ནུ་མོ་ལགས། འུ་གཉིས་སྔོན་ལས་གང་ཞིག་བསགས་པའི་ཉེར་ལེན་གྱི་ཁྱིམ་ཚང་གཅིག་གི་མི་རུ་གྱུར་བ་ནས་བཟུང་། ངས་ཀྱང་ཁྱེད་རང་ནི་བདག་གི་ཚེ་སྲོག་ལས་ཀྱང་གལ་ཆེན་དུ་བརྩིས་དེ། ཁྱེད་རང་གི་མ་འོངས་པའི་མདུན་ལམ་ནི་ཕུ་བོ་བདག་གིས་མདུན་ལམ་ལས་ཀྱང་གལ་ཆེན་དུ་བཟུང་དེ་ཉིན་མོ་དེར་ཆར་རླུང་ཇི་འདྲ་ཆེ་ན་ཡང་ནང་མི་ཡོངས་ཀྱི་བསྐྱེལ་མ་དང་ཕ་རྒན་དང་ནུ་བོ་གཉིས་ཀྱིས་སྤག་སྤག་གཉིས་ཀྱི་བསྐྱེལ་མའི་ཁྲོད་ནས་ཕ་ཡུལ་དང་ཁ་གྱེས་པ་རེད།
ཉིན་མོ་དེ་ནས་བཟུང་འུ་གཉིས་རང་གི་ཕ་ཡུལ་དང་ནང་མི་ཡོངས་དང་ཁ་གྱེས་པ་རེད། ལོ་ངོ་འདི་ལྟར་རི་སྤྱང་དེད་པའི་ལུག་ཁྱུ་བཞིན་འདས་དེ་ཡོང་དུས། ཁྱེད་རང་ཡང་ན་ཆུང་གི་ལོ་ཚད་ནས་ན་གཞོན་གྱི་ཕྱོགས་སུ་འཚར་ལོངས་བྱུང་བཞིན་པའི་སྐབས་སུ་ཕུ་བོ་ང་རང་ལ་དམིགས་གསལ་གྱི་འགན་ཞིག་ཡོད་པ་ནི། ཕ་ཡུལ་ནས་ཡོང་ཁར་ངས་ཕ་མ་གཉིས་ལ་ཁས་ལེན་ཞིག་བྱས་ཡོད་པ་དེ་རེད། དེ་ནི་ངས་ཁྱེད་རང་གི་མི་ཚེ་ལ་དཀའ་ངང་མི་ཡོང་བ་ཞིག་བྱེད་རྒྱུའི་ཁས་བླངས་པ་ཡོད་པ་དེ་ཡིན། དེའི་སྟབས་ཀྱི་ད་ནི་ཁྱེད་རང་ཡང་ལོ་ན་ཧ་ཅང་ཆུང་བའི་བྱིས་པ་བསམ་མེད་དེ། ངའི་རྒྱབ་དུ་འཁུར་བ་དང་ལམ་ མོ་ལོ་བཅུ་དྲུག་ལ་སོན་པའི་ན་གཞོན་མ་ཞིག་དུ་གྱུར་ཡོད་པ་རེད། ཁྱེད་ཀྱིས་མི་ཚེ་ལ་དཀའ་ངལ་མི་ཡོང་བའི་ལམ་ཁ་ཞིག་བཟོ་བ་འུ་གཉིས་ལ་འགན་ཡོད་པ་ཡིན། དེ་ནི་ངས་ཁྱེད་རང་ལ་ཁ་བརྡ་སློབ་གསོ་བྱེད་པ་དང་དཔལ་འབྱོར་གྱི་མཐུན་རྐྱེན་སྤྲོད་རྒྱུ་དང་ཁྱེད་རང་ཕུ་བོ་བདག་གི་ཁ་བརྡ་སློབ་གསོ་ལ་ཉན་ནས་སློབ་གྲའི་སྐྱེད་ཚལ་གྱི་དུས་ཚོད་ཆེས་ཡག་ཤོས་དེ་ཆུད་ཟོས་སུ་མི་གཏོང་བ་བྱེད་རྒྱུ་དེ་ཡིན། རྒྱུ་མཚན་དེ་ལྟར་སོང་ན་ང་ཚོ་ནི་བོད་པ་ཡིན་ལ། བོད་མི་སྐྱབས་བཅོལ་བ་ཞིག་ཀྱང་ཡིན་སྟབས། དབྱིན་ཡིག་དང་སྐད་ཡིག་གཞན་སོགས་སྤྱང་བ་གལ་ཆེན་ཡིན་ན་ཡང་། རང་གི་ཡི་གེ་སྤྱོང་རྒྱུ་དེ་བས་ཀྱང་གལ་ཆེན་ཆགས་ཡོད་པ་ཡིན་ལ། རང་རིགས་ཀྱི་སྲུ་ཞུ་སྒྲུབ་པ་དང་ ༧རྒྱལ་བ་རིན་པོ་ཆེ་ཚང་དང་བོད་གཞུང་གི་ལས་བྱེད་གནད་ཡོད་དག་གི་དཀའ་ལས་ཁྲི་ཕྲག་བརྒྱབ་པའི་གྲུབ་འབྲས་ལས་གྲུབ་པའི་སློབ་གྲ་དེ་དག་གི་ནང་དུ་རིན་མེད་དུ་ཟས་བཟའ་བ་དང་འཐུང་བ། རིན་མེད་དུ་བསྡོད་གནས་ཡོད་པ། རིན་མེད་དུ་སློབ་སྤྱོང་བྱེད་ཐུབ་པ་སོགས་ཀྱི་བཀའ་དྲིན་དེ་དག་ཁྱེད་ཉིད་མ་ཤི་བར་དུ་སེམས་གཏིང་ནས་བརྗེད་མི་རུང་། དེ་དག་གི་བཀའ་དྲིན་དང་ཕ་ཡུལ་དང་རྒྱང་རིང་དུ་ཡོང་བ་སོགས་ལ་བསམ་བློ་ཞིབ་དུ་བཏང་ནས། ཁྱེད་རང་གི་ཉིན་མ་རེའི་ནང་གི་དུས་ཚོད་ཀྱི་སྐར་ཆ་རེ་རེ་ནི་སྒོར་མོ་བྱིན་དེ་ཉོ་ཐུབ་མེད་པ་ཞིག་ཡིན་པ་སེམས་སུ་ངེས་པར་བྱོས་དེ་སློབ་སྤྱོང་ལ་འབད་བརྩོན་ལྷོད་མེད་དུ་བྱེད་དགོས་པ་ཡིན།
ད་དུང་། ཕུ་བོ་ང་རང་ཡང་ཁྱེད་དང་རྒྱང་ཐག་རིང་བས་ས་ནས་ལས་ཀ་འདྲ་མིན་སྣ་ཚོགས་ཤིག་ལ་རང་ཉིད་ཀྱི་འདོད་མོས་ཡོད་མེད་ལ་མ་བལྟས་པར་དཀའ་ལས་བརྒྱབ་པའི་སྒོར་མོ་ཁ་ཤས་རེ་བསགས་ནས་ཁྱེད་རང་གི་འགྲོ་སོང་ཐད་དུ་སེམས་འཁྲལ་བྱེད་ཀྱི་ཡོད་པ་འདི་ཡང་། ནུ་མོ་ཁྱེད་ཀྱིས་མ་འོངས་པའི་སློབ་གྲ་ཆེན་མོ་གང་ཞིག་གི་ཆེད་དུ་བསགས་བཞིན་པའི་འགྲོ་གྲོན་གྱི་ཆེད་དུ་ཡིན་པ་ལས་གཞན་ཕུ་བོ་ངས་དམིགས་ཡུལ་གཞན་གྱི་ཆེད་དུ་སྒོར་མོ་མང་བོ་ཞིག་བསགས་ཀྱང་མི་ཐུབ་ལ། དེ་དག་གི་ཆེད་དུ་སྒོར་མོ་མང་བོ་ཞིག་བསགས་ཐུབ་མིན་གྱི་རྨི་ལམ་ཡང་ང་རང་ལ་རྨིས་ཀྱི་མེད། གཙོ་བོ་ནི་ནུ་མོ་ཁྱེད་རང་གི་མ་འོངས་པ་རེ་བ་ཡོད་པ་ཆགས་ཉིན། བོད་ཀྱི་མ་འོངས་པའི་སོན་རྩ་ཞིག་ཕུ་བོ་ངས་བོད་པ་ཚང་ལ་བསྐྱེད་སྲུང་བྱས་པ་དང་ཁྱད་མེད་པ་ཡིན་ལ། ཁྱེད་རང་གི་མ་འོངས་པ་ཡང་དེ་ལས་ལྷག་པའི་བྱས་རྗེས་གང་ཡང་མེད་། དེ་དག་གི་ཆེད་དུ་ནུ་མོ་འབད་བརྩོན་བྱོས། ལོ་ཆུང་ཆུང་གི་དུས་ཚོད་གསེར་ཡིན། ཆེ་ས་ནས་བོད་དང་། འབྲིང་ས་ནས་ནང་མི། ཆུང་ས་ནས་འདི་དག་ཚང་མ་རང་དོན་དང་སྤྱི་དོན་གཉིས་ཀྱི་ལམ་ཁ་ཡིན། ཕུ་བོ་བདག་གི་སྐད་ཆ་འདི་དག་སེམས་སུ་བཟུང་དེ་སློབ་སྤྱོང་ལ་འཐུས་ཤོར་མ་གཏོང་རོགས། བརྒྱུད་མྱོང་བའི་ཧི་མ་ལ་ཡའི་རི་བརྒྱུད་ནས་བྲོས་དེ་འོང་བས་ལམ་སྐབས་ཀྱི་དཀའ་ངལ་དེ་དག་ཡིད་དུ་དྲན་པར་གྱིས་དེ། རང་དབང་དང་ཐོབ་ཐང་མེད་པའི་བོད་པ་ཚང་དང་རང་གི་ཡུལ་མི་ཚོ་རྒྱའི་བཙན་འོག་ན་ཡོད་པ་སེམས་སུ་གཉར་ནས། ཤུ་རེ་བྱོས། ནུ་མོ་ལགས། མ་འོངས་བོད་ཀྱི་སོན་རྩ་གཅིག་ཁྱེད་རང་ཡིན།
༦།༠༢།༠༩
ཧ་ཧ་ཧ། གློག་རྡུལ་གྱི་རོལ་རྩེད་འདིའི་ཁྲོད་ནས་ངས་བོར་སོང་བའི་གྲོགས་པོ་ཞིག་རྙེད་པ་ནི་ང་རང་ཉིད་ལའང་ཡིད་མི་ཆེས་པ་ཞིག་རེད། ད་ནི་རྦད་དེ་ཐག་གིས་ཆོད་སོང༌། དངོས་གནས་ཁྱོད་རྙེད་པ་ལ་དགའ་སྤྲོས་མྱོས་ཡོད།
དྲ་གྲོགས་ལྷ་ཆབ་ལགས། ཁྱེད་རང་ནི་འཛམ་གླིང་འདིས་སྟེང་གི་མི་སྤྱང་ཤོས་ཀྱི་གྲངས་དུ་དྲངས་ཆོག་གི་ཡོད་པ་རེད། ཡིན་ཡང་། ཁྱེད་ཀྱིས་རྣམ་དཔྱོད་དེ་ནི་མི་གཞན་ལས་ཁྱད་དུ་འཕགས་པ་ཞིག་ཡིན་པ་དེ་ཤེས་མཁན་ནི་ཁྱེད་རང་གི་སྙིང་ཉེ་བའི་གྲོགས་པ་ང་རང་ལྟ་བུ་ཁ་ཤས་ཤིག་ལས་མེད་པ་འདི་ལ་ང་རང་ག་དུས་ཡིན་ཡང་སེམས་པ་སྐྱོ་ནས་བསྡད་ཡོད། ངས་ཁྱེད་རང་ལ་གློག་འཕྲིན་གྱི་སྟེང་ནས་ཡི་གེ་བསྐུར་ཆོག
སྙིང་ཉེ་བའི་དྲ་གྲོགས་ཤ་ཁྲག་ལགས། ང་མི་འདི་སྤྱང་པོ་ཞིག་ཨེ་རེད། གལ་སྲིད་ངས་དེ་ལྟར་གསང་རྒྱ་ཞིག་བྱས་ཚེ། ཁྱོད་ཀྱིས་ཤེས་ཐུབ་བམ། ཁྱོད་ཀྱིས་སེམས་ལའང་དྲན་ཡོད་ཀྱི་མ་རེད། ངའི་ཨེ་མེལ་ཁ་བྱང་ནི་lhachap59@yahoo.co.in འདི་ཡིན། ཁྱོད་ཀྱི་ཁ་བྱང་ཞིག་བསྐུར་དང་ངས་དེབ་ཅིག་བསྐུར་ངེས།
དྲ་གྲོགས་བསེ་རུ་ལགས། ཉིད་ཀྱིས་ང་རང་གི་བསམ་ཚུལ་དག་བཤད་པ་སེམས་ནས་མ་འབོར་བ་དང་དྲ་གྲོགས་ལྷ་ཆབ་ལ་གསལ་བཤད་གནང་བ་དེར་ཐུགས་རྗེ་ཆེ་ཞུ། གལ་ཏེ། དྲ་གྲོགས་བསེ་རུ་ཁྱེད་རང་གིས་ཀྱང་རང་ཉིད་ཀྱི་མིང་དངོས་དང་དཔར་སོགས་མི་འཇོག་པ་དེ་ཡང་རྒྱུ་མཚན་ཞིག་ཡོད་པ་ཡིན་ན་ནི། དངོས་ནས་ཡག་པོ་རེད། ངས་ཀྱང་དེ་ལ་རྒྱབ་སྐྱོར་ཞུ་བཞིན་ཡོད་ལ། དྲ་ཚིགས་འདིའི་ནང་གི་དྲ་གྲོགས་ཁ་ཤས་ཤིག་གི་འུ་གཉིས་ལྟར་སྨྱུག་མིང་ལས་དངོས་མིང་དང་དཔར་སོགས་བེད་སྤྱོད་མི་བྱེད་པ་དེ་དག་ལ་རྒྱུ་མཚན་རེ་ཡོད་ངེས་རེད། དེ་འདྲ་ཞིག་མ་རེད་དམ་དྲ་གྲོགས་བསེ་རུ་ལགས།
ཨོ་རེད། སེམས་གཏིང་གི་ནམ་ཡང་འདོར་དུ་མེད་པའི་གྲོགས་མཆོག་དམ་པ་ལྷ་ཆབ་ལགས། ཉིད་ཀྱིས་ཀྱང་ང་རང་གི་མིང་དང་གང་དུ་ཡོད་མེད་སོགས་ཕྱི་ལ་བསྒྲགས་འདོད་མེད་པ་དེར་བརྩི་བཀུར་བྱས་དེ་གསང་བ་བྱས་པ་དེར་ཐུགས་རྗེ་ཆེ། གོང་ནས་དྲ་གྲོགས་བསེ་རུ་ལགས་ཀྱིས་གསང་བ་ལྟར། ངས་སྔོན་ཆད་ཀྱང་དྲ་གྲོགས་མང་བོ་ཞིག་ལ་སྐད་ཆ་དེ་ལྟར་བཤད་མྱོང་ཡོད། དངོས་ནས་ང་རང་ལ་མཚོན་ན་དྲ་གྲོགས་ཚོས་ང་རང་གི་མིང་དང་ང་རང་ད་ལྟ་གང་དུ་ཡོད་མེད་དེ་ནི་ཤེས་རྒྱུ་གཏན་ནས་གལ་ཆེན་དུ་འཛིན་གྱི་མེད། སྐུ་ཉིད་ཀྱིས་དེ་དོན་ཐུགས་ལ་གཉར་ནས་མུ་མཐུད་དུ་གསང་བ་དེ་གསང་བར་བརྩིས་དེ་ཉེ་འཁྲིས་སུ་ལ་ཡང་མ་བརྗོད་རོགས། གལ་ཏེ། ཉིན་ཞིག་དངོས་ནས་དགོས་འཁོ་གལ་ཆེན་དུ་ཆགས་པ་ཡིན་ན་ང་རང་རང་ངོས་ནས་མིང་དང་བསྡོད་གནས་སོགས་དྲ་གྲོགས་ཡོངས་ལ་གསལ་བོ་བཤད་ངེས་ཡིན། དེ་མིན་ད་ལྟའི་འཆར་དགོས་པ་གང་ཡང་མེད། མིང་དང་བསྡོད་གནས་སོགས་ཤེས་དེ། དེ་ལས་ངེད་ཅག་གི་ཕན་ཚུན་གྱི་སེམས་གཏིང་གི་བོད་དང་བོད་ཀྱི་སྐད་ཡིག ཡང་ན། རང་རང་གི་མྱོང་ཚོར་དངོས་ཡོད་དག་ཟིན་བྲིས་སུ་བཏབ་དེ་དྲ་གྲོགས་ཚོས་གླེང་མོལ་མང་ཙམ་བྱེད་རྒྱུ་དེ་རེད། དེ་འདྲ་ཞིག་མ་རེད་དམ།
དྲ་གྲོགས་ལྷ་ཆབ་སྤྱིན་པ་ལགས། ཉིད་ཀྱིས་ང་རང་འཚོལ་མི་དགོས་ཤིང་། ཉིད་ཀྱིས་གློག་ཀླད་ཁ་བྱང་ཞིག་འདིར་ང་རང་ལ་གནོང་དང་ངས་ཁྱེད་རང་བཙལ་ནས་ཡོང་ཆོག སྐུ་ཉིད་ལ་སེམས་གཏིང་ནས་དགའ་བསུ་ཞིག་ཞུ་འདོད་ཡོད་པ་ནི། ཉིད་ཀྱིས་སྤྱང་མོའི་རྐང་རྗེས་འཚོལ་བ་ཞེས་པའི་དེབ་དེ་དཔར་བསྐྲུན་ལེགས་འགྲུབ་བྱུང་བ་དེར་སྙིང་ཐག་པ་ནས་དགའ་བསུ་གྲངས་མེད་ཞུ། མུ་མཐུད་དུ་སྐུ་ཉིད་ཀྱིས་རྩོམ་གཤིས་ལེགས་པོ་དང་ཧ་ལས་པའི་འབུར་རྩལ་ཐོན་པའི་རྩོམ་ཡིག་དེ་དག་དཔར་བསྐྲུན་བྱེད་རྒྱུའི་ཐད་དུ་བསམ་བློ་རེ་གཏོང་རོགས་ཞུ། སྐུ་ཉིད་ནས་ང་རང་འཚོལ་མི་དགོས་པར། ང་རང་གིས་ཁྱེད་རང་ལྟ་བུའི་གྲོགས་པོ་དག་སེམས་ནང་གི་ནོར་བུ་རུ་ངོས་འཛིན་བྱེད་ཀྱི་ཡོད། ཁྱེད་ཀྱིས་ཁ་བྱང་འདིར་འཇོག་རྒྱུ་མ་བརྗེད་རོགས།
བོད། ཤ་ཁྲག་རུས་གསུམ་ལགས། ངའི་རྩོམ་རིག་གི་རོལ་མྱོང་ནོར་མེད་ན། ཁྱོད་ནི་ངའི་ཤ་དང་མཆིན་པར་འདྲེས་པའི་ཐག་ཉེ་ཞིག་ཡིན་པ་འདྲ། ཡིན་ནའང་ཁྱོད་ཀྱིས་ངེས་ལེན་བྱེད་མིན་ཁྱོད་རང་ཉིད་ལ་ཐུག་ཡོད། ངས་ཁྱོད་ཀྱི་མིང་ནས་མི་འཛིན། དེ་ནི་ཁྱོད་ཀྱི་གསང་རྒྱར་བརྩི་བཀུར་བྱས་པ་ཡིན། གཞན་ཁྱོད་ནི་ལོ་ངོ་འགའི་ཡར་སྔོན་ལ་ངར་ཧ་ཅང་བཀའ་དྲིན་ཆེ་བ་ཞིག་སྟེ། ལྷག་པར་དུ་ཁྱོད་ཀྱི་སྤུན་ཉེ་དང་འུ་ཅག་གིས་རྡ་ས་ནས་དངོས་གནས་བསམ་མི་ཕོད་པའི་ཉམ་ཐག་གི་འཚོ་བ་ཞིག་མཉམ་དུ་རོལ་བ་ཡིན། གཅིག་བྱས་ན་ང་ནོར་གྱིན་ཡོད་སྲིད་ཀྱང༌། བརྒྱ་ཆའི་གོ་ལྔ་ཐག་བཅད་དེ་བཤད་ན་ཁྱོད་རང་ངའི་ཐག་ཉེ་ན་ཡོད་པའི་ཁྱོད་ཡིན། ངས་འདི་ལྟར་ཚམ་ཚོམ་མེད་པར་བཤད་དོན་ནི་ཁྱོད་ཀྱི་སྙན་ངག་དང་དེའི་བློས་བསླངས་ཀྱི་སྒང་ནས་ཚོད་དཔག་ཐུབ་པ་ཞིག་ཡིན། ད་དུང་བཤད་རྒྱུ་ཞིག་ལ་ངས་ཁྱོད་ཀྱི་བསྐངས་བཤགས་ཤིག་བརྩམས་མྱོང་ལ། དེས་མི་ཚད་འཕྲིན་བཅོལ་ཞིག་ཀྱང་བརྩམས་རྒྱུ་ཁས་ལེན་བྱས་ཡོད། གྲོགས་པོ་ཀྱེ། ངས་འདི་ལྟར་བཤད་འོང་དུས་ད་ནི་བཟུང་ཚར་འདུག་ག ངས་བལྟས་ན་ཁྱོད་ཀྱི་རྩོམ་རྩལ་ཏོག་ཙམ་ཡར་རྒྱས་སུ་ཕྱིན་འདུག མུ་མཐུད་དུ་འབུངས་ཤིག ཨོ་བརྗེད་སོང་བ་ཞིག་ལ། ད་ལོར་གུས་པོའི་སྙན་དེབ་ཐོག་མ་སྤྱང་མོའི་རྐང་རྗེས་འཚོལ་བ་ཞེས་པ་ཐོན་བྱུང༌། ཁྱོད་ཀྱི་ཁ་བྱང་ང་ལ་སྤྲོད་དང་ངས་དེབ་ཅིག་དཔར་དུ་བསྐུར་ངེས་ཡིན།
ལྷ་ཆབ་ལགག།
ངས་ཀྱང་ཤ་ཁྲག་རུས་གསུམ་ཤེས་འདོད་ལ་དྲ་གྲོགས་གང་མང་ཞིག་གིས་ཀྱང་ཁོང་ཉིད་ཤེས་འདོད་ཧ་ཅང་ཆེ་བར་མངོན།
འོན་ཀྱང་།
ཁོང་ཉིད་ཀྱི་ལྟ་ཚུལ་ལྟར་ན་ཁོང་སུ་ཡིན་མིན་དང་གང་དུ་ཡོད་མེད་སོགས་ཀྱི་དྲི་བ་འདིར་ལན་རྒྱག་རྒྱུ་དེ་གལ་ཆེར་མི་བརྩི་མཁན་ཞིག་རེད་འདུག་པས་ང་ཚོའི་དྲི་བ་འདི་ཚོར་ལན་ད་ལྟ་རེག་མི་སྲིད།
ཨེ་རེད།
བོད་ཤ་ཁྲག་རུས་གསུམ་ལགས།
དྲ་གྲོགས་ཤ་ཁྲག་ལགས། དོན་དངོས་ཁྱོད་རང་སུ་ཡིན་པ་དང་གང་ན་ཡོད་པ་ང་ལ་བཤད་ན་འགྲིག་ངམ། ངའི་བསམ་པར་ཁྱོད་ཉིད་ངའི་ཐག་ཉེ་ཞིག་ཡིན་པའི་ཚོར་བ་འདུག གང་ལྟར་ཁྱོད་ཀྱིས་བཤད་སྟངས་སོགས་ལ་བལྟས་ན་ཕྱི་ཡུལ་ཞིག་ན་ཡོད་འདུག