ཕྱི་ཚེས་ ༥ ཉིན་རྔ་པ་རྔ་སྟོད་སྒོ་མང་གྲྭ་ཚང་གི་དགེ་འདུན་པ་དང་སེར་སྐྱ་མི་མང་ལྷན་འཛོམས་ཀྱིས། བོད་རྒྱ་ལག་ཏུ་ཤོར་ནས་མི་ལོ་ལྔ་བཅུའི་ལོ་ནག་སྲུང་གཙི་བྱ་དགོས། བོད་མིར་ཞི་བདེ་དང་རང་དབང་དགོས། བོད་མི་རྩམ་གཟན་ཚང་མ་ལོངས་ཤོག ཅེས་སྐད་འབོད་བྱས་འདུག
ད་སོ་མ་རྒྱ་གར་ལྷོ་ཕྱོགས་སྒོ་མང་གྲྭ་ཚང་གི་གྲྭ་གསུང་རབ་རྒྱ་མཚོས་འདི་ག་གསར་ཁང་ལ་གནས་ཚུལ་མཁོ་སྤྲོད་བྱས་པ་ལྟར་ན། སྤྱི་ཟླ ༣ པའི་ཚེས་ ༥ ཉིན་མདོ་སྨད་རྔ་པ་རྔ་སྟོད་སྒོ་མང་གྲྭ་ཚང་གི་དགེ་འདུན་པ་ ༢༠ ལྷག་གིས་སྣེ་ཁྲིད་འོག ཚོ་དྲུག་གྲོང་ཚོའི་མི་སྐྱ་སོགས་མི་གྲངས་ ༢༠༠ ལྷག་གིས་བོད་རྒྱ་ལག་ཏུ་ཤོར་ནས་མི་ལོ་ལྔ་བཅུའི་ལོ་ནག་སྲུང་བརྩི་བྱ་དགོས། ང་ཚོ་ལ་ཞི་བདེ་དང་རང་དབང་དགོས། བོད་མི་རྩམ་གཟན་ཚང་མ་ཡར་ལོངས་ཤོག ཅེས་དགོན་པ་ནས་སྤྱི་ལེ་ ༢ ལྷག་གི་མཚམས་སུ་ཞི་བའི་སྐད་འབོད་བྱས་ཡོད་པ་དང༌། ཁོང་ཚོ་མུ་མཐུད་རྔ་པ་རྫོང་ཐོག་ལ་འགྲོ་རྩིས་བྱེད་སྐབས། དགེ་འདུན་པ་ཚོའི་ནང་མི་དང་ཕ་མ་གཉེན་ཉེ་ཚོས་ངུ་འབོད་བྱེད་བཞིན་བཀག་འགོག་བྱས་ཤིང༌། དེར་ཡོད་རྫོང་ཉེན་རྟོག་པ་དང་དམག་མི་མང་པོས་མཐའ་བསྐོར་ཏེ། གྲྭ་བ་ཚོ་བཙན་གྱིས་ཕྱིར་དགོན་པར་ལོག་གི་བཅུག་ཡོད་པ་དང༌། གྲྭ་ཏིང་འཛིན་ཞུ་བ་ཞིག་འཛིན་བཟུང་བྱས་ཡོད་འདུག ད་ལྟ་རྔ་སྟོད་སྒོ་མང་གྲྭ་ཚང་གི་ཕྱོགས་ཡོངས་སུ་དམག་མིས་བསྐོར་ཏེ་དམ་དྲག་བྱས་ཡོད་པ་མ་ཟད། དགེ་འདུན་པ་དང་མི་སྐྱ་ཚོ་དགོན་པའི་ནང་འགྲོ་འོང་བྱེད་པར་བཀག་སྡོམ་བྱས་འདུག་ཟེར།
རྒྱ་ནག་གི་གསར་ལམ་ཁག་ཅིག་ཏུ་ཉེ་ཆར་རང་ལུས་མེར་བསྲེགས་གཏོང་མཁན་གྱི་དགེ་འདུན་པ་བཀྲ་བྷེ་ལགས་འཆི་སྐྱོན་བྱུང་མེད་པར་ད་ལྟ་གསོན་ཡོད་ཚུལ་བརྗོད་ཡོད་སྟབས། གནད་དོན་དེའི་སྐོར་གསར་འགོད་པས་ཁ་པར་བརྒྱུད་ཀིརྟི་དགོན་པའི་གྲྭ་ཚེ་རིང་ལགས་སུ་བཀའ་འདྲི་ཞུས་པར་ཁོང་གིས། དྲ་ལམ་ཁག་ཅིག་ཏུ་ཐོན་པའི་གནས་ཚུལ་ལྟར་ན། བཀྲ་བྷེ་ལགས་ད་ལྟ་གསོན་ཡོད་པ་མ་ཟད། ཉེ་ཆར་ཁོང་གི་ཕ་མ་གཉིས་ལ་སི་ཁྲོན་རྨར་ཁམས་དམག་མིས་སྨན་ཁང་ཞིག་ཏུ་སྐར་མ་ཁ་ཤས་རིང་ངོ་ཐུག་བཅུག་ཡོད་ཚུལ་དང༌། ད་ལྟ་སྨན་ཁང་དུ་ཆུ་འཐུང་ཐུབ་པ་དང་ཤིང་ཏོག་ཟ་ཐུབ་པའི་སྐོར་བརྗོད་འདུག གྲྭ་ཚེ་རིང་གི་མུ་མཐུད་དུ་བརྗོད་དོན། བཀྲ་བྷེ་ལགས་ཀྱི་ཕ་མ་གཉིས་ཁོང་ལ་ཐེངས་གཅིག་ཐུག་འཕྲད་བྱུང་ཡོད་པ་ཕལ་ཆེར་བདེན་པ་ཡིན་མོད། རྗེས་སུ་བསྐྱར་དུ་ཐུག་འཕྲད་བྱ་རྒྱུར་རྒྱ་གཞུང་གི་ཆོག་མཆན་ཐོབ་ཡོད་མི་འདུག འོན་ཀྱང༌། ཁོ་རང་མེར་བསྲེགས་བཏང་བའི་གནས་སྟངས་ལ་གཞིགས་ན། ཉིན་ཁ་ཤས་ལས་གསོན་ཐབས་བྲལ་བ་ཆགས་ཡོད། ད་ལྟའི་ཆར་ཞིབ་ཕྲའི་གནས་ཚུལ་གསལ་བོ་ཤེས་རྟོགས་ཐུབ་ཀྱིན་མི་འདུག ཅེས་བརྗོད་བྱུང༌།
གསར་འགོད་པ་དོན་གོ་ཡིན།
རང་སྲོག་འབེན་དུ་བཙུགས་ཟེར་བ་དང་རང་སྲོག་བློས་བཏང་ཟེར་བ་དེ་བོད་ནང་གི་རྒྱལ་ཞེན་པ་འདི་དག་རེད། བཙན་བྱོལ་དུ་གཞོན་ནུས་སྣེ་ཁྲིད་དེ་མ་ཤི་བར་དུ་ཟས་བཅད་ངོ་རྒོལ་ཞེས་རྫིག་ཉམས་རེ་སྟོན་པ་ལས་ད་ལྟ་པར་དུ་སུ་ཤི་ཡོད ། ད་དུང་བོད་ནང་དུ་ཞི་བའི་གོམ་བགྲོད་བྱེད་ཀྱིས་ཡིན་ཞེས་ཐ་ཚིག་རེ་བསྒྲགས་པ་ཚམ་ལས་ད་ལྟ་བར་དུ་སུ་བོད་ནང་ལ་གོམ་བགྲོད་བྱས་སླེབས་ཡོད། བཙན་བྱོལ་ནང་གི་ལས་འགུལ་ཕལ་ཆེར་མཐར་གཏུག་ན་དཔལ་འབྱོར་འདུ་འགོད་ཀྱི་སྲིད་ཇུས་ཁོ་ན་ཡིན། འེ་རེད།
དངོས་གནས་བོད་ཀྱི་གནད་དོན་ཟེར་བ་ཞིག་ད་ལྟ་གོ་ཐོས་ཡོད་པ་འདི་རང་ལུས་དང་རང་སྲོག་བློས་གཏོང་བྱེད་མཁན་གཞིས་ལུས་བོད་མི་ཁོ་ཚོས་བཀའ་དྲིན་ཁོ་ན་རེད། འོན་ཀྱང་ང་ཚོ་བཙན་བྱོལ་བོད་པ་ཚོས་ག་རེ་འཇོན་ཡོད་པ་རེད། མི་ལོ་ལྔ་བཅུ་འགོར་བའི་དུས་དྲན་ལ་བོད་ནང་གི་བོད་མི་ཚོས་རང་སྲོག་བློས་གཏོང་བྱེད་ཀྱི་འདུག བཙན་བྱོལ་བ་ཚོས་ཁ་མཁས་ཀྱི་ཚིག་སྙན་པོ་རེ་བཤད་དེ་འཚོགས་འདུ་རེ་འཚོགས་རྒྱུ་ལས་ཅི་ཞིག་བྱེད་ཐུབ་ཡོད།
བོད་ཅེས་པ་དེའི་སྲོག་རྩ་ཕྲ་མོ་དེ་མ་ཆད་པར་གནས་ཡོད་པ་ནི་རང་ཉིད་བློས་གཏོང་ནུས་པའི་སྐྱེས་བུ་དམ་པ་འདི་དག་གི་བཀའ་དྲིན་ཁོ་ན་ཡིན།
ཨོ་ཐུགས་རྗེ་ཆེ།འདི་མེ་བསྲེག་མ་བཏང་སྔོན་རེད་རྗེས་རེད།པར་ལ་བལྟས་ན་མེ་བསྲེག་ཐེབས་པ་མཐོང་གི་མི་འདུག།བཀྲ་བྷེ་ཡིན་ན་གནས་ཚུལ་གསར་བ་རེད་འདྲ་པར་རྩ་ཆེན་རེད།
ཨོ་་་ཁྱོད་བདེན། གོང་གི་འདྲ་པར་དེ་གཉིས་ཕྱི་ཟླ་ ༢ ཚེས་ ༢༧ ཉིན་ཨ་མདོ་རྔ་པ་ཀིརྟི་དགོན་པའི་དགེ་འདུན་པ་བཀྲ་བྷེ་ལགས་ཀྱིས་རང་ལུས་མེར་བསྲེགས་གཏོང་སྐབས། རྒྱ་ནག་གི་ཉེན་རྟོག་པས་ཁོང་ལ་མེ་མདའ་ཐེངས་གསུམ་བརྒྱབས་ཏེ། ས་ལ་འགྱེད་ཡོད་པའི་སྐབས་ཀྱི་པར་རེད།
འདྲ་པར་འདི་དུས་ནམ་ཞིག་གི་རེད།འགྲེལ་བཤད་གསལ་བོ་ཞིག་བྱས་ན་གང་འདྲ་འདུག
ཐུགས་རྗེ་ཆེ། ཁོང་རྣམ་པས་ཐུགས་རྗེ་ལ་བརྟེན་ནས་བོད་ཟེར་བ་ཞིག་ཤི་མེད་པ་གསལ་སྟོན་གནང་ཐུབ་ཀྱི་ཡོད་པ་རེད། དེ་མིན་ག་རེ་ཡོད་དམ།