས་མཐོང་དཀའ་བ་ཞིག་ཡིན་ཚོད་འདུག དེ་འདྲ་ཞིག་ཡིན་ན་ནི་ཁྱེད་རང་གང་གླེང་གཞིར་བཟུང་བའི་བོད་དོན་འཐབ་རྩོད་ཀྱི་ཐབས་ལམ་དེ་དག་གིས་ཀྱང་བོད་པ་ཚང་ལ་ཕན་དོག་མེད་པ་ཐག་བཅད་ཀྱང་འགྲིག དེ་མིན་པར་བོད་པ་ཚང་གི་མི་རིགས་འདི་ཡང་ཤ་ཁྲག་རུས་གསུམ་གྱི་གྲུབ་པའི་འཛམ་གླིང་གི་སྐྱེ་འགྲོ་གཞན་དང་མཚུངས་ན་ནི་ཁྱེད་དང་ང་ཡིས་དྲ་ཚིགས་འདི་ནས་རང་རང་གི་བསམ་ཚུལ་གང་མང་ཞིག་ཤ་ཁྲག་རུས་གསུམ་གཅིག་པའི་བོད་པ་ཚང་གི་དྲ་གྲོགས་ཚོ་མུ་མཐུད་དུ་གྲོས་མོལ་བྱོས་ན་ལོས་ཆོག ཁྱེད་རང་ལ་ཡང་བྲེལ་བ་ཆེ་སྟབས་དྲ་ཚིགས་ཀློག་ནས་ཡུན་རིང་འདུག་ཁོམ་མེད་པ་འདྲ། རྒྱུ་མཚན་དེར་བརྟེན་དྲ་གྲོགས་ལགས་རྗེས་སུ་ཐུག་ཡོང་།

༡ བོད་ཅེས་པ་ནི་མིང་ཞིག་རེད། མིང་དེར་བདག་པོ་རྒྱག་མཁན་ཚོ་མི་རེད། མི་ཚོ་ཤ་ཁྲག་རུས་གསུམ་གྱིས་གྲུབ་པ་རེད་མ་གཏོགས་བོད་ལ་ཤ་ཁྲག་རུས་གསུམ་ཡོད་པ་མ་རེད། ཡོད་པའི་དབང་དུ་བཏང་ན་ཡང་ད་ལྟ་སྲོག་གི་རྒྱུན་ཐག་ཆད་ལ་ཉེ་བའི་གདུང་ཞིག་དང་། ཚང་མས་གདུང་དེའི་ཚ་དྲོད་ཉམས་མེད་པ་གཞིར་བཞག་གིས་བསྐྱར་གསོན་ལ་རེ་བ་རྒྱག་གི་ཡོད་པ་རེད་ལ། དེར་མཚུངས་ཀྱི་འབད་པའང་བྱེད་ཀྱི་ཡོད་པ་རེད།
༢ ངའི་དྲི་བ་ཆ་ཚང་ལ་ལན་བསྐྱོན་དང་། དེ་ནས་རིམ་པའི་བགྲོ་གླེང་བྱེད་ཆོག་གི་རེད། ངའི་བག་ལེབ་ཚང་མ་ལོའི་ནོམ་དུ་བསམ་ཆོག་པ་ནང་བཞིན་དྲིས་ལན་ཡང་དེ་ག་རང་བསམ་ཆོག་གི་རེད། ཡིན་ནའི། ཐོག་མར་ངའི་དྲི་བ་དག་ལ་ལན་རྒྱག་དགོས་པ་ནི་སྔ་མ་མཇུག་མ་བསྐྱངས་པར་ཕྱི་མ་ཡོང་སྲོལ་མེད་པ་རང་ཆགས་ཡོད།

བོད། ཤ་ཁྲག་རུས་གསུམ།
བོད་རང་བཙན་གྱིས་སྐད་ཆ་བཤད་པ་ཙམ་གྱིས་དབུ་མ་སྨད་པ་ལ་འགྲོ་ནས་སམ། གལ་སྲིད་འགྲོ་ན་རང་བཙན་སྐོར་ཀྱི་ཟིན་བྲིས་རེ་སྤེལ་ཡོད་པ་དེ་དག་ལ་བརྗོད་དང་ཁྱེད་ལ་ལན་གསལ་བོད་ཞིག་ཡོད་ངས་སྙམ། མ་གཞི་བོད་པའི་ཁྲོད་རང་བཙན་ལ་ཁ་འཕང་ནས་༸གོང་ས་མཆོག་ལ་འདྲ་མིན་བཤད་མཁན་ཡོད་པ་གསལ་བོ་རེད། ཡིན་ཡང་རང་བཙན་བཤད་མཁན་ཆ་ཚང་ལ་སྐྱོན་བརྗོད་བྱེད་ན་ནོར་བ་རེད།

གནས་ཚང་དྲིན་ཆེན་པོ། ཁྱེད་ཀྱིས་གསུང་བའི་མཐའ་མའི་སྡོམ་ཚིགས་ལ་དབུ་ཁྲིད་ཀྱི་ཉན་ཤེས་མིན་ལ་རེག་ལས་ཡོད་ཅེས་པའི་དབུ་ཁྲིད་སུ་ལ་ངོས་འཛིན་བྱེད་དགོས། ༧གོང་ས་མཆོག་ལ་ངོས་འཛིན་བྱེད་དགོས་སམ། ད་ལྟའི་ལས་ཐོག་པ་བཙན་བྱོལ་ནང་གི་བཀའ་བློན་དེ་དག་ལ་ངོས་འཛིན། ཁྱེད་རང་གི་གླེང་གཞིར་བཟུང་བའི་མི་ལོ་ཉི་ཤུ་ལྷག་གི་རིང་དུ་ང་ཚོས་སྐྱོར་དེ་འོང་ཟེར་བ་དེ་ཚིགས་ནོར་ཡིན་ནམ། ཡང་ན་ངོ་མ་ཡིན། ངོ་མ་ཡིན་ན། ང་ཚོས་མི་ལོ་ཉི་ཤུའི་རིང་དུ་སྐྱོར་དེ་འོང་བའི་གནས་ལུགས་རྒྱུ་མཚན་ཞིག་ང་དང་བཅས་པའི་དྲ་གྲོགས་ལྷན་རྒྱས་ལ་ལོ་རྒྱས་གསལ་བོ་ཞིག་བཤད་ན་ཨེ་ཆོག ད་དུང་་་་་་་་་་་་་་་་་་་་་་་་་་

ཁྱོད་ཀྱི་བསམ་ཚུལ་ཡག་པོ་འདུག་སྟེ། མཇུག་འབྲས་ཞེས་པ་ལ་གོ་དོན་གཉིས་ཡོད་པ་རེད།
༡ ཚང་མ་ལོས་བརྗོད་གཞིའམ་བསམ་འཆར་སྒང་བཀའ་མོལ་ལྷུག་པོ་གནང་མིན་ལ་རག་ལས་ཡོད།
༢ བཀའ་མོལ་ལྷུག་པོ་བྱུང་བའི་བསྡོམས་ཚིག་དེར་དབུ་ཁྲིད་ཀྱིས་ཉན་ཤེས་བྱེད་མིན་ལ་ཐུག་ཡོད།

སྐུ་ཞབས་མེ་འོད་ལགས། གོང་གི་བསམ་ཚུལ་འདི་ཚང་མ་ཁྱེད་ཀྱི་རྩོམ་ཡིག་ལ་ཐད་ཀར་འབྲེལ་ཡོད་མེད་ངས་མ་ཤེས་མོད། མི་མང་པོ་ཞིག་གིས་འདིར་དོན་དག་རེ་བརྩད་ནས་བསྡད་འདུག་སྟབས་ང་ཡང་འདིར་ཡོང་བ་ཡིན། གོང་གི་བསམ་ཚུལ་རེ་རེ་ལ་ལན་རེ་འདེབ་དགོས་ཚེ་ངས་འཇོན་ས་མ་རེད། མ་གཞི་ནས་རྩོད་གཞི་དང་བརྗོད་གཞི་འདྲ་མིན་སྣ་ཚོགས་ཤིག་འདུག

ང་འདིར་ཡོང་དོན་ནི་གནས་ཚང་ལགས་ཀྱི་དྲི་བ་དེ་དག་རེད། སུ་གང་གིས་ཁོང་ལ་ལན་བཏབས་མི་འདུག འདི་ཡག་པོ་མ་རེད། ང་ཚོར་གླེང་སྟེགས་འདི་འདྲ་ཞིག་ཡོད་བཞིན་དུ་སྣང་མེད་དུ་བཏང་ན་འོས་འཚམ་ཡང་མ་རེད། ལན་འདེབ་ན་ཡིན་གཅིག་མིན་གཅིག་དགག་ཕྱོགས་ལྟ་བུ་གཅིག་གཅིག་གི་ཁ་གཏད་དུ་ལངས་ནས་འབྲི་དགོས་པ་མ་རེད། འཐད་ཕྱོགས་ནས་བྲིས་ནའང་འགྲིག་གི་རེད། མ་གཞི་འཐད་ཕྱོགས་ཀྱི་ལན་འདེབ་ཀྱང་གལ་ཆེན་པོ་རེད། སོ་སོའི་བསམ་ཚུལ་དང་མཐུན་ཚེ་དེ་ལ་རྒྱབ་སྐྱོར་གནང་རྒྱུ་ནི་རང་དོན་ལྟ་བུ་ཞིག་ཀྱང་ཆགས་ཡོད་པ་རེད། མ་རེད་དམ།

ང་འདིར་ཡོང་ནས་གནས་ཚང་ལ་དོན་དག་རེ་ཟུང་གི་སྟེང་གོ་བསྡུར་བྱེད་འདོད་པ་ཡིན། གཞི་རྩའི་ཆ་ནས་ང་ཚོར་གདམ་ཀ་ཞིག་ཡོད་ནས་སྤྱི་ཚོགས་རིང་ལུགས་ཀྱི་ལམ་ཁར་འགྲོ་གི་ཡོད་པ་མ་རེད། གདམ་བྱ་འདེམ་བྱེད་ཅིག་འདིར་ཡོད་པ་མ་རེད། ང་ཚོ་ཨུ་ཐུགས་ནས་ལམ་འདིར་ཞུགས་ཀྱི་ཡོད་པ་མ་རེད། འགན་བློས་མ་བཟོད་ནས་ལས་འདི་དང་ལེན་བྱེད་དགོས་ཆགས་པ་རེད། སེམས་ལ་འཐོག་ས་དེ་གཞིས་ལུས་མི་དམངས་རེད། ང་ཚོའི་མི་དམངས་ནི་ཞིང་འབྲོག་པ་རེད། ཉམ་ཐག་ཡིན། དྲང་པོ་ཡིན། སྲིད་དོན་གྱི་རྩེད་མོ་ཆེན་པོ་ཞིག་གི་འོག་ལ་འཕེན་རན་ཡོད་པ་མ་རེད། སྟབས་ཡག་ནས་ང་ཚོར་བླ་ན་མེད་པའི་དབུ་ཁྲིད་ཅིག་ཡོད་པ་རེད། ཁོང་གིས་ཐུགས་འགན་ཁུར་པ་རེད་ལ། འཁུར་གིའང་རེད། འདི་གཅིག་ཡིན། གཉིས་ཐད་ནས། སྤྱི་ཚོགས་རིང་ལུགས་ཀྱི་ལམ་ཁ་རང་སྟེང་ན་སྐྱོན་དེ་ཙམ་ཡོད་པ་མ་རེད་འདོད། གཙོ་བོ་ལམ་རོགས་རེད། ལམ་སྐེད་ན་བགེག་བར་ཆད་ཡོད་མེད་རེད། ལམ་ཁྲིད་ལ་བློས་འགེལ་ཆོག་མིན་རེད། འདི་དག་ནི་ང་ཚོས་ཏན་ཏན་ཏིག་ཏིག་བྱས་ནས་གླེང་དགོས་པ་རེད། གསུམ་ཐད་ནས། སྐྱབས་མགོན་ཚང་ཕྱིར་བོད་ཁ་བ་གངས་ཅན་གྱི་ཡུལ་དུ་གདན་འདྲེན་ཞུ་ཐུབ་པ་དང་། གཞིས་བྱེས་གཉིས་ཀ་མཉམ་དུ་འཛོམས། བོད་ཆོལ་ཁ་གསུམ་པོ་ཆོས་དང་རིག་གཞུང་གི་འཛིན་སྐྱོང་གཅིག་གི་འོག་ཏུ་བསྡུ་ཐུབ་སོང་ན་སྔོན་གཤེགས་དཔའ་བོ་དཔའ་མོ་རྣམས་དང་། ཁོང་རྣམས་ཀྱི་ཕ་མ་དང་དགའ་ཉེ་ཚོས་ཀྱང་ང་ཚོར་ཞེ་འཁོན་ཡོད་ཀྱི་མ་རེད་སྙམ། ཡིན་ནའང་འདི་ཙམ་གྱིས་ང་ཚོའི་མངོན་འདོད་འགྲུབ་སོང་བ་རེད་དམ་ཞེ་ན་མ་རེད། ད་དུང་ཞིབ་ཚགས་ཀྱི་སྒོ་ནས་ཐག་གཅོག་དགོས་པ་དང་ཁས་ལེན་དགོས་པའི་དོན་དག་མང་པོ་ཡོད་པ་རེད་འདོད། ཡིན་ནའང་། ཐ་ན་ང་ཚོས་འདི་འདྲ་ཞིག་ཀྱང་འཇོན་མིན་བཤད་ཐུབ་པའི་ཚད་རེད། དྲི་བ་གཞན་པ་དག་ལ་ལན་འདེབ་དགོས་པ་ཞིག་མཐོང་གི་མི་འདུག གལ་སྲིད་ངོ་མས་གནད་དོན་ཆགས་ཀྱི་ཡོད་ཚེ་རྗེས་ཕྱོགས་རིམ་གྱིས་གོ་བསྡུར་བྱས་ཆོག་གི་རེད།

(mablo) འདི་བོད་ཡིག་ཟིན་བྲིས་ཡིན།

how this hapand?

གནས་ཚང་ལགས།ངོ་ནས་བཤད་ན་ངས་ཁྱོད་ལ་བྲིས་པས་ཚིག་ཁ་ཤས་རྩུབ་འདུག་པ་དགོངས་པ་མ་ཚོམས་ཞུས་བ་ཡིན།ཁྱོད་རྩོམ་པ་པོ་ཞིག་ཡིན་པ་འདྲ།གོང་དུ་རྒྱན་དྲུག་མཆོག་གཉིས་དང་སྟོན་པ་ཤཱཀྱ་ཐུབ་པས་བསྲེག་བཅད་བརྡར་གསུམ་གསུང་པས་དོན་ཁྱོས་ད་དུང་ལོ་ཁ་ཤས་ཤིག་ལ་ཧ་གོ་ཐུབ་ས་མ་རེད།་བཀའ་ཁྲི་མཆོག་གིས་རང་དབང་རེ་ཟེར་ནས་ལྷ་ཁང་ལ་སྐྱག་པ་བཏང་བ་འདྲ་ཞེས་པའི་ཡིད་ལ་ཟུངས་ཤིག

གནས་ཚང་། ཁྱེད་ཀྱི་དྲི་བ་འདི་དག་ཟམ་གདོང་བླ་མ་ལ་འདོན་དགོས། ང་རང་བཙན་གྱི་ལྟ་བ་ཁུར་མཁན་ཡིན་པའི་དགོས་མེད་ཀྱི་དྲི་བ་ཆག་འདུག ངས་ཁྱེད་ལ་བཤད་བཞིན་པ་ནི་༸གོང་ས་མཆོག་གི་སྐུ་འོག་གི་མི་སྣ་དག་གི་སྒྲུབ་པའི་བྱ་བ་ལ་ལྟོས་ནས་ གཞེས་བྱས་གཉིས་ཀྱི་སྙིང་ནོར་༸གོང་ས་མཆོག་ལ་སྐད་ཆ་འདྲ་མིན་མ་བཤད། འདི་བོད་མི་མང་གི་ནམ་ཡང་བཟོད་ཐབས་མེད་ཞེས་པ་དེ་ཡིན།

དྲ་ངོས་འདི་ན་གོམས་སྲོལ་ཁྱད་མཚར་པོ་ཞིག་འདུག ཚང་མས་མཉམ་རུབ་ཀྱིས་དོན་དག་ཅིག་གི་མདུད་པ་ཁྲོལ་མིན་ལ་མི་ལྟ་བ་དང་། བསམ་ཚུལ་ཞིག་འདོན་ཐུབ་མིན་ལ་མི་ལྟ་བར་ལམ་སེང་ཕན་ཚུན་ལ་སྨོད་རེེས་དང་སྡིག་རེས་བྱས་ནས་ཤོག་ངོས་བཀང་ཡོང་གི་འདུག འདི་སྐྱོན་ཆེན་པོ་ཞིག་ཆགས་ཡོང་གི་འདུག རྗེས་ཕྱོགས་དྲ་ངོས་འདི་ནས་སྐད་ཆ་བཤད་ན་འདྲ། བསམ་ཚུལ་བཏོན་ན་འདྲ། སུ་གཅིག་གིས་ཆ་འཇོག་མི་བྱེད་པ་དང་ཡིད་བརྟོལ་བྲལ་བ་ཞིག་ཡོང་རྒྱུ་ཡིན་པ་ཐག་གིས་ཆོད། དེའི་ཁར་དྲ་ཐོག་གི་མི་དེ་དག་གི་མིང་འདོགས་སྟངས་ཚུན་ནས་ཏོག་ཙམ་འགྲིག་གི་མི་འདུག་སྙམ་པས་ཚང་མས་ཐུགས་བསམ་བཞེས་རོགས། ང་ཚོ་ངོ་མ་ནན་ཏན་མ་རེད། ང་ཚོ་གནས་སྟངས་གང་ཞིག་ལ་ལྷུང་ཡོད་པའི་ཐད་ལའང་འདང་ཞིག་ཕོག་ན་རེད། ཁ་བརྡ་དྲ་རྒྱ་ཡང་འདི་འདྲ་ཞིག་རེད། ཕ་ཡུལ་དྲ་རྒྱ་ལ་ཡང་སྔོན་ཆད་ནད་ཡམས་འདི་འདྲ་ཞིག་ཡོད། འོན་ཀྱང་། ངས་བལྟས་ན་ཕ་ཡུལ་དྲ་རྒྱ་ལ་ཡར་རྒྱས་འདུག་སྙམ། དེ་ནི་གཅིག་བྱས་ན་བོད་ཡིག་གི་སྟེང་གི་ཤེས་ཡོན་པ་དང་དབྱིན་ཡིག་སྟེང་གི་ཤེས་ཡོན་པ་ཚོའི་ཚད་གཞི་མི་འདྲ་བ་དང་། ཡང་ན། དྲ་ཐོག་གི་སྤྱི་ཚོགས་ཀྱི་གྲུབ་ཆ་མི་འདྲ་བའི་དབང་གིས་མིན་ནམ་སྙམ། དེར་བརྟེན་རྗེས་ཕྱོགས་འདིའི་ཐད་ཚང་མས་བསམ་བློ་ཞིག་གཏོང་རོགས། དྲ་བའི་དོ་དམ་པའི་ངོས་ནས་ཀྱང་སྣེ་ཁྲིད་དེ་དྲ་ཐོག་གི་སྤྱི་ཚོགས་འདི་ཡར་རྒྱས་དང་ཡག་ཕྱོགས་ཤིག་ལ་འཁྲིད་རོགས་གནང་ཞེས་ངས་ནན་ཏན་གྱིས་གཞེན་སྐུལ་ཞུ་གི་ཡོད།

གླེན་པ་ལུག་ལགས། རྒྱ་གཞུང་གསང་ལས་ལ་ཁྱོད་ལྟ་བུའི་སྤྱི་ཚོགས་རིང་ལུགས་གོང་བཀུར་ཞུ་མཁན་མཁོ་བ་ལས་གཞན་མི་མཁོ། ཕལ་ཆེར་ཉིད་ལ་རྒྱུས་མངའ་ང་རང་ལས་ཆེ་ཙམ་འདུག ཡིན་ནའང་། གང་ཐུབ་ཀྱིས་ལན་བསྐྱོན་པར་ཐུགས་རྗེ་ཆེ་ཞུ་བ་དང་ཆབས་ཅིག་ཞུ་འཕྲོས་སུ་གྱུར་བ་ནི་དྲི་བ་གཉིས་པ་སྐྱག་པའི་དབང་དུ་བཏང་ནའང་། དྲི་མ་ཞིག་ཡོད་ངེས་པས་དེ་དོན་འགྲེལ་གནང་ཡོང་བ་ཞུ།

མྱི་སྨྱོན་ལགས། སློབ་སྦྱོང་ཡག་པོ་བྱོས། ཁྱོད་ལ་ད་དུང་གནས་འདིར་བཅར་བའི་ཆུ་ཚད་མི་འདུག

ཨ་རིག་དགེ་མཐོང་ལགས། ཁྱོད་ཀྱིས་ནང་བ་ཤེས་ཀྱི་མི་འདུག ནང་བའི་ཁྱད་ཆོས་ནི་བསྲེག་བཅད་བརྡར་གསུམ་རེད། དེང་སྐབས་ལྟར་བཤད་ན། དོགས་སློང་དུ་གོ་ཆོག དེ་ནི་སྟོན་པ་ཤཱཀྱ་ཐུབ་པས་རང་ཉིད་ལའང་བསྲེག་བཅད་བརྡར་གསུམ་བྱེད་ཆོག་པའི་བཀའ་བསྩལ་བ་ནས་བྱུང་ཞིང་། རྒྱ་གར་དུ་རྒྱན་དྲུག་མཆོག་གཉིས་ལྟ་བུའི་མཁས་པ་གནམ་གྱིས་ས་བཀབ་པ་ལྟ་བུ་བྱུང་དོན་ཡང་དེར་ཐུག་ཡོད། དེ་བས། ཁྱོད་དང་ཁྱོད་ལྟ་བུའི་མཐོང་སྣང་དུ་ནང་བ་ནི་བརྟག་བརྟན་ཐེར་ཟུག་ཅིག་ལ་གོ་དོན་ཅི། སྟོན་པ་ཤཱཀྱ་ཐུབ་པའི་བཀའ་ལྟར་ནང་ཆོས་ལག་ལེན་དུ་མ་བསྟར་བ་ཡིན་ན། དེ་དག་ནང་བ་ལྟར་སྣང་བ་ལས་གཞན་མིན་པས། མཆོག་གསུམ་ཁྱོད་དང་ཁྱོད་ལྟ་བུའི་ནང་བ་ལྟར་སྣང་བ་དག་གི་རྡོག་འོག་ཏུ་ག་དུས་ཀྱང་མགོ་འབུར་ཐུབ་ཀྱི་མེད་པ་མ་ཡིན་ནམ།

གནས་ཚང་། ཁྱོད་ཀྱིས་གོང་གསལ་གྱི་དྲི་བ་ཁག་ཟེར་བ་ལས། དམོད་ཚིག་དག་ཟེར་ན་འོས་འཚམས་འདུག ངས་ཁྱོད་ཀྱིས་བཏོན་པའི་དམོད་ཚིག་དེ་ཚོར་ལན་གྱི་འགྲོ་སོང་གཏོང་འདོད་མི་འདུག འདི་ལྟ་བུར་ལན་རྒྱག་དགོས་ཚེ་རྒྱ་ནག་ལ་ཐད་ཀར་བཤད་དགོས་པ་ཞིག་ལས་ཁྱོད་དང་བརྒྱུད་པའི་དགོས་པ་མཐོང་མ་སོང་།

ད་དུང་ཧ་གོ་མ་སོང་ངམ། པེ་རེད། དོན་ལ་འདི་དག་མཚན་སྨད་མ་རེད། དོན་དངོས་རེད། དོན་དངོས་དོན་ལོག་ཏུ་འགྲེལ་རྒྱུའང་མི་རེ་ཟུང་གི་གཤིས་ཀ་རེད། གང་ལྟར་ཁྱོད་ཀྱིས་ངའི་དྲི་བ་དག་ལ་ལན་འདེབས་འདུན་ཡོད་ཚེ། དྲི་བ་རེ་རེར་ལན་འདེབས་དགོས་པས། དེའི་ནང་དུ་རང་བཙན་རི་ལ་ཡིབ་ཡོད་མེད་དང་དབུ་མ་དབུ་ནས་རུལ་འདུག་མིན་སོགས་ས་ཕྱར་ཤུལ་གྱི་རྡོ་བ་ནང་བཞིན་ཐོན་ཡོང་གི་རེད། སྐབས་དེར་ཁྱོད་ལའང་ངེས་ཤེས་གསར་བ་ཞིག་འབྱུང་མི་སྲིད་པའི་ངེས་པ་མེད། དེ་བས། ང་ལ་ལན་མ་རག་པར་དུ་ཚིག་སྣེ་གསར་བར་འཇུ་བའི་ལུགས་སྲོལ་མེད།

དོན་ཞིག་བསམ་གྱི་ཡོད་ན།
འདི་དག་གླེང་བའི་དུས་ཡིན།
དེ་མིན་ཉོག་བཤད་ལོང་གཏམ།
གནས་འདིར་ཤོང་དགོས་མི་འདུག

གནས་ཚང་། ཁྱེད་ལྟར་ན་ལོ་རྒྱུས་ནང་རྒྱལ་ཁབ་གཅིག་གིས་གཅིག་ལ་མགོ་་བསྒུར་བ་མེད་པར་་་མགོ་ཆད་རྐྱང་རྐྱང་ཡིན་པ་འདྲ།

གལ་སྲིད་༼རང་བཙན་དང་དབུ་མ་ལས་གཞན་པའི་འདམས་ཀ་དེ་རྒྱ་ནག་ལ་མགོ་སྒུར་རྒྱུ་རེད།༽བདེན་ཚེ། མང་གཙོ་ནས་སྤྱི་ཚོགས་རིང་ལུགས་ལ་འགྲོ་བ་དང་བོད་ཀྱི་དབུ་ཁྲིད་ནས་ཏང་གི་དབུ་ཁྲིད་ལ་གོམ་ཁ་ཕྱོགས་ཀྱིན་པ་འདི་མགོ་བསྒུར་བ་རེད་དམ། ཡང་ན། མགོ་ཆད་པ་རེད།

འདི་ངའི་གོང་གསལ་དྲི་བ་ཁག་གི་མཇུག་འཕྲོས་དྲི་བ་ཡིན་པས། གནས་ལུགས་ཕྱར་ནས་བརྡར་ཤ་གཅོད་མཁན་ཚོར་ཡི་རངས་ཡོད་པ་ལས་ཆགས་སྡང་རྨོངས་སྡང་དུ་གྱུར་ཞིང་། ཚིག་རྩུབ་སྤྱོད་ལམ་དུ་འཇགས་མཁན་ཚོ་ག་དུས་ཀྱང་སྐུ་ཞབས་གནས་ཚང་གི་དོ་ཡ་མིན།

སྐར་མ། སྨན་བླ་སྐྱབས་ཀྱི་ཚིག་དེ་དག་འདིར་ཡོང་ནས་རང་ཉིད་ཀྱི་ཡིན་འདོགས་་མ་བྱེད་སྐུ་མཁྱེན། རང་བཙན་དང་དབུ་མ་ལས་གཞན་པའི་འདམས་ཀ་དེ་རྒྱ་ནག་ལ་མགོ་སྒུར་རྒྱུ་རེད། ལྡར་མའི་ངང་ཚུལ་འདི་བཞིན་ཁྱེད་ཕ་ཡུལ་ལ་འགྲོ་འདོད་ན་སུ་གཅིག་གི་བཀག་འགོག་བྱེད་ཀྱི་ཡོད་པ་མ་རེད། རང་རང་ལ་གང་དགོས་ཧུར་བརྩོན་བྱས་པའི་དབང་གིས་འདིར་དབུ་མའི་ལམ་དང་རང་བཙན་བརྗོད་ཀྱི་ཡོད་པ་རེད་མི་ཤེས་ན་ཁ་ཙུམ་ཡང་སྐྱོན་ཡོད་པ་མ་རེད།

དྲ་གྲོགས་ཚོ། ང་ཁ་ཆུང་དབང་ཆུང་ཡིན་རུང་། ངས་ཀྱང་ཁ་ཞིག་གྲག་ན་འདོད་གི ངའི་རེ་བ་རྡོག་རྡོག་པོ་དེ་རང་གི་ཕ་ཡུལ་ལ་འགྲོ་འདོད་པ་དེ་ཡིན། ཡུལ་ལ་སླེབས་དུས་རང་དབང་གི་ཁོར་ཡུག་ཅིག་དགོས་པ་འདི་ཡིན། ང་འགྲོ་ཁར་རྒྱལ་བ་རིན་པོ་ཆེ་ཚང་གདན་འདྲེན་ཞུ་འདོད་ཀྱི་ཡོད། ངའི་མ་འོངས་པའི་བུ་རབས་ཚ་རྒྱུད་དེ་དག་ལ་ཡང་འགྲོ་བ་མིའི་རིགས་ཀྱི་ཐུན་མོང་གི་བདེ་སྐྱིད་དང་རང་དབང་དེ་རག་དགོས་ཀྱི་འདུག འདི་ཚོ་གཙོ་བོ་ཡིན། དེའི་ཕན་ནས་ངས་དམིགས་བསལ་གྱི་ཆ་རྐྱེན་འདོན་ཤེས་ཀྱི་མི་འདུག མ་གཞི་ཆ་རྐྱེན་བཏོན་ནའང་ཨ་ཞང་ཚང་གིས་ཁས་ལེན་མིན་གནས་ཚུལ་ལོག་ཀ་ཅིག་རེད། ངའི་རེ་བ་འདི་དག་ཁྱེད་ཚོས་བཤད་ཀྱིན་པའི་ལམ་དབུ་མ་དང་རང་བཙན། ཡང་ན། རང་སྐྱོང་བཅས་ཀྱི་གང་ལ་གཏོགས་ཀྱི་འདུག
ངས་བལྟས་ན་ད་ཁྱེད་ཚོས་ལམ་དབུ་མ་དང་རང་བཙན་ཟེར་ནས་ཐ་སྙད་རེ་བརྩད་ནས་མ་འདུག ཆབ་སྲིད་ཀྱི་ལྟ་བ་ཡན་གར་བ་རེ་དང་བརྗོད་དུམ་ཡན་གར་བ་རེ་བཤད་བསྡད་ན་ཡོང་རྒྱུ་ཅི་ཡང་ཡོད་པ་མ་རེད། རང་རང་ལ་གང་དགོས་པ་དང་གང་མཁོ་བ་དེ་ངོས་ཟིན་པར་བྱས་ནས་དེའི་ཐོག་ལ་ཧུར་བརྩོན་བྱེད་དགོས་པ་རེད། འདི་བསམ་ཚུལ་ཙམ་ཡིན།

འོ་ན། ངས་ལྷན་རྒྱས་དྲི་བ་གཞན་ཞིག་འགོད་ཀྱི་ཡིན་པས། བསམ་བློ་བཏང་ནས་ལན་རྒྱག་དགོས་པ་ལས་ཚིག་སྣེ་ཙམ་ལ་ཤི་འཇུ་རོ་འཇུ་བྱས་ཚེ། གསལ་ཁ་ཞིག་ག་དུས་ཀྱང་ཐོན་མི་སྲིད། དྲི་བ་གཤམ་གསལ།

༡ དམིགས་བསལ་སྐུ་ཚབ་ཀྱིས་ནེའུ་ཡོག་གྲོང་ཁྱེར་དུ་ཚོགས་འདུ་ཞིག་གི་སྒང་བརྗོད་དོན། མ་འོངས་བོད་དེ་སྤྱི་ཚོགས་རིང་ལུགས་ཀྱི་ལམ་དུ་འགྲོ་འདུན་ཡོད་ཅེས་ཐེངས་བརྒྱད་པའི་གྲོས་མོལ་ལ་སྔོན་འགྲོའི་གཏམ་བཤད་སྤེལ་སོང་། ཚང་མས་ཤེས་གསལ་ལྟར། དེ་ནི་མང་གཙོ་དོར་རྩིས་ཡིན་པས། གལ་སྲིད་ཏྰ་ལའི་བླ་མ་ཐ་མའི་འབབ་ས་འདི་ཡིན་ཚེ་ད་ལྟའི་བར་གསུངས་པ་དང་འབད་པ་ཐ་དག་རྫུན་དུ་འགྲོ་བཞིན་ཡོད་ན། དགེ་སློང་ལྕེ་གཉིས་མ་ཞིག་ཆགས་སོང་བ་མིན་ནམ།

༢ དེ་བས། སྡོམ་པ་ལྷ་ལ་ཕུལ་རྗེས་སྤྱི་ཚོགས་རིང་ལུགས་ལམ་ཆེན་སྒང་ཤར་བསྐྱོད་གནང་དགོས་པའི་དུས་ཚོད་ལ་འཁེལ་གྱི་ཡོད་དམ།

༣ སྤྱིར་དབུ་མའི་ལམ་ནི་བརྐྱངས་བསྐུམ་མཉེན་འགུག་ཡོད་པའི་གཞུང་ལུགས་ཡག་པོ་ཞིག་རེད། ཡིན་ནའི། འདི་ལྟར་འདོན་མཁན་རང་ངོས་ནས་སྤྱི་ཚོགས་རིང་ལུགས་ཁོ་ནའི་མཐར་ལྷུང་བ་ཡིན་ན། བསྐྱོར་ནས་ཤི་སོང་བ་རེད་མ་གཏོགས་རྐྱང་བར་གཤེགས་སོང་བ་མིན་པས། ང་ཚོ་ཚང་མ་མི་ལོ་ཉི་ཤུར་བསླུ་བྲིད་ཀྱི་འོག་ཏུ་ཚུད་སོང་བ་མིན་ནམ།

གནས་ཚང་ཁྱེད་ཀྱི་གང་ལ་ཐེ་གཏོག་མ་བྱས་ན་ཁྱེད་གླེན་པ་རེད་བརྗོད་མི་སྲིད། ཡིན་ཡང་ཁྱེད་ཀྱི༸ གོང་ས་མཆོག་༼མི་ལོ་ཉི་ཤུར་བསྐྱོར་༽ཞེས་པ་འདི་ངོ་ནས་སེམས་ཀྱི་ཡ་མཚན་དངོས་བྱུང་རེད། ཡང་ན་ཁྱེད་ང་ཚོས་མི་མཐོང་སར་ཡོད་པའི་སྐྱོན་གང་ཡིན་བརྗོད་དཀའ་ཡང་འདི་དག་བོད་མིའི་སེམས་ལ་བཟོད་དཀའ་བའི་མེ་ལྕེ་དམར་པོ་ཡིན།

སྐུ་རྐྱང་རེད་ཅེས་མ་གསུང་། འཁོར་ན་མེ་ཡི་འོད་འདུག
དབུ་མ་ཡག་རབ་མ་གསུང་། མི་ལོ་ཉི་ཤུར་བསྐྱོར་ཡོད།
མངོན་འདོད་ཐབས་སུ་སྒྲིལ་བའི། སྨྲ་བརྗོད་ཡོད་དོ་ཅོག་པོ།
ཤི་གསོན་རྡོག་སྣེར་བརྒྱུས་པའི། མི་རིགས་ཤིག་གི་ངག་ཡིན།
ངག་དེ་འཆལ་བར་འདོད་ཚེ། མི་དེ་གཡམ་རྒྱུགས་རང་ཡིན།
ཁེ་བཟང་ཟ་འདོད་ཡོད་ན། ད་ཐེངས་ཡོང་ས་འདི་མིན།

ཁྱོད་ཀྱི་མཐོང་ཚུལ་དེ་བདེན་པ་རེད། ང་ཚོ་མགོ་འཁོར་མི་ཡོང་། བསམ་ཚུལ་འདི་འདྲ་མུ་མཐུད་དེ་སྤེལ་རོགས། མ་ཟད་ང་ལ་ཡང་བསམ་ཚུལ་རེ་གནང་རོགས།