གཞོན་ནུས་༧གོང་ས་མཆོག་བརྟན་བཞུགས་ཕུལ་བ་ནི་གང་གི་མཛད་འཕྲིན་ལ་བཀའ་དྲིན་དང་དད་གུས་བྱེད་དང་། རང་གི་དབུ་ཁྲིད་དང་དད་པ་དམ་ཚིག་བརྟན་པོ་མཚོན་བྱེད་ཡིན་པ་མ་ཟད། གཞོན་ནུ་ལྷན་ཚོགས་ཀྱི་དམིགས་ཡུལ་དང་གྲོས་ཆོད་རྣམས་མུ་མཐུད་ནས་ལྷག་བསམ་རྣམ་དག་ངང་སྒྲུབ་རྒྱུའི་དམ་བཅའ་འབུལ་བའི་ཆེད་དུ་ཡིན། ཅེས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཞོན་དོན་གྲུབ་རྡོ་རྗེས་འདི་ག་གསར་ཁང་ལ་བརྗོད་བྱུང༌།
ཚེས་ ༡༤ ཉིན་གནས་མཆོག་ཝ་རཱ་ཎཱ་སིར་བོད་ཀྱི་གཞོན་ནུ་ལྷན་ཚོགས་ནས་༧གོང་ས་མཆོག་ལ་བརྟན་བཞུགས་ཕུལ་ཡོད་པ་དང༌། དེ་ནི་སྤྱི་ལོ་ ༢༠༠༨ ལོར་རྒྱལ་ཡོངས་བོད་ཀྱི་གཞོན་ནུའི་ཚོགས་ཆེན་ཐོག་གྲོས་ཆོད་བཞག་པའི་འབྲུ་དོན་ལྟར་ཡིན་འདུག དབུས་གཞོན་ནུ་ཚོགས་པའི་ཚོགས་གཞོན་དོན་གྲུབ་རྡོ་རྗེས་འདི་གའི་གསར་ཁང་ལ་བརྗོད་དོན། ལོ་སྔོན་མའི་ཟླ་ ༧ པར་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་མི་ནཱ་ལི་ནས་འཚོགས་སྐབས། གཞོན་ནུའི་ས་གནས་ཚོགས་གཙོ་རྣམས་ཀྱིས་༧གོང་ས་མཆོག་ལ་གཞོན་ནུ་ལྷན་ཚོགས་ཀྱི་ངོས་ནས་བརྟན་བཞུགས་རྒྱས་པ་ཞིག་འབུལ་རྒྱུའི་བསམ་ཚུལ་བྱུང་ལ། སྐབས་དེར་༧གོང་ས་མཆོག་གི་སྐུ་ཁམས་བདེ་མིན་བྱུང་བ་སོགས་ཀྱིས་གཞོན་ནུ་ལྷན་ཚོགས་ཀྱིས་༧གོང་ས་མཆོག་ལ་བརྟན་བཞུགས་འབུལ་རྒྱུའི་གྲོས་ཆོད་བཞག་ཡོད་པ་རེད། དེ་རྗེས་སྐུ་སྒེར་ཡིག་ཚང་ལ་སྙན་ཞུ་ཕུལ་ཡོད་ཀྱང་ཐེངས་འདིར་སྐུ་སྒེར་ཡིག་ཚང་ནས་དགོན་པ་དང་ཚོགས་སྡེ་གཞན་པ་དང་མཉམ་དུ་གོ་སྒྲིག་བྱས་འདུག ང་ཚོར་བརྟན་བཞུགས་རྒྱས་པ་འབུལ་བར་གདམ་ག་དང་གོ་སྐབས་མ་བྱུང་བར་སྐུ་སྒེར་ཡིག་ཚང་གི་གོ་སྒྲིག་ལྟར་འབུལ་དགོས་བྱུང༌སོང་། ཞེས་གསུངས་བྱུང༌། ཁོང་གིས་མུ་མཐུད་ནས། ཐེངས་འདིར་ཁཱེ་ནཱ་ཌའི་རྒྱལ་སའི་ས་གནས་གཞོན་ནུའི་རྒྱུན་ལས་དང༌། ཨ་རིའི་རྒྱལ་སའི་ས་གནས་གཞོན་ནུའི་རྒྱུན་ལས། རྒྱ་བལ་འབྲུག་གསུམ་གྱི་ས་གནས་གཞོན་ནུའི་རྒྱུན་ལས་སོགས་ཁྱོན་བསྡོམས་ས་གནས་ཁག་གི་རྒྱུན་ལས་ ༡༨༠ ལྷག་ཕེབས་ཡོད། ད་ཐེངས་ཀྱི་བརྟན་བཞུགས་འདི་ནི་༧གོང་ས་མཆོག་ལ་གཞོན་ལྷན་ངོས་ནས་བརྟན་བཞུགས་འབུལ་ཐེངས་ ༣ པ་ཡིན་ལ། གཞོན་ནུ་ལྷན་ཚོགས་ཀྱི་ངོས་ནས་བརྟན་བཞུགས་འབུལ་བ་ཙམ་ཁོ་ན་མ་ཡིན་པར་འབྱུང་འགྱུར་མུ་མཐུད་ནས་གཞོན་ནུ་ཚོགས་པའི་རྩ་བའི་ལངས་ཕྱོགས་ལ་འགན་བླངས་ནས་གཞོན་ནུ་ཚོགས་པའི་རྩ་བའི་དམིགས་ཡུལ་བཞིན་ལས་དོན་སྒྲུབ་པའི་དམ་བཅའ་ཕུལ་བ་ཡིན་ལ། ༧གོང་ས་མཆོག་གི་སྐུ་ཚེ་བརྟན་རྒྱུ་དང་རང་གི་དབུ་ཁྲིད་དང་དད་པ་དམ་ཚིག་བརྟན་པོ་མཚོན་བྱེད་དུ་ཡིན། ཞེས་གསུངས་བྱུང༌། ཐེངས་འདིའི་བརྟན་བཞུགས་འབུལ་མཁན་ནི་མདོ་སྨད་ཆོལ་ཁ་དང་བྱང་རྩེ་བླ་སྤྲུལ་ལྷན་ཚོགས། ཨ་མདོ་འཕེལ་རྒྱས་འདས་པོའི་ནང་མི། བལ་ཡུལ་ཏྲེ་ཧོར་ཐུབ་བསྟན་དཔལ་འབྱོར་ཁྱིམ་ཚང༌། རྡ་ས་བློ་གྲོས་དཔལ་འབྱོར་ཁྱིམ་ཚང༌། ཤི་ལི་གྷི་རི་ཡི་སཱ་ལི་གྷ་རིར་ཡོད་པའི་སྲད་རྒྱུད་གྲྭ་ཚང་གི་མ་དགོན། བོད་ཀྱི་གཞོན་ནུ་ལྷན་ཚོགས་བཅས་ཡིན་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དོན་ངོ་མར་བཤད་ན། གཞོན་ནུ་ལ་དཀའ་ངལ་ཆེན་པོ་ཞིག་འཕྲད་ཡོད། ཁོང་ཚོར་དཀའ་ངལ་དེ་ཁ་ཐུག་ཏུ་མ་འཕྲད་པར་སྐོར་ནས་འཕྲད་ཡོད། རྒྱ་བོད་གཉིས་ཐད་ནས་འཕྲད་ཡོད། གཞུང་མང་དྲག་ཚོགས་ཆུང་ནི་དཀའ་ངལ་འདིའི་རྩ་བར་གྱུར་འདུག
ད་ནི་སྐྱོན་མི་འདུག གཞོན་ནུས་ཀྱང་ལངས་ཕྱོགས་དེ་སྐབས་འཚོལ་རིང་ལུགས་པ་ལྟར་བྱོས་ཤིག ལངས་ཕྱོགས་གསལ་བོ་མེད་པ་དང་།་བརྟན་པོ་མེད་པ་ཞིག་གི་ཐོག་ནས་ཕར་གཡོ་ཚུར་གཡོ་དང་། ཡར་གཞའ་མར་གཞའ། ཉི་མ་གང་འཁྱོལ་གྱིས་མ་འོངས་པའི་ལོ་ ༥༠ དེ་ལ་གྲ་སྒྲིག་བྱོས་ཤིག འདི་བཙན་བྱོལ་བོད་མི་ཚོའི་ལམ་ཁ་བདེ་ཤོས་ཡིན་པ་འདྲ།
རྒྱལ་བ་རིན་པོ་ཆེ་མཆོག་ལ་ཁ་ཞེ་གཉིས་མེད་ཀྱིས་ལས་ཀ་བྱེད་མཁན་ཞིག་ལས་གཞོན་ནུའི་བརྟན་བཞུགས་འདི་དགོས་དོན་ཡོད་པ་མ་རེད། མ་གཞི་ནས་བརྟན་བཞུགས་འདིའི་རིགས་ལ་ཁོང་ཉིད་སུན་པོ་འདུག་ཅེས་གསུངས་མྱོང་བ་བཙན་བྱོལ་བོད་མི་ཚོར་གསལ་བོ་ཡོད་པ་རེད། དེར་བརྟེན་གཞོན་ནུས་ཀྱང་དད་པ་དམ་ཚིག་གཙང་མ་ཡིན་ལུགས་དག་སྐྱེལ་བྱེད་དགོས་པ་ཨེ་ཡོད། མཚམས་རེར་ངན་མཚང་ཡོད་ཚད་ཕྱིར་འདོན་དགོས་ཀྱང་སེམས། འོན་ཀྱང་། སྤྱི་ཚོགས་ཟེར་བ་འདི་རྟེན་ཅིང་འབྲེལ་བ་ཞིག་ཡིན་སྟབས་རང་ཤེད་ཁོ་ནའི་དབང་དུ་མི་འགྲོ་བའི་འབད་བརྩོན་བྱེད་ཀྱིན་ཡོད། དགོངས་དག