མེས་དཔོན་གཙུག་ལག་དཔེ་སྟོན་སློབ་གྲྭའི་དགེ་ལས་ཡོངས་ཀྱིས། འདས་པའི་ལོ་གསུམ་རིང་དཀའ་སྡུག་མཐའ་དག་ལ་གདོང་ལེན་བྱས་ཏེ་སློབ་མའི་རིག་གནས་སློབ་སྦྱོང་དང༌། ཀུན་སྤྱོད་སོགས་ཡར་རྒྱས་སུ་ཕྱིན་ཡོད་པ་མ་ཟད། ལག་ཤེས་སློབ་སྦྱོང་ལའང་འཕེལ་རྒྱས་ཆེན་པོ་ཕྱིན་འདུག
ཟླ་ ༡༢ པའི་ཚེས་ ༡ ཉིན་གྱི་སྔ་དྲོ་དཔེ་སྟོན་སློབ་གྲྭའི་གོ་སྒྲིག་འོག་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་རིག་གནས་འགྲེམས་སྟོན་གྱི་བྱ་འགུལ་ཞིག་སྤེལ་སོང་ལ། དེ་ནི་སློབ་མ་ཚོས་བྲིས་པའི་རི་མོ་དང༌། བོད་ཡིག་དང་དབྱིན་ཡིག་གི་རྩོམ་ཡིག བསྒྱུར་རྩོམ། ཚུགས་རིང་དང་ཚུགས་ཐུང་། འཁྱུག་ཚུགས་སོགས་ཀྱི་ཡིག་གཟུགས། གཞན། སློབ་མའི་ལག་ཤེས་སྐོར་གྱི་ཐོན་རྫས་མང་པོ་ཞིག་འགྲེམས་སྟོན་བྱས་སོང༌། གསར་འགོད་པས་འདིའི་ཐད་ཀྱི་གནས་ཚུལ་སློབ་སྤྱི་ཚེ་རིང་གཡུ་སྒྲོན་ལགས་སུ་དྲིས་པར། ཁོང་གིས། དཔེ་སྟོན་སློབ་གྲྭར་མཚོན་ན་བྱ་འགུལ་འདི་ཐེངས་དང་པོ་ཆགས་ཡོད། ང་ཚོས་གངས་སྐྱིད་ནས་འགྲེམས་སྟོན་བྱེད་པའི་དམིགས་ཡུལ་གཙོ་བོ་ནི་སློབ་མའི་ཕ་མ་མང་ཆེ་བ་གངས་སྐྱིད་དུ་ཡོད་པ་དང༌། ཕ་མ་ཚོར་བྲེལ་བ་ཆེ་བ། ང་ཚོར་འགྲེམས་སྟོན་བྱེད་སའི་ས་ཆ་མེད་པ་སོགས་ཀྱིས་ད་ལྟའི་བར་སྒྲུབ་ཐུབ་མ་སོང༌། དེ་རིང་ང་ཚོས་ཕ
་མ་ཚོར་རང་གི་བུ་ཕྲུག་གིས་སློབ་སྦྱོང་བྱས་པའི་གྲུབ་འབྲས་སྟོན་ཆེད་བྱ་འགུལ་འདི་སྤེལ་བ་ཡིན་ཅེས་བརྗོད་སོང་ལ། ཡང་ཁོང་གིས། སློབ་གྲྭའི་ནང་ཟླ་རེའི་གཟའ་སྤེན་པ་དང་པོ་དང་བཞི་བ། ཉིན་
གོང་རྒྱབ་ཀྱི་དུས་ཚོད་ནང་ལག་ཤེས་སྐོར་སློབ་སྦྱོང་བྱེད་ཀྱིན་ཡོད། དངོས་རྫས་འདི་དག་ནི་འགྲེམས་སྟོན་ལ་དམིགས་ཏེ་བཟོས་པ་མིན་པར་སློབ་མས་ལག་ཤེས་སློབ་སྦྱོང་སྐབས་བཟོས་པ་རེད། སློབ་མ་ཚོར་འདི་ལ་སྤྲོ་སྣང་ཆེན་པོ་འདུག འདི་ཐེངས་དང་པོ་ཡིན་པ་དང་རྗེས་མར་འདི་ལྟ་བུའི་ལས་འགུལ་མུ་མཐུད་སྤེལ་འཆར་ཡོད་ཅེས་བརྗོད་སོང༌། དེ་བཞིན་ཚོགས་ཁང་གི་ཕྱོགས་བཞི་རུ་སྡེ་ཚན་མི་འདྲ་བ་ལྔའི་ཐོག་འགྲེམས་སྟོན་བྱེད་བཞིན་ཡོད་འདུག་ལ། སྡེ་ཚན་ལྔ་ལ་སློབ་མ་ལྔ་ཡིས་འགྲེལ་བཤད་རྒྱག་གིན་འདུག སློབ་མ་དེ་དག་གིས་བོད་ཆས་གཙང་དག་རེ་གྱོན་ཞིང༌། ལག་ཏུ་དབྱིག་པ་ཆུང་ཆུང་རེ་བཟུང་སྟེ་སྡེ་ཚན་རེ་རེའི་འགྲེམས་སྟོན་སྐོར་ཕ་མ་དང་གཟིགས་མོ་བ་ཡོངས་ལ་འགྲེལ་བཤད་རྒྱག་གིན་འདུག ངས་ཡིག་གཟུགས་སྡེ་ཚན་གྱི་འཛིན་གྲྭ་ལྔ་བའི་སློབ་མ་བསྟན་འཛིན་ཆོས་འ
ཛོམས་ལ་ཡིག་གཟུགས་མི་འདྲ་གསུམ་གྱི་ཐོག་ཀློག་འདོན་བྱེད་དུ་བཅུག་པ་ཡིན་ལ། མོས་བྱང་ཆ་ལྡན་པའི་ངང་བཀླགས་པ་མ་ཟད་དོན་ཡང་འགྲེལ་བཤད་བརྒྱབས་སོང་། དེ་བཞིན་རྩོམ་ཡིག་སྡེ་ཚན་དུ་ཡོད་པའི་སློབ་མ་དེས་སྐད་གསེང་མཐོན་པོས་རྩོམ་ཡིག་ཀློག་འདོན་བྱས་རྗེས། དེར་ཡོད་ཀྱི་ཕ་མ་སོགས་ལ་བོད་རང་བཙན་དང་འབྲེལ་བའི་རྩོམ་ཡིག་ཅིག་ལ་འགྲེལ་བཤད་བྱེད་ཀྱིན་འདུག ངས་སྡེ་ཚན་གཞན་གྱི་སློབ་མ་ཚོས་འགྲེལ་བཤད་རྒྱག་སྟངས་ལ་ཞིབ་ཉན་བྱས་པ་ཡིན་ལ། སློབ་མ་དེ་དག་གིས་རེ་རེ་བཞིན་སྐུ་མགྲོན་དང་ཕ་མ་རྣམས་ལ་བོད་སྐད་གཙང་མས་འགྲེལ་བཤད་རྒྱག་གི་འདུག
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
who can guide me to use tibetan in my computer .so plz help me
very good . i support you all
ང་ཚོར་འདི་ལྟ་བུ་སློབ་གྲྭ་མང་པོ་ཞིག་ཡོད་ན་བོད་པའི་རིག་གཞུང་མྱུར་སྐྱོབ་བྱེད་པ་ལ་རེ་བ་ཆེན་པོ་འདུག ང་ཚོར་སེམས་ཁྲལ་ཞིག་ཡོད་པ་ནི་སློབ་གྲྭ་འདི་ནས་མཐར་ཕྱིན་ན་རང་འཇགས་དབྱིན་ཇི་ཡི་ཁ་དབུགས་ཆེ་སའི་སློབ་གྲྭ་ཞིག་ཏུ་འགྲོ་དགོས་བྱུང་ན་ཕངས་པོ་མ་རེད་དམ། བཀའ་བློན་ཁྲི་པས་ཤེས་ཡོན་སྲིད་བྱུས་གསར་པའི་སྟེང་ཤར་བསྐྱོད་བྱེད་ཐུབ་ན་བོད་པའི་རིག་གཞུང་སྲུང་སྐྱོབ་བྱེད་པ་ལ་རེ་བ་ཆེན་པོ་ཞིག་ཡོད་པར་གསུངས་པ་འདྲ། ཡིན་ན་འང༌། བོད་ཁྱིམ་གྱིས་ཤེས་རིག་ལས་ཁུངས་མཉམ་དུ་ཚོགས་འདུ་ཚོགས་སྐབས་ཤེས་ཡོན་སྲིད་བྱུས་གསར་པ་ལག་བསྟར་ལེན་རྒྱུ་མོས་མཐུན་བྱུང་མེད་པ་འདྲ། ཁོང་ཚོས་རྒྱུ་མཚན་ཕ་མ་རྣམས་ཀྱིས་འདོད་པ་མེད་པ་བཀོད་གྱིན་འདུག་ཟེར། ང་ཚོས་བོད་ཁྱིམ་གྱི་སློབ་མའི་ཡོང་ཁུངས་ལ་བསམ་བློ་བཏང་ན། བུ་ཕྲུག་བརྒྱ་ཆ་མང་ཤོས་དེ་བོད་ཀྱི་རྒྱ་མིའི་སློབ་གསོ་ལ་འདོད་པ་མ་ཁེངས་པ་དང༌། སློབ་སྦྱོང་གོ་སྐབས་མ་རེག་པར་ཤ་སྟག་ཡིན་སྟབས། ཕ་མས་འདོད་པ་མེད་པ་དེ་བོད་ནང་གི་ཕ་མ་ཚོའི་བསམ་ཚུལ་ཏིལ་འབྲུ་ཙམ་ཡང་མེད་པར། རྡ་ས་གཡས་གཡོན་གྱི་ཕ་མ་ཁ་ཤས་ཀྱི་བསམ་ཚུལ་ལ་བརྟེན་ནས་ཐག་གཅོད་གནང་བ་ཞིག་ཡིན་པ་འདྲ། ཤེས་རིག་བཀའ་བློན་གྱི་ནམ་རྒྱུན་བུ་ཕྲུག་རྣམས་རང་གི་སྐད་ཡིག་སྟེང་རྨང་གཞི་ཚུགས་ནས་སྐད་ཡིག་གཞན་པ་ལ་སློབ་སྦྱོང་བྱས་ན་ལམ་སེང་ཡར་རྒྱས་འགྲོ་བ་དང་ཤེས་པ་ཕན་ནུས་ཆེན་པོ་ཐོན་གྱི་འདུག དེའི་དཔེ་མཚོན་ནི་སུ་ཇ་སློབ་གྲྭའི་སློབ་ཕྲུག་རྣམས་བོད་ནས་འབྱོར་སྐབས་རང་གི་སྐད་ཡིག་གི་རྨང་གཞི་ཡོད་སྟབས་ལོ་གཅིག་གཉིས་ཀྱི་ནང་དུ་དབྱིན་ཇི་སྟེང་འདི་ནས་འཚར་ལོངས་བྱུང་བའི་བུ་ཕྲུག་གི་རྗེས་ཟིན་པ་རྒྱུ་མཚན་དུ་བཀོད་ཀྱི་ཡོད་ལ། ཤེས་རིག་དྲུང་ཆེ་ཡིས་ལུང་པ་ཆུ་ཡིས་འཁྱེར་ས་ན། རྡོ་ལེབ་སྐམ་པོ་ལུས་དོན་མེད་ཟེར་བའི་དཔེ་ལྟར་འཛམ་གླིང་འདིར་དེང་རབས་རིག་གནས་ཆེས་ཆེར་དར་བའི་སྐབས་ང་ཚོར་དེའི་སྐལ་བ་ཆད་འགྲོ་བའི་སེམས་ཁྲལ་མེད། ད་ལྟ་བར་དུ་ང་ཚོས་དེང་རབས་རིག་གནས་སྟེང་ཤུགས་བརྒྱབ་ཡོད་ན་ཡང༌། ཚད་ལོངས་པ་དང་འདོད་པ་ཁེངས་པ་ཞིག་བྱུང་མེད། ང་ཚོ་རང་གི་སྐད་ཡིག་དང་རིག་གནས་ ཉམས་ཆག་ཏུ་ཕྱིན་ཏེ་སྟོངས་ན་གང་ནས་ཇི་ལྟར་སླར་གསོ་བྱེད་དམ། ཞེས་གསུངས་
འདུག
དྲ་གྲོགས་རྣམ་པ། ༸གོང་ས་མཆོག་གིས་མི་སུམ་ཅུ་རིང་བཙན་བྱོལ་དུ་འབྱོར་སྐབས་ཤུགས་བསྐྱོན་སའི་གཞིས་ཆགས་དང་སློབ་གྲྭ་གཉིས་འཐུས་ཤོར་དུ་སོང་བ་དང་། ཤུགས་མ་བསྐྱོན་པར་འདི་ལྟར་ད་དུང་མུ་མཐུད་དེ་མི་ལོ་ཉི་ཤུ་སོང་ན་འགྱོད་པ་གཏིང་ནས་སྐྱེས་པའི་དུས་ཤིག་ཤར་བའི་སྡོམ་ཚིག་བརྒྱབ་ཟིན་སྟབས། ང་ཚོས་སྔོན་གྱི་མི་ལོ་ལྔ་བཅུའི་རིང་ལག་བསྟར་བྱས་ཀྱང་གྲུབ་འབྲས་མེད་པའི་ལམ་ཁ་དེ་རྒྱུན་འཁྱོངས་བྱེད་དགོས་སམ། ད་ལྟའི་ཤེས་ཡོན་སྲིད་བྱུས་གསར་པ་དེ་ལ་བསྐྱོད་དགོས་པའི་སྐོར་ཤེས་ཡོན་པ་གང་ན་སུ་བཞུགས་ཀྱི་དེའི་སྟེང་དཔྱད་བརྗོད་སྤེལ་བའི་དུས་ཚོད་སླེབས་པར་གདའོ། །
འདི་ནི་དངོས་གནས་དྭངས་བ་སྐྱེས་པ་ཞིག་རེད། འདིར་བོད་ཡིག་དང་བོད་སྐད། བོད་ལྭ་གྱོན་པ་གཅིག་པོ་མ་ཡིན་པར་བཟོ་ལས་ལག་ཤེས་ཀྱི་འགྲེམ་སྟོན་དེའང་ཕར་ལྟ་ཚོད་ལ་བཀོད་ཆགས་པོ་ཞིག་ཡོད་བསམ་པ་འདྲ་འདུག དེ་ནི་བསམ་བློ་ཡར་ཐོན། དེང་རབ་དང་ལྷག་པར་ང་ཚོས་གནས་བབ་ལ་མཁོ་པའི་དོན་བྱ་ཞིག་རེད།
ངོ་མ་སྙིང་ཐག་པ་ནས་དགའ་བསུ་ཞུ།
བོད་སྐད་གཙང་མ་བཤད་ཤེས་པས་བོད་ཀྱི་བུ་རེ་འམ་བོད་ཀྱི་བྱིས་པ་སྐོར་ཞིག་བཙན་བྱོལ་ནང་དུ་འཚར་ལོངས་བྱུང་ཐུབ་ཀྱི་ཡོད་ན་ནི། དེ་ནི་དངོས་ནས་གཏམ་བཟང་དང་བོད་ལ་དགོས་པས་དོན་གོ་དེ་རེད། བདེན་པ་ཡིན་པར་ཤོག རྗེས་སུ་ལེ་བདའ་བྱེད་སའི་སློབ་གྲ་ཞིག་མི་ཆགས་པར་ད་ལྟ་ནས་འབོད་སྐུལ་ཡོད།
བོད་པས་བོད་ཡིག་ཀློག་ནས་བོད་ཡིག་བྲིས། །བོད་པས་བོད་ཡིག་སྤྱང་ནས་བོད་དོན་སྒྲུབ། །བོད་པས་བོད་ལ་གྱོན་ནས་རང་ཚུགས་བཟུང་།། སྐད་ཆ་འདི་ནི་དངོས་ནས་སྙན་པོ་འདུག། སྐད་ཆ་འདི་ནི་དངོས་ནས་གཏམ་བཟང་རེད།། ཡང་ཡང་འདི་འདྲ་ཐོས་པར་འབོད་སྐུལ་ཞུ།།