ཕྱི་ཚེས་ ༡༨ ཉིན་ཧྥ་རན་སིའི་བོད་རིགས་སྤྱི་མཐུན་ཚོགས་པའི་ཚོགས་གཙོ་ཐུབ་བསྟན་རྒྱ་མཚོ་ལགས་ཀྱིས་བཤད་པ་ལྟར་ན། ལོ་འདིར་སུད་སིར་བོད་ལུགས་ལོ་གསར་རྒྱས་པ་ཞིག་འཚོགས་ཀྱིན་པའི་གནས་ཚུལ་ཐོས་སྟབས། བོད་ཀྱི་ལོ་གསར་དེ་སྔར་སྲོལ་ལྟར་འཚོགས་ཀྱི་ཡོད་པར་འདོད་དེ། ལོ་འདིའི་ལོ་གསར་ལ་གྲ་སྒྲག་བྱས་ཟིན་ནའང་། ཉེ་ལམ་ནས་ད་ལོ་བོད་མི་རྣམས་ཀྱིས་བོད་ལུགས་ལོ་གསར་སར་རྒྱུ་མིན་པའི་གནས་ཚུལ་གོ་ལ། ཧྥ་རན་སིའི་བོད་རིགས་མི་མང་གི་ཁྲོད་དུའང་དེ་མཚུངས་གླེང་སློང་བྱུང་བར་བརྟེན་ཉིན་ཤས་སྔོན་ཧྥ་རན་སིའི་བོད་རིགས་སྤྱི་མཐུན་ཚོགས་པའི་རྒྱུན་ལས་རྣམས་འཛོམས་ཏེ་ ༢༠༠༨ ལོའི་ངོ་རྒོལ་སྐབས་ནས་ད་བར་གཤེགས་པའི་རྒྱལ་གཅེས་དཔའ་བོ་དཔའ་མོ་རྣམས་ལ་མྱ་ངན་གུས་འདུད་དང་། ཤུལ་ལུས་ནང་མི་རྣམས་ལ་གདུང་སེམས་མཉམ་སྐྱེད། དེ་བཞིན་དུ་མུ་མཐུད་བཙོན་འོག་དང་མནར་གཅོད་འོག་ཡོད་པའི་སྤུན་ཟླ་རྣམས་རྒྱབ་སྐྱོར་དང་གདུས་སེམས་མཚོན་ཆེད་ད་ལོ་ལོ་གསར་རྒྱུ་མིན་པའི་ཐག་གཅོད་བྱས་པ་ཡིན་ཅེས་གསུངས་བྱུང་།
ཡང་ཁོང་གིས་བརྗོད་དོན། ལོ་གསར་མཉམ་འཛོམས་བྱེད་སའི་ས་ཆ་དེ་སྔ་མོ་ནས་གཡར་ཡོད་སྟབས། གང་ལྟར་ས་ཆ་དེ་ནས་ཞབས་བསྟེན་ནམ ཡང་ན་མཆོད་མེ་འབུལ་བ་སོགས་ལས་འགུལ་སྤེལ་རྒྱུ་ཡིན། ཡིན་ཡང་། ལས་འགུལ་རྣམ་པ་གང་འདྲ་ཞིག་སྤེལ་མིན་ནི་ཉིན་གཉིས་རྗེས་སུ་རྒྱུན་ལས་རྣམས་འཛོམས་ཏེ་ཐག་གཅོད་བྱ་རྒྱུ་ཡིན་ཅེས་ཀྱང་བརྗོད་བྱུང་།
ཐུབ་བསྟན་རྒྱ་མཚོ་ལགས་ཀྱིས་བཤད་དོན། ཧྥ་རན་སིའི་བོད་རིགས་རྣམས་ཀྱིས་ལོ་འདིའི་གསུམ་བཅུའི་དུས་དྲན་དེ་ད་ལོ་དམིགས་བསལ་ཞིག་སྲུང་གཙི་བྱ་རྩིས་ཡོད་སྟབས། ད་སྐབས་གྲ་སྒྲིག་གཙོ་བོ་དེ་གསུམ་བཅུའི་དུས་དྲན་གྱི་ལས་འགུལ་སྐོར་ཡིན་ཟེར།
དགྲ་འདུལ་ལགས། ཁྱེད་རང་གི་ལས་འགུལ་ཡག་པོ་ཞིག་མཐོང་གི་མེད་པ་ཡིན་ན། ཁྱེད་རང་གི་ཐབས་ལམ་གཞན་དག་ངེད་ཅག་དྲ་གྲོགས་ཚོ་ལ་ཅི་འདྲ་ཡིན་མིན་གསལ་བོ་ཞིག་གསུང་དང་དེ་ནས་ང་ཚོས་ཀྱང་རང་རང་གི་གང་དྲན་པ་དེ་དག་ལ་ངེད་ཅག་གི་གླེང་མོལ་རེ་བྱོས་དེ་གང་བྱས་པ་ཡིན་ན་ཡག་མིན་ལ་གྲོས་རེ་བྱས་ན་མ་རེད་དམ།
རིག་པའི་རྡོ་རྗེ་ལགས། ཁྱེད་ཀྱི་ལྷག་བསམ་ལ་དོགས་པ་མེད། ཡིན་ནའང་། ལས་འགུལ་དེ་ཡག་པོ་ཞིག་མཐོང་མ་སོང་། ལྷག་པར་དུ་ལོ་གསར་ཚེས་གཅིག་གི་ཞོགས་པ་ནས་རྒྱ་མིའི་གཞུང་ཚབ་ཁང་དུ་རྒྱུག་པ་འདི་ཐབས་ལམ་ལེགས་པོ་ཞིག་མ་རེད་འདོད། ངའི་ཐབས་ལམ་རྣམས་ངས་རིམ་པས་བཤད་ཆོག
དགོངས་དག ཉིན་ཁ་ཤས་རིང་ཡོང་ཐུབ་མ་སོང་། ཁྱེད་ཅག་གི་རྩོད་མགོ་འདི་ལོ་གསར་ཡོད་མེད་ལ་ཐུག་ཡོད་པ་འདྲ། ངའི་རེ་བ་ལ་བོད་ཕྱི་ནང་གཉིས་ཀ་ནས་ལོ་ཡིན་གཅིག་མིན་གཅིག་སར་རོགས། ཚང་མ་མཉམ་དུ་འཛོམས་ནས་གཅིག་གིས་གཅིག་གི་གདོང་ལ་ལྟ་རོགས། བོད་པ་ངོ་མ་ཞིག་གི་བཟོ་ལྟ་ཡོད་མེད་ལ་བརྟག་རོགས། ཤི་བོ་དེ་དག་དྲན་རོགས། གསོན་པོ་དེ་དག་ལ་བསམ་རོགས། དེའི་རྗེས་ནས་སླར་ཡང་བསམ་རོགས། ལོ་གསར་པ་འདི་སར་རོགས། རང་རང་གི་སེམས་བསམ་པའི་གཏིང་ནས་དམ་བཅའ་དང་ཁས་ལེན་ཡོད་པའི་ལོ་གསར་པ་ཞིག་སར་རོགས།
ལོ་གསར་པ་ཞིག་ཚེས། དེ་ལ་རྟེན་འབྲེལ་བྱེད་པའི་ལུགས་སྲོལ་འདིའི་རྩ་བའི་དོན་སྙིང་ཤེས་དགོས་པ་རེད། འདི་རྟེན་འབྲེལ་ཁོ་ནའི་ཆེད་དུ་རེད་བག་མེད་དང་སྤྲོ་སྐྱིད་ཀྱི་ཆེད་དུ་མ་རེད། ཉི་མ་གསར་པ་ཞིག་ལ། བསམ་བློ་དང་རྣམ་འགྱུར་གསར་པ་ཞིག་ཁྱེར་ནས་ལས་ཀ་གསར་པའི་མགོ་རྩོམ་རྒྱུ་ནི་ང་ཚོའི་ལོ་གསར་ཞེས་པ་འདིའི་འདུ་ཤེས་ཀྱི་མ་གདན་རེད། མི་རྣམས་ཀྱིས་རྟེན་འབྲེལ་ལ་བརྟག་ཅིང་ཡིན་གཅིག་མིན་གཅིག་བསམ་པ་ཡག་ཕྱོགས་དང་ཡར་ཕྱོགས་ཤིག་ལ་བསམ་པ་དང་། གླུ་ལེན་གར་རྩེད་སོགས་སྤྲོ་སྐྱིད་ཀྱིས་བསུ་དགོས་པའི་དོན་ཡང་འདི་ལ་ཐུག་པ་རེད། ད་སྐབས་ལོ་སར་རྒྱུ་མིན་ཟེར་མཁན་ཚོའི་འདུ་ཤེས་ཀྱང་གཙོ་བོ་རྒྱུ་མཚན་འདི་ལས་བྱུང་བ་རེད་འདོད།
འོང་ཀྱང་། ལོ་གསར་ནི་ང་ཚོས་ངེས་པར་དུ་སྲུང་བརྩི་བྱེད་དགོས་པ་ཞིག་རེད། སྔར་ལོ་ཕམ་ཀྱང་ད་ལོ་ཡོད་པ་རེད། དམ་བཅའ་གསར་པ་དང་། ཐབས་ལམ་གསར་པ། མི་རབས་གསར་པ་བཅས་ཡོང་དགོས་པ་རེད། འདིའི་ཞོར་དུ་ཉམས་མྱོང་དང་བསམ་བློ་གསར་པ་ཡོད་པ་ནི་བཤད་མི་དགོས་པ་ཞིག་རེད། ཚང་མ་མཉམ་དུ་འཛོམས། རིག་པ་དང་སེམས་ཤུགས་མཉམ་དུ་སྤུངས་ནས་ལས་དོན་གསར་བར་འཇུག་དགོས་པ་རེད། འདི་ནི་ལོ་གསར་པ་འདི་བསུ་སྟངས་ཤིག་རེད།
སྡུག་བསྔལ་གྱི་ཆེད་དུ་སྡུག་བསྔལ་ཚོར་བར་བྱེད་པ་ནི་རྣམ་དཔྱོད་ཀྱི་མཐའ་མ་དེ་རེད།
ངས་ཀྱང་དེ་ལྟར་བསམ་གྱིན་འདུག་ ཕྱི་སྡོད་བོད་མི་ཚོར་མཚོན་ན་ལོ་གསར་ནི་མཉམ་འཛོམས་ཀྱི་གོ་སྐབས་ཆེ་ཤོས་དེ་རེད་ དེའི་ཕྱིར་ངས་ཤོད་དེ་ནི་ཡང་ལྷན་དུ་འཛོམས་ནས་ འདས་གྲོང་པ་ཚོར་མྱ་ངན་གྱི་ཞོར་ལོ་འདིའི་ལོ་འཁོར་ལས་འགུལ་གྱི་སྐོར་ལ་བགྲོ་གླེང་རེའང་བྱེད་ན་མ་རེད་དམ།
ང་ཚོར་ལས་འགུལ་གྱི་རྣམ་གྲངས་ཉུང་དྲག་འདུག ངོ་རྒོལ་སྐད་འབོད་ལྟ་བུ་ནམ་རྒྱུན་རྒྱལ་ཁམས་ཀྱི་མཐོང་ས་ནས་ལས་འགུལ་སྤེལ་རྒྱུའི་རིགས་དང་། བོད་མིའི་ནང་ཁུལ་གྱི་དམ་ཚིག་ཇེ་དོམ་ལ་གཏོང་ཐབས་སུ་མཉམ་དུ་འདུ་བ། གཞན་ཡང་། རིག་རྩལ་གྱི་ལམ་ནས་ལྟ་རྒྱུ་ཉན་རྒྱུ། བསམ་རྒྱུ་སྒྲུབ་རྒྱུ་ཡོད་པའི་ལས་འགུལ་སྣ་ཚོགས་ལ་བསམ་བློ་གཏོང་ཐུབ་ན་ཧ་ཅང་ལེགས་པར་འདོད།