བོད་ནང་གི་སློབ་ཆེན་པ་ ༡༥༠ ལྷག་གིས་བོད་དོན་ཐག་གཅོད་ཐད་བཏོན་པའི་སྤྱི་མོས་བལྟ་ཚུལ་ལྔ།
༧གོང་ས་མཆོག་གཙོ་བྱས་པའི་རྒྱང་རིང་ས་མཐའ་ན་ཞེན་ཆགས་ཀྱི་ཕྱིར་མིག་དམར་པོ་ནམ་ཡང་རང་ཡུལ་དུ་འཕེན་གྱིན་པའི་བྱེས་གྱར་བོད་མི་ཡོངས་ཀྱི་སྙན་ལམ་དུ།
ལོ་རྒྱུས་ཀྱི་གོད་ཆག་ཞིག་གིས་རྒྱུན་རིང་བའི་ལོ་ཟླ་སོ་མཚམས་ནས་ང་ཚོ་བོད་གཞིས་བྱེས་གཉིས་སུ་གྱེས་པ་ནས་བཟུང་། ཁྱེད་ཅག་བྱེས་གྱར་ཕུ་ནུ་ཡོངས་ཀྱིས་རྒྱ་གཞུང་གི་བཙན་གནོན་འོག་ན་རང་དབང་ལ་ཉམས་རྨས་བྱུང་བའི་བོད་གཞིས་སྡོད་ནང་མི་ཡོངས་གཙོ་བྱས་པའི་བོད་མི་ས་ཡ་དྲུག་གི་སྐྱིད་སྡུག་གི་ཆེད་དུ་དཀའ་ལས་རབ་དང་རིམ་པ་མྱངས་ཤིང་། ལས་འགུལ་སྣ་ཚོགས་བསླངས་པར་དུས་དང་རྣམ་པ་ཀུན་ཏུ་ཡི་རངས་གོང་བཀུར་དང་། དེར་མཐུན་གྱི་བོད་དོན་བྱ་བ་སྣ་ཚོགས་ལ་ངོ་བོ་གཅིག་མཐུན་རང་བཞིན་གྱིས་རྒྱབ་སྐྱོར་བྱེད་ཀྱིན་ཡོད། ཡིན་ནའང་། དམར་པོའི་སྲིད་གཞུང་གི་ཁ་སྒོ་ལག་འོག་ན་འགྲོ་བ་མིའི་མ་མཐའི་ཁེ་དབང་ཙམ་ཡང་མེད་པའི་ངེད་ཅག་གིས་བདེན་པའི་སྐད་འབོད་ཇི་ལྟར་བརྒྱབ་ནའང་ཡོད་ཚད་འཁྱོག་སྒྱུར་དང་བཙན་གནོན། གཡོ་སྒྱུ་དང་རྫུན་བཟོར་གོམས་པའི་རྒྱ་གཞུང་གིས་ང་ཚོའི་གནས་བབས་ལ་ཐུགས་ཁུར་གནང་རྒྱུ་ཕར་ཞོག ལྡོག་སྟེ་མ་ཉེས་ཁ་གཡོག་གི་སྲིད་བྱུས་རྫུན་མས་བོད་པ་མང་བོ་ཞིག་ད་ལ་ཐུག་གི་བར་དུ་བཙན་གསོད་དང་། བཀག་ཉར་བྱས་ཏེ་ཐོན་པ་རེད། འདི་འདྲའི་ཉམ་ང་བའི་གནད་འགག་གི་དུས་བབ་ཞིག་ལ་བོད་དོན་ཐག་གཅོད་ཐད་མང་གཙོའི་ལམ་ལུགས་སྒོས་ཕྱི་ནང་གི་བོད་པ་མང་ཚོགས་ཀྱི་བལྟ་ཚུལ་རྒྱུས་ལོན་བྱེད་རྒྱུ་ཤིན་ཏུ་ནས་ཀྱང་གལ་ཆེན་ཞིག་རེད། ཐེངས་འདིར་ཁྱེད་ཅག་གིས་མང་གཙོ་དང་འདྲ་མཉམ་གྱི་བྱེད་ཐབས་བཟུང་སྟེ་བོད་དོན་ལ་བཟུང་བའི་རང་སེམས་ཀྱི་བལྟ་ཚུལ་འདོན་རྒྱུ་བྱུང་བར་དགའ་བ་ཚད་མེད་སྐྱེ་བཞིན་ཡོད། གཤམ་དུ་ང་ཚོ་སློབ་ཆེན་པའི་མིང་འཁུར་མཁན་མི་གྲངས་ ༡༥༠ ལྷག་གིས་བོད་དོན་ཐག་གཅོད་ཐད་དུ་བཟུང་བའི་སྤྱི་མོས་བལྟ་ཚུལ་དོན་ཚན་ལྔ་བྱུང་བ་བརྗོད་དོན།
གཅིག སྤྱི་ཕྱོགས་ནས་རང་བཙན་གཙང་ལེན་བྱེད་པར་ཧ་ཅང་འཐད་མོད། ༧གོང་ས་མཆོག་གི་དབུ་མའི་བལྟ་སྟངས་ལ་ཡང་མཐའ་གཅིག་ཏུ་རྒོལ་བ་བྱ་རྩིས་མིན། ནང་ཁུལ་གྱི་མང་ཚོགས་ཕལ་བོ་ཆེའི་འདོད་ཕྱོགས་ཀྱང་རང་བཙན་གཙང་མ་བྱེད་རྒྱུ་དེ་རེད། ད་དུང་སྔར་གྱི་སྲིད་ཕྱོགས་རྒྱུན་སྐྱོང་བྱ་རྒྱུ་ཡིན་ཕྱིན། མཇུག་འབྲས་ལེགས་པོ་ཞིག་མི་འབྱུང་བ་ནི་སྔར་སོང་གྲོས་མོལ་བརྒྱད་ཀྱི་མཇུག་འབྲས་ལས་ར་སྤྲད་འདུག་ལ། རྗེས་ཕྱོགས་ཀྱི་ལམ་བུ་ཡང་གོང་བཞིན་སོང་ཚེ། ནང་ཁུལ་གྱི་བོད་མིར་གཉའ་གནོན་དང་ཚེ་སྲོག་རྩིས་ཐར་མི་སྤྲོད་པའི་སྦྱོར་བ་དམར་ཕྱོགས་པས་མི་རྩོམ་པའི་ངེས་པ་གཏན་ནས་མེད།
གཉིས། རྒྱལ་ནང་གི་གསར་འགོད་པ་ཚོ་ཕར་ཞོག རྒྱལ་སྤྱིའི་གསར་འགོད་པ་ཚང་མས་ཀྱང་རྒྱ་ཆེ་བའི་བོད་མང་ཚོགས་ཀྱི་བསམ་ཚུལ་ངོ་མ་ཇི་བཞིན་སྔོག་ཐུབ་ཀྱིན་མེད་པས། རེ་བ་ཡིན་ན། རྒྱལ་སྤྱིའི་གསར་འགོད་པ་དག་གིས་གསར་འགྱུར་འཁྱོག་བསྒྱུར་མི་བྱེད་པར་དྲང་མོ་གསལ་བོ་ཞིག་སྒྲོག་ཐུབ་པ་གལ་ཆེ། དེ་མིན། དྲག་གནོན་དང་རྡུང་རྡེག་གི་མངའ་འོག་ནས་མང་ཚོགས་ལ་ཁོག་ཏུ་གནོན་མི་ཐུབ་པའི་ན་ཟུག་དང་དྲན་ཚུལ་ཡོད་ཀྱང་། ཇི་བཞིན་དུ་བརྗོད་ཐུབ་ཀྱི་མེད།
གསུམ གལ་སྲིད་ཐེངས་འདིའི་ཚོགས་འདུ་ལས་དབུ་འཁྲིད་གསར་བ་འདེམས་རྩིས་ཡིན་ན། སྲིད་དོན་འགན་ཁུར་ཞིང་སྲིད་ཕྱོགས་ལ་མཐའ་གཅིག་ཏུ་གཞོལ་མཁན་ཞིག་ཡིན་ན་འགྲིག ཆོས་སྲིད་ཟུང་འབྲེལ་ལྟ་བུ་ཡིན་ན་མི་འགྲིག
བཞི། ཡོད་ཚད་མང་གཙོ་དང་རང་དབང་། འདྲ་མཉམ་གཙོས་རྒྱལ་སྤྱིའི་བསམ་བློའི་མཁའ་དབུགས་ཀྱི་ཚད་གཞི་ལྟར་ཐག་བཅད་ན་འགྲིག
ལྔ། བོད་དོན་འདི་ཀྲུང་གོའི་ཆ་བ་སྲིད་ཀྱི་མངའ་ཁོངས་ལས་བརྒལ་ཏེ། རྒྱལ་སྤྱིའི་གནད་དོན་དུ་འགྱུར་རྒྱུར་ཤུགས་སྣོན་རྒྱག་དགོས།
མཆན། སྤྱི་ལོ་ ༢༠༠༨ ཟླ་ ༡༡ ཚེས་ ༡༨ ཉིན་སྤྱི་མོས་ཐག་གཅོད་ཀྱིས་ཡིག་ཐོག་ལ་ཕབ་ནས་བསྐུར་ཐབས་བྱས་པ་ལས། རིམ་པས་ཚང་མས་མིང་རྟགས་བཀོད་ནས་དཀྲམ་ཐབས་བྱེད་རྒྱུ་ཡིན།
རྩོམ་འདི་མཁོ་སྤྲོད་པ་ཀླུ་འབུམ་བཀྲ་ཤིས་ཡིན།
ས྄ློབ་མ་དེ་དག་གིས་བསམ་འཆར་བཏོན་གནང་བ་ལ་དགའ་བསུ་ཞུ་ར྄ྒྱུ་དང༌། ཁོང་ར྄ྣམས་ཀྱིས་ཆོས་ས྄ྲིད་ཟུང་འབྲེལ་ལ྄ྟ་བུ་ཡིན་ན་མི་འགྲིག་གསུངས་འདུག་ཀྱང་མི་འགྲིག་པའི་ར྄ྒྱུ་མཚན་ཡང་དག་གང་ཡང་བཀོད་གནང་མེད་པ་དང༌། དམིགས་བསལ་ར྄ྒྱ་གཞུང་གིས་ཆོས་ས྄ྲིད་ཟུང་འབྲེལ་ཞེས་བཤད་པ་དང་བཙན་བྱོལ་བོད་མིའི་བཅའ་ཁྲིམས་སུ་གསལ་བའི་ཆོས་ས྄ྲིད་ཟུང་འབྲེལ་གཉིས་ཀྱི་གནད་དོན་སོ་སོར་མ་དགོངས་པ་མིན་ནམ་ས྄ྙམ།
རེད། ངས་བལྟས་ན་གོང་གི་བོད་ནང་གི་སློབ་ཆེན་པ་ ༡༥༠ ལྷག་གིས་བོད་དོན་ཐག་གཅོད་ཐད་བཏོན་པའི་སྤྱི་མོས་བལྟ་ཚུལ་ཞེས་པའི་གནས་ཚུལ་འདི་བོད་ནས་ཡིན་མིན་ཆ་མ་འཚལ་ཡང་དོན་དངོས་ཀྱི་གནས་ཚུལ་དང་མི་འཐུན་པར་སྐཔས་ཐོག་བཀའ་བློན་ཁྲི་བར་མི་འདོད་པའི་དཀྲོགས་གཏམ་དག་སྤྱི་ཚོགས་སྟེང་གླེང་བ་ཞིག་རེད་འདུག། ངོམ་དེ་རིགས་ནམ་ཡང་སྟོང་པར་སྨོན།
གསུམ
གལ་སྲིད་ཐེངས་འདིའི་ཚོགས་འདུ་ལས་དབུ་འཁྲིད་གསར་བ་འདེམས་རྩིས་ཡིན་ན། སྲིད་དོན་འགན་ཁུར་ཞིང་སྲིད་ཕྱོགས་ལ་མཐའ་གཅིག་ཏུ་གཞོལ་མཁན་ཞིག་ཡིན་ན་འགྲིག ཆོས་སྲིད་ཟུང་འབྲེལ་ལྟ་བུ་ཡིན་ན་མི་འགྲིག་ཟེར་ཁྱེད་ནས་དོན་དངོས་གོང་ས་མཆོག་ཆོས་སྲིད་ཟུང་འབྲེལ་ལྟ་བུར་བོད་ཀྱི་དབུ་འཛིན་མི་རུང་ཟེར་བ་མ་ཡིན་ནམ།
ངོ་མ་སློབ་ཆེན་པ་དེ་ཚོས་བསམ་བློ་ཇི་འདྲ་རེད། ཧ་ཧ་ཧ་ཧ་ཧ་ཧ་ཧ།
གཉའ་ཁྲི་ལགས་དགོངས་དག
གཉའ་ཁྲི་ལགས་དགོངས་དག
བོད་བསྐྱལ་ཚར་སོང་།
ས་པཎ་ལགས་དགོངས་དག
རང་སྐྱོང་བརླག་ཚར་སོང་།
དགའ་ལྡན་ཕོ་བྲང་ལགས་བཞུད་རོགས།
ཕྱིར་བལྟས་མེད་པར་བཞུད་རོགས།
ལ་ཁའི་ཉི་ཟེར་དང་ལྷན་དུ་བདེ་བར་གཟིམས།
གཞིས་ལུས་བོད་མི་ལགས་དགོངས་དག
འཕྲུལ་སྣང་སྤར་མོ་གང་བོ་གནམ་ལ་གཏོར།
རང་ཁ་རང་གསོ་མ་གཏོགས་ཅི་ཡང་མེད།