མདོ་སྨད་ཀླུ་ཚང་དགོན་པའི་གྲྭ་པ་ ༡༠༩ བཀག་སྡོམ་ས་གནས་གཞན་ཞིག་ཏུ་གནས་སྤོར་བཏང་ཡོད་འདུག་ལ། དེ་ནི་གསུམ་བཅུའི་དུས་དྲན་ཐེངས་ ༥༠ ཉིན་ཞི་བའི་ངོ་རྒོལ་མི་ཡོང་བའི་ཆེད་དུ་ཡིན་འདུག
འདི་ལོའི་བོད་ས་གླང་ལོའི་ལོ་གསར་ཚེས་གཅིག་ཉིན་མདོ་སྨད་ཀླུ་ཚང་དགོན་དུ་གྲྭ་པ་ ༢༠༠ ལྷག་གིས་མར་མེ་ཁྲོམ་སྐོར་དང་རྫོང་སྲིད་གཞུང་གི་སྒོ་འགྲམ་བར་ཞི་བའི་གོམ་བགྲོད། ཟས་བཅད་ངོ་རྒོལ་སོགས་ཀྱི་ལས་འགུལ་སྤེལ་ཡོད་སྟབས། དེ་ནས་བཟུང་རྒྱ་ནག་གིས་ཀླུ་ཚང་དགོན་པར་སྔར་བས་དྲག་དམག་དང་ཉེན་རྟོག་དམག་མི་འཕར་སྣོན་གྱིས་དམ་དྲག་བྱེད་ཤུགས་ཆེ་རུ་བཏང་ཡོད་ལ། སང་ཉིན་སྟེ་གསུམ་བཅུའི་དུས་དྲན་ཐེངས་ ༥༠ ཉིན་གྲྭ་མང་གིས་སྔར་བཞིན་ཞི་བའི་ངོ་རྒོལ་མི་ཡོང་ཆེད། རྒྱ་གཞུང་གིས་མདོ་སྨད་ཀླུ་ཚང་དགོན་གྱི་གྲྭ་པ་ ༡༠༩ ལྷག་ཀླུ་ཚང་དགོན་ནས་བཀག་སྡོམ་ས་གནས་གཞན་ཞིག་ཏུ་གནས་སྤོར་བྱས་ཡོད་འདུག
དེ་རིང་བོད་ནང་ནས་མི་གཅིག་འགུལ་བ་ཡིན་ན་ཡང་། རྒྱ་ནག་གི་དམིག་མི་བཅུ་ཡིས་བསྐོར་དེ་མིག་གི་ལྟ་དབང་དང་སེམས་ཀྱི་དྲན་དབང་མི་སྟེར་བའི་གང་ཞིག་དུ་འཁྲིད་འགྲོ་ངེས་ཡིན། དེའི་ཕྱིར་བོད་ནང་གི་བོད་མི་དག་གིས་སྐོ་སྐབས་ལ་སྒུག་ནས་རང་རང་གི་ཚེ་སྲོག་གི་བདེན་འཇག་ལ་འགན་ལེན་བྱེད་ཐུབ་པ་ཡིན་ན་དེ་བས་ཀྱང་བོད་དོན་ལ་ཕན་པ་ད་ལྟའི་འཆར་ལྷག་མེད་པ་རེད།