རྒྱ་ནག་གཞུང་གིས། བོད་ཀྱི་གནད་དོན་ཐད་ཏཱ་ལའི་བླ་མའི་སྐུ་ཚབ་དང་མཉམ་དུ་ལྷག་བསམ་ཟོལ་མེད་ཀྱིས་འབྲེལ་མོལ་བྱ་རྒྱུ་དང༌། ཕན་ཚུན་གྱི་དཀའ་རྙོག་དེ་འབྲེལ་མོལ་གྱིས་ལམ་ནས་སེལ་ཐུབ་པའི་རེ་བ་ཡོད། ཅེས་བརྗོད་འདུག
ཕྱི་ཚེས་ ༡༢ ཉིན་རྒྱལ་སྤྱིའི་འགྲོ་བ་མིའི་ཐོབ་ཐང་གི་བསྒྲགས་ཡིག་སྤེལ་ནས་ལོ་དྲུག་ཅུ་འཁོར་བའི་དུས་དྲན་གྱི་ཉིན་མོ་དང་བསྟུན། སུད་སིའི་རྒྱལ་ས་རྗེ་ནེ་ཝར་རྒྱལ་ཁབ་ཞེ་བདུན་གྱི་འཐུས་མི་འདུ་འཛོམས་གནང་ཡོད་པ་དང༌། སྐབས་དེར། མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་དྲུང་ཆེ་སྐུ་ཞབས་བྷན་ཀེ་མོན་ Ban Ki-moon མཆོག་གིས། བོད་ཀྱི་གནད་དོན་ཐད་རྒྱ་ནག་གཞུང་ནས་ཏཱ་ལའི་བླ་མའི་སྐུ་ཚབ་དང་མཉམ་དུ་ལྷག་བསམ་ཟོལ་མེད་ཀྱིས་འབྲེལ་མོལ་བྱ་རྒྱུ་དང༌། ཕན་ཚུན་གྱི་དཀའ་རྙོག་དེ་འབྲེལ་མོལ་ཐོག་སེལ་ཐུབ་པའི་རེ་བ་ཡོད་ཅེས་དང༌། དེ་བཞིན། འགྲོ་བ་མིའི་ཐོབ་ཐང་གི་རྩ་འཛིན་བསྒྲགས་ཡིག་སྤེལ་ཏེ་ལོ་ ༦༠ འཁོར་བའི་དུས་དྲན་གྱི་ཉིན་མོ་དང་བསྟུན། སྐུ་ཞབས་བྷན་ཀེ་མོན་གྱིས། འཛམ་གླིང་ཡུལ་གྲུ་གང་སར་སྡུག་སྦྱོང་མནར་གཅོད་མྱངས་དང་མྱོང་བཞིན་པའི་མི་མང་གི་ཆེད་དུ་ཁ་ཡོད་ལག་ཡོད་ཀྱི་ལས་དོན་བསྒྲུབ་དགོས་པའི་སྐུལ་མ་དང་འགྲོ་བ་མིའི་ཐོབ་ཐང་ལྷན་ཁང་ལ་སྐྱོན་བརྗོད་ཤུགས་ཆེན་བྱས་འདུག ཡང་ཁོང་གིས། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་ལ་ལས་དོན་སྒྲུབ་པའི་ནུས་པ་ཡོད་པ་བཞིན། ལྷན་ཁང་གི་ཚོགས་མི་རྣམས་ཕྱོགས་ལྷུང་གི་ལྟ་ཚུལ་ལས་བརྒལ་དགོས་པའི་རེ་སྐུལ་དང༌། འགྲོ་བ་མིའི་ལས་དོན་སྟེང་སྤྱི་ཡོངས་ནས་འགྲུབ་ཀྱིན་མེད་པའི་སྐོར་བརྗོད་ཡོད་པ་རེད། དེ་བཞིན། རྒྱལ་སྤྱིའི་འགྲོ་བ་མིའི་ཐོབ་ཐང་ཐད་ཀྱི་རང་དབང་གི་ཚོགས་པ་ཁག་གིས། མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཚན་ཁག་ནང་ར་ཤི་ཡ་དང༌། རྒྱ་ནག ཁེའུ་པཱ་གསུམ་གྱིས་ཕན་ཚུན་སྐྱོབས་ཐབས་བྱེད་བཞིན་ཡོད་པའི་གནས་ཚུལ་ལས། འགྲོ་བ་མིའི་ལས་དོན་གྱི་ཕྱོགས་ལ་སྤྱི་ཡོངས་ཀྱི་གྲུབ་འབྲས་ཤིག་ཡོང་གི་མེད་པ་དང༌། ཨི་རག་གི་གནད་དོན་དང༌། ཨབ་རི་ཀ། འབར་མ་སོགས་ཀྱི་གནད་དོན་སོགས་གླེང་སློང་བྱེད་ཀྱིན་ཡོད་ནའང༌། རྒྱ་ནག་གཞུང་གིས། བོད་ནང་གི་མི་མང་ཚོར་སྡུག་སྦྱོང་མནར་གཅོད་གཏོང་བཞིན་པའི་ཐད་ཀྱི་གནད་དོན་གླེང་སློང་བྱེད་ཀྱི་མེད་པ་མ་ཟད། མཉམ་འབྲེལ་རྒྱལ་ཚོགས་ཀྱི་ཐེངས་འདིའི་རྒྱ་ནག་གི་ཚོགས་ཞུགས་མི་སྣས་ཀྱང་རྒྱལ་སྤྱིའི་འགྲོ་བ་མིའི་ཐོབ་ཐང་གི་རྩ་འཛིན་ལ་སྲུང་གཙི་བྱེད་བཞིན་ཡོད་པའི་སྐོར་གྱི་གནས་ཚུལ་ཁོ་ན་སྙན་སེང་ཞུས་ཡོད་འདུག
འདི་ལ་ངས་བསམ་ན་ཡང་དེ་ལྟར་རེད་་་མཉམ་འབྲེལ་རྒྱལ་ཚོགས་ནི་དེང་སྐབས་རྒྱ་ནག་དང་ར་ཤི་ཡ་སོགས་ཀྱི་ཁེ་ཕན་གྱི་རྒྱབ་དཔུང་ལས་འགྲོ་བ་མིའི་ཐོབ་ཐང་ཞེས་པ་དེ་ཁ་གཡར་ས་ཙམ་རེད། མཉམ་འབྲེལ་རྒྱལ་ཚོགས་ཀྱི་ཐེངས་འདིའི་རྒྱ་ནག་གི་ཚོགས་ཞུགས་མི་སྣས་ཀྱང་རྒྱལ་སྤྱིའི་འགྲོ་བ་མིའི་ཐོབ་ཐང་གི་རྩ་འཛིན་ལ་སྲུང་རྩི་བྱེད་བཞིན་ཡོད་པའི་སྐོར་གྱི་གནས་ཚུལ་ཁོ་ན་སྙན་སེང་ཞུས་ཡོད་འདུག་ པ་དེ་ནི་ཤེས་བཞིན་དུ་་་མཉམ་འབྲེལ་རྒྱལ་ཚོགས་་་དམའ་འབེབས་དང་མཐོང་ཆུང་གི་མཆུལ་ཞགས་གདོང་ལ་འཕངས་པ་ཞིག་རེད།
མ་ཟད་ད་ནས་ང་ཚོའང་རྒྱ་ནག་གི་གཡོ་གཏམ་དེ་ཡིད་ཆེས་གཏན་ནས་མི་རུང་པར་རང་ས་བརྟན་པོར་ལངས་རྒྱུ་དེ་རེད།
རྒྱ་ནག་གཞུང་གིས། བོད་ཀྱི་གནད་དོན་ཐད་ཏཱ་ལའི་བླ་མའི་སྐུ་ཚབ་དང་མཉམ་དུ་ལྷག་བསམ་ཟོལ་མེད་ཀྱིས་འབྲེལ་མོལ་བྱ་རྒྱུ་དང༌། ཕན་ཚུན་གྱི་དཀའ་རྙོག་དེ་འབྲེལ་མོལ་གྱིས་ལམ་ནས་སེལ་ཐུབ་པའི་རེ་བ་ཡོད། ཅེས་སྐད་ཆ་རྙིང་བ་ཞིག་བསྐྱར་ཟློས་བྱས་དེ་སླར་ཡང་འཛམ་གླིང་མི་དམངས་ལ་སྤྲེལ་ལད་ཅིག་འཁྲབ་པ་མ་གཏོགས། བོད་བཙན་བྱོལ་གཞུང་དང་ལྷན་དུ་བོད་རྒྱ་ཞི་མོལ་བྱེད་ཀྱི་ཡིན་ཟེར་ནས་གླེང་མི་འདུག དེ་ནི་རྒྱ་ནག་སྲིད་གཞུང་གི་ནམ་རྒྱུན་རང་བཞིན་གྱི་གཡོ་སྒྱུའི་གཏམ་ཞིག་ལས། བོད་མི་དམངས་ལ་དགོས་འཁོ་ཡོད་པའི་གཏམ་གསར་བ་གང་ཡང་རེད་མི་འདུག ད་དུང་རྒྱ་ནག་གིས་བོད་ནང་གི་བཙན་གནོན་འོག་གནས་པའི་བོད་མི་དག་གི་བསྐོར་གང་ཡང་གླེང་མི་འདུག་པ་དེ་རེད། རྒྱ་ནག་འདི་བ་ཚང་གི་གཡོ་སྒྱུའི་བཤད་ལུགས་དེ་ལ་ངེད་ཅག་གི་མགོ་འཁོར་མི་རུང་བ་ཡིན། དེ་ལས་རང་རིགས་ཀྱི་རྐ་ལག་འགུལ་བསྐྱོད་བྱས་དེ་རྒྱ་ནག་སྲིད་གཞུང་གིས་བོད་རྒྱ་ཞི་མོལ་བྱེད་འདོད་ཡོད་ཅེས་ཚུར་ལ་འགྲེལ་བ་འཛིན་རོགས་བར་དུ་ངེད་ཅག་གི་ལས་འགུལ་སྤེལ་དགོས་ཀྱི་ཡོད་པ་རེད།