སུན་ཧྲུ་ཡང་ནི་རྒྱ་ནག་གི་རྩོམ་པ་པོ་ཆ་འ
ཇོག་ཆེ་ཤོས་དང་། ཤུགས་རྐྱེན་ཆེ་ཤོས་ཤིག་ཡིན། ཁོང་གིས་དཔེ་དེབ་མང་པོ་བརྩམས་པར་གྲགས། དེ་ལས་ཀྱང་རྒྱ་ནག་ཀློག་པ་ཞེས་པའི་དེབ་དེ་བཏོན་པ་ནས་བཟུང་ཁོང་ལ་ཆ་འཇོག་ཇེ་ཆེ་དང་། ཤུགས་རྐྱེན་ཡང་ཇེ་ཆེར་ཕྱིན་ཟེར། ད་ཆ་ཁོང་གིས་བོད་ཀློག་པ་ཞེས་པའི་དེབ་ཅིག་བཏོན་འདུག
སུན་ཧྲུ་ཡང་གིས་བོད་ཀློག་པ་ཞེས་པའི་དེབ་དེ་གྲགས་ཅན་དཔེ་དེབ་ ༢༠༠ དང་བོད་འབྲེལ་དོན་བརྗོད་གློག་བརྙན་ ༥༠ ལྷག་ལ་བལྟས་རྗེས་བྲིས་ཤིང་ཐེངས་གསུམ་ལ་བསྐྱར་བཅོས་ཀྱིས་སྒྲིག་པ་ཡིན་ཟེར། ཁོའི་དེབ་དེ་ནི་རྒྱ་བཟའ་ཀོང་ཇོ་བོད་དུ་སླེབས་པ་ནས་མགོ་བཙུགས་ཤིང་། བོད་ཀྱི་དེ་རིང་དང་མ་འོངས་པའི་སྐོར་ལ་འགྲེལ་བཤད་དང་བཅས་མཇུག་བསྡུས་ཡོད་འདུག
སུན་ཧྲུ་ཡང་གིས་བཤད་དོན། འདི་ནི་སྤྱིར་བཏང་གི་ལོ་རྒྱུས་དང་ཆེད་ལས་པའི་ཞིབ་འཇུག་མིན་པར། མི་རྣམས་ཀྱིས་བོད་ཐོག་ལ་བཟུང་བའི་མགོ་རྙོག་ཅིག་རེད། འདི་ན་བོད་དང་བོད་མི་རིགས་རང་ལ་ཁེ་ཕན་གྱི་ཕྱོགས་ཤིག་ཡོད་པ་རེད། ཅེས་བརྗོད་འདུག
འདི་ཙམ་གྱིས་ག་ལ་ཚད། སུན་གྱིས་བཤད་དོན། ཁོང་ནི་འདོད་ཕྱོགས་གསུམ་ལ་འཐད་པ་མེད་ཟེར། ༡། ཕྱི་གླིང་བ་ནི་ཀྲུང་གོའི་བོད་ཀྱི་ཐོག་ལ་ཀྲུང་གོ་བ་ལས་ཀྱང་བརྩེ་བ་ཆེ་བར་བཤད་ན་ཡིད་མེ་ཆེས་པ་དང་། ༢། ནུབ་ཕྱོགས་པ་ཚོས་རྒྱ་ནག་གི་ལོ་རྒྱུས་དང་རིག་གཞུང་ལ་འཁྱོག་བཤད་བྱས་པ། ༣། ནུབ་ཕྱོགས་ཀྱི་གསར་འགྱུར་བརྒྱུད་ལམ་ཁག་ཅིག་གིས་བོད་དོན་ཐོག་གནས་ཚུལ་སྤེལ་སྟངས་བཅས་དོན་ཚན་གསུམ་གྱི་སྟེང་ཡིད་ཆེས་མེད་པར་བཤད་འདུག
ང་ཚོས་བོད་ཀློག་རྗེས།
ང་ཚོས་བོད་བསམ་དགོས།
དེ་རྗེས་ང་ཚོས་སྲུན་ཧྲུ་ཡང་གི་ངོ་གདོང་ངོ་མ་དེ་མཐོང་ངེས།
དེའི་རྗེས་ང་ཚོས་གནད་དོན་མང་པོ་ཞིག་ལ་ངེས་ཤེས་རྙེད་པ་མ་ཟད།
ང་ཚོས་མཛུབ་འདི་སུ་ལ་འཛུགས་དགོས་མིན་དེ་ཤེས་ངེས་རེད།
སྤྱིར་ངའི་བསམ་པར་བོད་པའི་ཤེས་ཡོན་ཅན་ཚོས་
རྒྱ་རིགས་ཀྱིས་བོད་པའི་སྐོར་བྲིས་པའི་རྩོམ་རིགས་ཀྱི་ཐོག་ལ་
བདེན་གཏམ་གང་བཤད་ཡོད་པར་རྗེས་སུ་ཡི་རང་དང་།
འཁྱོག་བརྗོད་རྫུན་གཏམ་གང་བཤད་ཡོད་པར་རྣག་ཐོག་བཙག་འཁེལ་གྱི་ལན་འདེབས་བྱ་རྒྱུ་ནི་ཤེས་ཡོན་ཅན་ཚོས་གཡོལ་དུ་མེད་པའི་ལས་འགན་ཞིག་རེད་བསམས།
དེར་བརྟེན་གནས་ལུགས་ཤེས་པའི་ཐོག་ནས་དཔྱད་བརྗོད་དང་དགག་རྒྱག་རྩོམ་རིགས་གང་མང་སྤེལ་གལ་ཆེ་བར་མཐོང་།
ཅི་སྟེ་འདི་ལྟར་གནང་ཚེ་བོད་རྒྱ་ཞི་མོལ་གྱི་ཁོར་ཡུག་ལ་འགལ་རྐྱེན་དུ་འགྲོ་སྲིད་དམ།
བོད་རྒྱ་ཞི་མོལ་གྱི་ཁོར་ཡུག་ཕྱོགས་གཉིས་ཀས་བསྐྲུན་དགོས་སྟབས།
ང་ཚོ་གཅིག་པུས་འགན་ཡོད་ཚད་འཁྱེར་དགོས་པ་ནི་ང་ཚོ་སེམས་ཆུང་བའི་སྐྱོན་མ་ཡིན་ནམ།
སུན་ཧྲུ་ཡང་གིས་ཁོང་གི་དེབ་དེ་ནི་སྤྱིར་བཏང་གི་ལོ་རྒྱུས་དང་ཆེད་ལས་པའི་ཞིབ་འཇུག་ལྟ་བུ་མིན་པར། བོད་ཀྱི་ཐོག་མི་རྣམས་མགོ་ཉོག་བསྡད་པ་དེ་ཐག་གཅོད་ཕྱོགས་ཀྱི་ལམ་ཁ་ཞིག་ཞིབ་ཆ་དང་ཁ་ཐུག་གིས་བསྟན་ཡོད་པར་བརྗོད་འདུག
ཁོའི་སྐད་ཆ་གཞན་ཞིག་ནི། བོད་དོན་ཐག་གཅོད་ཕྱོགས་ཐད་ཁོ་རང་བློ་གཟུ་བོར་གནས་ཡོད་ལུགས་དེ་རེད།
ཁོ་ངོ་མ་རྒྱ་ནག་དམར་ཤོག་ཚོགས་པའི་མགྲིན་ཚབ་ཀྱི་རྩོམ་པ་པོ་ཞིག་ཡིན་མིན་དང་། རྒྱ་ནག་གི་རྩོམ་པ་པོ་གྲགས་ཅན་གང་ཡིན་ང་ཚོས་རྩད་གཅོད་བྱས་ན་རེད། ད་སྐབས་རྒྱ་ནག་གི་རྩོམ་པ་པོ་ཞིག་ལ་སྐད་གྲགས་དང་ཤུགས་རྐྱེན་གཉིས་ཀ་ཡོད་དགོས་ཚེ་དམར་ཤོག་གི་ཕྱོགས་ཁག་ནས་ཡོང་ཁག་པར་འདོད། ལར་ནས། བོད་མི་ཚོས་དགའ་མོས་བྱེད་ཀྱིན་པའི་རྒྱ་ནག་གི་ཉམས་ཞིབ་པའམ་རྩོམ་པ་པོ་ཝང་ལི་ཞོང་དང་། ཁོའི་བཟའ་ཟླ་འོད་ཟེར་གཉིས་ཀྱིས་རྩོམ་པ་པོ་འདི་ངོ་ཤེས་ཐག་ཆོད་ཡིན་པས། ཁོང་གཉིས་ལ་འདྲི་བརྩད་ཀྱིས་དེབ་འདི་དང་འདི་རྩོམ་མཁན་གང་ཟག་བཅས་ལ་རྒྱུས་ལོན་བྱ་རྒྱུ་གལ་ཆེན་རེད། མ་གཞི་ནས་ད་སྐབས་སྐྱབས་མགོན་ཚང་དང་སྡེ་བ་གཞུང་གི་སྲིད་བྱུས་ནི་མི་འདིའི་རིགས་ལ་འབྲེལ་བ་འཛིན་རྒྱུ་དེ་ཡིན།
འདི་ནི་ལོ་ནག་འདིའི་ནང་གི་འུ་བོད་པ་ཚང་ལ་རྫོགས་རྒྱ་མེད་པའི་གོད་ཆག་གི་དུམ་བུ་ཞིག་རེད་ལ། ཤ་ཟོས་པས་མ་རྒྱག་པར་ཀོ་བ་མཉེ་འདོད་ཀྱི་གཡོ་རྒྱ་ཞིག་ལས་མ་འདས་པས་བདེན་པ་དག་སེལ་གྱི་ལན་འདེབ་ཞིག་གནང་ན་བཟང༌།
གོང་གི་གསར་འགྱུར་ནང་དུ། ༼འདི་ནི་སྤྱིར་བཏང་གི་ལོ་རྒྱུས་དང་ཆེད་ལས་པའི་ཞིབ་འཇུག་མིན་པར། མི་རྣམས་ཀྱིས་བོད་ཐོག་ལ་བཟུང་བའི་མགོ་རྙོག་ཅིག་རེད། འདི་ན་བོད་དང་བོད་མི་རིགས་རང་ལ་ཁེ་ཕན་གྱི་ཕྱོགས་ཤིག་ཡོད་པ་རེད། ༽ཅེས་པའི་བརྗོད་དུམ་འདིའི་དོན་བཤད་ཤེས་མཁན་ཡོད་དམ།
རྒྱ་རྒན་འདི་ཚོས་དེ་འདྲ་མང་པོ་བྲིས་ཡོད་རྒྱུ་རེད། འདིར་དེབ་དེ་ངོ་སྤྲོད་བྱེད་དོན་དེ་དེབ་དེའི་ནང་དེའི་དམིགས་བསལ་གྱི་བརྗོད་བྱ་གནད་ཅན་རེ་བྲིས་ཡོད་པ་རེད་དམ།
ཁོ་རང་གི་དེབ་དེའི་མིང་ལ་བོད་ཀློག་པ་ཟེར་བ་ལས་བོད་གཏོར་བ་ཞེས་བཏགས་ཡོད་ན་དངོས་ནས་ཕན་པོ་ཡོད་རྒྱུ་རེད། དེ་མ་གཏོགས་དེབ་དེ་འདྲ་ཞིག་ལ་ཆ་འཇོག་བྱེད་མཁན་ནི་རྒྱ་ནག་རང་གི་སྲིད་གཞུང་ནང་གི་མི་སྣ་ལོ་རྒྱུས་དང་དྲང་བདེན་ལ་བརྩི་མཐོང་མེད་མཁན་དག་གི་ཡིད་ཆེས་བྱེད་ས་ཞིག་ལས་གང་ཡང་མིན་ངེས་རེད།
རེད ཁོས་དོན་ཚན་གསུམ་པོ་འདིས་ ཁོ་ ནི་ཡང་རྒྱ་གཞུང་གི་ཀླད་མེད་དཔོན་རིགས་ཚོའི་རྒྱུག་ཁྱི་ཞིག་ཡིན་པ་རྟོགས་ཐུབ། ད་དུང་རྒྱ་གཞུང་གིས་ཁོ་ལ་མཐོང་ཆེན་དེ་འདྲ་དང་དངུལ་ཕོགས་ཀྱང་དེ་ཚོད་ཅིག་སྤྲོད་གྱིན་ཡོད་ཡོད་པ་རེད། ཁོའི་དོན་ཚན་གསུམ་དེས་ བོད་ཀློག་པ་ཞེས་པ་དེ་གང་འདྲ་ཞིག་ཡིན་པ་བསྟན་འདུག