ད་ལོའི་སྤྱི་ཟླ་༡ ཚེས༡༤ ཉིན་གྱི་དགོང་མོར་རེབ་གོང་རོང་བོ་དགོན་ཆེན་སྲང་ལམ་གང་སར་ད་ལོ་རེབ་གོང་ནས་ལོ་གསར་སྤྲོ་སྟོན་ལ་མི་རོལ་བའི་སྦྱར་ཡིག་ཞིག་གང་སར་སྦྱར་འདུག ཟླ་སྔོན་མའི་ནང་དུ་རེབ་གོང་གི་གྲྭ་བ་ཁ་ཤས་ཀྱིས་སྡེ་བ་སོ་སོའི་སྡེ་དཔོན་དག་ལ་དམིགས་བསལ་གྱིས་ཁ་པར་བཏང་ནས་ད་ལོ་བོད་ཀྱི་དཔའ་བོ་དཔའ་མོ་རྣམས་བསད་པའི་ལོ་ཡིན་པས་ལོ་གསར་ལ་སྤྲོ་སྐྱིད་མ་གཏོང་རོགས། ཤོག་སྦག་རྒྱག་པ་དང༌། འཕྱོར་ལྭ་གྱོན་པ་སོགས་ཀྱང་མ་བྱེད་རོགས་ཞེས་ཁ་པར་ལམ་ནས་རེ་སྐུལ་བྱས་འདུག་ལ། སྡེ་དཔོན་ཚོས་ཀྱང་མངོན་ལྐོག་ཅི་རིགས་ནས་རང་རང་གི་སྡེ་བའི་ནང་ལ་དེ་ལུགས་ཀྱི་ལན་སྐྱེལ་བཞིན་ཡོད་འདུག་པ་རེབ་གོང་གི་སྡེ་དཔོན་ཞིག་གིས་ད་ལྟ་གྲྭ་ས་ན་ཡོད་པའི་རང་གི་བུ་ལ་དངོས་སུ་ཁ་པར་བཏང་ནས་བཤད་འདུག
སྤྱིར་བཏང་སྤྱི་ཟླ་བཅུ་གཉིས་པ་ནི་རེབ་གོང་གི་ཚོང་རྒྱུགས་ཆེ་ཤོས་ཀྱི་དུས་ཤིག་ཡིན་ལ། དཔེར་ན། ནམ་རྒྱུན་རེབ་གོང་ལོ་གསར་ལ་ཉེ་བའི་ཟླ་བ་གཅིག་དང་ཕྱེད་ཙམ་རིང་རེབ་གོང་རོང་བོ་དགོན་ཆེན་གྱི་སྡེབ་ཚོང་ཁང་དུ་ཉིན་རེར་ཚོང་རྫས་རྒྱ་ནག་སྐྱེལ་འདྲེན་རླངས་འཁོར་ཆེ་ཤོས་ཆས་ཐུག་ཁྲེ་ཟེར་བ་དེ་ཡི་གཉིས་ལྷག་རེ་འགྲིམ་བཞིན་ཡོད་མོད། ད་ལོ་ལོ་གསར་སྐོར་གྱི་ཚོང་རྫས་དམིགས་བསལ་བླངས་མི་འདུག་ལ། ནམ་རྒྱུན་དང་འདྲ་མཚུངས་ལྟ་བུ་ཞིག་རེད་ཅེས་དང༌། ལྷག་པར་དུ་ལོ་རྟག་པར་ལོ་གསར་ཐོན་ལ་ཉེ་བའི་ཟླ་བ་གཅིག་དང་ཕྱེད་ཙམ་རིང་གང་ལ་སོང་ན་ཤོག་སྦག་དང་། སྦྱར་བྱང་འདྲ་མིན། ཟས་རིགས་སྣ་ཚོགས་བཅས་ཀྱིས་རེབ་གོང་གི་ཁྲོམ་ལ་ནམ་རྒྱུན་ལས་ལྡབ་འཕར་གྱིས་གཞི་རྒྱ་ཆེ་རུ་འགྲོ་ནའང༌། ད་ལོ་དེ་ཙམ་གཞི་རྒྱ་ཆེན་པོ་མི་འདུག་ལ་ལྷག་པར་དུ་བོད་པ་ཤོག་སྦག་དང་སྦྱར་བྱང་ཉོ་མཁན་ཞིག་མཐོང་རྒྱུ་མི་འདུག་ཅེས་ཁེའུ་ཁེའུ་ཡི་དྲ་ལམ་ནས་བདག་ལ་དངོས་སུ་མདང་ནུབ་མཚན་གུང་འགྲེལ་བརྗོད་བྱས་སོང༌།
བོན་རྒྱ་བསྟན་འཛིན་རབ་རྒྱས་ཀྱི་དུས་བབ་ཟིན་བྲིས་ལས་བཤུས།
it is good idea for all of tibetan this is reason why countless of brothers and sisters were killed .
རིག་པའི་རྡོ་རྗེས་ལགས་ཀྱི་བསམ་ཚུལ་ལ་རྒྱབ་སྐྱོར་ཡོད།
ཡུལ་ནག་འདི་ནས་ལོ་གསར་ཞིག་བྱེད་ན་གཏན་ནས་མི་འདོད་ཀི
ངའི་བསམ་ཚུལ་འདི་ཡང་ཁྱེད་ཀྱི་དྲ་དེབ་ནང་ཁྱེར་སོང་དང་ཆོག
རྩོམ་ཆད་རེ་དགོས་ན། ང་ལ་ཤོད་དང་ཤུ་རེ་ཀོ་རེ་ཡིས་འབྲི་ངེས་ཡིན།
ཨ། རིག་རང་སྐྱེས་ལ་ཅི་ཞིག་གསུང་རྒྱུ་ཡོད།
ཨ་རོ
ཨ་ཁུ་རྡོར་དབང་དོན་དངོས་སུ་རེབ་གོང་གི་ཕོ་ཉ་བྱེད་ཐུབ་ཀི་ཡོད་ནི་རེད། ང་ལྟ་བུས་རེབ་གོང་གི་ཕོ་ཉ་བྱེད་ཐུབ་ནི་མ་རེད། ཡིན་ནའང་། རེབ་གོང་ནས་འཚར་ལོངས་བྱུང་བའི་ཆ་ནས་རེབ་གོང་ཧ་ཅང་རྒྱུས་ཡོད་ཡིན་ལ་དེའི་ཕྱོགས་དེ་གླེང་གིན་བསྡད་པ་ཡིན།
ཧ་ཧཧ་ཧཧ་་སྐྱོན་ཡོད་ནི་མ་རེད། དབང་ཡོད་ལག་ལེན་མ་བྱས་ན་དབང་ཡོད་ཀྱི་སྡིགས་ར་ཇི་ཙམ་འཐེན་ཡང་ང་གཏན་ནས་མི་སྐྲག་ལ། ཁྱེད་ཁོང་ཁྲོ་ཡང་ཟ་དགོས་ནི་མ་རེད།
ཁྱེད་ཀྱིས་བཤད་པའི་ཨ་ཁུ་དེ་ནི་སུ་ཡིན་མི་ཤེས་མོད། ཕལ་ཆེར་གནས་ལུགས་དང་མཛུབ་མོ་འགུལ་བ་གཉིས་ཕོང་ཞིག་ཡིན་རྒྱུུ་རེད། ངའི་གདོང་ལ་བལྟས་ནས་བཤད་མཁན་མི་འདུག་ལ་དེ་ལུགས་ཀྱི་རྩོམ་ཡིག་ཡང་སྤེལ་མི་འདུག ལྐོག་ནས་བཤད་པ་ནི་ལྐོག་བཤད་རང་རེད། སྐད་ཆ་དེ་འདྲ་ནི་ནམ་རྒྱུན་ངས་ཕྱི་ས་དང་མཉམ་དུ་ཨ་ཁུ་གཅོད་པ་ཚེ་རིང་ཚང་ལ་རྫོང་གིན་ཡོད།
རེབ་གོང་ཨ་རྒྱ་དང་ཨ་ཁུ་གཉིས་ཀ་རེབ་གོང་ཕོ་ཉ་རེད། ང་ཚོ་ཚང་མ་འདི་ལྟར་རང་རང་ས་ཁུལ་གྱི་ཕོ་ཉ་ཆགས་ཐུབ་སྙིང་བོ་ཆེ་གི།
རེབ་གོང་འདིས་རླབས་ཆེན་རྐྱང་རྐྱང་གི་འགོ་བརྩམས་པ་ང་ཚོས་ཤེས་དགོས་གི།
ཁྱེད་ཀྱིས་འདིས་སྐོར་ཐེངས་ཁ་ཤས་ལ་གསར་ལམ་ཁག་ཏུ་སྤེལ་བ་བདག་གིས་མཐོང་མྱོང་། ཡིན་ནའང་། ད་ལོའི་ལས་འགུལ་རྗེས་མའི་སྐབས་རྡི་ལི་ནས་ཁྱེད་ཚོ་སེ་ར་དགོན་པའི་ཨ་ཁུ་ཞིག་གིས་ཁ་ཤས་ཀྱིས་ད་ལོའི་ལས་འགུལ་རེབ་གོང་ནས་བརྩམས་པ་རེད་ཟེར་ཀོ་ནི་རེད། དེ་དང་དེ་ལ་སོགས་པ་ནི་ཞེས་ཁྱེད་ལ་གཤིས་གི་བཤད་སོང་། ངས་དབྱེན་བྱས་པ་མིན་ཡང་། དེའི་སྐབས་ང་སྙིང་ལངས་ནས་ཤི་གྲུབ་བྱས་ཀྱང་བཞག་པ་ཡིན།