བོད་ཀྱི་དུས་བབ་སྤྱིའི་འདོན་ཐེངས་ ༤༣༦ པའི་སྟེང་གི་རྩོམ་སྒྲིག་པའི་གཏམ།
ཉེ་ཆར་བཀའ་སྤྱི་གཉིས་ཀྱི་འཐུས་མི་དང་གཞུང་འབྲེལ་མ་ཡིན་པའི་ཚོགས་པ་རེ་ཟུང་གི་མི་སྣ་བཅས་ཀྱིས་གངས་སྐྱིད་ནས་མ་འོངས་པའི་ལས་འགུལ་སྤེལ་ཕྱོགས་སྐོར་ལ་བགྲོ་གླེང་ཞིག་གནང་སོང་ལ། ང་ཟུར་ཉན་དུ་བཅར་བ་ཡིན། ཉིན་དེའི་དྲི་བ་གལ་ཆེ་ཤོས་ཤིག་ནི་ང་ཚོ་གཅིག་ཡིན་ཅེས་པའི་འདུ་ཤེས་འདི་བཙན་བྱོལ་བོད་མི་ཚོར་གྲུབ་ཡོད་མེད་དང༌། མ་འོངས་པར་འབོད་ཚིག་འདིའི་འོག་ནས་ང་ཚོ་མཉམ་འབྲེལ་ཆགས་ཐུབ་མིན་སྐོར་རེད། ཁྱེད་ལ་དོགས་པ་འདུག་གམ།
ཉིན་དེར་ཤེས་རིག་བཀའ་བློན་ཐུབ་བསྟན་ལུང་རིགས་མཆོག་གིས། མཚམས་རེར་ང་ཚོའི་ལས་དོན་གནང་ཕྱོགས་ལ་བལྟས་ཡོང་དུས་ང་ཚོ་གཅིག་ཡིན་ཅེས་པའི་འབོད་ཚིག་འདིའི་འོག་ལ་བསྡུ་ཐུབ་པའི་གདེང་ཚོད་ཉམས་འགྲོ་གི་འདུག་ཅེས་གསུངས་སོང༌། དོན་དམ་ད྄ུའང་སྐབས་རེར་ང་ཚོས་རང་དབང་ལུང་པ་བཤད་ཀྱིན་དུ་རང་གི་ལུང་པ་རྩོད་མ་ཤེས་པའི་གནས་སྟངས་ཤར་ཡོང་གི་ཡོད། གང་ལྟར། ད་ནི་གནད་ལྗིད་པའི་ཉིས་སྟོང་དགུ་ལོ་སླེབས་ཚར་ལ། རྒྱ་ནག་གིས་ཀྱང་གོ་ལག་ཧྲག་བསྡུས་ཀྱིས་བོད་ས་གང་སར་མནན་ཡོང་གི་ཡོད་ཅིང༌། དམངས་གཙོའི་བཅོས་བསྒྱུར་ཞེས་པའི་མིང་བཏགས་ཀྱང༌། དོན་དམ་དུ་བོད་བཙན་བཟུང་བྱས་ཏེ་མི་ལོ་ ༥༠ འཁོར་བའི་རྒྱལ་ཁའི་རྒྱས་སྟོན་འཚོགས་གིན་ཡོད། སྐབས་འདིར་ང་ཚོས་སླར་ཡང་ཚོད་དཔག་ཐུབ་གི་མེད་པ་ནི་ལོ་སྔོན་མ་ལྟར། གཞིས་ལུས་བོད་མི་ཚོས་བོད་མིའི་སྐྱིད་སྡུག་མཉམ་མྱོང་ཅེས་པའི་འཕྲེད་དར་རིང་པོ་དེ་ཕྱར་ནས་ཡོང་གི་ཡོད་མེད་དེ་རེད། འདི་དག་མ་ཤེས་སྟབས་ང་ཚོས་གཞིས་ལུས་མི་དམངས་ལ་ཁྲིམས་མཐུན་གྱི་ལམ་སྟོན་དང་འཛམ་གླིང་གི་བོད་མི་མཐའ་དག་འབོད་ཚིག་འོས་འཚམ་ཞིག་གི་འོག་བསྡུ་མ་ཐུབ་པར་འདོད།
གཞི་རྩའི་ཆ་ནས་བཙན་བྱོལ་བོད་མི་ཚོར་ཡང་ང་ཚོ་གཅིག་ཡིན་ཅེས་པའི་འདུ་ཤེས་དེ་གྲུབ་ཚར་ཡོད་ལ། མ་མཐར་ཡང་ང་ཚོ་གཅིག་ཡིན་ཅེས་པའི་འབོད་ཚིག་འདིའི་འོག་ཡོང་བར་གྲ་སྒྲིག་ཡོད་པའི་བརྡ་ལན་དེ་ལོ་སྔོན་མའི་བོད་མིའི་དམིགས་བསལ་ཚོགས་ཆེན་གྱི་མཇུག་སྡོམ་སྟེང་ནས་ཐག་གཅོད་བྱས་ཡོད་པ་རེད། དེར་བརྟེན། ང་ཚོས་ཀྱང་བཙན་བྱོལ་གྱི་མི་ལོ་ ༥༠ དུས་དྲན་སྲུང་གཙིའི་སྐབས་དང་བསྟུན་ང་ཚོ་གཅིག་ཡིན་ཅེས་པའི་འབོད་ཚིག་གལ་ཆེན་འདི་གཞུང་འབྲེལ་གྱིས་ངོས་འཛིན་དང་སྒྲོག་སྦྱོང་གནང་དགོས་ལ། མ་འོངས་པར་ང་ཚོའི་མི་རིགས་དང་རྒྱལ་ཁབ་ཀྱི་ལས་དོན་མཐའ་དག་ཀྱང་འབོད་ཚིག་འདི་དང༌། འབོད་ཚིག་འདིའི་འདུ་ཤེས་ཀྱི་སྟེང་ནས་སྒྲུབ་ཐུབ་པ་ཞིག་བྱེད་དགོས་པར་འདོད། ད་བར་འཛམ་གླིང་གང་སར་ཁ་འཐོར་དུ་ཕྱིན་པའི་བོད་པ་རྣམས་ཀྱང་འབོད་ཚིག་འདིའི་འོག་ལ་བོས་ཏེ། བོད་ཕྱི་ནང་གི་གལ་ཆེའི་ལས་དོན་གྱི་ཐོག་ཕྱར་བ་གྲུ་འདེགས་ཡོང་བའི་ལམ་སྟོན་དང་གོ་སྐབས་གནང་དགོས་པར་འདོད་དོ།།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དྲ་གྲོགས་ཁྱེད་གཉིས་ས་སྟོང་དུ་འགོ་འཁོར་ནས་བསྡད་ཡོད་པ་འདྲ། མི་ཤེས་ན་ང་ཚོ་ཟིན་བྲིས་གང་རུང་ཞིག་ལ་སྐད་ཆ་གསལ་བོ་ཞིག་དྲིས་ཀྱང་ངོ་ཚ་བྱེད་དགོས་ནི་མ་རེད། བོད་པ་གཅིག་པ་རེད། ཤེས་པར་གྱིས། བོད་ཟེར་བ་ནི་གཅིག་ལས་གཉིས་མེད་དོ།
tashi delek for new book
དེབ་ལ་ག ཚོད་རེད།
ལུག་སྤང་ནས་བསད་ན། ར་བྲག་ནས་འདར། ཞེས་པ་གོ་ཨེ་མྱོང་། སྐད་རྒྱག་གིན་མ་འདུག ཕོ་ཁྱོ་ག་ཡིན་ན་སྙིང་སྟོབས་དང་རྣམ་དཔྱོད་ཁྱེར་ཤོག འཐབ་བྱུས་དང་ཆོད་སེམས་ཁྱེར་ཤོག དེ་མིན་ན་བློ་ཁོག་མེད་པའི་བླ་བཙོང་གི་སྐད་ཆ་བཤད་གིན་མ་འདུག
བར་སྐབས་ཤིག་ནས། བཙན་བྱོལ་བོད་མི་ཚོའི་སྐད་མགོ་ཇེ་དམའ་དང་། སེམས་ཇེ་ཆུང་ལ་བཏང་སོང་། ཐ ན་ལས་འགུལ་ཞིག་གི་འགོ་རྩོམ་ནའང་གཞིས་ལུས་མི་མང་གི་ཚེ་སྲོག་ལ་འགན་ལེན་བྱེད་དགོས་པ་ལྟར་དུ་གྱུར་འདུག དེས་མི་ཚད་ལོ་སྔོན་མར་བོད་མི་མང་པོ་ཞིག་གི་ཚེ་སྲོག་ཤོར་བ་དེ་དག་ད་ནི་ནང་ཁུལ་ནས་གཅིག་གིས་གཅིག་གི་སྟེང་ལ་འགེལ་རེས་དང་། མི་ཤ་དེ་དག་རྒྱ་ནག་གི་ལག་མགོ་ནས་ཕྱིས་ཏེ་བོད་མིའི་ལག་མགོ་ལ་འགེལ་རྩིས་བྱེད་ཀྱིན་འདུག རྒྱ་ནག་གིས་མི་ཤ་འདི་དག་ཏ་ལའི་བླ་མར་འགེལ་གྱིན་ཡོད་པ་རེད།
གལ་སྲིད་ང་ཚོས་རང་དབང་འཐབ་རྩོད་ཀྱི་དོན་དུ་ལས་འགུལ་སྤེལ་བ་འདི་དག་རང་གི་སྤུན་ཟླའི་སྲོག་ལེན་གྱི་ཉེས་དམིགས་ལ་འགྱུར་གྱིན་ཡོད་པ་དངོས་བདེན་ཡིན་ཚེ། ད་ནི་མཚམས་འཇོང་རན་པ་རེད། རྒྱལ་བ་རིན་པོ་ཆེས་ཀྱང་བོད་མི་རིགས་ཀྱི་བདེན་དོན་སྐོར་ལ་གསུང་བཤད་མི་གནང་བར་ཞུ་ཞེས་གསོལ་འདེབས་བྱ་དགོས་པ་རེད། དེ་མིན་ན་ནི་རང་རང་ལ་འཁྲི་བའི་ལས་ཀ་དང་རང་རང་གིས་ནུས་པའི་ལས་དེར་རང་རང་གི་སྟོབས་ཀྱིས་འཇུག་པར་བརྩོན་ཅིག་གུ། །།
ནོར་བཅོས།
འཆད་རྒྱུ་དང་
ཞེས་པ་དེ
འཆད་རྒྱུ་དེ་ཞེས་པར་བཅོས་རོགས།
ངས་དུས་རྒྱུན་དུ་ཤོད་བཞིན་པ་ནི།
ང་ཚོ་ཚང་མས་འཆད་རྒྱུ་དང་ཉུང་ཙམ་དང་།
བསྒྲུབ་རྒྱུ་དེ་མང་ཙམ་བསྒྲུབ་དགོས་ཀྱི་འདུག་ཅེས་ཤོད་བཞིན་ཡོད།
རང་ཉིད་ནས་འགོ་བརྩམ་དགོས་ཞེས་པའི་སྐད་ཆ་འདིར་བདེན་དོན་གྱི་ཆ་ཞིག་ཡོད་ངེས་བསམ།
ང་ཚོ་འདི་ལྟར་མི་ལོ་ལྔ་བཅུ་རྒྱབ་ཏུ་བསྐྱུར་ཟིན་ན་ཡང་ང་ཚོར་ཐོབ་པ་ནི་ཀླད་ཀོར་རེད་ཅེས་བརྗོད་ན་མི་འགྲིག་པ་ཨེ་ཡོད།
ད་དུ་མི་ལོ་དུ་མ་ཞིག་ལ་རེ་སྒུག་གི་གླུ་དབྱངས་གྱེར་བཞིན་འདུག་དགོས་པ་ཡིན་ནམ་ཅི།
སྤེལ་དགོས་པ་ལས་བོད་ནང་གི་ངེད་ཅག་ལ་བདེན་པའི་དབང་བོ་སྔར་ལོ་བྱས་ཟིན་པ་མ་ཟད། ཚེ་སྲོག་གི་འགྲོ་གྲོན་ཡང་མང་བོ་ཞིག་བཏང་ཚར་བ་རེད། ད་ལོ་ནི་དམིགས་གསལ་བོད་ནང་དུ་རེ་བ་བྱེད་མཁན་དག་ནི་རང་ཉིད་ལ་འགུལ་བསྐྱོད་བྱེད་འདོད་མེད་པའི་སྐུ་ངོ་དག་གི་བསམ་ཚུལ་དེ་དག་ལ་ད་ནི་འགྱུར་བ་གཏོང་དགོས་པ་ལས། བོད་ནང་གི་ག་རེ་བྱུང་ཡོང་མི་ཤེས་པ་ཟེར་བ་སོགས་བོད་ནང་གི་བོད་མི་དེ་དག་སླར་ཡང་ཡར་བླངས་བྱེད་པར་སྐུལ་བ་ལྟ་བུས་ཚིགས་དེ་འདྲ་མ་གསུང་ན་ཡག་པོ་རེད། ད་ལོ་ན་ཕྱི་བསྡོད་བོད་མི་གནད་ཡོད་མཁས་པ་དང་ཆབ་སྲིད་པ་དག་གི་སྣེ་འཁྲིད་ནས་འཛམ་གླིང་མི་དམངས་ལ་བོད་ཟེར་བ་ནས་གཅིག་ལས་གཉིས་མེད་པ་དེ་ར་སྤྲོད་བྱེད་རྒྱུའི་དུས་ཚོད་གལ་ཆེན་ཞིག་ཆགས་ཡོད་པ་མ་ཟད། ལོ་ངོ་བཅུ་ཕྲག་གཅིག་ལྷག་བྱིན་ཡང་གར་སོང་མི་ཤེས་པའི་ཆུང་སྲིད་རིན་པོ་མཆོག་གི་གཙོ་བའི་བོད་ནང་གི་བོད་མི་ཆབ་སྲིད་བཙོན་པ་ཡོད་ཚད་ཆ་རྐྱེན་གང་ཡང་མེད་པས་སྒོ་ནས་གློ་གྲོལ་གཏོང་དགོས་པར་ལས་འགུལ་སྤེལ་མ་ཐུབ་པ་ཡིན་ན། བོད་ཕྱི་བསྡོད་པ་དག་ནི་ཁ་ལས་ལག་མེད་མཁན་གྱི་བོད་མི་ཞིག་ཆགས་པ་རེད་ཅེས་ཟེར་ན་འདོད། ད་ནི་བོད་ཕྱི་བསྡོད་པ་ཚོས་ཁ་མཁས་པོ་རེ་བཤད་དེ་འདུག་པའི་དུས་ཚོད་ནི་གཡོལ་ཟིན་པ་ཤེས་པར་བྱེད་དགོས་ཀྱི་འདུག འདིའི་ཐད་དུ་བསམ་ཚུལ་འདྲ་མིན་གླེང་མཁན་ཡོད་ན་མུ་མཐུད་དུ་ཕེབས་ནས་ངེད་ཅག་གི་གོང་ནས་བཀའ་གཏོང་མཁན་དང་ངེད་ཅག་དང་འདྲ་མཉམ་ཡིན་པའི་མི་དམངས། བཙན་བྱོལ་མི་དམངས་ལ་སྐུལ་འདེད་ཤུགས་ཆེན་བྱེད་དགོས་ཀྱི་འདུག
ད་གཉིས་ལས་སད་འདོད་ཡིན་ན་ཡག་པོ་རེད་དེ། ཡང་བསྐྱར་གཉིད་དུ་གཡུར་འདོད་ཡིན་ན་རྒྱ་ནག་གི་འདོད་ཐོག་དང་བོད་ནང་གི་བོད་མི་དེ་དག་གི་ཚེ་སྲོག་ལ་འགན་ལེན་བྱེད་མ་ཐུབ་པའི་ལས་འགུལ་གང་ཞིག་སྤེལ་ཡང་དེ་དག་ལ་རྒྱབ་སྐྱོར་བྱེད་རྒྱུ་དངོས་ནས་ཁག་པོ་རེད། ད་ལོ་བོད་ནང་ལས་བོད་ཕྱི་ལོག་གི་བཙན་བྱོལ་གཞུང་གཙོ་བྱས་དེ་ལས་འགུལ་