ཚེ་སྲོག་ཤོར་བའི་སྤུན་ཟླ་དག་གི་ལྷག་བསམ་དང་སྙིང་སྟོབས་ལ་གུས་འདུད་དང༌། ལྷག་པར་ཏུ་དཔའ་བོ་དཔའ་མོ་དེ་དག་གི་ཆེད་དུ་ལོ་ནག་སྲུང་གཙི་བྱ་རྒྱུན་ཡིན་ཟེར།
ཕྱི་ཚེས་ ༢༩ ཉིན། ལོ་སར་ཀླུ་གཏོར་གྱི་སྐབས་དང་བསྟུན་བོད་ཀྱི་གཞོན་ནུ་ལྷན་ཚོགས་ཀྱིས་མེག་གྷན་རླངས་འཁོར་་འབབ་ཚིགས་སུ་ས་གནས་མི་མང་ ༣༠༠ ལྷག་འདུ་འཛོམས་ཐོག་རང་ཁྱིམ་གྱི་དགུ་གཏོར་དང་དང་མཉམ་དུ་མའོ་ཙེ་ཏུང་དང་ཧུའུ་ཅིན་ཐའོ་གཉིས་ཀྱི་རྩྭ་གཟུགས་མེར་སྲེག་གི་ལས་འགུལ་ཞིག་སྤེལ་སོང་ལ། སྐབས་དེར་གཞོན་ནུའི་དྲུང་ཆེ་དོན་གྲུབ་ལྷ་དར་ལགས་ཀྱིས། བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་ངོས་ནས་བོད་རྒྱལ་ལོ་ ༢༡༣༦ ལོའི་རབ་གནས་ས་གླང་ལོའི་ལོ་སར་ལོ་ནག་གིས་སྲུང་གཙི་བྱེད་དགོས་པའི་ལས་འགུལ་གྱི་ལས་རིམ་དང་པོ་དེ་དབུ་འཛུགས་བྱས་པ་ཡིན་ལ། ལོ་ནག་སྲུང་བརྩི་བྱེད་པའི་རྒྱབ་ལྗོངས་ནི། ལོ་སྔོན་མའི་གསུམ་བཅུའི་སྒེར་ལངས་ཐེངས་ ༤༩ པའི་སྟེང་གཞིས་ལུས་མི་མང་གིས་རྡོག་རྩ་གཅིག་སྒྲིལ་དང་སྐྱིད་སྡུག་མཉམ་མྱོང་གྱི་སྒོ་ནས་བོད་རྒྱལ་ཁབ་ཀྱི་བདག་དབང་སླར་གསོ་དང༌། རྒྱ་ནག་དམར་པོ་མཐར་སྐྲོད་བྱ་ཆེད་ཞི་བའི་ཡར་ལངས་བྱས་ཏེ་སྤུན་ཟླ་སྟོང་ཕྲག་མང་པོ་རྒྱ་ནག་གིས་འཛིན་བཟུང་བཙོན་འཇུག་བྱས་ཡོད་པ་དང༌། བརྒྱ་ཕྲག་མང་པོའི་རྩ་ཆེའི་ཚེ་སྲོག་ཀྱང་ཤོར་ཡོད་པ་དང༌། ད་དུང་མང་པོ་ཞིག་མནར་གཅོད་འོག་བསྡད་ཡོད་པ་རེད། བོད་ཀྱི་གཞོན་ནུའི་ལྷན་ཚོགས་ཀྱི་ངོས་ནས། ཚེ་སྲོག་ཤོར་བའི་སྤུན་ཟླ་དག་གི་ལྷག་བསམ་དང་སྙིང་སྟོབས་ལ་གུས་འདུད་དང༌། ལྷག་པར་ཏུ་དཔའ་བོ་དཔའ་མོ་དེ་དག་གི་ཆེད་དུ་ལོ་ནག་སྲུང་གཙི་བྱ་རྒྱུན་ཡིན། ཅེས་བཤད་ཡོད།
དེ་རིང་བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་མའོ་ཙེ་ཏུང་དང༌། ཧུའུ་ཅིན་ཐའོ་གཉིས་ཀྱི་རྩྭ་གཟུགས་ཀླུད་གཏོང་བྱེད་ཀྱི་ཡོད། དེ་རིང་བོད་ཀྱི་ལོ་སར་ཚེས་ ༢༩ ལ་འཁེལ་ཡོད་པས། དེ་རིང་ཀླུ་གཡུག་པ་དེ་བོད་པར་མཚོན་ན་ལོ་གཅིག་གི་གད་སྙིགས་གཙང་ཕྱགས་བྱས་རྗེས་གཡུག་པའི་ལུགས་སྲོལ་ཡོད་པ་བཞིན་བོད་རྒྱལ་ཁབ་དང་བོད་མི་རིགས་ལ་མཚོན་ན་ཆག་སྒོ་ཆེ་ཤོས་དེ་རྒྱ་དམར་གྱི་བཙན་འཛུལ་ཡིན་པའི་ཆ་ནས། གཞོན་ནུ་ལྷན་ཚོགས་ཀྱིས་བོད་མི་ས་ཡ་དྲུག་གི་ཚབ་བྱས་ཏེ་བོད་ལ་ཐོག་མར་བཙན་འཛུལ་བྱེད་མཁན་མའོ་ཙེ་ཏུང་དང། ད་ལྟ་མུ་མཐུད་དུ་བོད་བཙན་བཟུང་བྱེད་མཁན་རྒྱ་ནག་གི་སྲིད་བློན་ཧུའུ་ཅིན་ཐའོ་གཉིས་ཀླུའི་ཚབ་ཏུ་གཡུགས་གིན་ཡོད། ཅེས་ཀྱང་བརྗོད་བྱུང༌།
གངས་བུ་ལགས། རེད་ཡ། འདི་ནི་དུས་རབས་ཉེར་གཅིག་པའི་ཀླུད་ཞིག་རེད། བོད་མི་ཚོ་ཡར་རྒྱས་ཀྱི་རྣམ་པ་འདི་འདྲ་མཐོང་རྒྱུ་འདུག་པར་ད་དུང་མ་གཏོགས་ཤེས་མ་སོང་།
ཧ་ཅང་གི་རིན་ཐང་ཆེ་བའི་ཚེ་སྲོག་དེ་དག་ལ་ང་འགྱོད་པ་སྐྱེས་ཀྱི་འདུག
རེད་ཡ་་་་ང་ཚོའི་བོད་ཀྱི་ལུགས་སྲོལ་ལ་ཀླུད་ཟེར་བ་ཞིག་འཕེན་སྲོལ་ཡོད་མོད་འོན་ཀྱང་ད་ལོའི་ཚེས་༢༩དགོང་མོའི་ཀླུད་དེ་རྒྱ་ནག་གི་དཔོན་རིགས་གཉིས་ཀྱི་ཞབས་བརྟན་ཡིན་ནམ་ཡང་ན་བོད་སྤྱི་ལ་ཕན་པའི་ལས་འགུལ་གལ་ཆེན་ཞིག་གི་མོས་བ་འཛིན་གྱི་ཡོད།
ཀླུད་ཟེར་བ་དེ་ཁྱིམ་ཚང་ནང་དུ་ནད་པ་འདྲ་ཞབས་བརྟན་དང་ཆོ་ག་བྱེད་དུས་ཀླུད་ཞེས་ནད་པའི་རང་གཟུགས་ཤིག་བཟོས་ནས་གཏོར་མ་དང་མཉམ་དུ་གཡུག་སྲོལ་ལས་་་ད་ཐེང་གི་ཀླུད་འདི་ཡང་རྒྱ་ནག་གི་དཔོན་རིགས་གཉིས་ལ་ངོ་རྒོལ་ཡིན་ནམ་ཁོང་གཉིས་ཀྱི་ཞབས་བརྟན་ཡིན་སུས་ཤེས།
ཡག་པོ་རེད། མི་རིགས་ཀྱི་འཐབ་རྩོད་ལ་འདྲ་མིན་ཡོད་རེད། སྣ་མང་རང་བཞིན་གྱི་འཐབ་རྩོད་བྱུང་ན་མི་རིགས་དེས་ནུས་པ་ཐོན་གྱི་ཡོད་པའི་མཚོན་དོན་ཞིག་རེད།
དྲ་གྲོགས་གཉིས་ཀྱི་ཁུངས་འཁྱོལ་ཐབས་མེད་ ཞེས་པ་དང་ ཕྲུ་གུའི་རྩེད་མོ་ཞེས་པ་འཐབ་རྩོད་ཀྱི་ངོ་བོ་མ་ཤེས་པའི་སྐྱོན་རེད འཐབ་རྩོད་ལ་རྩོམ་རིག་གྱི་བསམ་བློ་ནང་བཞིན་ཡོད་པ་མ་རེད། ནམ་ཡང་སྐད་ཆ་སྦོམ་སྦོམ་རེ་བཤད་པ་ལས་འདི་ཚོ་ལ་དགའ་བ་རེ་སྒོམ་ན་བཟང་།
ཕྲུ་གུ་ཚོའི་རྩེད་མོ་རེད།
ཡག་པོ་མ་རེད་ཟེར་ནས་བཤད་དཀའ་ན་ཡང་། ལས་འགུལ་འདི་འདྲ་ཞིག་གིས་ནམ་ཡང་ཁུངས་འཁྱོལ་ཐབས་མེད་པ་རེད།