མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

ལོ་ཧྲིལ་བོ་ཞིག་ལ་བཀའ་བློན་ཁྲི་པ་འཚོལ་རྒྱུ་ཡིན །

བོད་ཀྱི་དུས་བབ།
༢༠༠༩/༠༤/༠༨
Share on FacebookShare on TwitterShare on EmailShare on Whatsapp

བཞུགས་སྒར་ངྷ་རམ་ས་ལའི་བོད་རྒྱལ་ཡོངས་མང་གཙོ་ཚོགས་པས་བོད་པ་སྐྱབས་བཅོལ་དུ་འབྱོར་ནས་མི་ལོ་ ༥༠ འཁོར་བའི་དུས་དྲན་དང་བསྟུན་ཏེ། རྒྱ་གར་གཞུང་དམངས་ལ་གསོལ་བ་སྨོན་ལམ་ཆོས་ཀྱི་ཆོ་ག་ཞིག་བསྒྲུབ་རྒྱུ་དང་གཞོན་སྐྱེས་ཚོར་ཆབ་སྲིད་ཀྱི་ཟབ་སྦྱོང་སྤྲོད་རྒྱུ། འབྱུང་འགྱུར་ ༢༠༡༡ ལོའི་བཀའ་བློན་ཁྲི་བའི་སྐོར་ལ་ལས་འགུལ་རྒྱ་ཆེན་སྤེལ་རྒྱུ་ཡིན་སྐོར་སོགས་བརྗོད་སོང༌།

 

དེ་རིང་ཞོགས་པ་བོད་རྒྱལ་ཡོངས་མང་གཙོ་ཚོགས་པས་འབྱུང་འགྱུར་གྱི་ལས་འཆར་ཁག་ཅིག་གི་ཐད་གསར་འགོད་གསལ་བསྒྲགས་ཤིག་སྤེལ་ཡོད་པ་དང༌། སྐབས་དེར་ཚོགས་གཙོ་མཆི་མེད་གཡུང་དྲུང་ལགས་ཀྱིས་ལས་ཁག་ངོ་སྤྲོད་གནང་དོན། ད་ལོ་ང་ཚོ་སྐྱབས་བཅོལ་བ་ཆགས་ནས་མི་ལོ་ ༥༠ འཁོར་བའི་དམིགས་བསལ་གྱི་ལོ་ཞིག་ཡིན་ལ། ༢༠༡༠ ལོ་ནི་ཆབ་སྲིད་ཚོགས་པ་ཞིག་ལ་མཚོན་ན་བཀའ་བློན་ཁྲི་པའི་འོས་གཞི་ཁྱབ་བསྒྲགས་བྱ་དགོས་པའི་ལོ་ཞིག་ཡིན། རྒྱལ་ཡོངས་མང་གཙོ་ཚོགས་པར་ལོ་འདི་གཉིས་ཧ་ཅང་གིས་གལ་ཆེན་ཆགས་ཡོད། ལོ་ ༥༠ འཁོར་བར་རྒྱ་གར་མི་མང་ལ་བཀའ་དྲིན་བརྗེད་དྲན་ཞུ་དགོས་པ་དང༌། མང་གཙོ་ཚོགས་པའི་ངོས་ནས་རྒྱ་གར་མི་མང་ལ། རྒྱ་གར་གཞུང་དང་མི་མང་གི་བདེ་འཇགས་དང་བྱ་བཞག་ལ་གྲུབ་འབྲས་ཐོབ་པར་སྨོན་ལམ་གྱི་ཞབས་བརྟན་ཞིག་གོ་སྒྲིག་ཞུ་རྒྱུ་ཡིན། རྒྱ་གར་མི་རིགས་འདི་ཆོས་དད་ཆེན་པོ་ཡོད་པའི་མི་རིགས་ཤིག་ཡིན་སྟབས། ཆོས་ཕྱོགས་ནས་སྨོན་ལམ་དང་ལས་འགུལ་སྤེལ་ན་དོ་སྣང་དང་ཕན་པ་ཡོང་གི་རེད། དེ་བཞིན་༧གོང་ས་མཆོག་གིས་ད་ལྟའི་བར་བོད་རྒྱལ་ཡོངས་མང་གཙོ་ཚོགས་པར་བཀའ་སློབ་གནང་བ་རྣམས་ཕྱོགས་བསྡུས་ཀྱི་དེབ་གཅིག་དང༌། དམངས་གཙོའི་རྨང་གཞིའི་ཤེས་བྱའི་སྐོར་ཀྱི་དེབ་ཅིག་བཅས་དེབ་གཉིས་བོད་ཡིག་ནང་དཔར་བསྐྲུན་བྱ་རྩིས་ཡོད།

 

ཨི་ཊ་ལིར་ཡོད་པའི་འཛམ་གླིང་ལས་འགུལ་ཚོགས་པའི་འབྲེལ་མཐུད་འོག བོད་ཀྱི་འབྱུང་འགྱུར་གྱི་མི་རབས་དང་ཁ་ཚ་དགོས་གཏུགས་ཀྱི་ད་ལྟའི་གནས་བབ་ལ་ཁ་ཕྱོགས་ཏེ། ཨི་ཊ་ལིའི་མངའ་སྡེ་སིའི་ན་རུ། ད་ལྟ་རྒྱ་གར་ནང་ཆབ་སྲིད་ཚན་རིག་སློབ་གཉེར་གནང་མཁན་བོད་རིགས་སློབ་ཕྲུག་ ༡༥ ལ། ཉིན་ ༡༥ རིང་དམངས་གཙོ་དང་མགོ་ཁྲིད་ཀྱི་ཟབ་སྦྱོང་རྒྱས་པ་ཞིག་ཨི་ཊ་ལིའི་མཁས་དབང་དང་སློབ་དཔོན་ཁག་གིས་སྤྲོད་རྒྱུར་གོ་སྒྲིག་ཞུ་འཆར་ཡོད། དམིགས་བསལ་ཚོགས་ཆེན་སྐབས་བོད་ཀྱི་ཆབ་སྲིད་སློབ་གཉེར་བ་ཚོར་དམིགས་བསལ་གསོ་སྐྱོང་དགོས་པའི་གླེང་སློང་ཤུགས་ཆེན་བྱུང་བ་བཞིན། ད་ལོའི་ལོ་མཇུག་ལ་རྒྱ་གར་ནང་དུ་བོད་ཀྱི་མཐོ་རིམ་སློབ་མ་ཚོར་མགོ་ཁྲིད་ལས་རིགས་ཀྱི་ཟབ་སྦྱོང་ཞིག་ཀྱང་སྤྲོད་རྩིས་ཡོད། དེ་བཞིན་བཀའ་ཁྲིའི་འོས་འདེམས་ལ། བོད་མི་དམངས་དང་བོད་རྒྱལ་ཁབ་ཀྱི་ལས་དབང་ལ་འགྱུར་བ་གཏོང་ཐུབ་མཁན་གྱི་བཀའ་ཁྲི་ཞིག་ཡོང་ཆེད། མང་གཙོ་ཚོགས་པ་ནི་ཆབ་སྲིད་ཀྱི་ཚོགས་པ་ཞིག་ཡིན་སྟབས་ཆ་ཤས་རྒྱ་ཆེ་ས་ནས་བླངས་ཏེ། ལས་འགུལ་སྤེལ་འཆར་ཡོད། ཅེས་གསུངས་བྱུང༌།

 

ཁོང་གིས། སློབ་ཕྲུག་ཚོའི་ཟབ་སྦྱོང་འདི་ལ་རེ་བ་གང་འདྲ་བརྒྱབས་ཡོད་མེད་ཐད་གསུངས་དོན། ད་ལྟའི་བར་རྒྱ་གར་ལུང་བར་གནད་དོན་འདྲ་མིན་ཐོག་ཟབ་སྦྱོང་རབས་དང་རིམ་པ་མང་པོ་སྤྲོད་ཀྱིན་ཡོད་ཀྱང༌། ཟབ་སྦྱོང་སྤྲད་དེ་མི་འདི་འདྲ་ཞིག་སྐྱེས་སྲིང་བྱས་ཡོད་ཟེར་ནས་སྟོན་རྒྱུ་ཁག་པོ་རེད། དེ་ནི་རྒྱ་གར་ནང་འཚར་ལོངས་བྱུང་བའི་བོད་ཀྱི་སློབ་ཕྲུག་ཚོས། རྒྱ་གར་དུ་སློབ་སྦྱོང་བྱེད་པ་དང༌། རྒྱ་གར་ནང་དུ་ཟབ་སྦྱོང་ལ་ཞུགས་པ། རྒྱ་གར་ནང་ལས་ཀ་བྱེད་ཀྱིན་ཡོད་པ་སོགས་ཀྱིས་ཐོས་རྒྱ་མཐོང་རྒྱ་ཆུང་དྲགས་པ་དང་ཆབ་སྲིད་ལ་དོ་སྣང་མེད་པ་བཅས་འབྱུང་གིན་ཡོད། ང་ཚོས་གཞོན་སྐྱེས་ཆབ་སྲིད་ཚན་རིག་སློབ་གཉེར་བ་ཚོ། མ་འོངས་པ་རྒྱལ་སྤྱིའི་ཆབ་སྲིད་ཀྱི་གར་སྟེགས་སྟེང་ནས་སྐད་ཆ་བཤད་ཐུབ་མཁན་དང་བོད་མིའི་གནས་སྟངས་ལ་འགན་ལེན་ཐུབ་མཁན། བོད་རིགས་གཞོན་སྐྱེས་ཚོ་ཆབ་སྲིད་ལ་དོ་སྣང་སླེབས་ཐབས་བྱ་རྒྱུ་སོགས་ལ་དམིགས་ཏེ། རྒྱལ་ཁབ་ཕྱི་ལོགས་ནས་ཟབ་སྦྱོང་རག་པར་ཐབས་ཤེས་འཐེན་པ་ཡིན་ལ། ཟབ་སྦྱོང་དེ་ཡང་ཟླ་ ༩ ཚེས་ ༡༥ ནས་མགོ་འཛུགས་ཞུ་འཆར་ཡིན། ད་ལྟའི་བར་ང་ཚོས་རྒྱ་གར་ནང་ཆབ་སྲིད་ཚན་རིག་ལ་སློབ་གཉེར་གནང་བཞིན་པའི་བོད་ཀྱི་སློབ་མ་ ༩༠ བརྩད་འཚོལ་བྱུང་ཡོད་ལ། དེའི་ཁྲོད་ནས་སློབ་མ་ ༡༥ གདམས་གསེས་བྱ་རྒྱུ་ཡིན། འདེམས་སྟངས་དེ་ལ་དབུས་བོད་ཀྱི་གཞོན་ནུ་ལྷན་ཚོགས་ནས་རྒྱུན་ལས་གཅིག་དང༌། མང་གཙོ་ཚོགས་པའི་དབུས་རྒྱུན་ཟུར་བ་གཉིས། ཤེས་རིག་ལས་བྱེད་གཅིག་བཅས་མི་དྲུག་གིས་ཚོགས་ཆུང་ཞིག་འཛུགས་རྒྱུ་ཡིན། ཞེས་གསུངས་བྱུང༌།

 

ཁོང་གིས་མུ་མཐུད་དུ་གསུངས་དོན། སྔར་ང་ཚོ་མང་གཙོ་ཚོགས་པས་སྤྱི་འཐུས་འོས་གཞི་ཆ་ཚང་བཏོན་ཡོད་ལ། བཀའ་བློན་ཁྲི་བའི་འོས་གཞིར་ཡང་རྒྱབ་སྐྱོར་བྱས་ཡོད། ཡིན་ན་ཡང་ཡོང་རྒྱུ་བསྡད་པའི་བཀའ་བློན་དང་སྤྱི་འཐུས་དེ་ཚོ་སྔར་དང་མི་འདྲ་བར་གལ་ཆེན་ཆགས་ཡོད། རྒྱུ་མཚན་ནི་འོས་བསྡུ་སྔོན་མའི་སྐབས། ཟམ་གདོང་རིན་པོ་ཆེར་རྒྱབ་སྐྱོར་མང་ཤོས་ཆགས་ཏེ། འགྲན་ཡ་མེད་པའི་སྲོལ་ལྟ་བུ་ཆགས་ཡོད། འབྱུང་འགྱུར་གྱི་བཀའ་ཁྲི་དེ་མི་གསར་བ་ཞིག་ཡོང་དགོས་སྟབས། བོད་རྒྱལ་ཡོངས་མང་གཙོ་ཚོགས་པས་དམིགས་བསལ་གྱིས་འགན་ཆེ་ཙམ་ལེན་དགོས། ང་ཚོས་ ༢༠༡༠ ལོ་ཧྲིལ་བོ་འོས་གཞི་ཁྱབ་བསྒྲགས་ཆེད་གཏོང་རྒྱུ་ཡིན། ཞེས་གསུངས་བྱུང༌།

 

 

མཆན། 4

  1. གངས་བུ། says:
    ལོ་ 13 སྔོན།

    གོང་གི་ཚིག་རྐང་དེ་ཚོ་དམའ་འབེབས་དང་མཐོང་ཆུང་དང་བརྙས་བཅོས་ཡང་ན་ཟུར་ཟ་སོགས་གང་རེད་ཁྱོད་ཀྱིས་ངེས་ཟིན་པར་གྱིས། ངས་འདི་ནས་གོང་གི་མགོ་བརྗོད་་་་་ལོ་ཧྲིལ་བོ་ཞིག་ལ་བཀའ་བློན་ཁྲི་བ་འཚོལ་རྒྱུ་ཡིན་ཞེས་བྲིས་འདུག་པའི་ཚིག་དེ་གཅིག་པུ་ལ་ཟུར་ཟ་བྱས་བ་ལས་གཞན་གང་ཡང་མེད། ཁྱེད་རང་གིས་རྗེས་ཕྱོགས་བསམ་འཆར་སྤེལ་ན་ཡིག་ནོར་ལ་གཟབ་གཟབ་བྱོས ། འབྲི་མཁན་ངོ་མི་ཚ་ན་ཡང་ཀློག་མཁན་ངོ་ཚ་གི །

    Reply
  2. གངས་རིའི་གླིང་བུ། says:
    ལོ་ 13 སྔོན།

    ཚོ་ ཆད་འདུག་

    Reply
  3. གངས་རིའི་གླིང་བུ། says:
    ལོ་ 13 སྔོན།

    ཁྱེད་ཀྱིས་དེ་འདྲ་རྫིག་པོ་དང་དམའ་འབད་བཤད་དགོས་པ་མི་འདུག་སྙམ། ལས་འགན་འདི་ང་ཚང་མ་ལ་ཡོད་པ་མཁྱེན་དགོས་རེད།ཤེས་ཡོན་པ་དང་སྨྱུག་ཐོག་པ་བསམ་བློ་བ་དག་གི་འགན་བཞེས་སྟེ་མི་དམངས་ལ་ལམ་སྟོན་བཟང་པོ་ཞིག་དང་ཡང་དག་པ་ཞིག་བསྟན་རྒྱུ་གལ་འགངས་ཆེས་ཤོས་ཤིག་རེད་བསམ།རིག་པ་སྒྲིམ་དགོས་ཀྱིས་འདུག་དེ་ལྟར་མ་བྱས་ན་མི་དམངས་ཚ་ོཡང་གཡོ་ཅན་སྐུ་དྲག་ཚོའི་བསླུ་བྲིད་དང་གཡོ་འོག་དུ་ཚུད་པའི་གཉེན་ཁ་ཧ་ཅང་གི་ཆེ།

    Reply
  4. གངས་བུ། says:
    ལོ་ 13 སྔོན།

    བཀའ་བློན་ཁྲི་བ་རྐུན་མས་ཁྱེར་བ་འེ་རེད། བཤད་སྟངས་ལ་བལྟས་ན་རི་སྒང་ནས་བོར་བརླག་བྱུང་བ་ཡིན་ཤས་ཆེ། ཟོག་བཙལ་བཙལ་བྱས་དང་རྙེད་ཤས་ཆེ། བཙལ་ནས་རྙེད་དགོས་ན་མོ་རྩིས་ལུང་གསུམ་རེ་བྱས་ན་འེ་དགའ། ངས་ཡང་འདི་ནས་མོ་ཞིག་རྒྱག།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist