ཁོང་གི་མཛད་འཕྲིན།

ཉིན་འདི་དག་རིང་༧གོང་ས་མཆོག་གིས་ལྷོ་ཕྱོགས་སུ་གདན་ས་ཁག་གི་དགེ་འདུན་པ་རྣམས་ལ་བསྙེན་རྫོགས་དང་དགེ་སློང་གི་སྡོམ་རྒྱུན་སྩོལ་བཞིན་ཡོད་པ་རེད།

ཕྱི་ཚེས་ ༢༡ ཉིན་རྒྱབ་ཆུ་ཚོད་ ༡༢།༣༠ ཙམ་ནས་ཕྱི་དྲོའི་ཆུ་ཚོད་ ༥ བར་སེར་བྱེས་གྲྭ་ཚང་དུ་སེར་སྐྱ་མི་མང་ཡོངས་ལ་༧གོང་ས་མཆོག་གིས་རྟ་མགྲིན་ཡང་གསང་གུ་དབང་གནང་ཡོད་ཅིང་། ཉིན་དེར་ཁོང་གིས་ཆོ་ག་ངོ་སྤྲོད་དང་འབྲེལ་གསུངས་དོན། ཁོང་ཐེངས་འདིར་སེ་ར་དགོན་དུ་ཕེབས་དོན་ནི་གདན་ས་གསུམ་དང་རྒྱུད་གྲྭ་སྟོད་སྨད་གཉིས། བཀྲ་ཤིས་ལྷུན་པོ་དགོན་པ་བཅས་ཀྱི་དགེ་འདུན་སྟོང་ཕྲག་བརྒལ་བར་བསྙེན་རྫོགས་ཀྱི་སྡོམ་པ་གནང་དགོས་སྟབས། དགེ་འདུན་པ་དེ་དག་ཡར་ངྷ་སར་ཡོང་མ་དགོས་པར་ང་འདིར་ཡོང་བ་ཡིན་ལ། དེ་བཞིན་གདན་སར་བཞུགས་པའི་བླ་སྤྲུལ་དགེ་བཤེས་བགྲེས་སོང་ཁ་ཤས་ལ་ཐུག་དགོས་བསམ་པ་བྱུང་ནས་ཡིན་ཅེས་གསུངས་སོང་ལ། ཁོང་གིས་ཉིན་ལྟར་ཞོགས་པའི་ཆུ་ཚོད་ ༨ པ་ནས་དབུ་འཛུགས་ཀྱིས་ཕྱི་དྲོའི་ཆུ་ཚོད་ ༣ པ་བར་དགེ་འདུན་པ་ ༩༠ རེར་བསྙེན་རྫོགས་ཀྱི་སྡོམ་རྒྱུན་སྩོལ་གྱིན་ཡོད་ཅིང་། འདིར་བཞུགས་རིང་ཁྱོན་སྡོམ་གདན་ས་གསུམ་དང་རྒྱུད་སྟོད་སྨད། བཀྲ་ཤིས་ལྷུན་པོ་དགོན་པ་བཅས་ཀྱི་དགེ་འདུན་པ་སྟོང་ཕྲག་བརྒལ་བར་དགེ་སློང་གི་སྡོམ་རྒྱུན་སྩོལ་རྒྱུ་ཡིན་འདུག