དེ་རིང་འདི་གར་གནས་ཚུལ་འབྱོར་བ་ལྟར་ན། མདོ་སྨད་མང་ར་ཀླུ་ཚང་དགོན་པའི་དགེ་འདུན་པ་དྲུག་དང༌། སུམ་མདོ་ཞང་གི་བོད་རིགས་ལས་བྱེད་བཀྲ་ཤིས་དོན་འགྲུབ། ཁོང་གི་སྤུན་ཆུང་སྦྱིན་པ་རྒྱ་མཚོ་བཅས་བསྡོམས་པའི་མི་ ༨ གློད་གྲོལ་བཏང་ཡོད་འདུག
ཉེ་སྔོན་ཕྱི་ཟླ་ ༢ ཚེས་ ༢༥ ཉིན་མདོ་སྨད་མང་ར་ཀླུ་ཚང་དགོན་པའི་དགེ་འདུན་པ་ཚོས་ཞི་བའི་མར་མེ་ཁྲོམ་སྐོར་བྱས་ཏེ། རྒྱ་གཞུང་ལ་ངོ་རྒོལ་བྱས་པའི་ཁྲོད་ནས་དགེ་འདུན་པ་ ༡༠༩ ཙམ་འཛིན་བཟུང་བཀག་གཉར་བྱས་ཡོད་ལ། ཟླ་ ༣ ཚེས་ ༢༡ ཉིན་དགེ་འདུན་པ་ ༡༠༣ ཙམ་གློད་གྲོལ་བཏང་ཡོད་ཀྱང། གྲྭ་འཇམ་དབྱངས་ཤེས་རབ་དང་འཇམ་དབྱངས་དངོས་གྲུབ། འཇམ་དབྱངས་མཁྱེན་རབ། ལུང་རྟོགས། ཀུན་བཟང་། ཐབས་མཁས་རྒྱ་མཚོ་བཅས་གྲྭ་བ་ ༦ མུ་མཐུད་བཀའ་ཉར་བྱས་ཡོད་མོད། ཉིན་འགའི་སྔོན་ལ་གོང་གི་གྲྭ་བ་དྲུག་དང་སུམ་མདོ་ཞིང་གི་ལས་བྱེད་བཀྲ་ཤིས་དོན་འགྲུབ། སྐབས་དེར་བོར་བརླག་ཏུ་ཕྱིན་པའི་བཀྲ་ཤིས་དོན་འགྲུབ་ཀྱི་སྤུན་ཆུང་སྦྱིན་པ་རྒྱ་མཚོ་བཅས་གློད་གྲོལ་བཏང་ཡོད་འདུག
འོན་ཀྱང་། གོང་གི་མི་དེ་དག་ད་བར་བཙོན་ཁང་ནས་གནས་སྟངས་ཅི་བྱུང་དང་གློད་གྲོལ་སྐབས་དངུལ་སྤྲད་ཡོད་མེད། དེ་བཞིན་ཁོང་རྣམས་ཕྱིར་རང་རང་གི་ལས་གནས་སུ་ཞུགས་ཆོག་མིན་བཅས་ཀྱི་གནས་ཚུལ་གང་ཡང་ཤེས་རྟོགས་བྱུང་མི་འདུག
འོ་་ཨ་ཁུ་རྭ་རྒྱ་བློ་དབང་ལགས་ཐུགས་རྗེ་ཆེ ། གོང་གི་ཚིག་དེའི་ནང་་ གྲོལ་་་ཆད་འདུག་པས་དེ་ལྟར་བཟོ་བཅོས་ཡོངས་བར་མཁྱེན །
བཙོན་གྲོལ་ཐོབ་པ་རྣམས་ལ་དགའ་བ་སྒོམ་བཞིན་འཚམས་དྲི་ཞུ།
“བོར་བརླག་ཏུ་ཕྱིན་པའི་བཀྲ་ཤིས་དོན་འགྲུབ་ཀྱི་སྤུན་ཆུང་སྦྱིན་པ་རྒྱ་མཚོ”ཟེར་བ་ལས་གར་ཁྲིད་ཆ་མེད་དུ་གྱུར་བའི་བཀྲ་ཤིས་་་་་་་་་བཀོད་ན་དོན་དང་མཐུན་པར་མཐོང་། ཉེ་སྔོན་འདི་དང་འབྲེལ་ཡོད་གསར་གནས་འགར་ཡང་བོར་བརླག་ཅེས་བཀོད་འདུག་པར་བསམ་ཚུལ་བཤད་འདོད་བྱུང་ཡང་སྐབས་ཤིག་བཏང་སྙོམས་སུ་བཞག་པ་ཡིན། “བོར་བརླག་”ནི་ཅ་དངོས་སོགས་སོ་སོས་གཟབ་ནན་མ་བྱས་པར་བོར་བའམ་གཡུགས་ནས་བརླག་སྟོར་སོང་བ་ལ་གོ་བར་སྙམ་པས་དཔྱད་པར་འཚལ།།
ས་སྐྱ་བོ་དེའི་ནང་ན་མེ་དམར་པོ་ཞིག་འབར་གིན་ཡོད།
གང་བུ་ལགས། ད་ལོ་ནི་བཅིངས་གྲོལ་གྱི་ལོ་ཡིན་ནམ། བཅིངས་ཀྱི་ལོ་ཡིན། བཅིངས་ཀྱི་ལོ་ཡིན་ན་ང་ཉོབ་སོང་།
མེ་མདའི་སོ་ཁ་ནས་ཐར་ཙམ་བྱུང་འདུག་དཔའ་རྒོད་ཚོ ། ད་དུང་བརྒྱད་སྟོང་བརྒྱད་བརྒྱ་མུན་ནག་ནང་དུ་ལས་ཡོད ། འདི་ཚོ་ལ་ང་ཚོས་བཅིང་གྲོལ་བྱེད་དགོས ། ཀླ་ཀློའི་ཚོགས་ནས་ལྕགས་སྒྲོགས་ཡོད་ཚད་གྲོལ་དགོས ། ད་ལོ་ནི་བཅིངས་ཀྱི་ལོ་ཡིན།
ཀླུ་ཚང་བུ་ལ་རིག་པའི་དབལ་ཁ་རྣོ། །
ཀླུ་ཚང་བུ་ལ་གནའ་དེང་བསྟན་བཅོས་མངའ། །
ཀླུ་ཚང་བུ་ལ་འཚོ་བའི་བདེན་པ་ལྡན། །
ཀླུ་ཚང་བུ་ཡི་ལ་རྒྱ་ངོ་སོ་བསྟོད། །
མུན་ནག་བཙོན་ཁང་གི་དཀའ་སྡུག །
བརྩེ་མེད་གཤིན་རྗེ་ཡི་གདུག་རྩུབ། །
དགྲ་ནག་འདྲེ་དམག་གི་མནར་གཅོད། །
མགོ་ནག་བོད་མི་ཚོས་བརྗེད་དཀའ། །
རྒྱལ་གཅེས་དཔའ་པོ་ཚོར་སེམས་བསམ་པའི་གཏིང་ནས་གུས་འདུད་ཞུ།
ཁྱེད་ཅག་གི་བླ་ན་མེད་པའི་ལྷག་བསམ་དང་འགྲན་ཟླ་མེད་པའི་སྙིང་སྟོབས་དེ་དུས་ནམ་ཡང་ངེད་གདོང་དམར་བོད་པ་ཚང་གི་སེམས་ཁོང་དུ་བརྟན་པར་སྨོན།