ཕྱི་ཟླ་ ༣ ཚེས་༨ ཉིན་གྱི་ཉིན་གུང་ཙམ་ནས་མདོ་སྨད་རྭ་རྒྱ་དགོན་པར་དམག་མིའི་རླངས་འཁོར་ཁ་ཤས་སླེབས་ཏེ། སྔར་བས་དམ་དྲག་བྱེད་ཤུགས་ཆེ་རུ་བཏང་ཡོད་ནའང་། དགོན་པའི་གྲྭ་བ་རྣམས་ཀྱིས་ཐབས་ཤེས་སྣ་ཚོགས་བཏང་ནས་ཡི་གེ་བཀྲམས་པ་དང་རྒྱལ་དར་བསྒྲེངས་པ་སོགས་ཀྱི་གནས་ཚུལ་བྱུང་ཡོད་འདུག
དེ་རིང་གློག་འཕྲིན་བརྒྱུད་བོད་ནས་ཐད་ཀར་གནས་ཚུལ་འབྱོར་བ་ལྟར་ན། ཕྱི་ཚེས་༩ དགུང་མོ་རྭ་རྒྱ་དགོན་པའི་ཚོགས་ཆེན་འདུ་ཁང་སྟེང་བོད་ཀྱི་དར་ཆ་ཞིག་འཕྱར་ཡོད་འདུག་ལ། ཚེས་ ༡༠ ཉིན་གྱི་ཞོགས་པར་ཚོགས་འཚོགས་སྐབས་ཀྱང་གྲྭ་པ་མང་བོས་མཐོང་ཡོད་འདུག དེ་བཞིན་ཆོས་གྲྭའི་ནང་དུའང་བོད་ཀྱི་དཔའ་བོ་དཔའ་མོ་ཚོར་རྗེས་དྲན་བྱེད་དགོས་པའི་ཡི་གེ་ཧ་ཅང་མང་པོ་བཀྲམས་ཡོད་འདུག སྐབས་དེར་ས་གནས་རྒྱ་གཞུང་ལས་བྱེད་མི་སྣས་དགེ་བསྐོས་ལ་དགོན་པའི་འདུ་ཁང་སྟེང་འཕྱར་བའི་དར་ཆ་དེ་ལེན་དགོས་པའི་བཀའ་བཏང་མོད། དགེ་བསྐོས་ནས་ཁ་ཡ་མ་བྱས་པས་ལས་བྱེད་པ་ཁོ་ཚོ་རང་ཉིད་ཀྱིས་ལེན་དགོས་བྱུང་འདུག
གྲྭ་བ་ཚོས་བཤད་པ་ལྟར་ན་དགོན་པའི་སྲང་ལམ་ཀུན་ན་ཚེས་ ༩ དགོང་མོའི་དུས་ཚོད་བཅུ་ཡས་མས་སུ་ནང་དོན་དེ་འདྲའི་ཡི་གེ་མང་པོ་བཀྲམས་འདུག་པར་བཤད་མོད། འོན་ཀྱང་དེ་དག་ཉེན་རྟོག་པས་ཐད་ཀར་བསྒྲུགས་འདུག་ནའང་། ཆོས་གྲྭའི་ནང་གི་ཡི་གེ་དེ་དག་ལྷག་འདུག
ཉིན་དེ་ནས་བཟུང་ལྟ་རྟོག་མི་སྣ་ཇེ་མང་དུ་བཏང་བ་དང་། སྲང་བར་དུ་གར་ཡོང་མི་ཤེས་པའི་མི་སྐྱ་དཀྱུས་མའི་ལྭ་བ་གྱོན་མཁན་ཇེ་མང་དུ་སོང་བ་མ་ཟད། ཚེས་ ༡༡ ཉིན་གྱི་ཕྱི་དྲོར་ཡང་དར་ཆ་ཞིག་འདུ་ཁང་གི་ཟུར་དུ་བཙུགས་འདུག་མོད་དེ་ཡང་དམག་མིས་བླངས་འདུག དེང་སྐབས་རྒྱ་གཞུང་གི་འབྲེལ་ཡོད་མི་སྣས་ཚོགས་འདུ་འཚོགས་ནས་བླ་མ་ལས་སྣེ་རྣམས་ལ་དར་ཆ་འཕྱར་མཁན་དང་ཡིག་ཆ་འགྲེམས་སྤེལ་བྱེད་མཁན་སུ་ཡིན་མིན་ཐད་འདྲི་རྩད་སྣ་ཚོགས་བྱས་ཏེ་དཀའ་ལས་ཆེན་པོ་བཟོ་བཞིན་ཡོད་ནའང་། ཉིན་མང་པོའི་རིང་ལ་ཡི་གེ་བཀྲམས་རྒྱུ་མཚམས་མ་ཆད་པར་མང་དུ་ཐོིན་ཀྱིན་ཡོད་འདུག་ལ། ཐ་ན་ཉེན་རྟོག་ཁང་གི་རྭ་བའི་ནང་དུ་ཡང་བཀྲམས་ཡོད་འདུག
ད་ལྟའི་ཆར་དགོན་པ་དམག་གིས་མནན་ནས་འོབ་དོང་རྐོ་བ་དང་། གྲྭ་པ་རེ་རེ་བྱས་ནས་འདྲི་རྟོག་བྱེད་བཞིན་ཡོད་ལ་ཁག་ཐེག་ཡི་གེ་འབྲི་རུ་འཇུག་པ་དང་པར་སྣ་ཚོགས་ཞིག་རྒྱག་གི་ཡོད་འདུག
ང་ཚོས་བོད་ནང་གི་གནས་ཚུལ་རེ་དྲ་ཐོག་ནས་ཀློག་བཞིན་བསམ་ཚུལ་རེ་བྲིས་དེ་བསྡོད་རྒྱུ་ལས་གང་ཡང་བྱེད་མི་ཐུབ་པ་འདི་ལ་བསམ་ན་ལྷག་དུ་སེམས་སྐྱོ་བ་ཞིག་མ་རེད་དམ། ང་ཚོ་བོད་མིར་སྐྱེ་ན་ཡང་བོད་དོན་གང་ཡང་བྱེད་མ་ཐུབ་དོན་གང་ཡིན་ནམ། དངོས་ནས་འདི་ལྟར་བསམ་བཞིན་བསམ་བཞིན་དེ་ལས་ཀྱང་སེམས་པ་སྡུག་པ་ཞིག་མ་རེད་དམ། དྲ་གྲོགས་ཚོ་་་
བདེན་གི་ཡ།གནས་ཚུལ་འདི་གོ་དུས་ཡིད་སྐྱོ་བྱུང་།
རྒྱ་རྒན་ཚང་འདི་བ་སྡུག་གི་ཡ
ཤིང་བཟའ་སྐུ་གོང་མ་དེ་ཡང་མ་དམག་དང་ཐུག་པའི་ལོ་རྒྱུས་ཤིག་གོ་མྱོང་། ཕལ་ཆེར་སྐུ་འདི་བས་ཀྱང་དེའི་མཇུག་སྐྱོང་དགོས་པ་འདྲ་བོ་ཞིག་འདུག