ང་ལ་ལོ་གསར་མེད། མྱ་ངན་གྱི་སྙན་ངག་འབྲི །

དྲ་གྲོགས་མེ་འོད་ལགས། བསམ་ཚུལ་བཤད་པ་ཆ་ཚང་ཀློག་ཚར་བ་ཡིན། ལན་ལྟ་བུ་ཞིག་ངའི་ཟིན་བྲིས་སྦྲ་རྒན་ནག་ལྡང་ནང་ལ་ཕེབས་དང་དེ་ན་མདོར་བསྡུས་ཤིག་བཤད་ཡོད།

སྙན་ངག་ལ་སྙིང་པོ་མེད་པར་ལྟ་བའི་བོན་རྒྱ་བསྟན་འཛིན་རབ་རྒྱས་དང་སྙན་ངག་ལ་ཉོབ་ཚར་བའི་བཙན་སྲས་ཁྲུག་འཐུང་གཉིས་ལ་སྙན་ངག་ཐད་ཀྱི་སྐད་ཆ་དང་གནས་ལུགས་བཤད་ཀྱང་ཕལ་ཆེར་ཉན་རྒྱུ་མ་རེད་མོད། ཡིན་ནའང༌། བོད་ཀྱི་སྙན་ངག་ཡིན་ན་ལ་གཞས་ཡིན་མི་དགོས་པའི་གནས་ལུགས་འདི་རྟོགས་སླ་བ་ཡིན་ཡང་ཁྱེད་གཉིས་ནས་ཨུ་ཚུགས་ཀྱིས་སྙན་ངག་ནི་ལ་གཞས་ཤིག་རེད་ཟེར་ན་ར་སྤྲོད་བྱེད་ཐབས་ཤིག་མི་འདུག གང་ལྟར། བོད་ཀྱི་སྙན་ངག་ལ་དམངས་གཞས་དང་མགུར། གླུ། མེ་ལོང་མའི་ལུགས་ཀྱི་སྙན་ངག་དང་དེང་རབས་སྙན་ངག་སོགས་མང་པོ་ཡོད། དམངས་གཞས་ལ་ཡང་ཆང་གཞས་དང་མཛའ་གཞས། སྒོར་གཞས་སོགས་ཡོད་ལ། གླུ་ལ་ཡང་དེ་བཞིན་དུ་འབྲོག་གླུ་དང་མཛའ་གླུ་སོགས་ཡོད་པ་ཤེས་སླ་མོ་ཞིག་རེད། གླུ་དང་མགུར། ལ་གཞས་སོགས་ཀྱི་དབྱངས་རྟ་གྱེར་སྟངས་གྱི་ཆ་ལ་ཁྱད་པར་ཡོད་པས་དེ་ལྟར་དབྱེ་བ་བྱུང་བ་རེད། རིམ་གྱིས་འཕེལ་འགྱུར་གྱི་ཁྲོད་དུ་མགུར་གྱི་བརྗོད་བྱའི་ཆ་ལ་འགྱུར་ལྡོག་བྱུང་ནས་དེང་སང་མགུར་ཟེར་དུས་བརྗོད་བྱ་དོན་གྱི་ཆ་ནས་ངོས་འཛིན་བྱེད་མཁན་ཡོད། བོད་ཀྱི་སྙན་ངག་ལས་ལ་གཞས་དང་གླུ་སོགས་ལ་སྙིང་པོ་མི་འདུག་ཟེར་ན་བོད་ཀྱི་འཚོ་བ་དང་ཡུལ་སྲོལ་གོམས་གཤིས་ཀྱིས་བསྡུས་པའི་རིག་གཞུང་ལ་སྙིང་པོ་མི་འདུག་ཟེར་བ་དང་གཅིག་པ་མ་ཡིན་ནམ། གཞན་ང་ཚོ་བོད་ཀྱི་སྙན་ངག་ལ་སྐྱེས་ཆེན་དམ་པའི་རྣམ་ཐར་སྲོག་ཏུ་བྱས་པའི་རྟོགས་བརྗོད་སྙན་ངག་རྟག་ཏུ་ངུའི་རྟོགས་བརྗོད་ལྟ་བུ་ཡོད་ལ། ལྟ་བའི་ངེས་ཤེས་སྲོག་ཏུ་བྱས་པའི་སྙན་ངག་རྟེན་འབྲེལ་བསྟོད་ལྟ་བུ་དང༌། རྟོགས་པའི་ངེས་ཤེས་སྲོག་ཏུ་བྱས་པའི་སྙན་ངག་རྗེ་མི་ལ་རས་པའི་གསུང་མགུར་ལྟ་བུ་ཡོད། འདི་དག་སྙན་ངག་མིན་ཟེར་ས་མི་འགྲོ་གི། འོན་ཀྱང་སྙན་ངག་འདི་དག་ལ་སྙིང་པོ་མི་འདུག་ཟེར་ན་སྟོན་པ་ཐུགས་རྗེ་ཅན་གྱི་མདོ་སྔགས་གཉིས་ཀྱིས་བསྡུས་པའི་བསྟན་པ་ལ་སྙིང་བོ་མི་འདུག་ཟེར་བ་དང་གཅིག་པ་མ་ཡིན་ནམ། ངས་གོང་དུ་དཔེ་བཀོད་པའི་རྗེ་བདག་ཉིད་ཆེན་པོ་དང་རྗེ་མི་ལ་རས་པས་མཛད་པའི་སྙན་ངག་འདི་དག་ལ་གཞས་རེད་ཟེར་ན་ཁྱོད་ལ་རྒྱུ་མཚན་ཞིག་ཡོད་མེད་སྙན་ངག་དེ་དག་རང་ངོས་ནས་ཐག་གཅོད་ཚར་བས་ན་ཨུ་ཚུགས་རྒྱག་ས་ཞིག་མི་འདུག། གཞན་བོད་ཀྱི་སྙན་ངག་གི་ལམ་ནས་མྱ་ངན་བྱེད་སྲོལ་མེད་ཟེར་བ་འདི་ལས་སྐད་ཆ་དགོད་བྲོ་ཞིག་མི་འདུག དགེ་འདུན་ཆོས་འཕེལ་གྱི་ཆུང་གྲོགས་རྗེས་དྲན་ཐེངས་གཅིག་བཀླག་པར་འཚལ། ཐག་རིང་ཞིག་བསྟན་ན་མཐོང་དཀའ་གི་རེད། ཐག་ཉེ་ཞིག་བསྟན་ན། ཕྱི་ལོ་༢༠༠༠ལོར་དཔར་བསྐྲུན་བྱས་པའི་ཨ་ལགས་གུང་ཐང་ཚང་གི་རྗེས་དྲན་སྙན་ངག་ཕྱོགས་བསྒྲིགས་བྱང་ཆུབ་མཆོད་པའི་མེ་ཏོག་ཅེས་པ་དེ་ཡང་ཞིབ་ཏུ་ཀློགས་རོགས།
གཞན་ཁྱེད་རྣམ་པ་གཉིས་ལ་དྲི་བ་ཁ་ཤས་འདུག ཁྱེད་གཉིས་ནས་ལ་གཞས་ཟེར་བ་དེ་ག་འདྲ་ཞིག་ལ་ངོས་འཛིན་གནང་གི་ཡོད། དེ་ལས་སྙན་ངག་གི་ངོ་བོར་གྱུར་བའི་ཚད་མཐོ་བའི་ལ་གཞས་ཟེར་བ་དེ་ག་འདྲ་ཞིག་ལ་ངོས་འཛིན་བྱེད་ཀི་ཡོད། ཚད་མཐོ་ས་ཞིག་ལ་མ་སླེབ་པའི་ལ་གཞས་ཟེར་བ་དེ་ག་འདྲ་ཡིན། དེ་ལྟ་བུའི་ཚད་མཐོ་སར་སླེབ་མེད་པའི་ལ་གཞས་ཤིག་ཡོད་ན་དེ་སྙན་ངག་ཡིན་ནམ་མིན། མ་གཞི་ནས་ལ་གཞས་ཤིག་ཡིན་དུས་སྙན་ངག་ཡིན་ནམ་མིན། དྲི་བ་འདི་དག་སྣང་མེད་དུ་བཞག་ན་ང་ཚོའི་བགྲོ་གླེང་གི་ཁོར་ཡུག་ལ་གཙོག་གྲིབ་ཐེབས་ཀི་རེད། དེ་བས་ཁྱེད་རྣམ་པ་གཉིས་ནས་དྲི་བ་འདི་དག་ལ་ཐོག་མར་ལན་འདེབས་གསལ་བོ་ཞིག་གནང་བར་འཚལ། སྐད་ཆ་ལ་བགྲོ་གླེང་གི་རྣམ་པ་ལྡན་པའི་རེ་བ་ཡོད།
འདྲེ་མིག་གསུམ་གྱིས་གུས་ཕུལ།

ཚེ་རིང་སྐྱིད་ལ་བཤད་རྒྱུར། བདེན་པ་རེད། ཁྱོད་དང་ང་ལྟ་བུ་ནི་བོད་ཁབ་ཅན་གྱི་ཞབས་འདྲེན་ལས་ཅི་ཡང་མ་རེད། སྐྱེས་བ་གཞན་གྱིས་ཤེས་ནི་མ་རེད་ལ་གསོན་པའང་གོ་རྒྱུ་མ་རེད།
དོན་འགྲུབ་རྒྱལ་བོད་ཀྱི་རིག་གཞུང་གི་ཐད་ལ་བྱས་རྗེས་ཆེན་པོ་ཡིན་པ་དེ་ཁྱོད་ལས་ངས་ཤེས་ཡོད་རྒྱུ་རེད། དེའི་ཕྱིར་སངས་རྒྱས་ལ་ཀ་ཁ་མཛའ་ནི་མ་རེད། ལྷ་བཟང་ཚེ་རིང་དང་འཇམ་དབྱངས་ནོར་བུ་གཉིས་ཀྱང་རྩོམ་པ་པོ་ཡིན་རྒྱུ་རེད། ངས་མི་ཤེས། ངས་རྩོམ་པ་པོ་མ་རེད་ཅེས་བཤད་མེད། ལྷ་བཟང་གི་དུག་སྦྲང་ལས་འགུལ་ཟེར་བ་དེ་དང་འཇམ་ནོར་གྱི་མི་ཁ་ཤས་གསོད་པར་ང་མི་སྐྲག་ཟེར་བ་དེ་གཉིས་ལ་ང་དགོད་རྒྱུ་ཡོང་གི། དེའི་ཐད་ནསཁྱེད་ཀྱིས་ང་ལ་ལན་བསྐྱོན་མི་འདུག ཕལ་ཆེར་ངས་ཅི་ཞིག་བཤད་ཀྱི་ཡོད་པ་ཤེས་མེད་པ་ཡིན་ཀྱང་སྲིད། ལན་འབྲི་ན་འདོད་ན་དེ་ལ་ཕྲིས་དང་ཡུན་གྱིས་བཤད་ཆོག གཞན་ཁྱེད་ཀྱི་དུངས་ཞེན་ལ་ཕོགས་པ་ཙམ་ཞིག་གིས་བཤད་ཀྱིན་ཡོད་ན་དེ་དཔྱད་བརྗོད་པའི་སྐད་ཆ་ཡིན་ནི་མ་རེད། དུངས་ཞེན་ལ་ཐུག་དུས་འདར་ར་ར་བྱེད་མཁན་ཚོ་ནི་ཀླད་ལྗང་བ་དང་རྗེས་ལུས་བའི་རང་བཞིན་རེད། གཞན་བཤད་རྒྱུ་ཞིག་ལ། རྩོམ་རིག་ནི་རྒྱ་མཚོ་ལྟ་བུ་ཞིོག་ཡིན་ན་སྙན་ངག་ནི་དེ་ལས་གྱེས་བའི་ཡུར་ཆུ་ཞིག་རེད། ཡུར་ཆུ་དེའི་ཁ་ལ་དུག་སྦྲང་མང་པོ་འཁོར་ནི་རེད། དེ་ལ་ཧང་སངས་དགོས་པ་དེ་འདྲ་ཅི་ཡང་མ་རེད། དོན་འགྲུབ་རྒྱལ་ལྟ་བུ་ཡིན་ནའང་སྙན་ངག་ལ་མང་པོ་འཐམས་ནས་བསྡད་མྱོང་ནི་མ་རེད། སྙན་ངག་ནི་ཆང་འཐུང་དུས་དང་འཁྱམ་འཁྱམ་ལ་བསྐྱོད་དུས་ཁེར་སྡུག་གིས་ཤི་ལ་བྱེད་དུས་སོགས་ནི་ཁོ་འབྲི་བའི་དུས་སྐབས་རེད། སྙན་ངག་གིས་སྤྱི་ཚོགས་ལ་ལམ་སྟོན་བྱེད་རྒྱུ་ཡིན་ཟེར་ན་ནོར་འཁྲུལ་རེད་ལ་སྟོང་བསམ་ཡང་རེད། དེའི་ཕྱིར་ཤེས་ཡོན་པ་ཚད་མཐོ་ཞིག་བྱེད་ན་སྙན་ངག་ཁོ་ནར་འཐམས་ནས་འདུག་ཉན་ནི་མ་རེད། ཕྱོགས་དེ་འདྲ་མང་པོ་ཞིག་ལ་བསམ་བློ་བཏང་ནས་ངས་སྙན་ངག་ནི་ཚད་མཐོ་བའི་ལ་གཞས་ཤིག་རེད་ཅེས་བཤད་པ་ཡིན།

སྐུ་ཞབས་ phantom ལགས་སུ་ཧི་མ་ལ་ཡའི་བོད་ཡིག་གཏག་ཐབས་ཀྱི་མཛུབ་སྟོན།

སྐུ་ཞབས་ Phontom ལགས། བོད་ཀྱི་དུས་བབ་དྲ་ཚུགས་སུ་ཕེབས་པར་དགའ་བསུ་ཞུ། ང་ཚོས་འདི་ནས་གང་ཡོང་ཅི་ཐུབ་ཀྱིས་ཁྱེད་ཅག་ལ་ཞབས་ཞུ་དང་ལམ་སྟོན་ཞུ་ངེས་ཡིན། གལ་ཏེ་སྐུ་ཉིད་ཀྱི་གློག་ཀླད་སྒེའུ་ཁུང་། ( VISTA ) ཡིན་ན། ཐོག་མ་ནས་ཧི་མ་ལ་ཡའི་བོད་ཡིག་མཉམ་སྦྱར་བྱས་ཡོད་སྟབས། ཁྱོད་ལ་དཀའ་ངལ་གང་ཡང་འཕྲད་མི་སྲིད། འོན་ཀྱང་། གློག་ཀླད་སྒེའུ་ཁུང་ ( XP ) ཡིན་ན། ང་ཚོའི་དྲ་བའི་མདུན་ངོས་དང་། ཡང་ན་འབྲེལ་ཡོད་དྲ་ཚུགས་གཞན་ནས་ཧི་མ་ལ་ཡའི་བོད་ཡིག་ཕབ་ལེན་དང་ནང་འཇུག་བྱས་ཤིང་། ཐེབ་གཞུང་ལས་ Tibetan ( PRC ) གདམས་པ་ཡིན་ན། གཞི་ནས་ང་ཚོའི་དྲ་བའི་སྟེང་གི་གནས་ཚུལ་དག་ལ་འདོད་མོས་ལྟར་དཔྱད་གཏམ་སྤེལ་ཐུབ།
དེ་མིན། སྐུ་ཉིད་ཀྱི་སེ་ཨར་སེ་གཡུ་མཚོ་དང་། པཎ་ཊི་ཏ། སྨོན་ལམ་བོད་ཡིག་གཉིས་པ་བཅས་ཀྱི་ནང་གཏག་ཡོད་པའི་རྩོམ་ཡིག་རྣམས། གློག་ཀླད་ནང་གི་མཉེན་ཆས་ ( WordPad ) ནང་བཞག དེའི་རྗེས་ ( UDP ) ནང་བཞག དེ་ནས་བསྐྱར་དུ་ ( Microsoft Word ) ནང་བླངས་པ་ཡིན་ན། ཧི་མ་ལ་ཡའི་ཡིག་གཟུགས་སུ་ཐད་སྒྱུར་བྱས་ཡོད། གོ་རིམ་དེ་དག་མ་ནོར་བར་བགྲོད་ན། མཛུབ་གནོན་གཞན་ཀྱི་སྟེང་གཏག་ཡོད་པའི་སྐུ་ཉིད་ཀྱི་བརྩམས་ཆོས་དག་བདེ་བླག་ངང་ཧི་མ་ལ་ཡའི་ཡིག་གཟུགས་ནང་བསྒྱུར་ཐུབ་ཅིང་། ཧི་གཟུགས་ཀྱིས་བཟོས་ཡོད་པའི་དྲ་ཚུགས་དག་ཏུ་འགོད་ཐུབ་ལགས།

བོད་རྒྱལ་ཁབ་དང་བོད་མི་རིགས་ཀྱི་ཆེད་དུ་ལས་འགུལ་ཅི་ཞིག་སྤེལ་ན་སྙིང་ཐེག་པ་ནས་རྒྱབ་སྐྱོར་ཡོད། བཙན་བྱོལ་བ་ན་གཞོན་དཔང་ཁག་ཅིག་གིས་ད་ལོའི་བོད་ནང་གི་དོན་རྐྱེན་ཁྲོད་འདས་གྲོངས་སུ་སོང་བའི་རྒྱལ་གཅེས་དཔའ་བོ་དཔའ་མོ་དག་གི་ཆེད་དུ་སྙན་ངག་བྲིས་ན་ཁྱོད་བཙན་ཁྲག་འཐུང་ཉོབ་དགོས་དོན་ག་ལ་ཡོད།

སྙན་ངག་ལ་ངོ་མ་ཉོབ་སོང་།

སྟོན་པའི་སྐུ་དང་། ཏཱ་ལའི་བླ་མའི་སྐུ་མདུན་ནས་དེ་འདྲ་བཤད་ནས་གད་ཡོང་།

ལབ་དེ་འདྲ་སྔོན་ཆད་དོན་འགྲུབ་རྒྱལ་གྱིས་བརྒྱབ་པ་རེད། ངས་ཀྱང་བརྒྱབ་ཡོད།

ལྷ་བཟང་ཚེ་རིང་གིས་ཀྱང་༢༠༠༨་ལོར་ཁོས་རྒྱ་ནག་ནང་དུ་དུག་སྦྲང་གི་ལས་འགུལ་སྤེལ་གྱི་ཡིན། རྒྱ་རྒན་ཚོའི་ཡིག་སྒམ་ཞིག་གི་ནང་ལ་ཆུ་ཕོར་བ་གང་བྱོ་ཐུབ་ན་འགྲིག་གི་རེད་ཅེས་བཤད་པ་རེད། ཡིན་ནའང་༢༠༠༨་ལོར་ཁཽ་དུག་སྦྲང་ཚོ་ཤར་གངས་པོ་ནས་ཤི་སོང་བ་ཡིན་ནམ་གོ་རྒྱུ་གྲག་རྒྱུ་ཅི་ཡང་མི་འདུག

ད་དུང་འཇམ་དབྱངས་ནོར་བུས་ཀྱང་རྒྱ་མི་ཁ་ཤས་གསོད་པར་ང་མི་སྐྲག་ཞེས་བཤད་པ་རེད།
ངོ་མ་ང་དགོད་ཀྱི་ཡོང་གི་ཡ། ཆབ་སྲིད་པ་འདི་ཚོ་ནི་བྱིས་པ་སྨྱོན་པ་ཞིག་དང་འདྲ་བོ་རེད་ཅེས་བཤད་ནའང་། ཧམ་ཐལ་ཆེན་པོ་མ་རེད་ཡ།

སློབ་མ་ཚོས་སྙན་ངག་གྱེར་བ་ཡག་པོ་རེད། རྒྱང་རིང་ནས་ཉན་པ་ལྟར་ན་ཨ་ཁུ་རྡོ་རྗེ་དབང་ཕྱུག་དང་ལྷ་ལུང་ཨ་འཇམ་ཚོའི་དྲིན་ལ་ནོར་གླིང་གི་བྱིས་པ་ཚོ་ཡང་སད་ཀྱི་ཡོད་རབས་ཤིག་གོ་སོང་།
ཡིན་ནའང་། སྙན་ངག་ལ་བལྟས་ནས་ཞི་དྲག་གི་འདུ་ཤེས་དབྱེ་ཐུབ་ནི་མ་རེད།
སྙན་ངག་ནི་ཚད་མཐོ་བའི་ལ་གཞས་ཤིག་རེད། དེ་ལ་སྙཱིང་བོ་ཅི་ཡོད།